Nida.az
Tiflisdən SOCAR-a zərbə, yoxsa... – Bağlı qapılar arxasındakı oyun
“Rusiyadan qaz almaqla Gürcüstanın enerji bazarında müəyyən dəyişikliklər olsa da, bizim əsas qaz təchizatçımız Azərbaycandır”.
Publika.az xəbər verir ki, bu barədə Gürcüstanın
baş nazirinin Rusiya ilə münasibətlər üzə xüsusi nümayəndəsi Zurab
Abaşidze deyib.
Onun sözlərinə görə, Gürcüstan Rusiyadan uzun müddət ərzində qaz
alıb: “Bu, Rusiya qazının Ermənistana ötürülməsindən əldə olunan
tranzit haqqıdır. Əgər tranzitin həcmi artacaqsa, biz daha çox pay
alacağıq və mən bunda pis heç nə görmürəm. Azərbaycan onsuz da
bizim bazarda var və bu ölkə strateji partnyorumuz olaraq
qalacaq”.
Lakin Gürcüstan mediasında yayılan məlumatlar məsələnin heç də
Abaşidzenin dediyi kimi olmadığını göstərir. Hesab etmək olar ki,
Tiflis ikili oyun oynayır. Belə ki Tiflisin Rusiya ilə yanaşı,
İrandan da qaz almaq üçün danışıqlar apardığı haqda xəbərlər
dolaşır. Bütün bunlar sentyabrda Tiflisdə amerikalıların da
iştirakı ilə keçirilən qapalı konfransda müzakirə edilib.
Bu ölkənin xarici işlər nazirinin müavini David Dondua parlamentdə “Azad demokratlar” fraksiyasının üzvləri ilə keçirdiyi görüşdə qapalı konfransda müzakirə edilən məsələləri açıqlayıb.
O, Vaşinqtonun Tiflisdən İranla tammiqyaslı əməkdaşlıq etməməsi
üçün xahiş etdiyini bildirib. Deyib ki, ABŞ İranın Vyana
razılaşmasında götürdüyü öhdəlikləri yerinə yetirənə qədər
Gürcüstandan Tehranla geniş şəkildə əməkdaşlıq etməməsini
istəyir.
“Lakin biz amerikalı tərəfdaşlarımıza regionun vəziyyətini nəzərə
almalarını və İranla münasibətlərimizin çevrəsini genişləndirməyə
şərait yaratmalarını xahiş etmişik. Sentyabrda Tiflisdə keçirilən
qapalı konfransda İranla bağlı məsələni müzakirə etdik. İranın
üzərindən sanksiyaların götürülməsi vəziyyəti dəyişdirəcək. Hətta
Azərbaycandan aldığımız qazın qiymətinə də təsir edəcək”.
Gürcüstanın energetika naziri Kaxa Kaladze də ölkəsinin İrandan qaz
almaq üçün danışıqlar apardığını bildirib.
Asif Nərimanlı
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI