Prezident baş nazir postuna namizədin adını açıqlayacaq

İsrail Prezidenti İsxak Hersoq noyabrın 8-i, bazar günü hökumət başçısı vəzifəsinə namizədin adını açıqlayacaq.

Publika.az xəbər verir ki, o, bu barədə cümə axşamı videomüraciətində məlumat verib və həmin vaxta qədər siyasi partiyaların liderləri ilə əlavə məsləhətləşmələr aparacağını bildirib.

Cümə axşamı daha əvvəl Knessetdə ümumilikdə 67 mandat qazanmış partiyalar hökumətin formalaşdırılmasını müxalifət lideri Qadi Ayzenkota həvalə etməyi tövsiyə ediblər. Daha bir neçə partiya isə 46 mandatla hazırkı Baş nazir Benyamin Netanyahunun namizədliyini dəstəkləyib.

Hersoq məsləhətləşmələrin nəticələrinin ilk baxışdan aydın görünə biləcəyini etiraf etsə də, siyasi qüvvələr arasında mövcud fikir ayrılıqlarının hələlik sabit hökumət formalaşdıra biləcək namizədin müəyyənləşdirilməsinə imkan vermədiyini vurğulayıb.

Prezidentin sözlərinə görə, vəziyyətə aydınlıq gətirmək üçün bəzi partiya liderləri ilə şəxsən görüşmək niyyətindədir. Hersoq bazar günü Knesset üzvlərindən birinə yeni hökuməti formalaşdırmağı həvalə etməyi planlaşdırır.

Hüseyn İbadlı