Nida.az
Ermənistan nə üçün təxribatlara əl atır? – Politoloqlar
Azərbaycan Ordusu Ermənistanın cəbhə xəttində
təxribatının qarşısını alıb. Nəticədə düşmən tərəfinin 100-dən çox
hərbiçisi, 6 tankı və onlarla hərbi texnikası məhv edilib.
Azərbaycan Ordusu Goranboy rayonu və Naftalan şəhərinə təhlükə
yarada biləcək Talış kəndi ətrafındakı yüksəkliklər, eləcə də
Seysulan məntəqəsi düşmən qüvvələrindən tam təmizlənib. Horadiz
şəhərinin düşmən təhlükəsindən qorunması məqsədilə Füzuli rayonu
istiqamətində yerləşən, geniş ərazini nəzarətdə saxlamaq imkanı
verən strateji əhəmiyyətli “Lələ təpə” adlandırılan yüksəklik də
bölmələrimizin nəzarətinə keçib. Yayılan informasiyalar düşmən
tərəfinin qorxu içində olduğunu göstərir.
Milli Məclis sədrinin müavini Bahar Muradova
Publika.az-a açıqlamasında bildirib ki, cəbhədə baş
verənlər Ermənistanın təxribatıdır: “Ermənistanın bu təxribatları
heç də təsadüfi deyil. Onlar məqsədyönlü şəkildə təxribatlara əl
ataraq, diqqəti ölkə daxilindəki sosial partlayışdan yayındırmaq
istəyir”.
B. Muradova əlavə edib ki, son günlər Azərbaycanın artan gücü,
beynəlxalq səviyyədə ərazi bütövlüyümüzün bərpası istiqamətində
aparılan işğalçı ölkəni qıcıqlandırır: “Bu təxribatların məqsədi də
budur. Bütün beynəlxalq ictimaiyyət bilməlidir ki, baş verənlər
görə bütün məsuliyyəti Ermənistan daşıyır”.
Politoloq Fikrət Sadıqov bildirib ki,
Ermənistan həmişə təxribatla məşğul olub: “Bu, birinci dəfə deyil,
yəqin ki, sonuncu da olmayacaq. Lakin bu dəfə təxribatın miqyası
daha böyükdür”.
Onun sözlərinə görə, Azərbaycan Prezidenti İlham Əliyev
Vaşinqtonda keçirilən Nüvə Təhlükəsizliyi Sammitində iştirak edir:
“Dövlət başçısı ABŞ-da ən yüksək səviyyəli rəsmilərlə görüşdü. Belə
bir vaxtda ermənilərin təxribata əl atması təsadüfi deyil. Çünki
Azərbaycan öz nüfuzunu artırır, ABŞ-la bir çox məsələlərdə razılığa
gəlir. Bu, Azərbaycanın ərazi bütövlüyünün bərpası üçün önəmli
proseslərdir. Buna görə də Ermənistan və onu dəstəkləyən qüvvələr
cəbhədə təxribata əl ataraq, Azərbaycanı yolundan döndərmək
istəyirlər”.
Politoloq qeyd edib ki, Ermənistanın təxribata əl atdığı vaxt da
diqqətdən yayınmır.
“Bütün dünya ölkələrinin diqqəti Vaşinqtonda keçirilən sammitdə
olduğu bir vaxtda Ermənistanın təxribata əl atması təsadüfi deyil.
Onlar dünyanın diqqətinin başqa yerdə olduğu bir vaxtda Azərbaycanı
zəiflətmək istədilər. Amma Azərbaycan Ordusunun cavabı daha
dəhşətli oldu və düşmən yerində oturduldu”, - deyə politoloq qeyd
edib.
Politoloq Natiq Miri də hesab edir ki, bu
təxribat təsadüfi deyil: “Xüsusilə Prezident İlham Əliyevin ABŞ
səfəri zamanı ermənilərin bu cəhdi hər şeyin planlı şəkildə baş
verdiyini göstərir. Amma görünür, Ermənistan və onun havadarları
Azərbaycan Ordusunun gücünü hesablaya bilməyiblər. Məhz buna görə
də təxribatdan dərhal sonra atəşi dayandırmaq üçün az qala yalvaran
açıqlamalar verdilər”.
N. Miri qeyd edib ki, baş verənlərdə əsas günahkar
Ermənistandır.
“Dünya ictimaiyyəti də buna laqeyd qalmamalı, təxribatçı
Ermənistanı işğal siyasətindən çəkindirməlidir”, - deyə o
bildirib.
Asif Nərimanlı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT