Ukrayna Silahlı Qüvvələrinin baş komandanına qiyabi həbs cəzası kəsildi

Ukrayna Silahlı Qüvvələrinin baş komandanı Mixail Drapatıy qadağan olunmuş müharibə vasitə və metodlarından istifadə etməkdə ittiham olunur. Bu səbəbdən ona qarşı qiyabi ittiham irəli sürülüb.

Publika.az xəbər verir ki, bu barədə "RİA Novosti" məlumat yayıb. Nəşr ittihamla bağlı xüsusi sənədlərə istinad edib. Qeyd edilib ki, Rusiya məhkəməsi artıq onun qiyabi həbsinə qərar verib.

İttiham Rusiya Cinayət Məcəlləsinin 356-cı maddəsinin 1-ci bəndi ilə bağlıdır. Bu maddə ilə 20 ilə qədər azadlıqdan məhrumetmə cəzası nəzərdə tutulur.

Nəşr onu da yazıb ki, Drapatının qiyabi həbsi barədə qərar bu ilin oktyabr ayında verilib.

Qeyd edək ki, Drapatıy 2026-cı ilin iyulun 21-dən Ukrayna Silahlı Qüvvələrinin baş komandanı vəzifəsini tutur. O, bu vəzifədə Prezident Volodimir Zelenskinin qərarı ilə Aleksandr Sırskini əvəz edib. Yayda onun adı Rusiya Daxili İşlər Nazirliyinin məlumat bazasında axtarışa verilənlər siyahısına salındı. Lakin Mixailin işi üzrə heç bir konkret maddə qeyd olunmamışdı.

Məllif: Tural