Yaxın Şərq

Milli Koalisiya Suriya müxalifətinə və xalqına ÇAĞIRIŞ ETDİ

8 Dekabr 2024 18:36

Suriyanın Müxalifət və İnqilabçı Qüvvələrin Milli Koalisiyası (MİQMK) silahlı müxalifət qruplarının nümayəndələrinə müraciət edərək ölkədəki dövlət əmlakının qayğısına qalmağa çağırıb.

Publika.az xəbər verir ki, bu barədə MİQMK-nın müvafiq bəyanatında deyilir.

“Biz Suriyanın bütün əyalətlərindəki xalqımızı müxtəlif dövlət əmlakına diqqət yetirməyə çağırırıq. Onların hamısı Bəşər Əsəd rejiminə deyil, xalqa məxsusdur ”, - bəyanatda bildirilib.

Xatırladaq ki, dekabrın 8-nə keçən gecə müxalifət qrupları Dəməşqi ələ keçirib. Suriya ordusu komandanlığı Əsədin hakimiyyətinin bitdiyini elan edib .

Daha sonra Rusiya Xarici İşlər Nazirliyi Əsədin prezidentlikdən getməyə qərar verdiyini və hakimiyyətin sülh yolu ilə ötürülməsi üçün göstərişlər verərək Suriyanı tərk etdiyini bildirib.

Hüseyn İbadlı