Yaxın Şərq

Suriyalılar Türkiyəni kütləvi şəkildə tərk edirlər: Son iki həftədə neçə nəfər qayıdıb?

25 Dekabr 2024 12:37

Suriyada hakimiyyət dəyişikliyindən sonra Türkiyədən vətənə qayıdan Suriya vətəndaşlarının sayı kəskin artıb.

Publika.az xəbər verir ki, bu barədə Türkiyənin daxili işlər naziri Əli Yerlikaya “Anadolu” agentliyinə müsahibəsində bildirib.

Onun sözlərinə görə, hazırda Türkiyədə 2 milyon 920 min 119 suriyalı qaçqın yaşayır. O qeyd edib ki, Suriyada hakimiyyət dəyişikliyindən sonra gedənlərin nisbəti 7 dəfə artıb.

“Əgər noyabrın 25-dən dekabrın 8-dək 3433 suriyalı könüllü olaraq Suriyaya qayıdıbsa, dekabrın 9-dan dekabrın 23-dək bu rəqəm 23 440 olub”, - nazir izah edib.

Geri qayıdanların yarıdan çoxu sərhədi Hatay vilayətindəki Gilvegezu keçid məntəqəsindən keçir. Ümumilikdə suriyalıların geri qayıtması üçün altı keçid məntəqəsi açılıb. Qaçqınların əksəriyyəti Türkiyənin Hatay və Qaziantep kimi sərhəd vilayətlərindən, həmçinin İstanbuldan gəlir.

Tural