Bu günə kimi 1054 nəfərin deputatlığa namizədliyi qeydə alınıb.
Publika.az-ın məlumatına görə, bunu Mərkəzi Seçki Komissiyasının (MSK) sədri Məzahir Pənahov bildirib.
MSK sədri deyib ki, rəhbərlik etdiyi qurum qeydə alınmayan namizədlərin şikayətlərinə də ədalətlə baxıb.
“Mərkəzi Seçki Komissiyasının çıxardığı qərarlar qanunvericiliyinə əsaslanıb, ədalətli olub”, - Pənahov əlavə edib.
Onun sözlərinə görə, MSK deputatlığa namizədliyini irəli sürənlərlə bağlı müsbət qərarlar çıxarmağa çalışır. M.Pənahov deyib ki, Azərbaycanda şəffaf seçki mühiti mövcuddur: “Biz də çalışırıq ki, hər şey qanunvericiliyə əsaslansın. Amma bəziləri bundan nəticələr çıxarmağa çalışırlar. Bu cür addımlarla ictimaiyyəti çaşdırmaq olmaz”.
Vasif Həsənli
