Nida.az
Arif Hacılının partiyadan çıxardığı gənc danışdı: “Məhkəməyə müraciət edəcəm”
“Müsavatdan xaric olunmağımın səbəbi Arif Hacılıya aid
düzəltdiyim “caps”lar olub”.
Bunu Publika.az-a açıqlamasında Müsavat Partiyası Mərkəzi Nəzarət-Təftiş Komissiyasının qərarı ilə partiyadan çıxarılan Şamil Beydullayev deyib.
Onun sözlərinə görə, partiyadan xaric olunana qədər Binəqədi
rayon təşkilatında gənclərlə iş üzrə müavin olub: “2011-ci ildən
Müsavat partiyasında aktiv fəaliyyətim olub. Hal-hazırda Tural
Abbaslının təsis etdiyi “Ağ Blok”da təmsil olunuram. Blokun
yaranmasında, təsis olunmasında iştirak edənlərdən biri də mən
olmuşam. Bildiyiniz kimi parlament seçkilərinə “Ağ blok”-un üzvləri
də qatıldı, 8 nəfərdən 4 üzvümüzün namizədliyi qeydə alındı.
Parlament seçkilərində Tural bəyin səlahiyyətli nümayəndəsi idim.
Seçkilərdə aktiv iştirakım zamanı partiyadan iradlar bildirirdilər
ki, Müsavatın seçkilərində namizədlərə köməklik göstərim. Partiya
seçkidə iştirakdan boykot qərarı verdikdə mənə də seçkidən
uzaqlaşmaq tapşırığı verilmişdi. Təbii ki, biz bu “tapşırıq”ları
nəzərə almadıq, seçki prosesində iştirakımızı təmin etdik. Həmin
zamandan partiya fürsət güdürdü ki, xaric olunmağımla bağlı qərar
versinlər. Arada xeyli soyuqluq yaranmışdı”.
Ş. Beydullayev qeyd edib ki, Tural Abbaslının yanında olan aktiv
üzvlərdən biri olaraq, partiya qərarlarına tabe olmaması
rəhbərlikdə qıcığa səbəb olub. O, çıxarılam səbəblərindən birinin
bu olduğunu da bildirib.
“Ağ Blok”un partiyaya çevrilməsi və orada təmsil olunanların
Müsavatdan istefa verəcəyinə gəlincə, Ş. Beydullayev bildirib ki,
məqsəd Müsavatı zəiflətmək və ya zərbə vurmaq deyil.
“Azərbaycan Respublikasının qanunvericiliyində də əks olunub ki,
bir şəxs yalnız bir partiyanın üzvü ola bilər. Təbii ki, biz də
yeni partiya yaradırıqsa, iki partiyadan birini seçməli olduğumuzu
bilirik və nəticədə seçəcəyimiz partiya AĞ Partiya olacaq. Müsavata
hər-hansı bir zərbə vurmaq kimi niyyətimiz, hədəfimiz, onun
elektoratını bölmək fikrimiz yoxdur. Bizim bir hədəfimiz var, o da,
yeni partiya qurmaq və ölkəmizin demokratikləşməsinə yardımçı
olmaqdır. Qeyd edim ki, Arif Hacılının bu cür bəhanələrlə onun kimi
düşünməyən, onun fikri, qərarları ilə razılaşmayan adamları
partiyadan uzaqlaşdırması heç bir demokratik düşüncəyə sığmır.
Hazırda partiya sıralarından xaric olmağımla bağlı məsləhətləşmələr
aparıram və yaxın günlərdə istər partiya səviyyəsində, istərsə də
məhkəmə səviyyəsində öz haqqımı tələb edəcəyəm”, - deyə o
bildirib.
Asif Nərimanlı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi