Nida.az
Əli Kərimlinin separat işi, biznes maraqları və qazandıqları – ŞOK FAKTLAR
AXCP sədri Əli Kərimlinin 2000-ci illərdə hakimiyyətlə sıx təmasda olması haqda məlumatlar yenidən medianın gündəmini zəbt edib.
Yeni Azərbaycan Partiyasının (YAP) icra katibinin müavini, Milli
Məclisin komitə sədri Siyavuş Novruzovun “Trend”ə açıqladığı
faktlar isə 16 il sonra bir çox məsələlərə işıq saldı.
“Əli Kərimli 2000-ci illərdə dəfələrlə yüksək vəzifəli rəsmi
şəxslərlə xaricdə görüşmək arzusunda olduğunu bizlərə bəyan edib.
Görüş yeri kimi Strasburq və ya London seçilmişdi. Mən şəxsən bu
danışıqların iştirakçısıyam və danışıqların aparıldığı yer Tofiq
Bəhramov adına stadionun yanındakı “Xankəndi” restoranı idi”, -
deyə S. Novruzov bildirib.
YAP funksioneri qeyd edib ki, həmin dövrdə Əli Kərimli iqtidarla öz
müttəfiqlərindən xəbərsiz apardığı danışıqlar nəticəsində partiyası
Milli Məclisdə 4 proporsional və bir majoritar yer əldə edib:
“Hətta o, partiyasının proporsional seçkidə iştirak
etməsini təmin edən 50 min seçici imzasının toplanmasında da
hakimiyyət tərəfindən geniş və hərtərəfli dəstək
gördü”.
Əli Kərimlinin müxalifətin bütövlüyünü parçalaması haqda indiyə
qədər bir çox fikirlər, məlumatlar və faktlar ortaya çıxıb. Lakin
iqtidar nümayəndəsinin dilindən ilk dəfə olaraq 16 illik sirrin
açıqlanması diqqət çəkəndir.
Publika.az Əli Kərimlinin müxalifəti parçalaması və separat
danışıqlar aparması haqda qısa araşdırma aparıb.
AXC daxilində əsas fiqurlardan olmuş, Böyük Quruluş Partiyasının
(BQP) sədri Fazil Mustafa deyir ki, Siyavuş Novruzov 16 il gecikmə
ilə olsa da, həqiqətləri açıqlayıb: “Həmin vaxt Müsavat Partiyası
öz reklam vaxtını mənə verdi. Mən cəbhəçiləri Müsavata səs verməyə
çağırdım və bildirdim ki, Əli Kərimlinin qrupu hakimiyyətlə
danışıqlara gedərək, həm proporsional, həm də majoritar sistemdə
yer almaq niyyətindədir. Həmin vaxt insanların çoxu buna inanmırdı.
Əli Kərimlinin qrupu parlamentə gedərək, Müsavatı ofsaytda buraxmaq
istəyirdi. O vaxt bunları açıq söyləmişdim və illər keçəndən sonra
hər şey ortaya çıxır”.
F. Mustafa qeyd edib ki, Əli Kərimli hakimiyyət tərəfindən Eldar
Namazovla danışıqlar aparırmış.
“Eldar Namazov danışıqların ilkin mərhələsində əsas
bağlayıcı şəxs idi. Zaman bizim o vaxt doğru söylədiyimizi
göstərir. İndi bu adamların hansı mənəvi haqla müxalifətçilikdən
danışdıqları mənim üçün müəmma olaraq qalmaqdadır”, - deyə
BQP sədri bildirib.
Məsələ ilə bağlı Eldar Namazovun fikirlərini öyrənmək cəhdlərimiz
alınmadı.
Lakin Publika.az olaraq, Əli Kərimlinin apardığı separat
danışıqlarla bağlı müəyyən məlumatlar da əldə edə bilmişik.
Vaxtilə Əli Kərimliyə çox yaxın olmuş şəxslərdən biri adının
açıqlanaması şərti ilə bəzi məqamlara aydınlıq gətirib.
“Danışıqlar təkcə “Xankəndi” restoranında deyil, “Qurd
qapısı” restoranında da aparılırdı. O danışıqlarda Əli Kərimli və
“Yurd”dan olan yaxın ətrafı iştirak edirdi. Onun yanındakılardan
biri də Əli Kərimlinin əmisi oğlu İnqilab Kərimli idi. Sonradan Əli
Kərimli öz missiyasını yerinə yetirdiyi üçün müəyyən biznes da
qurdu. Hətta balıq vətəgələrində də müəyyən paya sahib idi. Biznes
işlərini də İnqilab Kərimli idarə edirdi. Bu gün o, xaricə gedib.
Onun xaricdə oturub iqtidar nümayəndələrinə hədə-qorxu gəlməsinin
səbəbi də biznesinin əlindən çıxmasıdır”, - deyə mənbə
bildirib.
Məlumata görə, Əli Kərimlinin hakimiyyətlə təmaslarını quran
şəxslərdən biri vaxtilə “Azadlıq” qəzetində işləyən, sonra isə
AzTV-yə yüksək postda təmsil olunmuş şəxs olub. Hazırda bu şəxs
AzTV-dəki vəzifəsini də itirib.
Mənbə Əli Kərimliyə tapşırıqların bir mərkəz tərəfindən
ötürüldüyünü deyib: “Həmin mərkəzin adı “Proqnoz” idi. Onun
rəhbəri rəhmətə gedib. Mərkəz də dağılıb. Amma o vaxt təlimatlar bu
mərkəzdən göndərilirdi. “Azadlıq” qəzetində işləyən həmin adam isə
Əli Kərimliyə çatdırırdı”.
O dövrün siyasi proseslərini yaxından izləyən BAXCP sədrinin
müavini Elçin Mirzəbəyli isə bildirir ki, Əli Kərimlinin
hakimiyyətlə əməkdaşlığı konstruktiv yox, öz maraqlarını güdən
əməkdaşlıq olub: “Bununla bağlı çoxsaylı faktlar var. Vaxtilə
Əbülfəz Elçibəyin kabinetində “juçok” - dinləyici aşkarlanmışdı.
Amma o vaxt dinləyici qurğu birbaşa ötürücüsü olan müasir qurğular
kimi yox, naqil ilə birləşənlərdən idi. Həmin naqilin bir ucu Əli
Kərimlinin “Azadlıq” qəzetinin redaksiyasındakı kabinetinə
uzanırdı. Bu məsələ ortaya çıxanda böyük qalmaqala səbəb olmuşdu.
Ümumiyyətlə Əli Kərimlinin hakimiyyətlə danışıqlara getməsini artıq
bilməyən yoxdur. Amma onu da bildirim ki, bu şəxs üçün hakimiyyətdə
kimin olmasının heç bir fərqi yoxdur. O, yalnız öz maraqlarını
güdür və bütün dövrlərdə iqtidarda olan qüvvələrlə əməkdaşlıqda
maraqlı olub”.
Asif Nərimanlı
-
Sosial19:46
Azərbaycanın Milli Qəhrəmanı infarkt keçirdi - FOTO
-
Kriminal19:12
Borcu ödəməmək üçün tanışını öldürdü
-
Magazin118:48
Röya Ayxan bu tarixdə ƏRƏ GEDİR - VİDEO
-
Səhiyyə18:12
Azərbaycanda uşaqlarla bağlı yeni tibbi mərkəz YARADILDI - FOTO
-
Avropa17:28
Bu ölkə Rusiyanı hədələdi: Şəhərlərinizi bombalayarıq
-
Region17:00
İrandan növbəti hədə: Görün SEPAH İsraili nə ilə qorxutdu
-
MDB16:22
Moskvada 21 yaşlı azərbaycanlı avtomobilini səkidə saxladı, ona irad tutan gənci öldürdü - VİDEO
-
Nida Təhlil 15:51
İşğalçı erməniyə göz yaşı tökən molla: İran silahı ilə Azərbaycanın neçə əsgəri öldürülüb?