Nida.az
Prezidentin köməkçisi Qubad İbadoğlunun təkliflərini qəbul etdi - SƏNƏD/FOTO
Azərbaycan Respublikası Prezidentinin İqtisadi İslahatlar üzrə köməkçisi Natiq Əmirov Azərbaycan Demokratiya və Rifah (ADR) Hərəkatının 2 həftə bundan əvvəl təqdim etdiyi “İqtisadiyyatda əsas və təxirəsalınmaz tədbirlər Paketi”nə baxılması barədə 10 fevral 2016-cı il tarixli cavab məktubu göndərib.
Publika.az xəbər verir ki, bu barədə ADR rəhbəri
Qubad İbadoğlu “facebook” səhifəsində məlumat verib.
Məktubda bildirilib ki, “Azərbaycan Demokratiya və Rifah Hərəkatı”
İctimai Birliyi tərəfindən hazırlanmış “İqtisadiyyatda əsas və
təxirəsalınmaz tədbirlər Paketi” adlı sənəd layihəsinə baxılıb:
“Bildiririk ki, göndərilən layihədə məqsədəuyğun hesab edilən
təkliflər dövlətin və cəmiyyətin marağı nəzərə alınmaqla aparılan
iqtisadi islahatların gedişi prosesində nəzərə alınacaq.
Əməkdaşlığa, verdiyiniz təkliflərə görə təşəkkürümüzü
bildiririk”.
Hazırda ABŞ-ın nüfuzlu Duke Universitetininin iqtisadiyyat üzrə
professoru vəzifəsində çalışan Qubad İbadoğlu qeyd edib ki, bir
müddət Azərbaycandan kənarda fəaliyyət göstərməsinə baxmayaraq,
ölkə iqtisadiyyatında, sosial sferada baş verən dəyişiklikləri
izləyir, proseslərə mümkün qədər operativ və obyektiv münasibət
bildirir, təkliflərlə çıxış edir: “Mütəxəssis kimi başlıca məqsədim
bu həssas dönəmdə Azərbaycan iqtisadiyyatının problemlərinin həlli
və əhalinin güzəranının pisləşməsinin qarşısını almaq üçün zəruri
tədbirlərin həyata keçirilməsinə töhfələrimi verməkdən ibarətdir.
Azərbaycanlı kimi istəyim dövlətimi iqtisadi və siyasi cəhətdən
güclü görmək və onun zəifləməsindən kənar qüvvələrin istifadə
etməsinə yol verməməkdir. Elə bu məqsədlə də bir qrup xarici və
Hərəkatımızın üzvü olan yerli mütəxəssislərlə müzakirə aparıb,
“İqtisadiyyatda əsas və təxirəsalınmaz tədbirlər Paketi”nı
hazırladıq və kömək məqsədi ilə onu Azərbaycanın mövcud hakimiyyət
orqanlarına təqdim etdik”.
Q. İbadoğlu prezidentin iqtisadi islahatalara məsul olan
köməkçisinə sənədə baxılmasına və məqsədəmüvafiq hesab edilən
təkliflərin nəzərə alınacağına dair cavabına görə təşəkkürünü
bildirib.
“Hesab edirəm ki, bu, hazırkı həssas dövrdə iqtisadi islahatlara
olan inamın yaradılması baxımından da önəmlidir. Eyni zamanda, ümid
edirəm ki, təqdim etdiyimiz Paketdəki təkliflərin reallaşdırılması
istiqamətində müzakirələr və əməkdaşlıq davam edəcək. Bir daha
bəyan etmək istəyirəm ki, ADR Hərəkatı öz mütəxəssisləri ilə
birlikdə Azərbaycan cəmiyyətinin maraqları nəzərə alınmaqla
hökumətin bütün sferalarda həyata keçirəcəyi islahatlara, konkret
olaraq “İqtisadiyyatda əsas və təxirəsalınmaz tədbirlər Paketi”nın
tətbiqinə bundan sonra da dəstək verməyə hazırdır”, - deyə o
vurğulayıb.
Asif
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü