Yaxın Şərq

Ərəb koalisiyasına zərbə: bu ölkə Yəməndən çıxır

30 Oktyabr 2019 20:44

Sudan hərbi kontingentini bu gündən Yəməndən çıxartmağa başlayır.

Publika.az TASS agentliyinə istinadən xəbər verir ki, bu haqda Sudan Suveren Keçid Şurasının sədrinin müavini Məhəmməd Xamdan Daqalo bildirib.

O, daha əvvəl dəfələrlə bildirib ki, Sudan hərbçilərinin Yəmən ərazisində olması ölkənin nüfuzuna ciddi zərbə vurur.

Qeyd edək ki, Yəməndə 2014-cü ilin avqust ayından Husi qiyamçıları ilə hökumət gücləri arasında qarşıdurma davam edir. Qarşıdurma 2015-ci ilin martında Səudiyyə Ərəbistanının rəhbərlik etdiyi koalisiyanın müdaxiləsi ilə aktiv mərhələyə keçib. Koalisiyaya Bəhreyn, Qətər, Küveyt, BƏƏ, Misir, İordaniya, Mərakeş, Pakistan və Sudan qoşulub.

Artıq 2015-ci ildə Sudan Səudiyyə Ərəbistanının xahişi ilə quru əməliyyatında iştirak üçün Yəmənə hərbçilərini göndərib. Hazırda Yəmən ərazisində Sudan hərbi kontingentinin tərkibi bir neçə min hərbi qulluqçu təşkil edir.