Genişmiqyaslı HÜCUM BAŞLADI – 250 min insan ölə bilər
Bizi izləyin

Yaxın Şərq

Genişmiqyaslı HÜCUM BAŞLADI – 250 min insan ölə bilər

Yəmənin hökumət ordusu və Səudiyyə Ərəbistanının başçılığı ilə ərəb koalisiyasının qoşunları Qırmızı dənizin sahilində yerləşən Xodeyda limanına hücuma başlayıb.

Publika.az xəbər verir ki, bu haqda hərbi mənbələrə istinadən “Al Arabia” telekanalı bildirib.

Koalisiyanın qoşunları Yəmənin ən böyük limanını “Ənsar Allah” şiə hərəkatından azad etməyi planlaşdırır. Yəmən hakimiyyəti son günlərdə şəhərin ətrafına güclər toplayırdı. Koalisiya hökumət qüvvələrini havadan və dənizdən dəstəkləyir.

Daha əvvəl BMT-nin humanitar məsələlərin koordinasiyası üzrə idarəsinin rəsmi nümayəndəsi Yens Lerk xəbərdarlıq edib ki, Xodeydaya hücum və şəhərin uzunmüddətli mühasirəsi 250 min insanın həyat və təhlükəsizliyini təhlükə altına qoyacaq. “The Wall Street Journal” nəşri iyunun əvvəlində yazmışdı ki, Birləşmiş Ərəb Əmirlikləri (BƏƏ) Xodeyda limanının azad edilməsi üçün ABŞ-dan hərbi kömək istəyib.

Xatırladaq ki, Yəməndə müharibə 2015-ci ilin yanvarında İranın dəstəklədiyi Husi qiyamçıları paytaxt Sananı tutması ilə başlayıb. Həmin ilin martında Səudiyyə Ərəbistanının başçılıq etdiyi koalisiya prezident Mənsur Hadini hakimiyyətə qaytarmaq üçün Yəmənə girib. Lakin koalisiya bu günə qədər istədiyi nəticəyə nail ola bilməyib.

Ömər Dağlı

Oxumağa davam et
Reklam
Reklam

Gündəm