Nida.az
Hasan Kanpolat: “Türkiyə Azərbaycanın təklənməsinə imkan verməz”
“Türkiyə-Rusiya münasibətləri pisləşəndən sonra bu,
Qafqaza və Orta Asiyaya da öz təsirini göstərdi”.
Bunu Publika.az-a açıqlamasında Ortadoğu Strateji
Araşdırmalar Mərkəzinin direktoru, türkiyəli politoloq Hasan
Kanpolat deyib.
Onun sözlərinə görə, Azərbaycan bu proseslərin tərkib hissəsi
olmasa da, baş verənlər ona da təsirsiz ötüşmür: “Ermənistan
Rusiya-Türkiyə münasibətlərinin pisləşməsindən öz məqsədləri üçün
istifadə etməyə çalışır. İrəvan bu prosesdə Dağlıq Qarabağın
işğalını qanuniləşdirmək üçün Rusiyadan alət kimi istifadə edir.
Amma Azərbaycan əmin olsun ki, Türkiyə hər zaman onun yanındadır.
Türkiyədə hakimiyyətdə kim olmasından asılı olmayaraq, kiminsə
Azərbaycana hücum etməsinə imkan vermərik. Bu türk millətinin,
dövlətinin siyasətidir və bu siyasət 1991-ci ildən sonra deyil,
yüzilliklər öncə başlayıb. Türkiyə Azərbaycanın Qafqazda tək
qalmasına imkan verməz”.
H. Kanpolat hesab edir ki, Türkiyə-Rusiya münasibətləri sülh yolu
ilə həll edilməlidir: “Çünki bu gərginlik həm Qafqaza, həm də Orta
Asiyaya təsir edir. Hörmətli İlham Əliyevlə Nazarbayev Ankara və
Moskvanı yaxınlaşdırmaq üçün hərəkətə keçməlidir”.
Türkiyəli politoloq Dağlıq Qarabağda müharibə başlayacağı haqda
səslənən ehtimalları qəbul etmir.
“Qarabağda yaxın dövrdə böyük müharibənin başlayacağı ehtimalını
düşünmürəm. Böyük müharibənin olmasından təkcə Rusiya, Ermənistan,
yaxud Türkiyə deyil, bütün dünya zərər görə bilər. Amma silahlı
qarşıdurmanın genişlənməsi gözləniləndir”, - deyə o bildirib.
Asif Nərimanlı
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi