Nida.az
Tural Abbaslı və İltizam Əkbərli Müsavatdan çıxarılır
Tural Abbaslı və İltizam Əkbərli Müsavat Partiyasından çıxarıla bilər.
Müsavatdan Publika.az-a verilən məlumata görə,
yaxın günlərdə partiya nizamnaməsinin pozulması ilə məsələyə
baxılacaq: “Partiya noyabrın 1-də keçirilən parlament seçkilərində
iştirakdan imtina etdi. Lakin bəzi üzvlər bu qərara çıxaraq seçkidə
iştirak etdi. Nizamnaməyə görə, partiya qərarına qarşı çıxan üzvlər
ya xaric olunur, ya töhmət alır, ya da onlara xəbərdarlıq
edilir”.
Məlumata görə, Müsavat üzvləri Tural Abbaslı və İltizam Əkbərli
parlament seçkilərində partiyanın qərarına qarşı çıxaraq iştirak
ediblər.
Publika.az adıçəkilən hər iki şəxsin münasibətini
öyrənib.
Tural Abbaslı bildirib ki, qurultaydan sonra illərini verdikləri
Müsavat Partiyasının gündəmə ancaq intriqalar, qarşıdurmalar və
çəkişmələrlə gəlməsindən təəssüf edir: “Mən Divana məsləhət
görərdim ki, belə intriqalarla məşğul olmaqdansa, seçkini və onun
nəticələrini müzakirə etsin, partiyanın bu seçkilərdən niyə belə
zəif çıxdığının analizini aparsın, son bir ildə düşdüyü acınacaqlı
vəziyyəti araşdırsın və s”.
Onun sözlərinə görə, partiyanın hazırki rəhbərliyi istənilən addımı
ata bilər.
“Divan və partiyanın digər səlahiyyətli orqanlarının yeni başqan
seçildikdən sonra verdikləri qərarların qərəzliliyini və
nizamnaməyə uyğunsuzluqlarını gördükdə istənilən addımı ata
biləcəklərini demək mümkündür. Burada kriteriya nizamnamə yox, Arif
Hacılıya münasibətdir. Yəni onun bütün tənqidçiləri və əleyhdarları
hədəfdədirlər. Mən partiya nizamnaməsinə uyğun olmayan hansısa
addım atdığımı düşünmürəm. Çünki partiya boykot qərarı verdikdə və
namizədlərindən geri çəkilməyi tələb edəndə, bu qərar partiya
siyahısı üzrə namizədlərə aid idi. Mən isə bildiyiniz kimi şəxsi
təşəbbüsümlə namizədliyimi irəli sürmüşdüm. Yəni bu məsələdə
partiya qarşısında heç bir öhdəliyim yox idi.
Digər tərəfdən, bu qərarı ümumiyyətlə gecikmiş və yanlış hesab edirəm. Bu da partiya rəhbərliyinin siyasi səriştəsizliyindən irəli gəlirdi. 100 illik partiyanı üzvləri üçün inkvizisiyaya çevirməklə məşğul olmaqdansa, Müsavatı gücləndirməklə və nüfuzunu bərpa etməklə məşğul olsalar daha səmərəli olar”, - deyə o bildirib.
İ. Əkbərli isə qısa olaraq bildirib ki, seçkilərdə iştirakına səbəb
seçiciləri qarşısında öhdəlik götürməsi olub: “Partiyanın haqqımda
çıxaracağı istənilən qərara hörmətlə yanaşıram”.
Asif Nərimanlı
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."