Nida.az
Rəsmi Bakı həmsədrlərin fəaliyyətsizliyini ifşa edir
Dağlıq Qarabağ münaqişəsinin nizama salınması işini
həyata keçirən ATƏT-in Minsk qrupunun həmsədrləri AŞPA-da
Ermənistanın işğalçılıq siyasətini ifşa edən qətnaməyə qarşı
çıxmaqla özünü də ifşa etmiş oldu.
Publika.az xəbər verir ki, britaniyalı deputat Robert
Volterin hazırladığı “Azərbaycanın Dağlıq Qarabağ və işğal olunmuş
digər ərazilərində zorakılığın artması” adlı qətnamə AŞPA-ya
müzakirəyə çıxarılarkən, Minsk qrupunun həmsədrləri qurumun
rəhbərliyinə müraciət edərək, bu sənədin qəbulunun danışıqlar
prosesinə mənfi təsir edəcəyini iddia edib. Təbii ki, məqsəd heç də
danışıqlar prosesi yox, daha fərqli idi.
Birincisi, Minsk qrupu münaqişənin həlli
məsələsini öz monopoliyasında saxlamaq niyyətindədir.
İkincisi, Ermənistanın işğalçılıq siyasətini ifşa
edəcək belə bir layihənin qəbulu münaqişənin ədalətli həllini
şərtləndirəcəkdi.
Lakin göründüyü kimi, AŞPA-dakı erməni lobbisi ilə Minsk qrupu
həmsədrlərinin mövqeyi üst-üstə düşür.
Prezident İlham Əliyev gənclərlə görüşündə məsələyə açıq şəkildə
qiymət verdi.
“Minsk qrupunun həmsədrləri münaqişənin həllinə yox,
dondurulmasına çalışırlar. Onların bugünkü fəaliyyəti tamamilə
mənasızdır. Onlar nəinki Ermənistana təzyiq etmirlər, hətta
Ermənistanı mümkün olan problemlərdən qoruyurlar”, - deyə
dövlət başçısı çıxışında beynəlxalq ictimaiyyətə mühüm mesajlar
verdi.
Qeyd edək ki, artıq Azərbaycan ictimaiyyəti də Minsk qrupunun
ermənipərəst fəaliyyətindən ciddi şəkildə narahatdır.
Misal üçün, AVCİYA təşkilatı bununla bağlı yaydığı bəyanatda
həmsədrlərin xidmətlərindən imtina edilməsinə çağırış edib.
“ATƏT-in Minsk qrupunun Azərbaycanın başqa beynəlxalq təşkilatlarda
ədalət axtarması cəhdlərinə müdaxilə etməyə və işğalla bağlı
məsələni öz monopoliyasında saxlamağa cəhd etməsinin heç bir hüquqi
əsası yoxdur. AVCİYA xarici təsirlərə qarşı ölçü götürmək
iqtidarında olmayan AŞPA-da bosniyalı deputat Militsa Markoviç
tərəfindən hazırlanmış “Azərbaycanın sərhədyanı rayonlarının
sakinlərinin qəsdlə içməli sudan məhrum edilməsi” qətnaməsinin
müddəaları yerinə yetirilməyənədək Azərbaycanı bu qurumda
fəaliyyətini dondurmağa çağırır”, - deyə bəyanatda bildirilir.
Politoloq Tofiq Abbasov Publika.az-a açıqlamasında
bildirib ki, Prezident İlham Əliyev Minsk qrupunun fəaliyyətini
haqlı olaraq tənqid edir: “Bu qurum açıq şəkildə ermənilərə xidmət
edir, neytrallıq prinsipini kobud şəkildə pozur. Belə olan halda
ondan müsbət rəyi necə gözləmək olar?!”
Politoloq əlavə edib ki, həmsədrlərin fəaliyyəti səmərə versəydi,
bu müddət ərzində ortada nəticələr olardı.
“Nəticə yoxdur və həmin bu nəticəsizlik, nizamlanma prosesindəki
hökm sürən durğunluq ermənilər üçün ən arzuolunan variantdır.
Təəssüf ki, Minsk qrupunun diplomatları ermənilərə bu mənfur əməldə
dəstək göstərirlər. Bu haqda tam məlumatlı olan Azərbaycan lideri
vəziyyətin qiymətini son dərəcə düzgün və dolğun verir. Minsk qrupu
yarıtmaz fəaliyyətinə görə ancaq tənqidə layiqdir”, - deyə o qeyd
edib.
Asif
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO