AXCP-nin digər qanadının sədri Razi Nurullayev Müsavat Partiyasının başqanı Arif Hacılının onları tanımaması haqda fikirlərinə münasibət bildirib.
Publika.az xəbər verir ki, R. Nurullayev A.
Hacılıdan bu cür münasibət gözləmədiyini bildirib: “Arif
Hacılının bu cür açıqlamasına münasibətim çox mənfidir. Azərbaycan
müxalifətində mənim qədər cəsarət tapıb Əli Kərimlini Azərbaycan
xalqının yaxasından düşürmək istəyən adamlar çox azdır. Eyni
zamanda atdığım addımla Arif Hacılının özünü də xilas etmiş
oldum”.
R. Nurullayev qeyd edib ki, Əli Kərimlinin qarşısı alınmasa idi o,
yalançı qəhrəmanlıqla digər siyasi qurumları sıradan çıxaracaqdı:
“Əli Kərimli hazırda Müsavat Partiyasını sıradan çıxarmış kimi
görünür. Heç bir zaman Müsavat Partiyası ilə qarşıdurmaya getmək
istəmirəm. Müsavat və digər müxalifət partiyaları bilməlidir ki,
Azərbaycan müxalifətinin bir problemi var, o da Əli Kərimlidir. Biz
bu problemi aradan qaldırmaq üçün çalışdıq. Arif Hacılının
ətrafında olan insanlar mənə deyib ki, siz eyni zamanda Arif
Hacılını da xilas etmiş oldunuz. Əli Kərimlinin və onun başçılıq
etdiyi qanadın bir nömrəli məqsədi Müsavat Partiyasını sıradan
çıxarmaqdır. Biz bunun da qarşısını aldıq, ona görə də, əslində
Arif Hacılı bizə minnətdar olmalı idi”.
Qeyd edək ki, Müsavat başqanı Arif Hacılı Razi Nurullayevin
rəhbərlik etdiyi AXCP-ni tanımadığını açıqlayıb: “Müsavat AXCP
adında yalnız bir partiya tanıyır. Bu təşkilat öz qurultayını
sentyabr ayının 27-də keçirərək, növbəti dövr üçün rəhbərliyini
seçib. Razi Nurullayevin yaratdığı təşkilat isə başqa təşkilatdır.
Ədliyyə Nazirliyinin bu məsələ ilə bağlı qəbul edəcəyi hər hansı
qərar Müsavat Partiyasının mövqeyinə təsir etməyəcək”.
Asif
.jpg)
.jpg)
