• USD 1,7000 0,00% EUR 1,8804 +0,32%
    • GBP 2,1969 +0,32% RUB 0,0267 +0,37%

İqtidar-müxalifət dialoqu yenidən gündəmdə: tərəflər hazırdır

  • Nida.az
  • 29 Fevral 2016 13:01
  • 657 Baxış
İqtidar-müxalifət dialoqu yenidən gündəmdə: tərəflər hazırdır

“Növbəti iqtidar-müxalifət dialoqunun keçirilməsi gündəmdədir”.


Bu barədə Publika.az-a açıqlamasında Yeni Azərbaycan Partiyasının (YAP) Siyasi Təhlil və Proqnozlaşdırma şöbəsinin müdiri, deputat Aydın Mirzəzadə deyib.


YAP rəsmisi qeyd edib ki, iqtidar dialoqun keçirilməsi üçün əlverişli vaxt gözləyir: “Uyğun bir vaxtda müxalifət-iqtidar dialoqu baş tutacaq”.

A. Mirzəzadə iqtidarın dialoq tərəfdarı olduğunu da diqqətə çatdırıb.


“Prinsip etibarilə iqtidar həmişə dialoqun təşəbbüskarı olub. Bu dəfə də eyni təşəbbüslə çıxış edəcək. Dialoq məsələsi dəqiqləşəndən sonra bu barədə ətraflı məlumat veriləcək”, - deyə YAP-ın şöbə müdiri vurğulayıb.

İqtidar-müxalifət dialoqunun iştirakçılarından olan Klassik Xalq Cəbhəsi Partiyasının (KXCP) sədri Mirmahmud Mirəlioğlu da Publika.az-a açıqlamasında növbəti dialoqun baş tutmasını istədiklərini deyib.

“Dialoqun baş tutması iqtidardan asılıdır. Biz istənilən vaxt dialoqa hazırıq. Əgər dəvət olsa, bunu qəbul edərik. Lakin təşəbbüs iqtidardan gəlməlidir”.

Növbəti dialoqda müzakirə mövzularının nələr olacağına gəlincə, həm müxalifət, həm də iqtidar nümayəndəsi bildirib ki, bu barədə dialoq dəqiqləşdikdən sonra danışmaq mümkündür.


Qeyd edək ki, 2014-cü ildən başlayaraq, indiyə kimi iqtidarla müxalifət arasında bir neçə dəfə dialoq baş tutub. Dialoqda BAXCP, BQP, DİP, ADP, KXCP, VİP, VHP, AMİP, MDHP, BAP, ALDP, Vəhdət, Ümid və Azadlıq partiyaları iştirak edib. Son iki ildə baş tutan dialoqlarda nə Müsavat, nə də AXCP iştirak etməyib.


Asif Nərimanlı

Xəbər lenti

DAHA ÇOX XƏBƏR