Kolumbiyada DƏHŞƏTLİ QƏZA - 16 şagird öldü, 19-u yaralandı

Kolumbiyanın şimal-qərbində məktəb avtobusunun qəzaya uğrayıb.

Publika.az xəbər verir ki, bu barədə "El Tiempo" qəzeti məlumat yayıb.

Nəşrin məlumatına görə, Bello bələdiyyəsindəki Liceo Antiokenyo təhsil müəssisəsinin məzunlarını daşıyan tur avtobusu idarəetməni itirərək yoldan çıxaraq dərəyə düşüb. Qəza zamanı müxtəlif hesablamalara görə, avtobusda 35-45 nəfər olub.

Regional mənbələr əvvəlcə ən azı 16 nəfərin öldüyünü və 19 nəfərin yaralandığını bildirib. Hakimiyyət orqanları son ölüm sayının hələ təsdiqlənmədiyini açıqlayıb. Onlarla yaralı şəxs Seqoviya və Remediosdakı tibb müəssisələrinə çatdırılıb .

Qəzadan bir neçə saat sonra Milli Yol Təhlükəsizliyi Agentliyi müvafiq orqanların qəzanın səbəbləri ilə bağlı araşdırma başlatdığını açıqlayıb. Agentlik həmçinin ölənlərin və yaralananların ailələrinə başsağlığı verib.

Antiokiya Departamentinin qubernatoru Andres Julian Rendon sosial mediada avtobusun ekskursiyadan qayıdan lisey şagirdlərini daşıdığını bildirib və çoxsaylı itki və yaralanmalar barədə məlumatları təsdiqləyib.

Hüsyen İbadlı