Nida.az

MSK bu məntəqədə nəticələri ləğv etdi

18 Noyabr 2015 15:59

Mərkəzi Seçki Komissiyasının (MSK) bugünkü iclasında noyabrın 1-də Milli Məclisə keçirilmiş seçkilərlə bağlı müraciətlərə baxılıb.

Publika.az xəbər verir ki, 69 saylı Cəlilabad-Masallı-Biləsuvar seçki dairəsindən deputatlığa namizədlikləri qeydə alınmış beş nəfər MSK-ya müraciət edərək həmin dairədə seçkilərin keçirilməsində qanun pozuntularına yol verildiyini iddia edib və həmin dairə üzrə seçkilərin nəticələrinin ləğv edilməsini xahiş ediblər.

İclasda bildirilib ki, müraciət MSK-nın ekspert qrupu tərəfindən araşdırılıb və həmin dairə üzrə yalnız 9 saylı seçki məntəqəsində səsvemənin nəticələrinin ləğv edilməsinə əsas yaranıb. Digər şikayətlər isə öz əksini tapmayıb. Beləliklə, MSK 9 saylı seçki məntəqəsi üzrə səsvermənin nəticələrini ləğv edib. Amma bu, həmin dairədə səsvermənin ümumi nəticələrinə təsir etməyib.

Vasif Həsənli