DİN-dən sürücülərə VACİB XƏBƏRDARLIQ
Bizi izləyin

Nəqliyyat

DİN-dən sürücülərə VACİB XƏBƏRDARLIQ

Daxili İşlər Nazirliyi Baş Dövlət Yol Polisi İdarəsi yağışlı havalarla bağlı sürücülərə və piyadalara müraciət edib.

Publika.az idarənin mətbuat xidmətinə istinadən xəbər verir ki, Ekologiya və Təbii Sərvətlər Nazirliyi havaların yağmurlu keçəcəyinə dair xəbərdarlıq edib: "Odur ki, sürücülər və piyadalar da bunu nəzərə almalıdır. Artıq respublikanın bir sıra bölgəsində yağmurlu hava müşahidə olunur. Bunu nəzərə alaraq DYP sürücülərin diqqətinə çatdırır ki, yağışlı havada sürət rejiminə ciddi əməl etsinlər. Çünki yay aylarından asfalt üzərində yığılıb qalan toz qatı yağış sularının təsiri altında yapışqan və sürüşkən təbəqəyə çevrilir ki, bu da sürətli hərəkət zamanı nəqliyyat vasitəsinin sürüşməsinə, əyləc ("tormoz") məsafəsinin uzanmasına gətirib çıxarır".

Yol polisi piyadaların da diqqətinə çatdırır ki, yağmurlu hava şəraitində yolun hərəkət hissəsinə qəflətən çıxmasınlar:

"Bu, ağır qəzalara səbəb ola bilər. Yol polisi bütün hərəkət iştirakçılarını qaydalara əməl etməyə çağırır".

Oxumağa davam et
Reklam
Reklam

Gündəm