Avropa Birliyi erməni-türk əməkdaşlığına pul ayırır? – MİT-in şok planı

“Mediada yayılmış məlumatlara görə, Avropa Birliyi sərhədlərin açılması üçün türk və erməni QHT-lərinə 2014-2015-ci illər üçün 2 milyonluq qrant layihəsi ayırıb. Bunu vaxtilə Türkiyə-Ermənistan sərhədlərinin açılması üçün təşəbbüs edilən Sürix protokollarının davamı adlandırmaq mümkündür. Lakin Qərbin zəhmli maliyyə və siyasi dəstəyinə baxmayaraq, erməni-türk sərhədinin açılışı ideyası Türkiyə ictimai şüurunda özünə yer tutmur”.

Publika.az xəbər verir ki, bu barədə Milli Məclisin üzvü, politoloq Rasim Musabəyov deyib.

Onun sözlərinə görə, Avropa Birliyinin bu layihəsi gerçəkdə heç nəyə qadir deyil.

“Güman ki, həm erməni, həm də türk QHT-ləri bu layihədə iştirakla pul qazandılar. Avropa Birliyinin məmurları isə işlər haqda hesabat verdilər. Güman ki, MİT də milli təhlükəsizlik baxımından perspektiv addımlar üçün bu layihədə iştirak edən erməni QHT-ləri ilə əməkdaşlıqdan istifadə edib. Lakin Azərbaycanın bədxahlarının və yerli pessimistlərin fərziyyələrinin əksinə, Ankara Qərb təzyiqi qarşısında titrəmədi və sərhədlərin açılışına getmədi. Ermənilərin himayəçiləri də artıq görürlər ki, Azərbaycanın işğal olunmuş əraziləri işğal olunmadan sərhədlər açılmayacaq və əməkdaşlıq mümkün olmayacaq. Bu, hətta pərdəarxası sazişlərlə də mümkün deyil”.

Asif Nərimanlı