Nida.az
Deputatdan Qarabağla bağlı beynəlxalq təşkilatlara çağırış
Son vaxtlar Ermənistan silahlı qüvvələri tərəfindən atəşkəsin pozulması, Azərbaycanın yaşayış məntəqələrinin gülləbaran edilməsi mütəmadi hal alıb.
Trend-in məlumatına görə, Milli Məclisin Gənclər və idman komitəsinin sədri Fuad Muradov məsələ ilə bağlı beynəlxalq təşkilatlara çağırış edib.
O, açıqlamasında qeyd edib ki, bu gün özlərini insan
hüquqlarının müdafiəçisi kimi göstərən beynəlxalq təşkilatlar,
xüsusilə BMT-nin İnsan Hüquqları üzrə Ali Komissarlığı, ATƏT-in
Demokratik Təsisatlar və İnsan Hüquqları Bürosu, Avropa Şurasının
İnsan Hüquqları üzrə Komissarlığı yenə də Azərbaycanda mülki
əhalinin Ermənistan ordusu tərəfindən qətlə yetirilməsinə biganə
yanaşır:
“Bütün bunlar onu göstərir ki, Azərbaycan insanının hüquqlarının
Ermənistan tərəfindən kobud şəkildə pozulması həmin qurumları
maraqlandırmır. Yenə də Azərbaycana qərəzli yanaşma var. Əslində
isə bu yanaşma həmin təşkilatların işdə deyil, sözdə və öz
maraqlarına uyğun olaraq guya, insan hüquqlarını qoruduqlarının
göstəricisidir”.
Deputat əminliklə deyib ki, Ermənistanın bu təcavüzkar əməlindən Azərbaycan üzüağ çıxacaq: “Azərbaycan Prezidentinin iradəsi, Azərbaycan Ordusunun gücü, Azərbaycan xalqının Prezident, Ali Baş Komandanla, Azərbaycan Ordusu ilə bir yerdə olması bizi bu çətinlikdən çıxaracaq. Öz gücümüzlə, özümüzə güvənməklə torpaqlarımızı erməni işğalından azad edəcəyik”.
Komitə sədri media vasitəsilə insan haqlarını hər zaman önə çəkən beynəlxalq təşkilatlara çağırış edib: “Ermənistan Azərbaycanın mülki vətəndaşlarını qətlə yetirir. Ermənilərin ötən gecə ağır artilleriyadan açdığı atəş nəticəsində Tərtərin Qarağacı kəndində məskunlaşmış məcburi köçkün Cəlal Rəhimov ölüb, oğlu Orxan Rəhimov isə ayaqlarını itirib. Onların da yaşamaq hüququ var. Mən beynəlxalq təşkilatları Ermənistanın bu işğalçılıq siyasətinə qiymət verməyə, sanksiyalar tətbiq etməyə çağırıram”.
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!
-
İdman06:40
Bellinqem bu gözəllə münasibətə başladı - FOTOLAR