Nida.az
Qarabağa “İsgəndər - M” raketi gəlir? – Sarkisyandan növbəti BÖYÜK YALAN
Rusiyanın Ermənistana “İsgəndər” raketləri verəcəyinə
dair iddialar yenidən ortaya çıxıb.
Publika.az xəbər verir ki, Ermənistan mediası Rusiyanın
200 milyonluq krediti ayırmasına istinadən edərək, Ermənistana
gizli şəkildə “İsgəndər” raketləri verəcəyi ehtimalını irəli
sürüblər.
Belə ki, rəsmi Moskva və İrəvan Ermənistana 200 milyon dollar
kredit ayrılmasına dair saziş imzalayıb. Məlumata görə, kredit ilk
ödəniş 2018-ci ilin əvvəlinə qədər ödənilməklə 10 il müddətinə
verilib. Vəsait Rusiya istehsalı olan hərbi texnikanın və
silahların alınmasının maliyyələşməsinə ayrılıb. Sənədə əlavəyə
əsasən, Ermənistan Rusiyadan “Smerç” reaktiv yaylım atəşi
sistemləri və onun sursatlarını, “İgla-S” zenit-raket sistemləri,
yerüstü radiotexniki kəşfiyyat kompleksi “Avtobaza-M”, “TOS-1A”
ağır odpüskürənləri, “9M113M” idarəolunan raketləri, “RPG-26”
qumbaraatanları, Draqunov snayper tüfəngi, “Tiqr” zirehli
avtomobilləri, mühəndis və rabitə vasitələri alacaq.
“1in.am” saytı isə yazır ki, Ermənistanın təhlükəsizliyini qorumaq
məqsədilə Rusiya adıçəkilən silahlar arasına “İsgəndər”i də əlavə
edə bilər.
“Lakin əgər bu silah doğrudan da veriləcəksə, onu gizli
saxlayacaqlar. Bununla bağlı xeyli iddialar olsa da, rəsmi olaraq
təsdiq olunmayıb. İctimaiyyət arasında isə Rusiyanın həmin
raketləri Ermənistana verəcəyinə dair gözləntilər böyükdür. Bunun
reallaşması Ermənistanın hərbi arsenalının ciddi şəkildə güclənməsi
deməkdir”, - deyə sayt yazıb.
Hazırkı geosiyasi situasiyada, xüsusilə Rusiya-Türkiyə gərginliyi
fonunda Moskvanın Ermənistanı silahlandırması, həmçinin, onu
“İsgəndər” raketi ilə təchiz etməsi kimi gözləntilər real ola
bilər. Lakin adıçəkilən raketlə bağlı araşdırmalar bunun yalnız
“erməni xülyası” olduğunu təsdiqləyir.
Qeyd edək ki,
adıçəkilən raketlərin Ermənistana verilməsi ilə bağlı iddialar ötən
ilin yayında peyda olmuşdu. Söhbət Rusiya hərbi texnikasının
sonuncu naliyyətlərindən hesab olunan “İsgəndər - M” raketindən
gedir. Publika.az-ın həmin dövrdə apardığı araşdırmada maraqlı
faktlar ortaya çıxdı.
“İsgəndər-M” raketi 500 kilometr məsafədən hədəfə 100 faiz
dəqiqliklə zərbə endirə və nüvə başlığı da daşıya biləcək gücdədir.
Raketin əsas özəlliyi ondan ibarətdir ki, bu raketlər xüsusi uçuş
trayektoriyasına malikdir və hələ dünyada mövcud olan heç bir
raketdən müdafiə sistemi, o cümlədən İsrail və ABŞ-ın sərəncamında
olan raketdən müdafiə sistemləri onu vura bilməz. Yaxın gələcəkdə
də heç kimin belə raketdən müdafiə sisteminə malik olacağı
gözlənilmir.
Bir neçə il bundan əvvəl Rusiya ABŞ-ın Avropada raketdən müdafiə
sistemlərinin elementlərini yerləşdirmək planlarına cavab olaraq
“İsgəndər-M” raketlərini Kalininqrad vilayətinə yerləşdirib.
Müxtəlif təyinatlı döyüş başlıqları daşıya bilən “İsgəndər-M”
raketləri kvaziballistik, yəni manevrli hərəkət trayektoriyasına
malikdir. Bütün uçuş boyu raket avtomatik olaraq aerodinamik və
qazodinamik sükanlar vasitəsilə idarə olunur. “Stels” texnologiyası
ilə hazırlanıb və radarlara yaxalanmır. Yer səthindən cəmi 50 metr
hündürlükdə uçur və bu səbəbdən onu radarlarla aşkar etmək praktiki
olaraq mümkün deyil.
Rusiyanın hərbi sənayesinin son nailiyyətini nəinki Ermənistana,
ümumiyyətlə hansısa ölkəyə verməsi şübhəlidir. Müdafiə naziri
Sergey Şoyqu bildirir ki, 2018-ci ilə qədər
Rusiyanın bütün raket briqadaları “İsgəndər - M” texnikası ilə
silahlandırılacaq. Yəni Rusiyanın öz ordusu tam təchiz edilmədən
bunu Ermənistana verməsi ehtimalı görünmür.
Digər tərəfdən, dünya təcrübəsinə görə, hər bir ölkə yeni istehsal
etdiyi silahın müəyyən müddətə satışını qanunla qadağan edir. Bu
müddət adətən 5-10 il arasındadır. Misal üçün, Rusiyanın özündə
ötən il hərbi parada çıxarılan “Armata - T” tankları 2016-cı ildən
ümumi silahlanmaya daxil ediləcək və bu hərbi texnikanın 2020-ci
ilə qədər satışı qadağan olunub. “İsgəndər - M” raketinin satışı da
hələlik nəzərdə tutulmur.
“İsgəndər - M” raketinin indiyə qədər hansısa ölkəyə satışı
haqda rəsmi məlumat yoxdur. 2013-cü ildə Ermənistan Müdafiə
Nazirliyi Rusiyanın Gümrüdəki hərbi bazasına bu raketlərin
gətirildiyi xəbərini yaysa da, sonradan bu yalan çıxdı.
Ermənistan mediasında bu cür “xəbərlərin” ortaya çıxması isə daha
çox “güc nümayişi” etmək, erməni ictimaiyyətində nüfuzdan düşən
Rusiyanın reytinqini artırmaq, eləcə də, Moskvanın buyruğu ilə
oturub-duran Sarkisyan rejiminin “doğru siyasət” apardığına dair
fikir formalaşdırmaq məqsədi daşıyır.
Asif Nərimanlı
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO