Nida.az
“Moskva artıq Bakını itirib” – Yuri Rayxeldən Kremlə xəbərdarlıq
“Suriyada vəziyyət kəskinləşdikcə Moskva, Tehran və Ankara diqqətini tez-tez Cənubi Qafqaza, xüsusilə Azərbaycana yönəldir”.
Publika.az xəbər verir ki, bu barədə beynəlxalq
münasibətlər üzrə tədqiqatçı jurnalist Yuri Rayxel qələmə aldığı
məqaləsində yazır.
Müəllif qeyd edir ki, Cənubi Qafqaz coğrafi baxımdan Yaxın Şərqin
arxa müstəvisi hesab oluna bilər: “Bura Avropa və bir sıra digər
dövlətlər üçün əhəmiyyətli enerji resurslarının təminatçısı kimi
Azərbaycanın önəmini də əlavə etmək mümkündür. Bu baxımdan, Suriya
münaqişəsində iştirak edən güclərin hər biri Bakını öz tərəfinə
çəkməyə çalışır. Amma Bakı bərabər uzaqlıq məntiqini izləyir. O, nə
Səudiyyə Ərəbistanının qurduğu koalisiyaya, nə də Rusiya və
Tehranın yanına gedir. Lakin Moskva və Ankaranın kəskin münasibəti
Bakını çətin vəziyyətə saldı. Rusiya Şimaldan və dənizdən qonşu
kimi, həmçinin, Qarabağ münaqişəsində Ermənistanın sponsoru kimi
əhəmiyyətlidir. İqtisadi sferada da Rusiya Azərbaycan üçün vacib
bazardır. Bundan başqa, Rusiyada xeyli azərbaycanlının yaşaması da
nəzərdən qaçmamalıdır. Türkiyəyə gəlincə, milli və dil olaraq bu
ölkə Azərbaycanın qardaşı səviyyəsindədir. Həmçinin, strateji
tərəfdaşıdır. Mümkün Qarabağ müharibəsində Azərbaycanın ilk
dəstəkçisi, təbii ki, Türkiyə olacaq”.
Y. Rayxel qeyd edir ki, Bakı Rusiya və İran koalisiyasına
qoşulmayacaq: “Çünki bu hər şeydən öncə Türkiyə ilə nifaqa girməsi,
eləcə də ictimai rəyə qarşı çıxmaq deməkdir. Digər tərəfdən, Qərb
də Bakının bu siyasi gedişini anlaşılmaz qəbul edəcək. Nəhayət, öz
qazını və neftini Avropaya satan Azərbaycandan bu gedişi gözləmək
də sadəlövhlük olar”.
Məqalədə deyilir ki, hazırkı situasiyada Bakının orta xətdə
dayanması çətindir.
“Prezident İlham Əliyevin Londonda Suriya ilə bağlı konfransda
iştirakı Qərbin ondan seçim etməsini istəməsi kimi qiymətləndirilə
bilər. Ərdoğanın Azərbaycana səfəri də bu kontekstdə diqqət çəkir.
Bakı həmçinin bir məqamı da diqqətdən qaçırmır ki, Rusiya Qarabağ
məsələsində onun maraqlarını ifadə etmir. Rusiyanın Gürcüstan və
Ermənistan vasitəsilə İrana qaz kəməri tikmək istəyi də bundan
xəbər verir. Moskva hazırda Qarabağ münaqişəsini ölü nöqtədən
tərpətməyə hazır deyil. Çünki Suriya münaqişəsinə girən Rusiya öz
diplomatik manevrlərini məhdudlaşdırır. Belə olanda Moskva Bakı
üçün cazibədar təkliflər verə bilmir. Bakıda mümkün siyasi döngənin
təhlükələrini əla dərk edirlər. Buna görə də digər əhəmiyyətli
qonşu olan İranla maraqlanırlar. Yaxın gələcəkdə İlham Əliyevin
Tehrana səfəri gözlənilir”, - deyə məqalədə bildirilir.
Müəllif qeyd edir ki, yaxın perspektivdə Bakının Türkiyə və Qərblə daha sıx əməkdaşlığı müşahidə olunacaq: “Həqiqətən də, Rusiyanın Azərbaycanı itirməsi haqda deyilənlər doğrudur. Belə demək mümkünsə, Moskva artıq Bakını itirib”.
Asif Nərimanlı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO