Bir müddət əvvəl Azərbaycanda sığınacaq almış erməni Milli Azadlıq Hərəkatı təşkilatının rəhbəri Vaan Martirosyanın Ermənistanda yaşayan anası Cülyetta Virabyanı İrəvanda avtomobil vurub.
Publika.az “News.am”-a istinadən xəbər verir ki, hadisə qadın küçəni keçərkən baş verib. Nəticədə qadının budu sınıb.
Cülyetta “Erebuni” tibb mərkəzinə yerləşdirilib. Tibbi müayinələrdən sonra palataya yerləşdirilən qadının əməliyyata ehtiyacı olub-olmadığını müəyyənləşdirəcəklər.
Qeyd edək ki, Vaan Martirosyan Azərbaycanda sığınacaq aldığı gündən sonra onun Ermənistandakı yaxınlarına qarşı təzyiqlər edilir.
Anar Tağıyev
.jpg)
