Nida.az
Tural Abbaslı: “May ayında Ağ Partiyanı təsis edəcəyik” – Müsahibə
Müsavat partiyasından yeni istefa dalğası
gözlənilir. Belə ki, başqanlığa keçmiş namizəd Tural Abbaslının
təsis etdiyi “Ağ Blok” partiyaya çevrilə bilər və blokda təmsil
olunan Müsavat üzvləri qurultay ərəfəsində istefa verməyi
düşünür.
Tural Abbaslı Publika.az-a müsahibəsində planları haqda
danışıb.
- Qurultayı nə vaxt keçirmək niyyətindəsiniz?
- “Ağ Blok”u AĞ Partiyaya çevirmək niyyətindəyik və qurultayı may
ayına planlaşdırmışıq. Hələlik bu istiqamətdə işlər davam edir.
Bura texniki, təşkilatı, siyasi və hüquqi məsələlərin həlli
daxildir. Ümumiyyətlə, qurultay ağır və məsuliyyətli prosesdir.
Odur ki, bu məsələdə lazımsız tələskənlik etmək istəmirik.
- Müsavatdan istefa verəcəyiniz təqdirdə partiya tərəfindən
anlayışla qarşılaşacağınızı gözləyirsinizmi?
- Əslində bizim Müsavatla yollarımızı ayırmağımız onlarla düşmən
olacağımız anlamına gəlmir. Sadəcə olaraq, biz oradan bugünkü
idarəçiliyi və yanlış siyasəti dəstəkləmirik deyə ayrılırıq.
Ümumiyyətlə bizim özünə müxalifət deyən heç bir siyasi qurumla
rəqabət və düşmənçilik aparmaq niyyətimiz yoxdur. Bir sözlə desək,
bizimlə hansı münasibətdə olacaqlarını digər qurumlar seçəcəklər.
Bizimlə dost olmaq istəyənlərlə dost, rəqib olmaq istəyənlərlə də
rəqib olacağıq.
- Təxminən nə qədər tərəfdarınız var və onların istefası
Müsavat üçün hansı nəticələrə səbəb ola bilər?
- Müsavatdakı tərəfdarlarımızın sayı mənim üçün o qədər də önəmli
deyil. Çünki AĞ Partiyanın yaranma səbəbi Müsavatın elektoratını
parçalayıb onları zəiflətmək deyil. Nəinki Müsavatdan, istənilən
partiya üzvləri öz partiyalarından ayrılıb bizə qoşula bilər. Eyni
zamanda, partiyalarından ayrılmayıb bizimlə birgə olmayanlara da
düşmən qismində baxmırıq. Bu sadəcə siyasi seçimdir və biz hər
kəsin siyasi seçiminə hörmətlə yanaşırıq. Siyasi arenaya yeni
partiyanın qoşulması digər partiyaların fəaliyyətinə necə təsir
edəcəyini zaman göstərəcək.
- Siz yenə müsavatçı olaraq qalacaqsınız, yoxsa hansısa
yeni siyasi yol tutacaqsınız?
- Azərbaycanda bir siyasi xətt var. Bu xəttin adı müsavatçılıqdır.
Digər siyasi ideologiyalar bu xəttin davamçılarıdırlar. Bizim də
siyasi xəttimiz təməlini M. Ə. Rəsulzadənin, Əlibəy Hüseynzadənin,
Əhmədbəy Ağaoğlunun və digər vətənsevərlərin qoyduqları
müsavatçılıq ideologiyası olacaq.
- Hazırda Müsavat Partiyasında vəziyyət necədir, yenə
qurultaydan sonrakı dövrdə baş verənlər yaşanırmı?
- Mən Müsavatda baş verən hadisələri izləmirəm. Sözün düzü, mənə
artıq heç maraqlı da gəlmir. Çünki düşünürəm ki, Arif Hacılı
bugünkü yanlış siyasəti davam etdirsə, partiya daha da ağır günlər
yaşayacaq.
- Ola bilərmi ki, siz “Ağ Blok”un qurultayı və həmin
ərəfədə istefa verəcəyinizlə bağlı anons verdiyiniz üçün partiya
rəhbərliyi qurultaya qədər hansısa bəhanə ilə sizləri partiyadan
çıxartsın və nədəsə günahlandırsın?
- Partiyanın bugünkü rəhbərinin hansı kriteriyalarla hərəkət
etdiyini məntiqi analiz etmək olmur. Bu günə qədər müxtəlif
bəhanələrlə bir çox fədakar müsavatçılar partiyadan
kənarlaşdırılıb. Odur ki, dediyiniz halın baş verməsi də
mümkündür.
Asif Nərimanlı
-
MDB13:33
Simonyanın İspaniyadakı çıxışı Rusiyanı qəzəbləndirdi: Senatorlara göstəriş verildi
-
Qoroskop13:25
Gecə 03:48-də başladı: mayın 10-a qədər... - Astroloqdan şok xəbərdarlıq +
-
İdman12:36
Görün ulduz futbolçuların xanımları hansı peşələrdə çalışırmış - FOTOLAR
-
Magazin112:01
Cavanşir Məmmədova gələn müəmmalı zəng: son sözü bu olub
-
Sosial11:28
Sabah 31 dərəcə isti olacaq
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları