Nida.az
“Dəniz allahı” Azərbaycana qarşı: “qaz müharibələri” yenidən qayıdır
Ötən həftə beynəlxalq hakerlər şəbəkəsi olan
“Anonimous”un Azərbaycan qazını Avropaya nəql edəcək Transadriatik
Qaz Kəməri (TAP) layihəsinə etiraz olaraq İtaliyanın Apuliya
bölgəsinin dövlət hakimiyyəti orqanının saytına hücum etməsi “qaz
müharibələrinin” geridə qalmadığını göstərdi.
Rusiyanın Suriyaya müdaxiləsi ilə beynəlxalq siyasətin gündəmində
müəyyən dəyişikliklər baş vermiş, medianın “qaz müharibələri”
adlandırdığı Avropa qaz bazarı uğrundakı mübarizə ikinci plana
keçmişdi. Lakin bu hücum müharibənin müxtəlif formalarda davam
etdiyini sübut edir. Xüsusilə İtaliyada Azərbaycan qazının Avropaya
çıxarılmasına qarşı bu tip cəhdlər birinci dəfə deyil. Etirazçılar
TAP layihəsinin“ətraf mühitə zərər vuracağını” iddia edərək,
Apuliya bölgəsində kəmərin tikintisini istəmirlər.
“Bizim hökumətimizin dənizi öz tankerləri və gəmiləri ilə
çirkləndirdiyi yetər” deyə “Anonimous” haker qrupunun bəyanatında
bildirilir.
Qeyd edək ki, bundan əvvəl TAP layihəsinə qarşı İtaliyada “5 Star”
adlı siyasi qrupun etiraz aksiyaları olmuşdu.
Lakin burada diqqət çəkən kəmərin keçəcəyi marşrutu təsdiqləyən və
tikintini aparacaq podratçı şirkətləri seçən İtaliya hökumətinin
geri çəkilməsidir.
Publika.az xəbər verir ki, İtaliyanın “IL Foglio”
nəşri hökumətin “Poseydon” layihəsinə meyil etdiyini yazıb.
“Poseydon” qaz kəməri Rusiya qazının Qara dənizin dibi ilə
Yunanıstana, oradan da İtaliyaya çıxarır. İtaliyaya gətirilən təbii
qaz buradan ehtiyacı olan Avropa ölkələrinə paylanılır. Halbuki bu,
imtina edilən “Cənub axını” layihəsinin başqa formada
reallaşmasıdır. Belə görünür ki, İtaliya hökuməti bu layihədə
iştirak etmək niyyətini gizlətmir. Bu isə TAP layihəsinə birbaşa
təhlükədir. Roma hökumətinin strategiyası anlaşılmaz görünür.
Vaxtilə İtaliya TAP-ın inkişafına imkan yaradırdı. İndi isə
“Poseydon” layihəsi üzrə yeni razılaşmanın imzalanması və Rusiya
qazının çıxışına yaşıl işıq yandırmaq Vaşinqtonda ciddi narazılığa
səbəb ola bilər. Amma İtaliya hökuməti bu addımı ilə “Qazprom”un
oyununda yer aldığını göstərir”, - deyə nəşr qeyd edib.
Məlumatlara görə, “Poseydon”la bağlı razılaşmaya Yunanıstan da
qoşulub. Halbuki rəsmi Afina Avropanın Rusiya qazından imtina
siyasətinə qarşı çıxaraq, Moskva ilə danışıqlara getmiş və bunun
ağrılı nəticəsi ilə üzləşmişdi. Yunanıstanda başlanan iqtisadi
defolt problemi solçu Çipras hökumətinə ciddi zərbə vurdu. Bundan
sonra Afina Rusiya qazı ilə bağlı siyasətini dayandırdı. Görünür,
iqtisadi çətinliyi geridə qoyan Çipras hökuməti yenidən əvvəlki
ampluasına qayıdıb. Bu, faktiki olaraq, Azərbaycan qazının Avropaya
çıxışının qarşısını almaq siyasətidir və rəsmi Bakının xoşuna
gəlməyən addımdır. Amma Brüssel və Vaşinqton da bu məsələdə Bakı
ilə eyni mövqedən çıxış edir.
Asif Nərimanlı
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi