Nida.az
Kremldən Qarabağ mesajı: “Uşaqlar, ehtiyatlı olun!”
Rusiyanın Ermənistana yeni silahları verməsi haqda 200
milyonluq müqavilənin icrasına başlaması son günlər gündəmin əsas
mövzusudur. Xüsusilə Türkiyə-Rusiya münasibətlərinin gərgin olduğu,
Dağlıq Qarabağda vəziyyətin hər an partlamağa hazır olduğu dövrdə
Moskkvanın bu addımı diqqət çəkir.
Publika.az xəbər verir ki, rusiyalı politoloq Viktor Mizin
Rusiyadan Ermənistana silah çatdırmalarının Azərbaycana və
Türkiyəyə xəbərdarlıq olduğunu hesab edir: “Rusiya sadəcə “uşaqlar,
ehtiyatlı olun!” xəbərdarlığını edir və gərginləşən vəziyyəti
soyutmaq istəyir”.
Onun sözlərinə görə, Dağlıq Qarabağda vəziyyətin gərgin olduğu
vaxtda Rusiyanın bu addımı açıq mesajdır: “Çünki Türkiyə rəsmiləri
Rusiya ilə münasibətləri pisləşən kimi Azərbaycanda Qarabağ mesajı
verdi. Bu Ermənistana və Rusiyaya yönəlmiş çağırış idi. İndi
Rusiyanın silah çatdırılması ilə bağlı ötən il bağlanan müqaviləni
indi yerinə yetirməsi və Ermənistana güclü silahları təqdim etməsi
cavabdır”.
Qeyd edək ki, rusiyalı politoloq Aleksandr Sukakov da dünən bu
məsələni şərh edərkən, “Rusiya Ermənistana silahlar
verməklə Azərbaycana Qarabağla bağlı xəbərdarlıq edir” deyə
bildirib.
“Silahların məhz indi verilməsi o deməkdir ki, Rusiya Qarabağda
hər-hansı hərəkətlənməyi qəbul etmir və hansısa kiçik addım neqativ
nəticələrə gətirib çıxara bilər. Türkiyə NATO üzvüdür. Ona görə də
Qarabağda gərginlik məsələsində NATO da ehtiyatlı davranır. Bu
baxımdan, Rusiyanın mesajı Azərbaycanla yanaşı, həm də
Türkiyəyədir”, - deyə o bildirib.
Rusiyanın “Qazeta.ru” portalı da “Rusiya silahları niyə indi
Ermənistana verdi?” sualı ilə çıxış edərək, diqqəti Rusiya-Türkiyə
münasibətlərinə və Qarabağda gərginləşən vəziyyətə çəkib.
“Bu, Qarabağda başlaya biləcək mümkün müharibəyə hazırlıq
addımıdır. Həmçinin, regionda marağı olan Türkiyə kimi güclərə bir
mesajdır”, - deyə sayt qeyd edib.
Strategiya və texnologiyaların analizi mərkəzinin rəhbəri Ruslan
Puxov portala açıqlamasında bildirib ki, Dağlıq Qarabağda
müharibənin yenidən başlaması ehtimalı güclənib: “Cənubi Qafqazda
son illər güc balansı Azərbaycanın xeyrinə dəyişib və bu, Bakının
şərait yaranacağı təqdirdə itirdiyi əraziləri qaytarmaq üçün
hərəkətə keçəcəyini şərtləndirir. Belə görünür ki, indi həmin
şərait yaranıb və Qarabağda müharibə başlaya bilər”.
R. Puxov hesab edir ki, Rusiya Ermənistana yeni silahlar verməklə
regionda güc balansını qorumaq niyyətindədir.
“Bu, həm də yeni Qarabağ müharibəsinin qarşısını almağa hesablanmış
addımdır”, - deyə o vurğulayıb.
Asif Nərimanlı
-
Magazin119:10
Brilliant Dadaşovanın rəqsi GÜNDƏM OLDU - VİDEO
-
Region18:50
Rusiya XİN-dən İrəvana qulaqburma
-
Rəsmi xronika18:32
Rumen Radev İlham Əliyevə zəng etdi
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR