• USD 1,7000 0,00% EUR 1,8828 +0,13%
    • GBP 2,2019 +0,23% RUB 0,0266 -0,38%

Metyu Brayza: “İran Qarabağ danışıqlarına qoşulsa...”

  • Nida.az
  • 2 Fevral 2016 17:27
  • 1 517 Baxış
Metyu Brayza: “İran Qarabağ danışıqlarına qoşulsa...”

“İrana qarşı sanksiyaların aradan qaldırılmasından sonra Tehranla Bakının münasibətlərinin necə inkişaf edəcəyi diqqət çəkir. Çünki İranla Azərbaycan arasında gərginlik son bir neçə il ərzində azalıb”.


Publika.az xəbər verir ki, bu barədə ABŞ-ın Azərbaycandakı keçmiş səfiri Metyu Brayza “Vestnik Kavkaz” saytına açıqlamasında deyib.


Onun sözlərinə görə, sanksiyalar aradan qaldırılsa da, İranın daxili siyasətindəki mürəkkəb vəziyyət əməkdaşlığı çətinləşdirə bilər: “Çünki sərt siyasi xəttin davamçıları prezident Ruhanini və nüvə razılaşmasının digər tərəfdarlarının səylərini neqativ reaksiya ilə qarşılayır. Hesab edirəm ki, məhz bu siyasət İranın Yəməndə və Suriyada olduğu kimi Azərbaycanda və digər yerlərdə islam ekstremizminin təsirini, həmçinin, dinlərarası ziddiyyətləri kəskinləşdirməyinə səbəb ola bilər”.


M. Brayza İranın Dağlıq Qarabağ münaqişəsinin nizama salınması prosesinə qoşulmaq təşəbbüsünə də ehtiyatla yanaşır.

“Dağlıq Qarabağ münaqişəsinin nizama salınması prosesində iştirak edənlər qərəzsiz olmalı, həmçinin, obyektivliyin təminatı üçün BMT prinsiplərinə uyğun olaraq münaqişə tərəflərinə yaxın dövlətlər olmamalıdır. Əgər vasitəçilərə qonşu dövlətlər, misal üçün İran əlavə olunacaqsa, fikrimcə, Dağlıq Qarabağ münaqişəsinin sülh yolu ilə nizamlanması çətinləşəcək”, - deyə amerikalı diplomat bildirib.


M. Brayza İranın hazırda ABŞ və Qərb ölkələri ilə də münasibətlər qurmağa hazır olmadığını düşünür.


Asif Nərimanlı

Xəbər lenti

DAHA ÇOX XƏBƏR