• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

MSK-da görüş

MSK-da görüş

Azərbaycan Respublikasının Milli Məclisinə seçkiləri müşahidə etmək üçün ölkəmizdə səfərdə olan Latviya Mərkəzi Seçki Komissiyasının sədri Arnis Çimdarsın rəhbərlik etdiyi nümayəndə heyəti oktyabrın 29-da Mərkəzi Seçki Komissiyasının (MSK) sədri Məzahir Pənahovla görüşüb.

MSK Katibliyinin media və ictimai əlaqələr şöbəsindən AZƏRTAC-a bildiriblər ki, latviyalı həmkarını və nümayəndə heyətini salamlayan sədr Məzahir Pənahov bütün sahələrdə əlaqələri genişlənən iki ölkənin seçki qurumları arasında əməkdaşlığın da ilbəil inkişafından məmnunluğunu bildirib, müxtəlif ölkələrin ali seçki qurumları ilə münasibətlərin davamlı təcrübə mübadiləsinin aparılmasına və beləliklə, seçki praktikasının daha da inkişaf etdirilməsinə xidmət göstərdiyini vurğulayıb.

Latviya Mərkəzi Seçki Komissiyasının sədri Arnis Çimdars noyabrın 1-də Milli Məclisə keçiriləcək seçkilərlə bağlı görülmüş işlərlə maraqlanıb.

Qonaqların suallarını cavablandıran MSK sədri Məzahir Pənahov Milli Məclisə seçkilərin azad, ədalətli və şəffaf keçirilməsi üçün atılmış addımlar və həyata keçirilmiş irimiqyaslı layihələr barədə ətraflı məlumat verib.

Görüşdə, həmçinin qurumlararası əməkdaşlığın daha da inkişaf etdirilməsinin perspektivləri və qarşılıqlı maraq doğuran məsələlərlə bağlı fikir mübadiləsi aparılıb.

Загрузка...

Xəbər lenti

DAHA ÇOX XƏBƏR