Nida.az
Arif Hacılı ilə Qubad İbadoğlunun qurultay davası davam edir
Məhkəmədə üz-üzə gələn Müsavat Partiyası ilə keçmiş müsavatçıların yaratdığı Azərbaycan Demokratiya və Rifah (ADR) hərəkatı arasında qarşıdurma davam edir.
Publika.az xəbər verir ki, qurultayın nəticələrinin ləğvi ilə bağlı
davam edən məhkəmə prosesində Müsavat tərəfinin vəkili kimi çıxış
edən Osman Kazımov ADR tərəfindən şikayətçi keçmiş müsavatçı
Əlövsət Sadıqlını ittiham edib.
“Hörmətli Əlövsət Sadıqlı cənabları yenə sual verəcək ki,
qurultayda nə qədər adam iştirak edirdi? Mən də deyəcəm ki, çoxlu.
Hakim də yəqin deyəcək ki, Əlövsət müəllim bu sualı axı neçə dəfə
verəcəksiniz? Sonra Əlövsət bəy deyəcək ki, necə nəfər seçildi? Mən
də cavab verəcəm ki, bir xeyli. Yəqin ki, hakim yenə deyəcək ki,
Əlövsət müəllim axı bu sualı hər dəfə verməyin nə mənası var. Siz
sübutlarınızı təqdim edin. Sonra Əlövsət bəy deyəcək ki, inzibati
resurslardan niyə Arif Hacılıya səs vermə üçün istifadə edildi? Mən
də deyəcəm ki, Müsavat Partiyasının pulu yoxdur axı resurs kimi
istifadə edək”, - deyə O. Kazımov növbəti məhkəmə prosesinin
“proqnozunu” verərək, Ə. Sadıqlıya atmaca atıb.
Ə. Sadıqlı Publika.az-a açıqlamasında bildirib ki, Osman Kazımovun
məntiqsiz, səbatsız, yuxu sayıqlamalarına bənzər qeyri-ciddi
cızma-qaralarına cavab vermək fikrində deyil.
Ə. Sadıqlı əlavə edib ki, indiyə qədər Müsavatın qurultayından
narazılığı ilə bağlı partiya rəhbərliyinə dəfələrlə müraciət
edib.
“Müsavatın adının seçki saxtakarlıqlarında hallanmasına əsas
yaradan şəxslərə bəlkə də yüz dəfələrlə müraciət etmişəm. İstəmişəm
ki, baş vermiş seçki pozuntularının mənfi nəticələrinin aradan
qaldırılması məsələsi partiyadaxili müstəvidən kənara çıxmamaqla öz
həllini tapsın. Təəssüf ki, hörmətli İsa Qəmbər və Arif Hacılının
şəxsi mənafelərini partiya və ümummilli maraqlardan üstün tutması
problemin partiya daxilində həll edilməsinə imkan vermədi. Ona görə
də mən problemin mahiyyəti, detalları və həlli yollarını özündə
ehtiva edən geniş həcmli məqalələrlə cəmiyyəti məlumatlandırmaq
məcburiyyətində qaldım. Düşündüm ki, bəlkə, bu adamlar ictimai
qınaqdan çəkinib, etdikləri saxtakarlıqların mənfi nəticələrinin
aradan qaldırılması istiqamətində təşəbbüs göstərərlər. Lakin
Müsavatın tarixinə saxtakarlıq damğasını vuran şəxslər öz
hərəkətləri ilə demokratik prinsiplərdən uzaq olduqlarını bir daha
təsdiq etdilər və İsa Qəmbər, Arif Hacılı və onların ətrafında olan
bir qrup qaragüruhçu dəstə doğru yolu seçmək, etdiklərindən peşman
olmaq, Müsavatın üzərinə yaxdıqları qara ləkəni təmizləmək əvəzinə
Müsavatda saxtakarlığa qarşı çıxan namuslu adamlara satqın damğası
vurmaq və onları Partiyadan qovmaq yolunu tutdular”, - deyə o
bildirib.
Asif
-
Hadisə22:48
Bakı metrosunda OLAY
-
Nida Xəbər 22:24
4 kənd qayıtdı - Növbəti mərhələdə nə var?
-
Dünya22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB21:50
95 yaşlı diplomat öldü
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ