Bu qələbə sizindir, Cənab Ali Baş Komandan!
Bizi izləyin

Nida.az

Bu qələbə sizindir, Cənab Ali Baş Komandan!

Son günlər ordumuzun təmas xəttində qazandığı uğurlardan ruhlanan Azərbaycan vətəndaşları, eləcə də Türkiyə, Rusiya və digər ölkələrin vətəndaşları, xaricdə yaşayan soydaşlarımız Azərbaycan Respublikası Prezidentinin saytına müxtəlif səpkili məktublar ünvanlamaqda davam edir.

Publika.az həmin məktubları təqdim edir:

Hörmətli cənab Prezident.

Rusiyada yaşasaq da, cəbhədə atəşkəsin intensiv şəkildə pozulmasını, Qarabağda gedən döyüşləri diqqətlə izləyirik. Ordumuzun cəbhədəki uğurları hər birimizi sevindirir. Bu münasibətlə Sizi, xalqımızı və Ordumuzun bütün zabit və əsgər heyətini təbrik edirik. Vətən uğrunda canından keçən şəhidlərimizə Allahdan rəhmət diləyirik.

Cənab Ali Baş Komandan, Orenburqda yaşayan həmvətənlərimiz adından Sizdən səfərbərlik əmri verməyinizi xahiş edirik. Bizim güclü Ordumuz var, amma biz də Vətənimiz uğrunda döyüşməyə hazırıq. Birliyimiz gücümüz, gücümüz isə təsir imkanlarımızdır.

Hörmətlə, Hüseynov Elvin İbrahim oğlu.
Rusiya Federasiyası, Orenburq şəhəri.

X X X

Hörmətli cənab Prezident!

Erməni təcavüzkarları ilə döyüşlərdə həlak olmuş Azərbaycan hərbi qulluqçuları və vətəndaşlarına görə Mahaçqala şəhəri azərbaycanlılarının milli mədəni muxtariyyəti adından Sizə dərin hüznlə başsağlığı verir və Sizi hərbi müvəffəqiyyət münasibətilə ürəkdən təbrik edirik. Dağıstan Respublikası ərazisində yaşayan 100 mindən çox azərbaycanlı ölkəmizdə baş verənlərə görə dərin narahatlıq hissi keçirir. Xalq Sizə və Azərbaycan Respublikasının Silahlı Qüvvələrinə inanır. İşğalçılar cəzasız qalmayacaq və qələbə Azərbaycan xalqının olacaq. Axır ki, dünya birliyi oyanacaq və ədalət zəfər çalacaq, dövlətimizin ərazi bütövlüyü bərpa ediləcək.

Böyük hörmətlə,
Azərbaycan Respublikasının Zaqatala rayonunun Danaçı kəndində doğulmuş Qurqunayev Çaydibir Məhəmməd oğlu.
Rusiya Federasiyası, Dağıstan Respublikası, Mahaçqala şəhəri.

X X X

Hörmətli cənab Prezident.

Son günlər təmas xəttində baş verən hərbi əməliyyatlar zamanı Azərbaycan Ordusunun qazandığı uğurlar bir Azərbaycan vətəndaşı və məcburi köçkün kimi, mənim də qələbəyə olan inamımı və əzmimi daha da artırdı. Bu gün 9 milyonluq Azərbaycan xalqı Sizin ətrafınızda sıx birləşərək yürütdüyünüz siyasəti tam dəstəkləyir.

Cənab Prezident, hərbi əməliyyatlarla bağlı bəzi beynəlxalq qurumların qərəzli bəyanatları bizi bərk hiddətləndirdi. Biz bu müharibəni başlamamışıq ki, hansısa dövlətin qınağından və ya təzyiqindən qorxaq. Biz öz tarixi torpaqlarımızı işğaldan azad etmək istəyirik. Son döyüşlərdə cəmi bir neçə gün ərzində xalqımızın yumruq kimi birləşərək torpaqlarımızın azad edilməsi uğrunda əsl vətəndaş həmrəyliyi və sarsılmaz əzmkarlıq nümayiş etdirməsinin şahidi olduq. Məhz gücümüzü birləşdirərək torpaqlarımızı azad etmək bizim müqəddəs borcumuzdur.

Atəşkəs elan edildikdən sonra da atəş səslərinin eşidilməsi, mülki obyektlərin atəşə tutulması, yaralı və şəhid xəbərlərinin gəlməsi bizim hamımızı üzür. Lakin Azərbaycan böyük səbr göstərərək atəşkəsə riayət edir. Təəssüf ki, biz 22 illik atəşkəsin nəticə olaraq, yalnız ATƏT-in Minsk qrupunun fəaliyyətsizliyinin və Ermənistan prezidentinin qondarma "Dağlıq Qarabağ respublikası"nın tanınması haqda sərsəm bəyanatlarının şahidi olduq. Danışıqlar prosesinin uzanması artıq səbrimizi tükəndirib. Biz torpaqlarımızın bir an əvvəl azad edilməsi üçün əmrinizi gözləyirik.

Hörmətlə,
Əsədov Fuad Dönməz oğlu
Azərbaycan Respublikası, Şuşa rayonu

X X X

Salam cənab Prezident,

Mənim 15 yaşım var. Mən cəbhə bölgəsində baş verən döyüşlərdə iştirak etmək istəyirəm. Xahiş edirəm səfərbərlik əmri verin. Həm də çox istəyirəm ki, mən də könüllülər sırasında olum.

Vəliyev Adil Samir oğlu
Azərbaycan Respublikası, Abşeron rayonu, Xırdalan şəhəri

X X X

Cənab Prezident,

Ulu öndərimiz Heydər Əliyev tərəfindən bölünməz, müstəqil və demokratik Azərbaycan uğrunda başlanan mübarizə Sizin tərəfinizdən bu gün də uğurla davam etdirilir. Şəhidlərin qanı bahasına istiqlaliyyət əldə edən ölkəni illər sınağa çəkdi. Müstəqillik qazanan ölkə dağılmaq, parçalanmaq, dövlətçiliyimizi itirmək təhlükəsi ilə üzləşmişdi. Təsadüfi adamlar xalqın adından danışır, özünü idarə etməyi belə bacarmayanlar xalqa rəhbərlik eşqinə düşmüşdülər. Ölkəmiz də xaos hökm sürürdü. Azərbaycan xəritəsində nəhəng, qüdrətli qanadlarını açaraq Xəzərin ənginliklərində süzməyə hazırlaşan bir qartalı xatırladan ölkəmizin əzəmətinə paxıllıq edən nankor qonşularımız olan erməni faşistləri zaman-zaman öz iblis xislətlərini üzə çıxararaq torpağımıza göz dikmiş, fürsət düşən kimi yurdumuzun bütövlüyünə zərbə vurmağa çalışmışlar. Məhz bu məqsədlə ermənilər Azərbaycana düşmən kəsilən qüvvələrlə birləşərək ölkəmizə hücum etdilər. Torpaqlarımızın bir hissəsini işğal etməyə nail oldular. Bu yolda çox şəhidlər verdik, çox qan axıtdıq. Xalqımızın istəyi ilə 1993-cü ildə ulu öndərimiz Heydər Əliyev hakimiyyətə qayıdışından sonra Azərbaycan xalqının itirilmiş inamını özünə qaytardı, sabaha, gələcəyə olan inamı artırdı. Azərbaycan xalqı parçalanıb dağılmaq və müstəqilliyini itirmək kimi dəhşətli fəlakətdən xilas olundu.

Əfqanıstan müharibə veteranı, II qrup əliləm. Bir Azərbaycan vətəndaşı olaraq hər an döyüşməyə hazıram. Sizin əmriniz gözləyirəm.

Hörmətlə,
Bədəlov Səməd İslam oğlu
Azərbaycan Respublikası, Lənkəran şəhəri, Rvo kəndi

X X X

Cənab Ali Baş Komandan,

Mən bir Milli Qvardiyaçı kimi Sizin əmrinizi gözləyirəm. İçdiyim anda sadiq olaraq, son damla qanıma kimi düşmənə qarşı vuruşmağa hazıram. Təki Vətən sağ olsun! Ehtiyatda olan qvardiyaçı dostlarımız və öz adımdan bildirmək istəyirəm ki, hər zaman Ali Baş Komandanımızın əmrinə müntəzirik. Azərbaycan igidləri Sizin yanınızdadır. Var olsun şanlı Azərbaycan!

Hörmətlə,
Mürsəliyev Cavidan Vaqif oğlu
Azərbaycan Respublikası, Şabran şəhəri, Aygünlü kəndi

X X X

Azərbaycan Respublikasının Prezidenti möhtərəm İlham Əliyev,

Biz Norveçdə yaşayan azərbaycanlılar olaraq ordumuzun qələbələrinə və torpaqlarımızın bir qisminin azad olunmasına sevinirik və ordumuzla qürur duyuruq. Biz inanırıq və həmişə inanmışıq ki, ermənilər tərəfindən zəbt edilmiş Dağlıq Qarabağ və onun ətrafındakı torpaqlarımız Sizin rəhbərliyiniz, apardığınız daxili və xarici siyasət və ordumuzun gücü ilə yaxın gələcəkdə azad olunacaq. İnşallah Azərbaycan bayrağı Xankəndi və Şuşa şəhərlərində dalğalanacaq.

Mən ailəmlə Azərbaycandan uzaqda, Norveçin Stavanger şəhərində yaşasam da, daim Vətənimiz Azərbaycanda baş verən davamlı inkişafı izləyir və Sizi hər zaman dəstəkləyirik.

Hörmətlə,
Sadıxov Emin Aydın oğlu
Norveç, Stavanger şəhəri

X X X

Hörmətli cənab Ali Baş Komandan,

Sizdən xahiş edirəm Qarabağın düşməndən azad edilməsi uğrunda döyüşlərdə iştirakıma icazə verəsiniz. Mən də Azərbaycan oğluyam. Vətənimin torpaqlarını düşməndən azad etmək kimi şərəfli vəzifəni yerinə yetirmək istəyirəm.

Dərin hörmətlə,
Məmmədov Elmar Aslan oğlu
Qazaxıstan Respublikası, Astana şəhəri

X X X

Möhtərəm Prezident, cənab Ali Baş Komandan.

Qarabağda düşmənə vurduğumuz sarsıdıcı zərbəyə görə Sizə minnətdarlığımı bildiririk. Bu öldürücü zərbələrin ardının gəlməyini gözləyirik. Sizin bu addımınızı uşaqdan tutmuş böyüyə qədər hamı dəstəkləyir və yanınızda olduğumuzu bildiririk. Lazım gələrsə, əmrinizlə hamımız bir yumruq olub Sizin bayrağınız altında birləşməyə hazırıq. İnşallah, Qarabağda, Xocalıda tökülən qanlar yerdə qalmayacaq. Hamımız buna çox inanırıq.

Əhsən sənə Azərbaycan əsgəri! Vur zərbəni, vur qadasın aldığım!

Hörmətlə,
Mustafazadə Mirəli Asif oğlu.
Azərbaycan Respublikası, Abşeron rayonu.

X X X

Möhtərəm cənab Prezident.

Ölkəmiz üçün taleyüklü məsələlərdə Ulu Öndər xalqı başına yığardı və hər kəsə sübut edərdi ki, Heydər-xalq birliyi sarsılmazdır. Bu gün tarixi bir şans yaranıb. Danışıqlar masasında hər kəs bilməlidir ki, Azərbaycan xalqı cəsurdur və müharibə istəyir. Xalqımız torpaqlarını müharibə yolu ilə almaq əzmindədir.

Hörmətli cənab Prezident, Mən Sizin adınızın tariximizə qızıl hərflərlə yazılmasını görmək istəyirəm. Bunun baş verəcəyinə inanıram.

Hörmətlə,
İsmayılov Natiq Fəxrəddin oğlu.
Azərbaycan Respublikası, Bakı şəhəri.

X X X

Hörmətli cənab Prezident.

İlk növbədə, Sizi salamlayır və cəbhədəki uğurlar münasibətilə təbrik edirəm. Biz Sizə və Sizin sayənizdə formalaşan güclü Ordumuza güvənirik. Onu da bilirik ki, Ordumuz işğal olunmuş ərazilərimizi mənfur düşməndən bir həftə ərzində təmizləməyə qadirdir.

Cənab Ali Baş Komandan, biz Sizin əmrinizi gözləyirik. İstənilən an döyüşə getməyə, torpaqlarımız, Vətənimizin və ölkəmiz uğrunda vuruşmağa hazırıq. İnanırıq ki, Sizin uğurlu siyasətiniz nəticəsində işğal olunmuş torpaqlarımız tezliklə tam azad ediləcək.

Sizə uzun ömür, möhkəm cansağlığı və uğurlar arzulayıram.

Hörmətlə,
Səmədov Muxtar Fəttah oğlu, məcburi köçkün.
Azərbaycan Respublikası, Laçın rayonu, Dambulaq kəndi.

X X X

Hörmətli cənab Prezident.

İlk növbədə, Sizi salamlayır və cəbhədəki uğurlar münasibətilə təbrik edirəm. Biz Sizə və Sizin sayənizdə formalaşan güclü Ordumuza güvənirik. Onu da bilirik ki, Ordumuz işğal olunmuş ərazilərimizi mənfur düşməndən bir həftə ərzində təmizləməyə qadirdir.

Cənab Ali Baş Komandan, biz Sizin əmrinizi gözləyirik. İstənilən an döyüşə getməyə, torpaqlarımız, Vətənimizin və ölkəmiz uğrunda vuruşmağa hazırıq. İnanırıq ki, Sizin uğurlu siyasətiniz nəticəsində işğal olunmuş torpaqlarımız tezliklə tam azad ediləcək.

Sizə uzun ömür, möhkəm cansağlığı və uğurlar arzulayıram.

Hörmətlə,
Səmədov Muxtar Fəttah oğlu, məcburi köçkün.
Azərbaycan Respublikası, Laçın rayonu, Dambulaq kəndi.

X X X

Hörmətli cənab Prezident İlham Əliyev.

Azərbaycan Respublikasının çiçəklənməsi, abadlaşması, insanların sosial təminatının yaxşılaşması, zəbt olunmuş torpaqlarımızın geri qaytarılması istiqamətində göstərdiyiniz böyük səylərinizə görə Sizə minnətdarlığımı bildirirəm. Məhz Sizin siyasətinizin nəticəsidir ki, bu gün Azərbaycan xalqı sevinc içərisindədir. Şəhidlərimizi də qürurla qarşılayırıq. Xalqının indiki birliyinin formalaşmasında Sizin əməyiniz təqdirəlayiqdir.

Cənab Prezident, bir vətəndaş olaraq ölkəmizin çiçəklənməsi, azadlığı naminə, torpaqlarımızın geri qaytarılması uğrunda mübarizə aparmağa həmişə hazıram.

Hörmətlə,
Abdullayev Dünyamalı Sabir oğlu.
Azərbaycan Respublikası, Masallı rayonu, Boradigah qəsəbəsi.

X X X

Cənab Ali Baş Komandan.

Bir Azərbaycan gənci olaraq Sizə bildirmək istəyirəm ki, biz gənclər Sizin siyasətinizi dəstəkləyir və Sizə inanırıq. Sizin uğurlu islahatlarınız nəticəsində çiçəklənən Azərbaycan üçün döyüşməyə hazıram. Yetər ki, əmr edin, cənab Ali Baş Komandan!

Hörmətlə,
Əkbərov Vüqar Eldar oğlu.
Azərbaycan Respublikası, Mingəçevir şəhəri.

X X X

Hörmətli cənab Prezident.

Cəbhədə əldə olunmuş qələbə münasibətilə Sizi təbrik edirəm. Sizə qarşıdan gələn günlərdə yeni nailiyyətlər qazanmağı arzu edirəm.

Məndə öz növbəmdə Sizin verdiyiniz tapşırıqlar əsasında üzərimə düşən bütün vəzifələri yerinə yetirməyə hazıram. Mən fəxr edirəm ki, Azərbaycan Respublikasının vətəndaşıyam və Azərbaycan xalqına xidmət edirəm.

Hörmətlə,
Nəcəfov Sirac Vaqif oğlu.
Azərbaycan Respublikası, Biləsuvar rayonu, Amankənd kəndi.

X X X

Hörmətli cənab Prezident.

Ordumuzun cəbhədəki uğurlu əməliyyatlarını alqışlayıram. Bu qələbələrə sevinir və yenidən cəbhəyə getməyə daha da ruhlanıram. Mən özüm 1994-1997-ci illərdə Tərtər rayonunda hərbi xidmətdə olmuşam. Oraları çox yaxşı tanıyıram. Əgər əmriniz olsa, əldə silah yenidən Vətənin müdafiəsinə hazıram.

Hörmətlə,
Nəcəfov Aqil Çingiz oğlu.
Azərbaycan Respublikası, Zərdab rayonu, Əlicanlı kəndi.

X X X

Hörmətli cənab Prezident.

Rusiyada yaşasaq da, cəbhədə atəşkəsin intensiv şəkildə pozulmasını, Qarabağda gedən döyüşləri diqqətlə izləyirik. Ordumuzun cəbhədəki uğurları hər birimizi sevindirir. Bu münasibətlə Sizi, xalqımızı və Ordumuzun bütün zabit və əsgər heyətini təbrik edirik. Vətən uğrunda canından keçən şəhidlərimizə Allahdan rəhmət diləyirik.

Cənab Ali Baş Komandan, Orenburqda yaşayan həmvətənlərimiz adından Sizdən səfərbərlik əmri verməyinizi xahiş edirik. Bizim güclü Ordumuz var, amma biz də Vətənimiz uğrunda döyüşməyə hazırıq. Birliyimiz gücümüz, gücümüz isə təsir imkanlarımızdır.

Hörmətlə, Hüseynov Elvin İbrahim oğlu.
Rusiya Federasiyası, Orenburq şəhəri.

X X X

Cənab Ali Baş Komandan.

Son günlər cəbhə xəttində - Tərtər, Ağdam, Xocavənd rayonları ərazilərində baş vermiş məlum hadisələr biz keçmiş Qarabağ döyüşçülərini ciddi narahat etməkdədir. Belə ki, son günlər cəbhə xəttində yerləşən bütün sərhədyanı rayonlarımızın mülki əhalisinin xain erməni işğalçıları tərəfindən iriçaplı silahlarla intensiv atəşə tutması və düşmənin bu yöndə işğalçı siyasətini davam etdirməsi bizi hiddətləndirib. Lakin Sizin rəhbərliyinizlə qəhrəman zabit və əsgərlərimizin buna layiqli cavab verərək düşmənə həlledici zərbələr vurması, işğal altında olan məntəqələrimizin işğalçılardan azad edilməsi xəbərini ruh yüksəkliyi və böyük həyəcanla izləyirik. İyirmi ildən artıq işğal altında olan torpaqlarımızın azad edilməsi və yurd-yuvalarından didərgin düşmüş soydaşlarımızın tarixi Azərbaycan torpaqlarına qayıtmasını səbirsizliklə gözləyirik.

Cənab Ali Baş Komandan, biz - Abşeron rayonunun keçmiş Qarabağ döyüşçüləri bu müqəddəs yolda Sizin hər bir addımınızı qətiyyətlə dəstəkləyirik və əmrinizə hər zaman müntəzir olduğumuzu bəyan edirik. Sizə möhkəm cansağlığı, işlərinizdə yeni uğurlar arzu edirik.

Hörmətlə,
Cabbarov Cabbar,
AVMVİB-nin Abşeron şöbəsinin sədri.
Azərbaycan Respublikası, Abşeron rayonu.

X X X

Çox hörmətli Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev.

Son günlər cəbhə xəttində düşmənin təxribatlarının qarşısını qətiyyətlə alan və ona layiqli cavab verən Azərbaycan Silahlı Qüvvələrinin uğurları bizi çox sevindirir. Ciddi itki verərək geri çəkilmək məcburiyyətində qalan ermənilər Azərbaycan Ordusunun gücünün bir daha şahidi oldular.

Hörmətli cənab Prezident, cəbhədə baş verənlərdən sonra Vətənimizin qeyrətli oğulları düşmənlə mübarizə aparmaq üçün silaha sarılmağa hazır olduqlarını bəyan etdilər. Sizin də Ali Baş Komandan kimi bunu yüksək qiymətləndirməyiniz bizə əlavə ruh verdi. Mən Azərbaycan Respublikasının sıravi vətəndaşı bu gün bir əsgər kimi Sizin komandanlığınız altında silah götürərək düşmən üzərinə getməyə hazıram. Əmrinizi gözləyirik. Azərbaycanın ərazi bütövlüyü uğrunda mübarizəyə qalxmaq və Vətən uğrunda döyüşmək mənim üçün böyük şərəf olardı.

Dərin hörmətlə,
Novruzov Tusi Əli oğlu
Azərbaycan Respublikası, Bakı şəhəri, Yasamal rayonu

X X X

Möhtərəm Prezident, cənab Ali Baş Komandan İlham Əliyev.

Mən Almaniyada yaşayan türkəm. Ermənilərlə döyüşlərdə şəhid olan Azərbaycan əsgərlərinin yeri mütləq cənnətdədir. Qardaş Azərbaycan xalqının başı sağ olsun. Azərbaycan Ordusuna yeni qələbələr arzu edirəm. Qardaş ölkənin torpaqlarının işğaldan azad olunacağı gün uzaqda deyil. Bunu Siz edəcəksiniz. Sizə uğurlar olsun. Sizi çox sevirik.

Hörmətlə,
Çağlayan Menderes,
Almaniya Federativ Respublikası, Köln şəhəri

X X X

Möhtərəm cənab Prezident.

Düşmənlə döyüşlərdə şəhid olan əsgərlərimizə rəhmət diləyir, Sizə və bütün Azərbaycan xalqına başsağlığı verirəm. Biz həmişə qardaş Azərbaycan xalqının yanındayıq və haqq bizim yanımızda olduğuna görə son qələbə də bizimdir. Düşmənin dərsini həmişə belə vermək lazımdır.

Hörmətlə,
Koç Mahmut Mecit oğlu,
Türkiyə Respublikası, İzmir şəhəri

X X X

Möhtərəm cənab Prezident.

Mən hərbiçiyəm. Hər zaman azərbaycanlı qardaşlarımla birlikdə çiyin-çiyinə döyüşməyə, bildiklərimi onlara da öyrətməyə canla-başla hazıram. Qardaş Azərbaycana haqq işində zəfərlər diləyirəm.

Hörmətlə,
Öztürk Əhməd Süleyman oğlu,
Türkiyə Respublikası, Çanaqqala şəhəri.

X X X


Çox hörmətli cənab Prezident.

Son zamanlar Qarabağ müharibəsi cəbhələrində baş verənləri diqqətlə izləyirəm. Vətənin ərazi bütövlüyü uğrunda döyüşlərdə şəhid olan qəhrəman Azərbaycan əsgərlərinə Allahdan rəhmət diləyirəm. Qadir Allah düşmənlə mübarizədə qardaşlarımıza qələbə nəsib edər, inşallah. Mən 2007-2013-cü illərdə Bakıda fəaliyyət göstərmişəm və Azərbaycanın çörəyini yemişəm. Azərbaycana sevgim sonsuzdur. Odur ki, azərbaycanlı qardaşlarımla cəbhədə çiyin-çiyinə döyüşməyə hazıram. Mən Azərbaycanın qələbəsinə ürəkdən inanıram.

Sizə sonsuz sevgi və hörmətlə,
Karabacak Hacı Veysəl oğlu
Türkiyə Respublikası, Ankara şəhəri

X X X


Zati-aliləri cənab Prezident İlham Əliyev.

Litva Azərbaycanlıları Cəmiyyəti Ermənistan-Azərbaycan qoşunlarının təmas xəttində Azərbaycan Ordusunun atdığı bütün addımları birmənalı dəstəkləyir və Ordumuzun irəliləməsini alqışlayır. Ordumuza uğurlar arzulayır və bildiririk ki, istər döyüş əməliyyatlarında iştirak etməyə, istərsə də təbliğat və informasiya qovğasında Ordumuza Baltik ölkələrində hər cür dəstək verməyə, xalqımızın haqq səsini Litva ictimaiyyətinə çatdırmaq üçün əlimizdən gələni etməyə həmişə hazır olduğumuz kimi indi də hazırıq.

Azərbaycan diasporunu, xaricdə yaşayan bütün həmvətənləri bu məsuliyyətli və həlledici tarixi mərhələdə Azərbaycan Ordusu ilə həmrəylik nümayiş etdirməyə, Ordu və onun Ali Baş Komandanı İlham Əliyev ətrafında sıx birləşməyə çağırırıq.

Azərbaycan Silahlı Qüvvələrinin işğalçı Ermənistan ordusu ilə təmas xəttində baş verən döyüş qarşıdurması zamanı verdiyimiz itkilərlə bağlı xalqımızın yaşadığı acını ürəkdən bölüşürük. Ərazi bütövlüyümüz uğrunda şəhid olmuş hərbi qulluqçuların ailələrinə, yaxınlarına, həmçinin Zati-aliləri Sizə və bütün Azərbaycan xalqına Litva azərbaycanlıları adından dərin hüznlə başsağlığı verir, dünyasını dəyişənlərə Allahdan rəhmət diləyir və yaralılara şəfa arzu edirik. Vətən sağ olsun! Haqq işi uğrunda mübarizədə tarixi vətənimiz Azərbaycana qələbələr arzu edirik.

Hörmətlə,
Həmzəyev Mahir,
Litva Azərbaycanlıları Cəmiyyətinin sədri, Litva Respublikası Hökuməti yanında Milli İcmalar Şurasının üzvü, Dünya Azərbaycanlılarını Əlaqələndirmə Şurasının üzvü.
Litva Respublikası, Vilnüs şəhəri.

X X X


Möhtərəm cənab Prezident!

Aprelin 2-nə keçən gecə erməni silahlı qüvvələrinin cəbhəboyu mövqelərimizə hücumu biz veteranları da dərindən hiddətləndirmişdir. Sizin rəhbərliyiniz altında Milli Ordumuzun düşmənin təxribatçı əməllərinin qarşısını alması və onlara sarsıdıcı zərbənin endirilməsi hər birimizdə böyük qürur hissi oyatdı. Hərbi əməliyyatlar zamanı şəhid olanlara Allahdan rəhmət diləyirik.

Cənab Ali Baş Komandan, biz daim Sizə inanırıq və qəti əminik ki, Azərbaycan əsgərinin işğal altındakı ərazilərimizi düşməndən tamamilə azad edəcəyi gün heç də uzaqda deyildir. Sizin rəhbərliyiniz altında tezliklə qələbə bayrağını Şuşada, Xankəndidə qaldıracağıq.

Hörmətlə,
Bəşirov Hidayət, Lerik Rayon Veteranlar Təşkilatının sədri
Paşayev Daşdəmir, Böyük Vətən müharibəsi veteranı, ehtiyatda olan polis polkovnik-leytenantı
Fərziyev Söhbət, Böyük Vətən müharibəsi veteranı, Azərbaycan Respublikası, Lerik rayonu

X X X

Cənab Ali Baş Komandan.

Azərbaycandan kənarda yaşayan yüz minlərlə həmvətənimiz erməni təxribatının qarşısının alınması, əhalinin təhlükəsizliyinin qorunması məqsədilə Azərbaycan Respubilkasının Silahlı Qüvvələri tərəfindən görülən cavab tədbirlərini dəstəkləyir, qısa müddətdə həyata keçirilən sürətli əks-həmlə zamanı strateji əhəmiyyətə malik bir neçə yüksəklik və tarixi yaşayış məntəqələrimizin düşməndən tam azad olunması xəbərinə sevinir, döyüş tapşırığını yerinə yetirərkən şəhid olan əsgərlərimizə Allahdan rəhmət, yaralılara isə şəfa diləyir.

Cənab Ali Baş Komandan, ulu öndər Heydər Əliyevin əsasını qoyduğu və Sizin uğurla davam etdirdiyiniz siyasətin nəticəsidir ki, bu gün güclü Azərbaycan dövləti xaricdə yaşayan hər bir soydaşımızın qürur mənbəyidir. Vətənimizin ayrılmaz hissəsi olan tarixi Qarabağ torpaqlarımızın işğalçı Ermənistan ordusundan təmizlənməsi naminə biz - xaricdə təşkilatlanmış azərbaycanlı gənclər qeyd etmək istəyirik ki, bu şərəfli və tarixi gündə doğma Vətəndə yaşayan soydaşlarımızın yanındayıq. Bu amalla yaşayır, Sizin əmrinizi gözləyərək Qarabağ torpaqlarının işğaldan azad edilməsi uğrunda mübarizə aparan Azərbaycan Silahlı Qüvvələrinin sıralarına qatılmağa hazırıq. Ulu Tanrı xalqımıza yeni-yeni qələbələr nəsib etsin.


Dünyanın müxtəlif ölkələrində yaşayan Azərbaycan diasporunun gənc nümayəndələri adından Zati-alinizə dərin hörmətlə,

Səfərli İbrahim, Azərbaycan-Macarıstan Gənclər Birliyinin sədri

Hacıyev İqbal, Azərbaycan-Rumıniya Gənclər və Mədəniyyət Assosiasiyasının sədri

Səlimov Amil, Latviya "AZERİ" Gənclər Birliyinin sədri

Qurbanov Mahir, "Azərbaycan-Latın Amerika Gənclərinin Dostluğu" İctimai Birliyinin sədri

Allahverdili Toğrul, Azərbaycan Slavyan Gəncləri Assosiasiyasının Rusiya Federasiyasındakı nümayəndəsi

Elxanoğlu Xəzri, Azərbaycan Slavyan Gəncləri Assosiasiyasının Ukraynadakı nümayəndəsi

Əliyeva Nərgiz, Gürcüstan Azərbaycan Mədəniyyət Mərkəzi Gənclər Təşkilatının rəhbəri

Fətəliyeva Mirvari, Paris "Azərbaycan Evi"nin rəhbəri

Niftaliyev Ramil, Misir Azərbaycan Diaspor Təşkilatının sədri

Şahbazlı Tural, Kahramanmaraş-Azərbaycan Təhsil, Mədəniyyət və Həmrəylik Mərkəzinin sədri

Tağıyev Şamil, Azərbaycan Mədəniyyətinin İnkişafı və İntibah Fondunun (Moskva) sədri

Əliyev Əbdül, Çex-Azərbaycan Mədəniyyət Mərkəzinin sədri

Rixter Elnur, Almaniya Azərbaycan Gənclər Birliyinin sədri

Bədirli Rəşad, Azərbaycan-Şimali Kipr Gəncləri Birliyinin icraçı rəhbəri

Nəbizadə Zakir, Sankt-Peterburq Azərbaycanlı Gənclər Birliyinin sədri

İsmayılov Zülfiqar, Azərbaycanlı Gənclərin Beynəlxalq Alyansının icraçı rəhbəri

Süleymanlı Ləman, Kasyeri Azərbaycanlı Gənclər Toplumunun rəhbəri

Mehdiyeva Məryəm, İtaliya Azərbaycan Gənclər Birliyinin vitse-prezidenti

İsgəndərov Elmar, İndoneziya Azərbaycan Gənclər Mərkəzinin rəhbəri

Əhməd Nail, Polşa Azərbaycan Gənclər Birliyinin sədri

Abbasov Azər, Azərbaycan-Latviya Dostluq Birliyinin rəhbəri

Şafadiyev Orxan, Almaniya Dağ Yəhudiləri İcmasının Gənclər rəhbəri

Cahandar Ertuğrul, Dünya Azərbaycanlıları Konqresi Türkiyə Gənclər nümayəndəliyinin rəhbəri

Şirinov Tural, Estoniya Azərbaycanlı Gəncləri Təşkilatının nümayəndəsi

Nəsibova Firuzə, Aktau Azərbaycan Gənclər Birliyinin rəhbəri

Zakiroğlu Ehtiram, Qırğızıstan Manas Universiteti Azərbaycanlı Tələbə Birliyinin rəhbəri.

X X X


Möhtərəm cənab Prezident.

Moskvada və Rusiyanın digər şəhərlərində yaşayan və təhsil alan yüz minlərlə həmvətənimiz erməni təxribatının qarşısının alınması, əhalinin təhlükəsizliyinin qorunması məqsədilə Azərbaycan Respubilkasının Silahlı Qüvvələri tərəfindən həyata keçirilən cavab tədbirlərini dəstəkləyir, qısa müddətdə həyata keçirilən surətli əks-həmlə zamanı strateji əhəmiyyətə malik bir neçə yüksəklik və yaşayış məntəqələrinin düşməndən tam azad olunması xəbərinə sevinir, döyüş tapşırığını yerinə yetirərkən şəhid olan əsgərlərimizə Allahdan rəhmət, yaralılara isə şəfa diləyir.

Cənab Ali Baş Komandan, ulu öndər Heydər Əliyevin əsasını qoyduğu və Sizin uğurla davam etdirdiyiniz diaspor siyasətinin nəticəsidir ki, Rusiyada və ümumiyyətlə xaricdə yaşayan yüz minlərlə azərbaycanlı Dağlıq Qarabağın işğaldan azad olunması istiqamətində səylərinizi dəstəkləyir. Torpaqlarımızın geri qaytarılması hamımızın müqəddəs borcudur. Bu işdə hər zaman Sizin yanınızdayıq. Əmin ola bilərsiniz ki, Azərbaycandan kənarda yaşamalarına baxmayaraq, böyük bir diaspor ordusu Ali Baş Komandanımızın əmrini gözləyir.

Zati-alinizə dərin hörmət və ehtiramla,

Cəfərova Elvira Nizaməddin qızı

Allahverdiyev Toğrul Ağəli oğlu

Qarayev Xəzər Akif oğlu, Azərbaycan-Slavyan Gənclər Assosiasiyasi Rusiya Nümayəndəliyinin üzvləri.

Rusiya Federasiyası, Moskva şəhəri.

X X X

Cənab Prezident, Ali Baş Komandan.

Ermənistan-Azərbaycan qoşunlarının təmas xəttində düşmənin törətdiyi təxribatlar biz gəncləri hiddətləndirir. Ordumuzun düşmənə verdiyi layiqli cavabdan qürur duyuruq. Şəxsən mən də o döyüşlərdə iştirak etmək istəyirəm. İdmançıyam, gücümə, iradəmə əminəm.

Cənab Ali Baş Komandan, düşməndən qisas almaq üçün əmrinizi gözləyirik. Biz Sizə güvənirik, biz daim Sizin ətrafınızda sıx birləşmişik.

Hörmətlə,
Əhmədzadə Ağaxəlil Natiq oğlu.
Azərbaycan Respublikası, Bakı şəhəri.

X X X

Hörmətli cənab Ali Baş Komandan.

Ordumuzun cəbhədə bir neçə strateji yüksəkliyi ələ keçirməsi münasibətilə Sizi təbrik edirəm. Bu anlarda özümü Qarabağda hiss edirəm. Biz bu uğurları Sizin rəhbərliyinizlə qazandıq.

Möhtərəm Prezident, mən də bir vətəndaş kimi Qarabağa döyüşə getməyi özümə borc bilirəm. Mənim dayım da Vətən uğrunda gedən döyüşlərdə şəhid olub. Ölkəmizin ərazi bütövlüyü uğrunda döyüşlərdə vuruşmaq hər bir gəncin arzusudur. Bizim arzumuz həm də Sizin komandanlığınızla torpaqlarımızı yağı düşməndən azad etməkdir. Bu yolda Sizə və Ordumuza uğurlar arzu edirik.

Hörmətlə,

Əzimzadə Nərmin Şaiq qızı.

Azərbaycan Respublikası, Bakı şəhəri, Nərimanov rayonu.

x x x

Hörmətli Ali Baş Komandan, biz gənclər və bütün dünya azərbaycanlıları Sizinlə fəxr edirik. Ölkəmizdə, Vətənim Azərbaycanda, Qarabağımızda gedən döyüşlərdə düşmənə qarşı şücaətlə vuruşmaq mənim də arzum olub. Arzumdur ki, mən də Vətənə öz borcumu verim. Xahiş edirəm ki, bir vətəndaş olaraq mənim bu arzumu reallaşdırasınız və tapşırıq verəsiniz ki, məni silah-sursatla təmin etsinlər və mən də Vətənim Azərbaycanın, işğal olunmuş torpaqlarımızın müdafiəsində iştirak edim. Daha dözməyə səbrimiz qalmayıb.

Hörmətlə,

Hüseynov Şamxal Adil oğlu,

Azərbaycan Respublikası, Bakı şəhəri, Binəqədi rayonu.

x x x

Hörmətli cənab Prezident.

Əvvəla ordumuzun uğurları münasibətilə Sizi təbrik edirəm. Şəhidlərimizin ruhu şad olsun. Sizə və bütün Azərbaycan xalqına başsağlığı verirəm.

Cənab Prezident, təmas xəttində ermənilərə belə layiqli cavab verdiyiniz üçün Sizə minnətdaram. Xahiş edirəm mənim ordu sıralarına qatılmağım üçün göstəriş verəsiniz.

Hörmətlə,

Sadiqov Asif Elşad oğlu

Azərbaycan Respublikası, Bakı şəhəri, Binəqədi rayonu

x x x

Cənab Prezident,

Son günlərdə ordumuzun düşmənə vurduğu sarsıdıcı zərbələr biz vətəndaşları çox sevindirir və qürurlandırır. Düşmənlə qəhrəmanlıqla döyüşən Azərbaycanın qeyrətli oğullarını Allah qorusun.

Cənab Ali Baş Komandanım, çıxışlarınızda dəfələrlə bildirmisiniz ki, erməni əsgərləri bizim torpaqlardan çıxmasalar, ordumuzun cavabı ağır olacaq. Amma düşmən buna məhəl qoymurdu və nəhayət, onlar qüdrətli Azərbaycan ordusunun gücünü gördü. Ordumuzun uğurları Sizin apardığınız uğurlu daxili və xarici siyasətin bəhrəsidir. Buna görə Sizə ailəmizin adından təşəkkür edirəm. Allah hər zaman Sizi qorusun! Allah Ulu Öndərimizin məkanını cənnətlik etsin. Əgər o dahi şəxsiyyət olmasaydı, Azərbaycan xəritədən silinəcəkdi. Bir daha cənab Ali Baş Komandanım, Sizə işlərinizdə uğurlar arzulayıram, zəfərləriniz hər zaman bol olsun.

Allah şəhidlərimizə rəhmət eləsin. Cənab Ali Baş Komandanım, hər zaman əmrinizi gözləyirik ki, düşməni torpağımızdan axıra qədər qovaq.

Hörmətlə,

Rəhimov Vüqar Baxış oğlu

Azərbaycan Respublikası, Zərdab rayonu

x x x

Hörmətli Prezident, cənab Ali Baş Komandan.

Mən Ağdam rayonu 36 saylı məktəbin 11-ci sinif şagirdiyəm. Erməni təxribatlarının həmişə şahidi olmuşuq və mənfur düşmən indi də təxribatlarını davam etdirir. Son günlər Milli Ordumuzun erməni təxribatlarına tutarlı cavab verməsi hamımızı qürurlandırdı. Biz bu uğurlara ürəkdən sevinirik. İnanırıq ki, yaxın vaxtlarda işğal altındakı bütün rayonlarımız Sizin rəhbərliyiniz və qətiyyətinizlə azad ediləcək. Əminik ki, o gün uzaqda deyil.

Biz Prezidentimizlə fəxr edirik. Vətənimiz uğurunda, Sizin uğrunuzda döyüşməyə hər an hazırıq. Biz Vətənimizin və Sizin müsəlləh əsgərinizik.

Hörmətlə,

Vəliyev Yaşar Ceyhun oğlu.

Azərbaycan Respublikası, Bakı şəhəri, Xətai rayonu.

x x x

Cənab Ali Baş Komandan, əvvəla Vətən uğrunda şəhid olmuş əsgərlərimizə Allahdan rəhmət diləyirəm. Azərbaycanın işğal altındakı torpaqlarını düşməndən təmizləmək istiqamətində son günlərdə uğurla keçirilən əməliyyatlar məni çox sevindirir. Əminik ki, işğal altındakı Dağlıq Qarabağımız düşmən tapdağından uğurlu siyasətiniz sayəsində azad ediləcək. Yaşımın 15 olmasına baxmayaraq mən də əsgərlərimizlə birlikdə torpaqlarımızı işğaldan azad etmək istəyirəm. Öz ordumuza, ən əsası da Sizə güvənirik və hər an Vətən uğrunda canımızdan keçməyə hazırıq.

Hörmətlə,

Qarayeva Nərmin Rauf qızı,

Azərbaycan Respublikası, Bakı şəhəri, Binəqədi rayonu.

x x x

Hörmətli cənab Prezident, Ali Baş Komandan.

Maştağa gəncləri adından xahiş edirik ki, bizim könüllü olaraq cəbhəyə getməyimiz üçün göstəriş verəsiniz. Biz hərbi xidmətdə olmuşuq və cəbhədəki uğurlu əməliyyatlarda iştirak etmək istəyirik.

Hörmətlə,
Cavadov Qasım Əliabbas oğlu
Azərbaycan Respublikası, Bakı şəhəri, Binəqədi rayonu

x x x

Hörmətli cənab Prezident.

Son günlər arzularım, dualarım çin olur. İnanın, şad xəbəri eşidəndə göz yaşlarımı saxlaya bilmədim. Biz hamımız bunu neçə illərdir ki, gözləyirdik. Sevincimin həddi-hüdudu yoxdur. Əhd etmişəm ki, torpaqlarımız işğaldan tam azad olunandan sonra ilk bayram namazını Qarabağda qılacağam.

Mənim Sizinlə bağlı bir arzum da var. Sizinlə və ailənizlə görüşmək. Ümid edirəm ki, nə vaxtsa bu arzuma da çataram. Allah Sizə uzun ömür, möhkəm cansağlığı versin. Dualarım daim Sizinlədir. Azərbaycan xalqı Sizə çox inanır və güvənir. Siz də hər dəfə o inamı və güvəni doğruldursunuz. Nə yaxşı ki, varsınız, cənab Prezident!
İnşallah, düşmənlərimiz üzərində qələbəni Azərbaycan xalqı möhtəşəm şəkildə qeyd edəcək. Həmin gün tarixə qızıl hərflərlə yazılacaq. Allah bizi bütün arzularımıza çatdırsın.

Dərin hörmətlə,
Zeynalova Aysel Hidayətovna
Azərbaycan Respublikası, Bakı şəhəri, Səbail rayonu

x x x

Hörmətli Prezident İlham Əliyev.

Sizi, Azərbaycan xalqını, müdafiə nazirini, Azərbaycan Ordusunda döyüşən igid qardaşlarımızı ürəkdən salamlayıram.

"Bir millət, iki dövlət" olan Türkiyənin və Azərbaycanın tarix boyu mövcud olan qardaşlıq münasibətlərinin xalqlarımız var olduqca davam edəcəyinə inanırıq. Ermənistan silahlı qüvvələri ilə döyüşlərdə həlak olmuş şəhid qardaşlarımızla əlaqədar kədərinizi paylaşır, Sizə və şəhidlərimizin yaxınlarına Allahdan səbr diləyirəm. Vətənini, bayrağını, dinini, namusunu erməni işğalçılarının təcavüzündən qorumaq üçün şəhid olan övladlarımıza Allah qəni-qəni rəhmət etsin.
Bizi istəməyən qüvvələrin çirkin oyunlarına qarşı Allah dövlətlərimizi, xalqlarımızı daha da güclü etsin. Rəbbim bu savaşda sizi müvəffəq etsin və torpaqlarımız düşmən tapdağında qalmasın. Allah bayrağınızı daim uca etsin. Biz türk milləti olaraq hər zaman sizinləyik.

Hörmətlə,
Karaoğlan Abdullah Əli oğlu
Türkiyə Respublikası, Yalova şəhəri

x x x

Hörmətli cənab Prezident, Ali Baş Komandan

Mən birinci Qarabağ müharibəsində sonadək fəal iştirak etmişəm, döyüşlərdə iki dəfə ağır yaralanmışam, ikinci qrup müharibə əliliyəm. Sizin cəsarətli və qətiyyətli çıxışınız hamı kimi məni də qürurlandırdı. Mən yenidən döyüşlərdə iştirak etmək istəyirəm.
Cənab Prezident Vətən uğrunda döyüşdə iştirak etmək hər bir azərbaycanlı üçün böyük şərəfdir.

Hörmətlə,
Hüseynov İbrahimxəlil Dəmir oğlu, təqaüdçü
Azərbaycan Respublikası, Goranboy rayonu

x x x

Zati-aliləri, cənab Ali Baş Komandan.

Zərif cinsin nümayəndəsi olsam da, Sizin komandanlığınızla ölkəmizin keşiyində durmağa, Vətən, şanlı zəfər naminə Qarabağa könüllü yollanmağa, düşməndən qisas almağa hazıram. Sizi əmin edirəm ki, son damla qanımadək ölkəmi müdafiə etmək, başımız üzərində dalğalanan üçrəngli bayrağımızı Şuşa qalasında asanlardan biri olmaq istəyirəm.
Əziz Prezidentimiz, Siz ümummilli liderimiz Heydər Əliyevin bizə qoyduğu dəyərləri qoruyur və gələcək nəslə ötürmək üçün lazımi tədbirlər görürsünüz. Çox sevinirik ki, Ulu Öndərimiz Heydər Əliyev, Ali Sərkərdəmiz isə Sizsiniz.
Yaşamaq, var olmaq üçün torpaq bizə suyunu, havasını, çörəyini verir, qarşılığında isə bizdən müdafiəsini istəyir. Biz Vətəni müdafiə etməyi ümummilli lider Heydər Əliyevdən öyrəndik, beynəlxalq ictimaiyyətə meydan oxumağı isə Sizdən. Belə olan halda, qarşımızı kəsə biləcək hər hansı bir güc yoxdur. "Aslanın erkəyi, dişisi olmaz!", - deyir atalarımız. Azərbaycan qadını da əsl alsan ürəkli, zəfərə can atan sərkərdədir.
Möhtərəm Prezident, inanırıq ki, bizə qələbə hissini Siz yaşadacaqsınız. Sizə və xalqımıza uğurlar arzulayıram.

Hörmətlə,
Əliyeva Aytac Pərviz qızı, Binəqədi qəsəbə bələdiyyəsinin sədri.
Azərbaycan Respublikası, Bakı şəhəri

x x x

Hörmətli cənab Prezident İlham Əliyev.

Bu məktubu yazmağımın səbəbi son günlərdə yaşadığımız hadisələrlə bağlı Sizə uğurlar arzulamaqdır. Qardaş xalqın nümayəndəsi olaraq, sizin sevincinizə də, kədərinizə də şərik olmaq istəyirəm.
Biz, dünyadakı bütün türk xalqları bir bədənin damarları kimiyik. Necə ki bütün damarlar birlikdə ürəyin fəaliyyətini təşkil edir və bədəni hərəkətə gətirirsə, biz türklər də dünyanın harasında olursaq-olaq birlikdə bir millət, adlı-sanlı türk millətiyik. Bu mənada bədənin bir yerindəki narahatlıq bütün insana təsir edirsə, türk dünyasının hər hansı bir yerində narahatlıq olanda, bu, hamımızın narahatlığı, sevinci isə hamımızın sevinci olur.
Məlumat üçün bildirim ki, Türkiyədə yaşayan türklər olaraq biz də terror bəlası və xarici ölkələrin qərəzli siyasəti ilə əlaqədar çətin anlar yaşayırıq. Amma siz bu çətin günlərimizdə bizi dəstəkləyirsiniz. Biz də bu hadisələrlə əlaqədar sizin yanınızda olduğumuzu bildirmək istəyirik. Şəhidlərimizə Allahdan rəhmət diləyirəm. Bir neçə məntəqəni işğaldan azad edən müzəffər Ordunuzun uğurlarının davamlı olmasını diləyirəm. Maddi və mənəvi olaraq, əlimizdən gəldiyi qədər sizin yanınızda olduğumuzu bilin. Allah hamımıza kömək olsun, bizim birliyimizi güclü etsin.
Hörmətlə,

İvecen Hava İbrahim qızı
Türkiyə Respublikası, Afyonkarahisar şəhəri

x x x

Əziz və hörmətli Prezidentimiz.

Son günlər cəbhədə baş verən döyüşlərdə Azərbaycan Ordusunun qələbəsi bizi çox sevindirir. Qüdrətli ordu yaratdığınıza görə Sizə minnətdarlığımızı bildiririk. Biz Sizə və ordumuza inanır və güvənirik. Sizinlə fəxr edir və Sizə minnətdarlığımızı çatdırırıq.

Hörmətlə,
Hacıyev Mübariz Xudayət oğlu.
Rusiya Federasiyası, Sankt-Peterburq şəhəri

x x x

Hörmətli Prezidentim.

Türkiyə vətəndaşı kimi, Azərbaycanımızın yanında olmaq, düşməniniz olan ermənilərə qarşı sizinlə çiyin-çiyinə vuruşmaqdan böyük şərəf duyaram.

Sonsuz ehtiramla,
Duyar Bekir İsmail oğlu
Türkiyə Respublikası, Ankara şəhəri

x x x

Hörmətli cənab Prezident, Ali Baş Komandan.

Son günlərdə cəbhə bölgəsində Azərbaycan Ordusunun qazandığı qələbələr, torpaqlarımızın erməni faşistlərindən təmizlənməsi bizi sevindirir. Allahdan şəhidlərimizə rəhmət diləyirik. Əminik ki, Sizin rəhbərliyinizlə bu işlərin öhdəsindən gələcəyik.
Azərbaycandan uzaqlarda yaşamağımıza baxmayaraq, ürəyimiz hər zaman Vətənimiz ilə döyünür. Burada Azərbaycanımızı təbliğ etməklə yanaşı, 10 illərdir erməni yalanlarının qarşısını almaq üçün mübarizə aparırıq.
Hər an canımızla, qanımızla torpaqlarımız uğrunda vuruşub qalib gəlməyə, lazım gələrsə Vətən uğrunda şəhid olmağa hazırıq.

Hörmətlə,
Əzizov Mirşakir Möhsün oğlu
Kanada, London

x x x

Qardaş dövlətimizin Prezidenti hörmətli İlham Əliyev.

Sizə bu məktubu Türkiyədən yazıram. Xain Ermənistana qarşı apardığınız bu müqəddəs mübarizədə yanınızda olduğumuzu və dualarımızın sizinlə olduğunu bildirmək istəyirəm. Allah bu mübarizədə sizə müvəffəqiyyət nəsib etsin.
Türk millətinin tükənməz qüdrətinin, gücünün təsirini xəyanətkar ermənilər mütləq dadacaqlar. Allah gücünüzə güc versin. Tanrı sizi qorusun.

Hörmətlə,
Akkoca Əhməd
Türkiyə Respublikası, Ankara şəhəri

x x x

Hörmətli cənab Prezident.

Mən ehtiyatda olan gizirəm. Xüsusi təyinatlı qüvvələrdə kəşfiyyat qrupunun komandiri kimi xidmət etmişəm. Sizin komandanlığınızla Ordumuzun cəbhədə düşmənə qarşı həyata keçirdiyi uğurlu cavab tədbirləri hər bir azərbaycanlı kimi məni də sevindirir.
Bu məktubu yazmaqla Vətənimizin müdafiəsi uğrunda gedən döyüşlərdə iştirak etmək istədiyimi bildirmək istəyirəm. Qardaşım tank diviziyasında xidmət edib. Hər ikimiz cəbhəyə yollanmaq üçün Sizin əmrinizi gözləyirik.
Hörmətli cənab Prezident, biz Sizin siyasətinizi bəyənir və dəstəkləyirik. Sizə və ordumuza inanır və güvənir, Sizinlə fəxr edirik.

Hörmətlə,
Hüseynov Vüsal Tahir oğlu.
Azərbaycan Respublikası, Gəncə şəhəri

x x x

Ulu babamız Oğuz Xanın miras qoyduğu türk dünyamızda əbədi qardaşımız olan Azərbaycanın uzaqgörən Prezidenti hörmətli cənab İlham Əliyev.

İkiüzlü və nankor ermənilərin təxribatlarına qarşı Azərbaycan Ordusunun şanlı qələbəsi münasibətilə sizi təbrik edir, zəfərlərinizin ortaq tariximizdən gələn şan və şərəflə daimi olmasını diləyirəm.
Möhtərəm Prezident, cənab Ali Baş Komandan, bilməyinizi istəyirəm ki, Anadolu türkləri əbədi qardaşları olan Azərbaycan türklərinin yanındadırlar. Bu qədim xalq Mübariz İbrahimov kimi neçə-neçə qəhrəmanlar yetişdirmiş və yetişdirməkdə də davam edəcək.
Mən atamdan miras qalan, damarlarımda axan qana and içirəm ki, mənim üçün Ankara nədirsə Bakı da elədir. Mustafa Kamal Atatürk kimdirsə, Heydər Əliyev də elədir. Yeddi dövlətə meydan oxuyan milyonlarla Anadolu türkündən biri kimi, mən də Azərbaycan Ordusunda xidmət edən igid qardaşlarımla çiyin-çiyinə döyüşmək üçün əmrinizi gözləyirəm. Sizin şəxsinizdə Azərbaycan xalqını bir daha salamlayıram. Qələbələriniz daimi olsun.
Sonsuz ehtiramla,

Kurtuluş Can Şahin
Türkiyə Respublikası, İstanbul şəhəri

x x x

Əziz Prezident, cənab Ali Baş Komandan.

Biz Sizinlə qürur duyuruq. Son günlər xalqımız yüksək ruh yüksəkliyi, sevinc içindədir. Hamımız Sizə dayaq durmağa, habelə Vətən uğrunda vuruşmağa hazırıq.
Siz Ulu Öndərimizin yadigarı, müdrik siyasətinin layiqli davamçısısınız. Biz Sizə inanır, güvənir və Sizi çox sevirik. Allah-Təala Sizi və xalqımızı qorusun. Amin!

Hörmətlə,
Namazzadə Leyla Eytiqad qızı.
Azərbaycan Respublikası, Bakı şəhəri, Nərimanov rayonu

x x x

Hörmətli cənab Prezident İlham Əliyev.

İkinci vətənim olan Azərbaycanda son günlər baş verən hadisələr nəticəsində əsgər qardaşlarımızın şəhid olduğunu dərin kədər hissi ilə öyrəndim. Bu xəbər Türkiyəmizdə də hər gün şəhid verməkdən duyduğumuz kədər hissini ikiqat artırdı. Sizə və Azərbaycan xalqına başsağlığı verir, şəhidlərimizin yaxınlarına səbr diləyirəm.
Rəhmətlik atanız Heydər Əliyevin dövründə və Qarabağ müharibəsinin ən qızğın vaxtında təlimçi zabit olaraq Azərbaycan Ordusunda xidmət edirdim. Təqaüddə olan zabit kimi Azərbaycan xalqının və Ulu Türk Millətinin əmrində indi də hazıram.

Hörmətlə,
Yüceldağ Yücel İsmayıl oğlu
Türkiyə Respublikası, İzmir şəhəri

x x x

Hörmətli cənab Prezidentim.

Vətən torpaqlarını qoruyarkən şəhid olan əsgərlərimizlə əlaqədar Sizə və Azərbaycan xalqına türk milləti adından başsağlığı verir, Allahdan şəhidlərimizə rəhmət diləyirəm.
Türkiyə Respublikası vətəndaşı olaraq, bölgədəki prosesləri yaxından izləyirik. Bunu bilməyinizi istəyirik ki, Anadoludakı türklər Vətən torpaqlarını işğaldan azad etməkdə olan azərbaycanlı qardaşlarımız üçün əllərindən gələni etməyə hazırdırlar. Biz Vətən torpağında şəhid olana qədər döyüşmək üçün əmrinizi gözləyirik.
Sizə və bütün Azərbaycan xalqına bu müqəddəs yolda uğurlar diləyirəm. Ulu Tanrım türki qorusun. Bütün dualarımız sizinlədir.

Hörmətlə,
Tümtürk Ali Rıza Rıza oğlu
Türkiyə Respublikası, Ankara şəhəri

x x x
Cənab Prezidentim və Ali Baş Komandanım.

Mən vəkil kimi Sizin son vaxtlar atdığınız addımları dəstəkləyirəm və müharibəyə getməyə hazıram. Bu günlərdə sübut olundu ki, müxalifətli, iqtidarlı bu xalq birdir və Sizin ətrafınızda birləşib. Bu ruh yüksəkliyi ilə torpaqlarımızı 1 saata ala bilərik. Bu ruh yüksəkliyi və həmrəylik məni müsbət mənada çox təsirləndirdi. Xalqımızın birliyi göstərdi ki, heç bir sahədə bizim qarşımıza çıxan ola bilməz. Cənab Prezident, biz Sizi çox sevirik və Sizinlə fəxr edirik. Allah birliyimizi həmişə qorusun. Bir yumruq kimi arxanızda durmuşuq. İrəli, cənab Ali Baş Komandanım!

Hörmətlə,
Layıcov Aqil Tacir oğlu,
Azərbaycan Respublikası, Bakı şəhəri, Nizami rayonu

x x x

Hörmətli cənab Prezident.

Biz Türkiyə vətəndaşları olaraq sizləri çox sevirik. Biz qardaş ölkəyik, qardaşıq.
Cəbhə xəttində şəhid olan qardaşlarımızın ruhuna dualar edirik. Şəhidlərlə bağlı Sizə və bütün Azərbaycan xalqına başsağlığı verirəm. Anadolu türkləri daim azərbaycanlı qardaşlarının yanındadır. Allah köməyiniz olsun. Tanrı sizi qorusun.

Hörmətlə,

Şenocak Mehmet Yakub oğlu
Türkiyə Respublikası, İstanbul şəhəri

x x x

Hörmətli Prezident İlham Əliyev.

Mən Türkiyə vətəndaşıyam, 1984-cü ildə anadan olmuşam. Cəbhə xəttində baş verən hadisələri yaxından izləyirəm və döyüşlərdə könüllü olaraq iştirak etmək üçün əmrinizi gözləyirəm. Torpaq, əgər uğrunda ölən varsa Vətəndir. Vətən üçün son damla qanıma qədər döyüşməyə hazıram.
Allah köməyiniz olsun.

Hörmətlə,
Buhari Canpolat
Azərbaycan Respublikası, Bakı şəhəri

x x x

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev.

Son günlər Dağlıq Qarabağ separatçılarının cəbhəboyu ərazilərdə atəşkəsi pozmasına cavab olaraq Ordumuzun düşmənə qarşı gördüyü tədbirlər, eləcə də işğal altında olan bir neçə strateji əhəmiyyətli yüksəkliyi ələ keçirməsi məni işğal altında olan torpaqlarımızın azad edilməsi yolunda mübarizəyə daha da ruhlandırdı. Cəbhədə Ordumuzun göstərdiyi şücaət, işğal olunmuş torpaqlarımızın azad edilməsi uğrunda atılan addımlar məni döyüş bölgəsinə yollanmağa vadar edir. Artıq xalqıma xidməti ön cəbhədə göstərməyin vaxtının çatdığını düşünürəm.
Cənab Ali Baş Komandan, əmrinizi gözləyirəm. Hər bir azərbaycanlı kimi mən də cəbhədə əsgər qardaşlarımla çiyin-çiyinə döyüşmək istəyirəm.

Hörmətlə,
Hüseynov Tural Firuddin oğlu.
Azərbaycan Respublikası, Bakı şəhəri, Xətai rayonu

x x x

Hörmətli Prezident.

Ermənistan silahlı qüvvələri ilə döyüşdə şəhid olan əsgərlərimiz üçün Allahdan rəhmət diləyirəm. Cəbhədə uğur qazanmağınız üçün daim dua edirəm. Bir türk olaraq, dərdiniz dərdimizdir. İnşallah, Qarabağ tezliklə işğaldan azad ediləcək.
Cənab Prezident, Sizə və bütün Azərbaycan xalqına sevgi və salamlarımı çatdırıram. Allah sizi qorusun.

Hörmətlə,
Coşkun İdris Kara Mehmet oğlu
Türkiyə Respublikası, Ankara şəhəri

x x x

Azərbaycan Respublikasının Prezidenti
Lalə Qasımovadan, Sumqayıt, Azərbaycan
Hörmətli Prezident, Cənab Ali Baş Komandan.

Mən hazırda Türkiyənin Ərzurum şəhərindəki Atatürk Universitetində elmi fəaliyyətlə məşğulam. Vətənimizdə baş verənləri mətbuatdan izləyir, əsgərlərimizin uğurlarından qürur hissi keçirirəm. Bütün qəlbimlə Sizinləyəm. Sizin üçün, əsgərlərimiz və xalqımız üçün dua edirəm. Var olsun Prezidentimiz, yaşasın qüdrətli Azərbaycan Ordusu!

Hörmətlə,
Qasımova Lalə Sabir qızı.
Azərbaycan Respublikası, Sumqayıt şəhəri

x x x

Qırğızıstanda fəaliyyət göstərən "Azəri" İctimai Birliyi İdarə Heyəti və Ağsaqqallar Şurasının müraciəti

Cənab Prezident, son günlər Ermənistan-Azərbaycan dövlət sərhədinin və qoşunların təmas xəttinin müxtəlif istiqamətlərində vəziyyətin gərginləşməsi, Ermənistan silahlı qüvvələrinin atəşkəsi pozaraq Azərbaycana qarşı təxribat törətməsi Qırğızıstanda yaşayan həmvətənlərimizi ciddi narahat edir. Bu ölkədə məskunlaşan 20 minə yaxın həmvətənimiz adından bir daha bəyan etmək istəyirik ki, 27 ildən bəri Ermənistanın Azərbaycana qarşı yürütdüyü işğalçılıq siyasətinin durdurulması və istər ümummilli liderimiz Heydər Əliyev, istərsə də Sizin tərəfinizdən müharibənin sülh, danışıqlar yolu ilə həll olunmasına yönəlmiş siyasətinizi daim dəstəkləmişik, bundan sonra da dəstəkləyəcəyik.
Digər tərəfdən də Sizin Ali Baş Komandan olduğunuz qüdrətli Ordumuzun hər zaman düşmənə layiqli cavab vermək iqtidarında olmasının bir daha şahidiyik. Heç kəs istəməz ki, qan tökülsün, gələcəyimiz olan gənclər şəhid olsun, analar göz yaşı töksün. Beynəlxalq təşkilatların Ermənistanı işğalçılıq siyasətindən çəkinməyə dəfələrlə dəvət etməsi, işğal olunmuş Azərbaycan ərazilərinin qeyd-şərtsiz azad edilməsi tələbləri də ermənilər tərəfindən hər dəfə qulaqardına vurulub. Əlbəttə, son günlərdəki cəbhəyanı olaylar bir daha onu sübut edir ki, bölgənin ən güclü ordusu olan Azərbaycan Silahlı Qüvvələri düşmənin bəd niyyətlərini gözündə qoyub, onlara tutarlı cavab verib. Sizin mövqeyiniz müstəqil Azərbaycan dövlətinin gələcək taleyini həll edəcək. Bu, şübhəsizdir. Çünki Siz Heydər Əliyev məktəbini keçmisiniz, kifayət qədər dünyəvi siyasətdə özünəməxsus təcrübə qazanmısınız. Sizin yürütdüyünüz müstəqil xarici siyasətin alternativi yoxdur. Dünya azərbaycanlılarının ümidi yalnız Sizədir. Odur ki, qətiyyətli mövqeyinizi bir daha alqışlayırıq. Azərbaycanın getdikcə gücləndiyi, qüdrətli və nüfuzlu bir dövlətə çevrildiyi göz qabağındadır. Hörmətli cənab Prezident, bir daha diqqətinizə çatdırırıq ki, qırğız xalqının əksəriyyəti Azərbaycan xalqının işğal altında olan torpaqlarını azad etməyə qalxmasını dəstəkləyir və işğalçı qüvvələrin Azərbaycan torpaqlarından tezliklə çıxarılmasını istəyir.
Biz - Qırğızıstanda yaşayan azərbaycanlılar daim Sizinləyik və ədalətli mübarizənizi, qətiyyətli qərarınızı ürəkdən bəyənirik və lazım gələrsə, tarixi Vətənimizin mücadiləsinə qalxmağa da hazırıq. Təki Ali Baş Komandan kimi bizlərə göstəriş verəsiniz. Haqq nazilər, amma üzülməz. Bədxahlıq, şər-böhtan və yalan uzun sürə bilməz. Gec-tez haqq-ədalət qalib gələcək. Haqq-ədalət isə Azərbaycan xalqının tərəfindədir. Azərbaycanın Qırğız Respublikasındakı səfirliyi ilə birlikdə yerli mətbuat orqanları vasitəsilə Qırğızıstanda yaşayan xalqları və soydaşlarımızı Ermənistan-Azərbaycan, Dağlıq Qarabağ münaqişəsinə dair həqiqətlər barədə vaxtaşırı bilgiləndirməkdə və Sizin yürütdüyünüz sülh siyasətini təbliğ etməkdə davam edəcəyik. Allah xalqımıza kömək olsun!
Hörmətli Prezidentimiz İlham Əliyev, Qırğızıstan azərbaycanlıları olaraq tarixi Vətənimizdən uzaqlarda yaşasaq da, daim ata-babalarımızın doğulduğu ölkəmizlə nəfəs alırıq. Azərbaycanın sevinci, uğuru da bizimdir, kədəri, qüssəsi də. Əgər Ana Vətən, Ali Baş Komandan səfərbərlik elan edərsə, yaşımızın bu həddə olmasına baxmayaraq, torpaqlarımızın düşməndən azad edilməsi üçün ayağa qalxaraq silaha sarılmağa hazırıq. Təki Vətən düşmən tapdağından, əsarətindən azad olsun.
Cənab Prezident, müraciətimizin sonunda bir daha bildiririk ki, Sizin yürütdüyünüz xarici və daxili siyasəti ürəkdən bəyənir, hər zaman dəstək verəcəyimizi qətiyyətlə bildiririk. Axı, Siz həm də 55 milyonluq dünya azərbaycanlılarının bir parçası olan bizlərin də Prezidentisiniz! Ümummilli Lider Heydər Əliyevin dediyi kimi, güclü dövlətin güclü də diasporu olmalıdır, güclü diasporun da güclü dövləti. Allah Sizə kömək olsun! Müraciətimizin sonunda torpaqlarımızın azadlığı uğrunda şəhid olan soydaşlarımıza Allahdan rəhmət diləyir, dünya azərbaycanlılarını Azərbaycanın indiki durumunda Ali Baş Komandan, dövlət başçısı İlham Əliyevin ətrafında sıx birləşməyə və birgə olmağa çağırırıq.

Hörmətlə,

Qırğızıstanda məskunlaşan 20 minlik azərbaycanlı adından diaspor başçısı, Qırğız Respublikasının Əməkdar Hüquqşünası, Qırğızıstan Baş Prokurorluğunun fəxri işçisi Əzizağa Əliyev, Əməkdar İnşaatçı, II Dünya müharibəsinin iştirakçısı Əsəd Həsənov, professorlar Arif Qəmərli, Akif Rəfibəyov, tanınmış hüquqşünas Xaris Turna, Əməkdar Həkim Mirkazım Bəşirov, Qırğızreklamın direktoru Sultan Qasımov, "Türkel" Fondunun prezidenti, jurnalist-filoloq Hökümə Xəlilova, "Türkel" qəzetinin baş redaktoru, elmlər namizədi Ramiz Məşədihəsənli, pedaqoq Alla Qurbanova və başqaları

x x x

Qardaş ölkənin hörmətli Prezidenti.

Təmas xəttindəki gərginliklə əlaqədar Azərbaycan Ordusunun sıralarında Ermənistana qarşı son damla qanıma qədər döyüşməyə hazıram. Bunun üçün əmrinizi gözlədiyimi dərin hörmətlə diqqətinizə çatdırıram. Türkün sizdən başqa dostu yoxdur.

Hörmətlə,

Özdiker Öndər Ünal oğlu

Türkiyə Respublikası, Antalya şəhəri

X X X

Möhtərəm Prezident, cənab Ali Baş Komandan.

Sizin göstərişinizlə hər an müharibəyə hazır olduğumu bildirmək istəyirəm. Qarabağımızı mənfur düşməndən azad etməyə hazırıq və səfərbərlik əmrinizi səbirsizliklə gözləyirik. Sizi dəstəkləyir və ətrafınızda sıx birləşmişik. Azərbaycan xalqı, Azərbaycan gənci, Azərbaycan ziyalısı daim Sizinlədir. Biz Sizə və Ordumuza inanırıq.

Yaşasın Prezidentimiz cənab İlham Əliyev! Ulu öndər Heydər Əliyevin, şəhidlərimizin ruhu şad olsun!

Hörmətlə,
Qasımov İbrahim Musa oğlu.
Azərbaycan Respublikası, Bakı şəhəri.

X X X

Hörmətli cənab Prezident, yazıb Sizə bildirmək istəyirəm ki, mən və mənim kimi yüzlərlə gənc Sizin səfərbərlik əmrinizi gözləyirik. Bir laçınlı olaraq mən də cəbhə xəttinə getmək və düşmənə qarşı vuruşmaq istəyirəm. Xalqımız Sizi dəstəkləyir. Son nəfəsimizə kimi əmrlərinizi yerinə yetirməyə hazırıq, yetər ki, əmr verin. İnşallah sizin komandanlığınızla bayrağımız bütün Qarabağda dalğalanacaq.

Hörmətlə,
Hüseynov Elnur Bahadur oğlu,
Azərbaycan Respublikası, Laçın rayonu.

X X X

Möhtərəm cənab Prezident.

Qazandığınız qələbə və zəfər münasibətilə şəxsən öz adımdan və ailəmin adından Sizi təbrik edirəm. Böyük fərəh və qürur hissi ilə Sizə Allahdan möhkəm cansağlığı diləyirəm. Fəxr edirik ki, bizim belə güclü, əzəmətli Ordumuz var. Sevinirik ki, Sizin kimi müdrik, qətiyyətli Prezidentimiz, Ali Baş Komandanımız var.

Möhtərəm Prezident, Sizin hər bir çıxışınız biz gənclərdə vətənpərvərlik hissini, döyüşkənlik ruhunu artırır. Bizim birliyimiz və gücümüz qarşısında düşmənin tab gətirmədiyini gördük. Bu, yolun başlanğıcıdır. Bu tolda Sizə uğurlar arzulayıram.

Hörmətlə,
Abbasov Elvin Rövşən oğlu.
Azərbaycan Respublikası, Göygöl rayonu.

X X X

Hörmətli cənab Prezident!

Sizin Amerika Birləşmiş Ştatlarına səfərinizin nəticələrinə görə böyük qürur hissi keçiririk. Uğurlu siyasətinizə görə Sizə dərin minnətdarlığımızı bildiririk. Əminik ki, hazırda düşmən işğalı altında olan Dağlıq Qarabağımız Sizin uğurlu siyasətiniz sayəsində azad ediləcək. Ordumuzun bu günlərdə qazandığı qələbə bunu deməyə əsas verir.

Biz Sizinlə fəxr edirik. Sizin rəhbərliyiniz altında dövlətimizin beynəlxalq arenada hər gün qazandığı uğurlar xalqımızda qürur hissi oyadır. Cənab Prezident, Sizə dərin təşəkkürümü bildirirəm.

Hörmətlə,
Rüstəmova Rəhilə Əjdər qızı
Azərbaycan Respublikası, Bakı şəhəri

X X X

Hörmətli Prezidentimiz.

Biz "Bir millət, iki dövlət"ik. Türkiyə kimi, Azərbaycan da mənim Vətənimdir. Haqq işiniz mübarək olsun. Biz son nəfəsimizədək sizin yanınızdayıq. Vətənimizin müdafiəsi üçün əmrinizi gözləyirik. Tanrı türkü qorusun, Allah köməyiniz olsun. Türkiyədən milyonlarla insan könüllü olaraq Qarabağda döyüşmək üçün əmrinizə hazırdır. Əllərinizdən öpürəm.

Hörmətlə,
Hızlı Yusuf Hüseyn oğlu
Türkiyə Respublikası, Bursa şəhəri

X X X

Hörmətli Prezidentim.

Azərbaycan torpaqlarının işğaldan azad edilməsi üçün Ermənistana qarşı haqlı mübarizənizdə mənim, oğlumun və bütün türk millətinin hər zaman azərbaycanlı qardaşlarımızın yanında olduğunu bilməyinizi istərdim.

Mən Türkiyədə hərbi xidmətdə olmuşam. Amma lazım gələrsə ikinci Vətənimizdə də bu müqəddəs borcu məmnunluqla yerinə yetirməyə hazıram. Siz tək deyilsiniz. Biz daim sizin yanınızdayıq. Allah azərbaycanlı qardaşlarımızı qorusun.

Hörmətlə,
Duyqun Özgür Yılmaz oğlu
Türkiyə Respublikası, İstanbul şəhəri

X X X

Möhtərəm cənab Prezidentim.

Mənim 33 yaşım var, evliyəm və 25 günlük qızım var. Ermənistan Qarabağı işğal edəndə 13 yaşım var idi. Həmin vaxt Azərbaycan torpaqlarının işğalını televiziyadan izləyəndə çox kədərlənmiş və ağlamışdım.

Cənab Prezidentim, biz Sizi böyük qardaş, Azərbaycanı isə Vətənimiz bilirik. Son günlər Azərbaycan Ordusu erməni təxribatlarına cavab verərək torpaqları geri qaytarmaq üçün işğalçılarla vuruşur. İyirmi il əvvəl uşaq idim, lakin indi böyümüşəm və azərbaycanlı qardaşlarımızın yanında döyüşmək üçün daim əmrinizi gözləyirəm. Könüllü əsgər kimi Azərbaycanda xidmət etməyə hazıram. Əllərinizdən öpürəm.

Allah cəbhədəki qardaşlarımızın köməyi olsun.

Hörmətlə,
Gürsoy Murad Ahmetali oğlu
Türkiyə Respublikası, Mersin şəhəri

X X X

Qardaş ölkənin hörmətli Prezidenti.

Təmas xəttindəki gərginliklə əlaqədar Azərbaycan Ordusunun sıralarında Ermənistana qarşı son damla qanıma qədər döyüşməyə hazıram. Bunun üçün əmrinizi gözlədiyimi dərin hörmətlə diqqətinizə çatdırıram. Türkün sizdən başqa dostu yoxdur.

Hörmətlə,
Özdiker Öndər Ünal oğlu
Türkiyə Respublikası, Antalya şəhəri

X X X

Hörmətli İlham Heydər oğlu.

Sizi və bütün Azərbaycan xalqını çoxdan gözlədiyimiz qələbələr münasibətilə təbrik edirəm. Mən bir sədaqətli vətənpərvər insan kimi demək istəyirəm ki, biz - Azərbaycan qadınları da orduda xidmət etməyə və doğma torpaqlarımızın qaytarılması uğrunda vuruşmağa hazırıq. Bizim hərbi xidmətə getməyimizə icazə veriləcəyi anı intizarla gözləyirəm. Mənim ailəm Ağdamın Güllücə kəndindədir. Əlimizdə Azərbaycan bayrağı tutaraq doğma yerlərə gedə biləcəyimiz anı həsrətlə gözləyirik. Mən orada dəfn edilmiş babamın məzarını ziyarət etmək arzusundayam. Mən öz Vətənimlə fəxr edirəm və ondan ötrü əlimdən gələni etmək istəyirəm.

Ən xoş arzularla,
İsmayılova Günel Fərhad qızı
Azərbaycan Respublikası, Bakı şəhəri

X X X

Hörmətli, cənab Prezidentim.

Mən 1978-ci ildə Türkiyənin Konya şəhərində doğulmuşam. Veteran hərbçiyəm. Sizə yazmağımın səbəbi qardaş Azərbaycanın haqq mübarizəsində canımı fəda etməyə hazır olduğumu bildirməkdir.

Cənab Prezident, Sizi və Azərbaycan xalqını ürəkdən sevirəm. Xain ermənilərə qarşı apardığınız uğurlu döyüşdə ölənədək vuruşmaq üçün əmrinizi gözləyirəm. Mən Sizə, qardaş Azərbaycana olan sevgimi Vətən uğrunda canımdan keçərək sübut etmək istəyirəm. Qardaş Azərbaycan xalqına və çox hörmətli Prezidentimizə sonsuz ehtiramımı bildirirəm.

Hörmətlə,
Baran Niyazi Kazım oğlu
Türkiyə Respublikası, Konya şəhəri

X X X

Cənab Prezident,

Mən Qarabağda döyüşmüş keçmiş polis zabitiyəm. Bütün növ silahlardan istifadə qaydalarını bilirəm. 1990-1992-ci illərdə kəşfiyyatda olmuşam. Vətənimizin indiki müharibə vəziyyətində mən də könüllü olaraq döyüşlərdə iştirak etmək istəyirəm.

Hörmətlə,
Bayramov Ədalət Əyyub oğlu
Kəlbəcərli məcburi köçkün
Azərbaycan Respublikası, Gəncə şəhəri

X X X

Möhtərəm cənab Prezident.

Biz, "Azərbaycan gənci hər an Vətənin müdafiəsinə hazırdır" toplantısının iştirakçıları, Qaradağ rayonunun gəncləri adından bəyan edirik ki, Sizin müstəqil Azərbaycanımızın hərtərəfli inkişafına, ölkəmizin beynəlxalq nüfuzunun artmasına, xalqımızın həyatının yaxşılaşdırılmasına və rifahının yüksəldilməsinə yönələn məqsədyönlü siyasətinizi ürəkdən bəyənirik.

Möhtərəm cənab Prezident, 2 aprel 2016-cı il tarixində Ermənistan silahlı qüvvələri işğal olunmuş Azərbaycan ərazilərində təmas xətti boyunca növbəti təxribata əl ataraq, Azərbaycan mövqelərinə hücum etmiş, iriçaplı silahlardan və ağır texnikadan istifadə etməklə yaşayış məntəqələrimizi güclü atəşə məruz qoymuşdur. Bunun nəticəsində həmin əraziyə yaxın kəndlərdə yaşayan dinc sakinlərimiz həlak olmuş, yaralanmış, mülki obyektlərə və əhalinin təsərrüfatına xeyli zərər vurulmuşdur. Bu təxribat və hücum əməliyyatlarının qarşısının alınması, mülki əhalinin təhlükəsizliyinin təmin olunması məqsədilə Azərbaycan Silahlı Qüvvələri cavab tədbirləri görmək məcburiyyətində qalıb. Bu təxribatlar Ermənistanın beynəlxalq hüquqa məhəl qoymamasının, dünya və regional təşkilatların qərarlarını heçə saymasının, bölgədə sülhə hər an təhlükə yaratmasının və bütünlükdə bu işğalçı dövlətin Azərbaycana qarşı məkrli siyasətinin təzahürüdür.

Cənab Ali Baş Komandan, son günlər ermənilərin cəbhədəki təxribatları onu göstərir ki, Ermənistan işğal edilmiş torpaqlardan geri çəkilmək istəmir və 20 ildən artıq bir vaxtda aparılan danışıqlar prosesinin həlledici məqamlarında işğalçı ölkə kimi təxribata əl atmaqla prosesi ləngitməyə çalışır. Mənfur ermənilər aprelin 2-də növbəti dəfə təxribata əl atdılar və nəticədə Azərbaycan ordusunun gücünü gördülər. Güclü və qüdrətli Azərbaycan Ordusunun əsgər və zabitləri düşmənə sarsıdıcı zərbə endirərək onları geri çəkilməyə məcbur etdilər.

Əsgərlərimizin qəhrəmanlığı sayəsində düşmənin geri çəkilməsi, cəbhəyanı kəndlərimizdə insanların təhlükəsizliyinin təmin olunması doğma Qaradağ torpaqlarının yaxın vaxtlarda düşməndən azad olunmasına inam verir. Son günlərdə Azərbaycan Ordusunun düşməndən üstün olması, ermənilərin canlı qüvvə və texnika sarıdan xeyli sayda itki verməsi ölkəmizin yaxın vaxtlarda düşmən üzərində böyük qələbə qazanacağına ümidləri artırır. Erməni təxribatına qarşı Milli Ordumuzun uğurlu əməliyyatlarını sevinc hissi ilə qarşılayır və Ordumuzun mövqeyini birmənalı şəkildə müdafiə edirik.

Möhtərəm cənab Prezident, Sizin nümayiş etdirdiyiniz mövqe işğalçı qüvvələrin torpaqlarımızdan tezliklə qovulması ilə nəticələnəcək. Biz, Qarabağ rayon gəncləri bu istiqamətdə Sizin əmrinizə uyğun olaraq istənilən vaxt ərazilərimizin azad edilməsi uğrunda döyüşlərə qoşulmağa, əzmkarlıq göstərməyə və düşməni məhv etmək üçün bütün gücümüzü səfərbər etməyə hazırıq.

Hörmətlə,
Qaradağ rayon gəncləri,
Azərbaycan Respublikası, Bakı şəhəri, Qaradağ rayonu

X X X

Cənab Ali Baş Komandan,

Mən və sədrlik etdiyim Demokratik Azərbaycan Dünyası Partiyasının (DADP) çoxminli üzvü və təəssübkeşi torpaqlarımızı düşməndən azad etmək üçün səfərbər olmağa hazırıq.

Hüseynov Əlisahib Vəli oğlu
Azərbaycan Respublikası, Bakı şəhəri, Qaradağ rayonu

X X X

Möhtərəm Prezident, cənab Ali Baş Komandan,

Müstəqil Azərbaycanımızın ərazi bütövlüyü uğrunda son damla qanıma qədər döyüşməyə, işğal olunmuş torpaqlarımızın düşmən tapdağından azad edilməsi üçün həyata keçirilən əməliyyatlarda iştirak etməyə hazıram. Bu, ürəyi Vətən eşqi ilə döyünən hər bir gəncin arzusudur.

Cənab Ali Baş Komandan, səbirsizlikə əmrinizi gözləyirəm.

Dərin hörmət və ehtiramla,
Bəyəliyev Kamran Səxavət oğlu
Azərbaycan Respublikası, Abşeron rayonu, Ceyranbatan qəsəbəsi

X X X

Cənab Prezident, İsveçdə yaşayan və işləyən bir azərbaycanlı kimi Sizin apardığınız daxili və xarici siyasəti dəstəkləyir, bütün qərarlarınızı hörmətlə qarşılayıram. Hazırda Azərbaycandakı vəziyyət İsveçdə yaşayan bütün azərbaycanlıları narahat edir və uzaqda da olsaq inanin ki, qəlbimiz Sizinlə döyünür. İstər ön, istərsə də arxa cəbhədə hər zaman əlimizdən gələn köməyi etməyə hazırıq. Biz artıq qələbə sevincini, bayram əhval-ruhiyyəsini yaşayırıq. Torpaq, Vətən yolunda canlarından keçmiş şəhidlərimizə Allahdan rəhmət, ailələrinə isə səbir diləyirik. Daha böyük qələbə irəlidədir. Mən Azərbaycanın Biləsuvar rayonunda doğulub böyümüşəm, lakin tale elə gətirib ki, indi Avropada yaşayıram və işləyirəm. Sizə işinizdə müvəffəqiyyətlər arzu edirəm. Cənab Ali Baş Komandan, əmrinizi gözləyirəm.

Hörmətlə,
Nadir Mahmud oğlu Xankişiyev Hollenbrand,
İsveç Krallığı, Stokholm.

X X X

Hörmətli Azərbaycan Prezidenti İlham Əliyev.

Sizi, qardaş Azərbaycan xalqını ürəkdən salamlayıram. Prezidentə məktub yazdığım üçün çox həyəcanlıyam. Sizə məktub yazmaq böyük qardaşa, ataya yazmaq kimidir.

Vətənin müdafiəsində azərbaycanlı qardaşlarımın şəhid olması xəbərindən çox kədərləndim və Sizə yazmaq qərarına gəldim. Sizinlə birgə olmağa, Azərbaycanımızı, doğma yurdumuzu qorumağa, düşmənə qarşı son nəfəsimədək vuruşmağa hazıram. Azərbaycanı öz ölkəm, hər bir azərbaycanlı ananı doğma anam, Vətənin keşiyində dayanan Azərbaycan əsgərini öz qardaşım kimi sevirəm. Allahdan tək arzum odur ki, bütün azərbaycanlı qardaşlarımızı qorusun.

Mən Sizi çox sevirəm. Siz daim xalqınızın yanında olursunuz, onun problemləri ilə maraqlanırsınız.

Ən səmimi hisslərimlə demək istəyirəm ki, Türkiyə, türk xalqı daim Azərbaycanın yanındadır. Bu, hər zaman belə də olacaq. Biz bir millət, iki dövlətik.

Şəhid olan qardaşlarıma Allahdan rəhmət diləyir, Sizə, onların ailələrinə başsağlığı verir və səbr diləyirəm.

Hörmətlə,
Duman Uğur Mahmut oğlu
Türkiyə Respublikası, Mersin şəhəri

X X X

Möhtərəm cənab Prezident, mən televiziya vasitəsilə fasiləsiz olaraq cəbhədəki vəziyyəti izləyirəm və qürur hissi ilə deyirəm: Sizinlə, ordumuzla fəxr edirəm. Allah şəhidlərimizə rəhmət eləsin! Onlar torpaqlarımız uğrunda son damla qanlarına qədər mərdliklə vuruşmuşlar. Bəli, biz bu günü səbirsizliklə gözləyirdik. Torpaqlarımızı artıq geri qaytarmaq vaxtı çatmışdır. Möhtərəm cənab Prezident, biz Sizin Ali Baş Komandan kimi əmrinizi gözləyirik. Mən bir dəfə hərbi xidmətdə olmuşam. Vətən uğrunda sağ ayaq topuq sümüyümü itirmişəm. Ancaq çox şükürlər olsun ki, bu gün ayaq üstəyəm və yenə də Vətən uğrunda döyüşmək üçün mən və dostlarım Cəlilabad rayon hərbi komissarlığına gedib könüllü yazılmağa qərar verdik. Bizlər bu gün Sizin yanınızda olub əmrlərinizi canla-basla yerinə yetirməyə hazırıq. Buna tam əmin ola bilərsiniz. Sizin əmrlərinizi gözləyirik. Yetərki əmr edin. Cənab Prezident, biz daim sizinləyik. Təkrar hərbi xidmətə gedib Vətən uğrunda döyüşmək istəyirik. Təki torpaqlarımızı mənfur düşmənlərimizdən azad edək.

Hörmətlə,
Yariyev Ramil Sadiq oğlu,
Azərbaycan Respublikası, Cəlilabad rayonu.

X X X

Hörmətli cənab Prezident!

Sizin uğurlu xarici və daxili siyasətiniz sayəsində son günlər qüdrətli Ordumuzun cəbhəboyu ərazilərdə bir sıra mühüm strateji məntəqələri erməni vandallarından azad etməsi xəbəri bütün Azərbaycan xalqı və ictimaiyyəti kimi Azərbaycan Milli Elmlər Akademiyası akademik Həsən Əliyev adına Coğrafiya İnstitutunun coğrafiyaçı alimlərini də ürəkdən sevindirir. Əminik ki, Sizin rəhbərliyiniz altında və inamlı sülhsevər siyasətiniz nəticəsində bundan sonra da xalqımız, dövlətimiz qloballaşan dünyada daha mühüm demokratik, milli-siyasi zəfərlərə nail olacaqdır. Sizin beynəlxalq arenalarda dəfələrlə dediyiniz kimi, heç kəs Azərbaycan xalqını və dövlətini ədalətli və demokratik inkişaf yolundan döndərə bilməyəcəkdir. Bu yol bizim milli, siyasi prioritetimizdir, gələcəyimizdir və dönməzdir.

Möhtərəm Prezident, xalqımızın bu çətin günlərində biz - coğrafiyaçı alimlər həmişə Sizin yanınızdayıq. Sizi əmin edirik ki, bundan sonra da milli dövlətçilik və ekocoğrafi problemlərin həlli məsələsində öz bilik və bacarığımızı əsirgəməyəcək, Sizin ətrafınızda bir yumruq kimi sıx birləşəcəyik.

Coğrafiya İnstitutunun kollektivi adından dərin hörmətlə,
Məmmədov R.M.
Azərbaycan Respublikası, Bakı şəhəri.

X X X

Hörmətli cənab Prezident, Ali Baş Komandan.

Cəbhə xəttində ordumuzun qazandığı qələbələr münasibətilə Sizi təbrik edirəm. Bu qələbələr bizi daha böyük uğurlara ruhlandırır. Ali Baş Komandan, əminik ki, Sizin rəhbərliyinizlə ordumuz erməni faşistlərini işğal altında olan bütün torpaqlarımızdan qovacaq və qisasımızı alacağıq. Bütün Azərbaycan xalqı Sizin ətrafınızda birləşib və Sizi dəstəkləyir. Bizim ailəmiz torpaqlarımızın bütövlüyü uğrunda şəhidlər verib, yenə də bu yolda şəhid olmağa hazırıq. Biz Sizin əmrinizi gözləyirik.

Hörmətlə,
Rzayev Yusif İmaməddin oğlu
Azərbaycan Respublikası, Bakı şəhəri, Binəqədi rayonu

X X X

Hörmətli cənab Prezident, mən 35 il daxili işlər orqanlarında xidmət etmişəm. Hazırda təqaüddə olan polis polkovniki, müharibə veteranıyam. Sizin apardığınız daxili və xarici siyasəti daim dəstəkləmişəm. Erməni qəsbkarlarına qarşı mübarizədə xidmət etdiyim illər ərzində keçirilən döyüşlərdə, əməliyyat tədbirlərində istər Naxçıvan Muxtar Respublikasında, istərsə də Dağlıq Qarabağ və ətraf rayonlarda fəal iştirak etmişəm. Yaranmış vəziyyətlə əlaqədar indi mən döyüş bölgəsində iştirak etməyə tam hazıram. Həmçinin bütün təqaüddə olan güc strukturlarında çalışmış yüksək rütbəli zabitləri də bu döyüşdə iştirak etməyə səsləyirəm. Bu, əsgərlərdə vətənpərvərlik və ruh yüksəkliyinin daha da artmasına kömək edəcək. Xalqını, Vətənini və dövlətini sevən hər bir vətənpərvər və namuslu insan bunu sözlə yox, öz əməli ilə sübut etməlidir.

Hörmətlə,
İsmayılov Bayram Yəhya oğlu, təqaüddə olan polis polkovniki, müharibə veteranı,
Azərbaycan Respublikası, Bakı, şəhəri, Sabunçu rayonu.

X X X

Hörmətli cənab Prezident, Ali Baş Komandan.

Mən Hüseynov Firdovsi Saday oğlu 1976-ci il avqustun 22-də Bərdə rayonunun Şatırlı kəndində anadan olmuşam. 1993-cü ildə könüllü olaraq birinci Qarabağ müharibəsində iştirak etmişəm. Ulu öndərimiz Heydər Əliyev tərəfindən hərbi xidmətdə fərqləndiyimə görə medalla təltif olunmuşam. Cənab Prezident, xahiş edirəm mənim ikinci dəfə könüllü olaraq ordu sıralarına qoşulmağım üçün göstəriş verəsiniz.

Hörmətlə,
Hüseynov Firdovsi Saday oğlu, təqaüdçü
Azərbaycan Respublikası, Bərdə rayonu, Şatırlı kəndi

X X X

Hörmətli Prezident İlham Əliyev.

Ermənistanın ordusunun təxribatlarına qarşı qəti və kəskin cavab verdiyiniz üçün bir türk olaraq sizinlə qürur duyuram və qarşınızda ehtiramla baş əyirəm. Allah köməyiniz olsun. Tanrı türkü qorusun. Allahdan şəhidlərimizə rəhmət diləyirəm.

Hörmətlə,
Kanbal Yusif Hüseyn oğlu
Türkiyə Respublikası, Diyarbəkir şəhəri

X X X

Hörmətli Prezident.

Son günlər cəbhə xəttində erməni hərbi birləşmələrinin törətdiyi təxribatlar nəticəsində Azərbaycan Ordusunun əsgərlərinin şəhid olması ilə əlaqədar Sizə və qardaş ölkəyə dərin kədər hissi ilə başsağlığı verirəm. Bir türk olaraq Allah-Taaladan Azərbaycan xalqının və Ordusunun yardımçısı olmasını diləyirəm. Azərbaycanın ərazi bütövlüyü uğrunda ölənədək mübarizə aparmağa hazıram. Türkiyədə də hər gün qəhrəman əsgərlərimiz şəhid olur və buna çox kədərlənirəm.

Azərbaycanın Ordusunun sıralarında düşmənə qarşı mübarizə aparmaq üçün hazıram. Azərbaycan əsgərləri ilə birgə ermənilərə qarşı döyüşmək və onları müqəddəs torpaqlarımızdan çıxarmaq istəyirəm. Bizim qardaşlığımızı heç kimin pozmasına icazə vermərik. Vətən bizim üçün namusdur. Daim zirvələrdə dalğalanan bayrağımızı heç kim endirə bilməz.

Hörmətlə,
Tunç Serkan İsmayıl oğlu
Türkiyə Respublikası, Adana şəhəri

X X X

Hörmətli Prezidentim.

Bilməyinizi istərdim ki, Azərbaycanın Ermənistana qarşı apardığı haqlı mübarizəsinə dəstək üçün Türkiyədə 80 milyon qardaşınız əmrinizə hazırdır. Biz bütün gücümüzlə Azərbaycanın yanındayıq.

Şəhidlərimizə Allahdan rəhmət diləyir, ehtiramlarımı bildirirəm.

Hörmətlə,
Semerci Ali Mustafa oğlu
Türkiyə Respublikası, Tekirdağ şəhəri

X X X

Hörmətli dövlət başçımız.

Azərbaycan Ordusunun Ermənistan hərbi birləşmələrinə endirdiyi sarsıdıcı zərbələri qürur və sevinclə izləyirik. Mən də oğlumla birlikdə Azərbaycana gəlib ikinci Vətənimiz üçün döyüşməyə hazırıq.

Allahdan şəhid olan azərbaycanlı qardaşlarıma rəhmət diləyirəm. Qarabağdakı qələbələrin davamlı olmasını arzu edirəm. Türkiyədəki qardaşlarınızın duaları sizinlədir. Azərbaycana canımız fəda olsun.

Hörmətlə,
Sarı Ünal İsmet oğlu
Türkiyə Respublikası, Uşak şəhəri

X X X

Hörmətli Azərbaycan Prezidenti.

Əslən Azərbaycan Respublikasındanam, Naxçıvan Muxtar Respublikasının Şərur rayonunda anadan olmuşam. Hazırda Rusiyada yaşayıram və bu ölkənin vətəndaşıyam. Bilirəm ki, Sizin sayənizdə bizim çox qüdrətli, peşəkar və yaxşı silahlanmış ordumuz var. Mən ordumuzla və onun döyüşçüləri ilə qürur duyuram. Buna baxmayaraq, diqqətinizə çatdırmaq istəyirəm ki, dövlətimizin hüdudlarından kənarda bizlər - döyüşməyi və düşmən arxasında kəşfiyyat-diversiya əməliyyatları aparmağı bacaran keçmiş hərbi zabitlər də var.

Cənab Prezident, bu müqəddəs müharibədir və biz bu müharibədə iştirak etməliyik. Torpaqlarımızın işğalçılardan azad edilməsi bizim üçün böyük şərəfdir. Yaşasın Azərbaycan! Azərbaycan döyüşçülərinə eşq olsun! Yaşasın Ali Baş Komandan! Var olsun Azərbaycan Prezidenti İlham Heydər oğlu Əliyev!

Hörmətlə,
İsayev Əli Eyyub oğlu
Ehtiyatda olan zabit
Rusiya Federasiyası, Kirov şəhəri

X X X

Əziz Prezidentimiz,

Erməni işğalçılarına qarşı müharibədə iştirak etmək üçün könüllü olaraq Azərbaycan Ordusuna qoşulmaq istəyirəm. Qardaş ölkə olan Azərbaycana canımız fəda olsun.

Yalçın Bülent Arif oğlu
Türkiyə Respublikası, Mersin şəhəri

X X X

Hörmətli cənab Prezident.

Belarusda yaşayan minlərlə azərbaycanlı növbəti erməni təxribatının qarşısının alınması, mülki əhalinin təhlükəsizliyinin təmin olunması məqsədilə Silahlı Qüvvələrimiz tərəfindən həyata keçirilən cavab tədbirlərini alqışlayır, sürətli əks-həmlə zamanı strateji əhəmiyyətə malik bir neçə yüksəklik və yaşayış məntəqəsinin düşməndən tam azad olunması xəbərinə sevinir.

Ermənistan-Azərbaycan, Dağlıq Qarabağ münaqişəsinin həlli istiqamətində tutduğunuz qətiyyətli mövqeyi və gördüyünüz işləri daim dəstəkləyirik. Dünya ictimaiyyəti bilməlidir ki, Azərbaycanın haqlı mübarizəsində 25 il davam edən münaqişənin həllinə beynəlxalq hüququn norma və prinsipləri əsasında nail olmaq və regionda davamlı sülhü bərqərar etmək üçün beynəlxalq qurumlar qəti şəkildə BMT Təhlükəsizlik Şurasının 1993-cü ildə qəbul etdiyi 822, 853, 874 və 884 saylı qətnamələrinin tələblərinə uyğun olaraq, ilk növbədə, Ermənistan silahlı qüvvələrinin işğal olunmuş bütün Azərbaycan ərazilərindən çıxarılmasını rəsmi Ermənistandan tələb etməlidir. Azərbaycanın ərazi bütövlüyü qeyd-şərtsiz bərpa olunmalıdır.

Belarusda yaşayan hər bir azərbaycanlı Dağlıq Qarabağ münaqişəsinin həllində Sizin yanınızda olmağı, vətənimiz Azərbaycanın işğal edilmiş rayonlarının düşmən tapdağından azad edilməsi üçün lazımı tədbirlərdə yer almağı özünə borc bilir. Azərbaycandan kənarda yaşamalarına baxmayaraq, böyük bir diaspor ordusu Ali Baş Komandanı dəstəkləyir və daim Cənab Prezidentin yanındadır.

Belarusun "Azərbaycan İcmaları Konqresi"nin üzvləri adından dərin hörmətlə,
Bağırov Natiq, sədr.
Belarus Respublikası, Minsk şəhəri.

X X X

Hörmətli Prezident.

Sözünüzün üstündə durub torpaqlarımızı işğalçılardan azad etməyə səylər göstərdiyinizə görə Sizə təşəkkür etmək istəyirəm.

Səfərbərlik elan edilsə, mənə bel bağlaya bilərsiniz. Mən səfərbərlik haqqında əmri gözləyirəm, daha oturub xəbərləri izləməyə tab gətirə bilmirəm. Cəbhəyə getmək, torpaqlarımızı azad etmək istəyirəm. Əmim oğlu artıq Azərbaycandadır. O da könüllülərin nə vaxt çağırılacağını gözləyir. Bu dərəcədə qətiyyətli və həqiqətən cəsarətli addıma görə Sizə bir daha minnətdarlığımı bildirirəm. Bütün Azərbaycan xalqı Sizinlədir. Əsas məsələ bir addım da geri çəkilməməkdir. Əgər başladıqsa, axıradək getməliyik. Bir daha əmin oldum ki, Siz ən layiqli lidersiniz. Çox sağ olun"

Hörmətlə,
Hacıyev Cövhər Şəhriyar oğlu
Rusiya Federasiyası, Moskva şəhəri

X X X

Hörmətli Prezident İlham Əliyev.

Azərbaycan Ordusunun ölkənizin ərazi bütövlüyü uğrunda apardığı mübarizədə sizə dəstəyimi ifadə edərək cəbhədə döyüşməyə hazır olduğumu bildirmək istəyirəm. Allahdan sizi hifz etməsini və döyüşlərdə qalib gəlməyinizi arzu edirəm.

Hörmətlə,
Taştan İrfan İbrahim oğlu
Türkiyə Respublikası, Sivas şəhəri

X X X

Hörmətli Prezident İlham Əliyev.

Mən İstanbulda yaşayıram. Qarabağda hərbi əməliyyatların yenidən başlandığını öyrəndiyim anda Sizə yazmaq qərarına gəldim. Allah sizin köməyiniz olsun. Şəhidlərimizə Allahdan rəhmət diləyirəm.

Cənab Prezident, Türkiyədəki qardaşlarınız son nəfəslərinə qədər sizin yanınızda olmaq üçün əmrinizi gözləyir. Sizi sevirik.

Hörmətlə,
Yılmaz Erdoğan Kazım oğlu
Türkiyə Respublikası, İstanbul şəhəri

X X X

Möhtərəm Prezident, cənab Ali Baş Komandan.

Evin tək oğlu olmağıma baxmayaraq, könüllü olaraq Səbail hərbi komissarlığına müraciət edib birinci Qarabağ müharibəsində iştirak etmişəm. Mən və döyüş yoldaşlarım yaralansaq da əlillik statusu almamışıq ki, Vətənə lazım olan an yenə də döyüşlərə qoşularaq torpaqlarımızın qaytarılması üçün savaşaq. Müraciətlərimizə baxmayaraq, bizi döyüş bölgələrinə göndərmirlər.

Cənab Ali Baş Komandan, biz Sizin əmrinizi gözləyirik. Sizdən xahiş edirəm, bizim kimi Vətən əsgərlərinin döyüşlərdə iştirak etməyinə göstəriş verəsiniz.

Hörmətlə,
Baş leytenant Elçin Süleymanov
Azərbaycan Respublikası, Bakı şəhəri

X X X

Hörmətli cənab Prezidentim.

Mən Türkiyənin Van vilayətində polis əməkdaşıyam. Cəbhə xəttində Azərbaycan əsgərlərinin şəhid olması xəbərini dərin kədər hissi ilə öyrəndim. Şəhid əsgərlərimizə Allahdan rəhmət diləyirəm. Biz də üzvlərinin əksəriyyəti ermənilər olan PKK terrorçuları ilə mübarizə aparırıq. Bu mübarizədə əsgərlərimiz şəhid olur. Təbii ki, şəhidlərimizin qanı yerdə qalmır. Onlar Vətən uğrunda düşünmədən canlarını qurban veriblər.

Biz Türkiyə Respublikası və türk qardaşlarınız olaraq, hər zaman Azərbaycanın yanındayıq. Sizin də daim bizim yanımızda olduğunuzu bilirik. Türkiyədə olduğu kimi, lazım gəlsə, Azərbaycanda da son damla qanımıza qədər döyüşməyə hazırıq. Türkiyənin və Azərbaycanın gələcəyi parlaq olacaq. Heç bir qüvvə ölkələrimizin əbədi qardaşlığını poza bilməyəcək.

Sözlərimin sonunda həm Türkiyədə, həm də Azərbaycanda şəhid olan qardaşlarımıza Allahdan rəhmət diləyir, xalqlarımıza başsağlığı verirəm.

Ən səmimi hisslərimlə,
Kırbıyık Mücahit Salih oğlu
Türkiyə Respublikası, Van şəhəri

X X X

Cənab Prezident,

Sizə çox böyük qürur hissi ilə ünvanladığımız məktubla bu günlər yaşadığımız sevincimizi bölüşür, apardığınız müdrik və qətiyyətli siyasətinizi alqışlayırıq.

Cənab Prezident, uzun illərdir ki, 20 faiz Azərbaycan ərazisi erməni faşizminin tapdağı altında inləyir, Vətənimiz yaralı simurq quşuna bənzəyirdi. Amma bu günlər qəbul etdiyiniz qətiyyətli qərar və atdığınız addımlar öz bəhrəsini verməkdədir. Artıq əməlləri ilə bütün dünyaya xeyirxahlıq nuru çiləyən Azərbaycan dövləti düşünülmüş siyasəti ilə qələbə ərəfəsindədir. O qələbəni bütün türk dünyasına yaşadan məhz Sizsiniz, hörmətli cənab Prezident! Tanrı Sizə elə bir qüvvət, qüdrət və kəramət bəxş edib ki, əməllərinizin işığında bütöv bir xalq yaşayır, fəaliyyət göstərir. Elə bir xalq ki, daima şərəf və ləyaqəti uğrunda ölümə mərdliklə sinə gərə bilir. Buna səbəb isə Azərbaycan əsgərinin arxasında dayanan güclü dövləti, dövlətinin başında isə əsl sərkərdənin - Ali Baş Komandanın olmasıdır.

Sizə - Ali Baş Komandanımıza bildirmək istəyirik ki, bu müqəddəs yolda qazanılacaq qələbə Azərbaycanın mübarizlik tarixində ən yüksək zirvəyə çevriləcək. Bu zirvəni fəth edən, qələbə sevincini bizlərə yaşadan isə ulu öndər Heydər Əliyevin layiqli davamçısı möhtərəm Prezidentimiz cənab İlham Əliyev olacaq. Tanrı bu müqəddəs yolda daim köməyiniz olsun və Sizi bu millətə çox görməsin!

Hörmətlə,
Səbail rayonu, 189-190 nömrəli tam orta məktəbin pedaqoji kollektivi adından
Kuliyeva Ceyran Bədrəddin qızı
Azərbaycan Respublikası, Bakı şəhəri

X X X

Cənab Prezident,

Sizə qətiyyətli və uğurlu siyasətiniz üçün təşəkkürümü bildirmək istəyirəm.

Fəxr edirəm ki, azərbaycanlıyam və Sizin kimi Ali Baş Komandanımız var. Hər zaman Sizinləyik!

Dərin hörmətlə,
Əliyev Orxan Mahir oğlu
Rusiya Federasiyası, Tobolsk şəhəri

X X X

Hörmətli cənab Prezident İlham Əliyev.

Erməni təxribatçılarına qarşı apardığınız mübarizədə Allahdan sizə yardımçı olmasını diləyirəm.

Bilin ki, erməni işğalçılarına qarşı döyüşlərdə dualarımız sizinlədir. Biz cəbhədə döyüşmək üçün Sizin əmrinizə hazırıq.

Qardaşlarıma salamlarımızı çatdırmağı xahiş edirik. Allah köməyiniz olsun. Əmrinizi gözləyirik.

Hörmətlə,
Şenyüz Bülent Salih oğlu
Türkiyə Respublikası, Ankara şəhəri

X X X

Hörmətli cənab Prezident, mən Göyçayda doğulmuşam. Ukrayna polisinin polkovnik-leytenantıyam. Vətənim uğrunda, əcdadlarımın Vətəni uğrunda canımdan keçməyə hazıram. Təki torpaqlarımız azad olsun. Bizim yağı düşməndən heç vaxt qorxmayan Dədə Qorqud, Koroğlu nəslindən olduğumuzu ermənilərə göstərməyin vaxtı çatıb. Əmrinizi gözləyirik.

Hörmətlə,
Məmmədov İntiqam Güləli oğlu
Ukrayna, Zaporojye şəhəri

X X X

Cənab Prezident,

Dünyanın bir çox ölkələrində yaşayan azərbaycanlılar kimi, Gürcüstanda yaşayan azərbaycanlılar da son günlər tarixi vətənimizdə, cəbhədə baş verən hadisələri həyəcanla izləyir, düşmənin layiqincə susdurulması üçün görülən tədbirləri ürəkdən dəstəkləyirik.

Cənab Ali Baş Komandan, mən Kərimov Arif Məhəmməd oğlu Gürcüstanda doğulub boya-başa çatmışam. Artıq səkkiz ildir ki, SOCAR-ın Gürcüstan nümayəndəliyinin SOCAR ENERJGY GEORGIYA MMC-nin monitorinq üzrə menecer vəzifəsində çalışıram, üç övlad atasıyam. Azərbaycan üçün bu ağır və şərəfli günlərdə doğma vətənimizin düşmən tapdağından azad edilməsi, Qarabağ torpaqlarının işğalçı ermənilərdən təmizlənməsi üçün Azərbaycan Silahlı Qüvvələrinin sıralarına qatılmağa, bu şərəfli günlərdə soydaşlarımızla çiyin-çiyinə vuruşmağa hazıram.

Allahdan şəhidlərimizə rəhmət, xalqımıza isə yeni-yeni qələbələr diləyirəm!

Dərin hörmətlə,
Kərimov Arif Məhəmməd oğlu
Gürcüstan, Tbilisi şəhəri.

X X X

Hörmətli cənab Prezidentim.

Evli və bir uşaq atası olmağıma baxmayaraq, Azərbaycanı doğma Vətənim bildiyim üçün haqlı mübarizənizdə ölənədək mübarizə aparmağa hazıram.

Hərbi əməliyyatlarla bağlı Azərbaycanda səfərbərlik elan olunarsa məni də ordu sıralarına qəbul etməyinizi Sizdən xahiş edirəm. Azərbaycanlı qardaşlarımla çiyin-çiyinə döyüşməyi özümə şərəf bilirəm. Allah köməyiniz olsun.

Dərin ehtiramla,
İşık Kürşad Hasan oğlu
Türkiyə Respublikası, Adana şəhəri

X X X

Azərbaycan Respublikasinin Prezidenti, cənab Ali Bas Komandan.

Sizi Ordumuzun qələbəsi münasibəti ilə təbrik edirəm. Bir azərbaycanli kimi bu qələbəyə çox sevinirəm.

Mən Sankt-Peterburq Dövlət Texnologiya və Dizayn Universitetinin dördüncü kurs tələbəsiyəm. Lazim gələrsə təhsilimi dondurub bir Vətən oğlu kimi Sizin komandanlığınız altinda torpaqlarımızın azadlığı uğrunda döyüşlərdə hər zaman vuruşmağa hazıram. Azərbaycan xalqi yenilməzdir, Azərbaycan torpağı bölünməzdir!

Dərin hörmətlə,
Hacıyev Nahid Aydın oğlu
Rusiya Federasiyası, Sankt-Peterburq şəhəri

X X X

Hörmətli cənab Prezident,

Xalq sahilsiz dənizlər kimi coşub çağlayanda, öz istiqlalı, dövlət müstəqilliyi, milli dirçəlişi və torpaq bütövlüyü uğrunda elliklə ayağa qalxanda, yalın əllə dəmir tanklara sipər çəkib, sinələri ilə odlu güllələri tutanda, qorxuya düşən düşmənlər bu azadlıq ideyalarını boğmaq üçün hər tərəfdən qanlı əllərini vətənimizə tərəf uzadanda və nəhayət, dövlətçilik təcrübəsizliyimizin, habelə daxili satqınlarımızın və xarici düşmənlərimizin fitnəsi ilə "olum və ya ölüm" qarşısında qalanda, Allah ulu öndər Heydər Əliyevi xalqın köməyinə yetirdi. Xalqımız bu bəlalardan xilas oldu.

Bu gün xalqımız yenidən sınaqla, vətənimizin yağı düşmənlə üz-üzə qaldığı bir məqamda Sizin böyük sərkərdə kimi öndə olmağınız, dünyaya və xalqımıza verdiyiniz mesajlar hər bir azərbaycanlının ürəyini dağa döndərir.

Hörmətli Prezident, cənab Ali Baş Komandan,

Ətrafımda yüzlərlə iş adamları, ziyalılar və yaxınlarım Sizin apardığınız siyasəti birmənalı şəkildə bəyənir, dəstəkləyir və yanınızda olmaqdan qürur duyur. Bu ahıl çağımda əsgərlərimizlə bir səngərdə olmağı ömrümün mənası hesab edirəm. Vətənimizin düşmən tapdağından azad olunması uğrunda mübarizədə Sizin yanınızda olmağı, Vətənə olan borcu ödəməyi, xidmət etməyi həyatımın mənası sayıram.

Məlumat üçün bildirirəm ki, 68 yaşım var, özüm də hərbi xidmətdə olmuşam. Ətrafımda olan insanlarla birlikdə Sizin əmrinizi gözləyirik.

Dərin hörmətlə və ehtiramla,
Bir qrup ziyalılar adından Aydın Heydərov
Azərbaycan Respublikası, Bakı şəhəri.

X X X

Hörmətli Prezident İlham Əliyev.

Erməni işğalçılarına tutarlı cavab verdiyiniz üçün Sizə sonsuz təşəkkürümü bildirirəm. Türkiyə Respublikasının vətəndaşı olaraq, bu qətiyyətli mübarizənizi fəal dəstəkləyirəm. Lazım olduqda azərbaycanlı qardaşlarımla bərabər cəbhədə döyüşməyə hazıram. Türkiyədə mənim kimi Vətənimizi qorumaq üçün səbrsizliklə gözləyən və haqlı mübarizənizdə azərbaycanlı qardaşlarımızla birgə canlarını fəda edəcək minlərlə gəncin olduğunu bilməyinizi istəyirəm.

Hörmətlə,
Karapolat Hasan Sakir oğlu
Türkiyə Respublikası, Kırıkkale şəhəri

X X X

Hörmətli cənab Prezident İlham Əliyev.

Azərbaycan Silahlı Qüvvələrinin Ermənistan hərbi birləşmələrinin provokasiyalarına qarşı müvəffəqiyyətli hərbi əməliyyatları zamanı qardaşlarımızın həlak olması ilə əlaqədar Sizə dərin hüznlə başsağlığı verirəm. Allah şəhidlərimizə rəhmət eləsin. Biz həmişə vətənimiz Azərbaycanın yanındayıq. Mən Qazaxıstanın Almatı şəhərində yaşayıram. Biz Almatıdan gəlib cəbhədəki qardaşlarımıza qoşulmaq, Azərbaycanın ərazi bütövlüyü uğrunda döyüşmək üçün Sizin əmrinizi gözləyirik. Biz Sizi çox sevirik, Sizə inanırıq. Allah Sizə kömək olsun!

Vətəndən uzaqlarda yaşadığımıza baxmayaraq, qəlbimiz həmişə Azərbaycanla, ölkəmizlə bir döyünür. Allah qardaşlarımıza güc versin və onları qorusun.

Hörmətlə,
Nuriyeva İlhamə İlqar qızı
Qazaxıstan Respublikası, Almatı şəhəri

X X X

Çox hörmətli Prezidentim.

Mərmərə Qrupu Strateji və Sosial Araşdırmalar Vəqfi olaraq, ermənilərin təcavüzkarlıqları nəticəsində şəhid olan Azərbaycan əsgərlərinin qəlbimizi dağlayan kədəri qarşısında sonsuz üzüntü duyuram.

Ermənilərin işğalçı, qatil düşüncəsinə sahib olmalarına baxmayaraq, Azərbaycan ərazilərini illərdir işğal altında saxlamalarına göz yuman dünyanın son günlər ermənilərin törətdikləri təxribatları səssizcə seyr etməsini ikili standart olaraq dəyərləndiririk.

İnsanlığın üz qarası olan bu xainliyə böyük siyasi qətiyyət göstərərək "atəşkəs" əmri ilə "dur" deyən möhtərəm Prezident İlham Əliyevin soyuqqanlılığının yaxşı başa düşülməsinin vacibliyinə və səbrin də bir həddinin olmasına inamımızla Azərbaycanın kədərini bölüşürük.

Şəhidlərimizə Ulu Tanrıdan rəhmət, yaralananlara şəfa diləyirik.

Hörmətlə,
Akkan Suver, Mərmərə Qrupu Strateji və Sosial Araşdırmalar Vəqfinin baş direktoru
Türkiyə Respublikası, İstanbul şəhəri

X X X

Qardaş və doğma Azərbaycanın Ali Baş Komandanı hörmətli Prezident İlham Əliyev.

Azərbaycanın əzəli torpağı olan Qarabağda göstərdiyiniz qəhrəmanlığa görə bir türk olaraq, qürur hissi keçirdim. Qorxaq və işğalçı ermənilərə qarşı qazandığınız zəfər bizim də qələbəmizdir. Tanrı Azərbaycanı qorusun. Şəhid qardaşlarımızın qanı yerdə qalmadı. Allah şəhidlərimizdən, əsgərlərimizdən, Azərbaycan xalqından, bu zəfərin əmrini verən Sizdən razı olsun.

Mən siyasi, hərbi və logistika məsələləri ilə məşğulam. Hörmətli Prezident, bilin ki, ürəyi Azərbaycan ilə bir döyünən Türkiyə vətəndaşı olaraq, hər zaman əmrinizdəyəm.

Hörmətlə,
Değerli Mustafa Güray Yaşar oğlu
Türkiyə Respublikası, İstanbul şəhəri

X X X

Möhtərəm cənab Prezident!

Son günlər cəbhədə baş verənlərdən hamı kimi mən də narahat oldum. Gürcüstanda yaşasam da ölkəmizdəki hadisələri diqqətlə izləyirəm. Əsgərlərimizin şücaəti və ələ keçirdikləri ərazilər barıədə eşidəndə qürurlandım. Şəhid olan qardaşlarımıza Allahdan rəhmət diləyirəm.

Möhtərəm Prezident, mən də könüllü olaraq Qarabağ uğrunda gedən döyüşlərdə iştirak etmək istəyirəm. Səfərbərliklə bağlı əmrinizi səbirsizliklə gözləyirəm.

Hörmətlə,
Əliyev Camal Xanəhməd oğlu.
Gürcüstan, Marneuli.

X X X

Hörmətli cənab Prezident.

Ölkənizin ərazi bütövlüyü uğrunda haqlı mübarizənizdə Sizə və qardaş Azərbaycan xalqına qələbələr arzulayıram. Türkiyə vətəndaşları kimi, mən də Sizinlə qürur duyuram. Azərbaycanlı qardaşlarımı çox sevirəm. Allah köməyiniz olsun.

Hörmətlə,
Adem İbalı
Türkiyə Respublikası, İzmir şəhəri

X X X

Hörmətli Prezident, cənab Ali Baş Komandan.

Sizin həyata keçirdiyiniz uğurlu daxili və xarici siyasəti bəyənir və dəstəkləyirəm. Ölkəmizin gündən-günə artan nüfuzu, qazandığı nailiyyətlər bizi sevindirir. Ordu quruculuğu sahəsindəki islahatlarınız da öz bəhrəsini verməkdədir. Cəbhədə düşmən təxribatının qarşısının layiqincə alınması bunun bariz nümunəsidir.

Cənab Ali Baş Komandan, mən də bir azərbaycanlı kimi daim cəbhəyə yollanmağa, Sizin bütün əmrlərinizi yerinə yetirməyə hazıram. Ulu Tanrı Sizi qorusun.

Hörmətlə,
İsrafilov İsgəndər Babasən oğlu.
Azərbaycan Respublikası, Bakı şəhəri, Binəqədi rayonu.

X X X

Salam hörmətli cənab Prezident.

Dağlıq Qarabağda vəziyyətlə əlaqədar Milli Ordunun əsgəri olmağa namizədliyimi təklif etmək istərdim. Yaşımın az olmasına baxmayaraq Vətənimə kömək etmək istəyirəm. Doğma Vətənim uğrunda döyüşməyə hazıram. Razılıq versəniz doğmalarımla çiyin-çiyinə döyüşməyə şad olaram. Atam tankçıdır. O da böyük məmnuniyyətlə Vətəni uğrunda döyüşəcək.

Hörmətlə,
Eyvazov Əsəd Əsəd oğlu
Rusiya Federasiyası, Moskva vilayəti

X X X

Hörmətli cənab Prezident İlham Əliyev.

Vətənin müdafiəsi kimi ali dəyərlər uğrunda apardığınız haqlı mübarizənizi illərdir yaxından izləyir və azərbaycanlı qardaşlarımı fəal dəstəkləyirik. Son bir neçə gün ərzində cəbhə xəttində həlak olmuş şəhidlərimizlə əlaqədar Sizə və Azərbaycan xalqına başsağlığı verirəm. Bu itkilər sizin qədər məni də çox kədərləndirir. Sizlərə olan sevgimi, hörmətimi, dəstəyimi bu məktubu yazaraq ifadə etmək istəyirəm.

Əlbəttə ki, biz qardaşıq və bir qardaşın canı yananda digərinin bundan kədərlənməməsi mümkün deyil. Azərbaycanın böyük və güclü dövlət olduğunu bilirəm. Lazım gəlsə, Azərbaycan əsgərləri ilə çiyin-çiyinə ermənilərə qarşı mübarizə aparmaqdan böyük xoşbəxtlik və şərəf duyacağımı bildirmək istəyirəm. Sizin şəxsinizdə bütün Azərbaycan xalqına sevgi, hörmət və salamlarımı çatdırıram.

Hörmətlə,
Hatip Əkrəm Emin oğlu
Bolqarıstan Respublikası, Eski Zağra şəhəri

X X X

Salam hörmətli Prezident.

Rusiya vətəndaşı olsam da, 1997-ci ildən burada yaşasam da Vətənimlə, düşmən qarşısında dərhal birləşən, Ali Baş Komandanın əmri ilə döyüşə atılmağa hazır olan xalqımla bir azərbaycanlı kimi qürur duyuram. Qətiyyətinizə görə Sizə, birləşdiyinə görə xalqıma, əzəli Azərbaycan torpaqları uğrunda döyüşlərdə göstərdikləri rəşadət və mərdliyə görə igid əsgər və zabitlərimizə minnətdarlığımı bildirmək istəyirəm. Bəli, xalqımız qardaşlarını, oğullarını və atalarını itirdi. Amma onlar əbəs yerə şəhid olmadılar.

Xalqımızın, dövlətimizin qüdrəti və birliyi düşmənə, işğalçıya layiqincə nümayiş etdirildi. Üstəlik, dünya da gördü ki, Azərbaycan xalqı təkcə xeyirxah, qonaqpərvər və tolerant deyil, həm də məğrur, cəsur, güclü və mütəşəkkil xalqdır, torpaqlarını, Vətənini, tarixini qorumağa və onların uğrunda canından keçməyə hazırdır.

Cənab Ali Baş Komandan, bu gün bütün Azərbaycan xalqı, dünyadakı 50 milyondan çox azərbaycanlı, o cümlədən mən Sizinlə həmrəyik, Sizin yanınızda möhkəm dayanmışıq və əmrinizlə döyüşə atılmağa hazırıq.

Hörmətlə,
Quliyev Fuad Rafiq oğlu
Rusiya Federasiyası, Moskva şəhəri

X X X

Çox hörmətli Prezident İlham Əliyev.

Mən İstanbulda yaşayıram. Bir müddət əvvəl Sumqayıtda və Bakıda da yaşamış, Qafqaz Universitetində hazırlıq kursu keçmişəm. Bu müqəddəs Vətənin çörəyini yemiş, suyunu içmiş Türkiyə vətəndaşı olaraq, səmimiyyətlə deyirəm ki, qardaş Azərbaycanın əsgəri kimi, torpaqlarımızın müdafiəsi üçün borcumu yerinə yetirməyə hazıram. Hələ də tələbə olduğumdan hərbi təcrübəm yoxdur. Ancaq əmin ola biləsiniz ki, Nuru Paşanın əsgərləri və yetirmələri hələ də yaşayır. Nə mutlu türkəm deyənə.

Sizə hörmət və ehtiramımı bildirirəm. Allah Sizi qorusun.

Hörmətlə,
Yaşar Furkan İlhan oğlu
Türkiyə Respublikası, Çorum şəhəri

X X X

Hörmətli Prezident, cənab Ali Baş Komandan.

Hazırda cəbhədə gedən döyüşlər və Ordumuzun irəliləməsi mənə və bütün xalqımıza qürur hissi yaşadır. Doğma yurdum Kəlbəcərin işğaldan azad ediləcəyi günü səbirsizliklə gözləyirəm. Lakin bu prosesləri kənardan izləmək mənə çox çətindir. Bir Kəlbəcərli olaraq torpaqlarımızın azadlığı uğrunda döyüşmək mənim üçün böyük şərəfdir. Bütün azərbaycanlı qardaşlarım kimi mən də könüllü olaraq Vətən uğrunda döyüşməyə hazıram, səfərbərlik əmrinizi gözləyirəm.

Hörmətlə,
Məhərrəmov Elin Nizami oğlu, Kəlbəcər rayonundan məcburi köçkün.
Azərbaycan Respublikası, Bakı şəhəri, Nərimanov rayonu.

X X X

Möhtərəm Prezidentim.

Ermənilərə qarşı apardığınız şərəfli mübarizədə hər an yanınızdayıq. Bizim üçün Türkiyə nə qədər əzizdirsə, digər türk dövlətləri, o cümlədən Azərbaycanda da bir o qədər əzizdir. Türkün bayrağının dalğalandığı hər yer Vətənimizdir.

Xain ermənilərə qarşı apardığınız uğurlu əməliyyatlarda bizim də hər an döyüşə hazır olduğumuzu nəzərə almağınızı və lazım gəlsə Azərbaycan Ordusuna çağırmağınızı xahiş edirəm. Cəbhədəki vəziyyətlə bağlı xəbərləri diqqətlə izləyirəm. Allah köməyiniz olsun. Tanrı türkü qorusun və ucaltsın.

Sonsuz ehtiramla,
Karahan Bülent Ensar oğlu
Türkiyə Respublikası, İstanbul şəhəri

X X X

Hörmətli cənab Prezident.

Mən həkim, cərrah olaraq istənilən an ən ağır təmas nöqtələrinə getməyi öz müqəddəs borcum bilirəm. Hesab edirəm ki, peşəsindən və sənətindən asılı olmayaraq, hər bir azərbaycanlı Vətənin çətin günündə öz əməyini əsirgəməyəcəkdir. Bu, düşmən üzərində qələbəmiz üçün ən başlıca amalımızdır.

Hörmətlə,
Seyidov Vaqif Cavad oğlu, tibb elmləri doktoru, professor, Əməkdar Həkim.
Azərbaycan Respublikası, Bakı şəhəri, Nərimanov rayonu.

X X X

Hörmətli cənab Prezident.

Mənim 39 yaşım var. Ağdam rayonunda anadan olmuşam. Xahiş edirəm Ali Baş Komandan kimi bu çətin günlərdə ön cəbhədə döyüşmək üçün mənim ordu sıralarına qatılmağıma kömək edəsiniz. Bir azərbaycanlı kimi, torpağını itirmiş bir vətəndaş kimi ön cəbhədə Sizin başçılığınız altında layiqincə döyüşməyə ozümü qadir hiss edirəm. Biz torpaqlarımız uğrunda gözümüzü qırpmadan şəhid olmağa hazırıq.

Hörmətlə,
Muxtarlı Əli Cahid oğlu.
Azərbaycan Respublikası, Ağdam rayonu.

X X X

Çox hörmətli Prezident.

Təbrizdən Sizə salamlar. Başda Siz olmaqla şanlı ordumuzun qazandığı zəfərlər münasibətilə bütün dünyada yaşayan, Azərbaycan üçün ürəyi döyünən soydaşlarımızı təbrik edir, Uca Tanrıdan bu zəfərləri yaratmaq uğrunda şəhid olanlarımıza rəhmət diləyirəm. Hörmətli cənab Prezident, əmin olun ki, bugün burada Sizin böyük bir ordunuz var. Bugün mən, qardaşlarım, dostlarım və on minlərcə azərbaycanlı cismən burda yaşasaqda, ruhumuz və qəlbimiz Sizinlədir. Biz şanlı ordumuza tam güvənirik. 50 milyon azərbaycanlı tam dəstəklə Sizin arxanizdayiq. Biz döyüşə hazırıq, Babəkin sərbazıyıq.

Hörmətlə,
Əhmədoğlu Əlirza Nasir oğlu.
İran İslam Respublikası, Təbriz şəhəri.

X X X

Möhtərəm Prezident.

Son zamanlar respublikamızın hər bir evində kiçik zəfərlər qeyd edilir. Əlbətdə ölkəmizdə baş verən irəliləyişlər zamanla həmişə olub. Amma belə ruhən sevinclər bizə bəxş etdiyinizə görə mən şəxsən öz adımdan Sizə dərin təşəkkürümü bildirirəm. Əgər ehtiyac olarsa, arxa cəbhədə edə biləcəyim bütün işləri görməyə canla başla hazıram. Əzəldən ana-nənələrimizdən belə sözlər bizə miras qalıb. Mən bu gün Sizə demək istəyirəm ki, boyunuza qurban, Allah Sizi qorusun!

Hörmətlə,
Ələsgərova Flora Tofiq qızı.
Azərbaycan Respublikası, Bakı şəhəri, Binəqədi rayonu.

X X X

Hörmətli cənab Prezident!

20 ildən çoxdur ki, Qarabağımız erməni işğalındadır. İllərdir Qarabağ işğalını uzatmaq üçün düşmənlə əməkdaşlıq edən bir çox dünya ölkələri işğalçıya siyasi, iqtisadi dəstək vermişlər, ancaq Sizin ölkəmizə başçılığınız və rəhbərliyiniz nəticəsində düşmənin və onun tərəfdarlarının hiylələri boşa çıxmış və Ermənistan bu gün çıxılmaz dalanda sıxışıb qalmışdır.

Hörmətli Prezident, Sizin dediyiniz Azərbaycan hər azərbaycanlının vətənidir, Azərbaycan dövləti hər azərbaycanlının dövlətidir sözləri hər zaman Azərbaycan gəncliyinə güc və qürur verib.

Hörmətli Ali Baş Komandan, şəxsən mənim və dostlarımın Qarabağda bir azərbaycanlı olaraq savaşmaq icazəmiz yoxdur. Sizdən çox xahiş edirik ki, bizlərin Qarabağda, vətənimiz üçün qardaşlarımızla çiyin-çiyinə savaşmaq istəyini qəbul edib, bizləri Azərbaycanımızın şanlı ordusunun sıralarına alasınız. Biz Azərbaycan gəncliyi, başda şəxsən özüm Ağababayev Elşən Hacı Həsən oğlu bir Azərbaycan övladı olaraq öz ana vətənimizə övladlıq borcumuzu ödəmək istəyirik. Buna görə Sizdən vuruşmaq icazəsi istəyirəm. Qarabağın işğaldan qurtarılması uğrunda mübarizə hər bir azərbaycanlının arzusu və istəyidir. Bizlər bunu özümüzün bir vətən və namus borcu bilirik.

Əbədi yaşasın Azərbaycan!

Hörmətlə,
Ağababayev Elşən Hacı Həsən oğlu, dövlət qulluqçusu.
Azərbaycan Respublikası, Sumqayıt şəhəri.

X X X

Cənab Ali Baş Komandan.

Son günlər cəbhə bölgəsində rəşadətli Azərbaycan ordusunun düşmən təxribatına layiqli cavabları məni bir Azərbaycan vətəndaşı kimi çox sevindirir. Bu ilk zəfərlərdə yeritdiyiniz uğurlu hərbi siyasətin bəhrəsini görürük.

Cənab Prezident! Damarında azərbaycanlı qanı axan hər bir Azərbaycan gənci kimi mən də Sizin mövqeyinizi dəstəkləyir, böyük ümid ilə Sizin səfərbərlik əmrinizi gözləyirəm. Allahdan Sizə can sağlığı, işlərinizdə uğurlar arzu edirəm!

Hörmətlə,
İsmayıllı İsmayıl Əhəd oğlu.
Azərbaycan Respublikası, Bakı şəhəri.

X X X

Azərbaycan Respublikasının Prezidenti möhtərəm İlham Əliyev.

Təmas xəttində erməni silahlı birləşmələrinin atəşkəsi pozduğunu eşitdikdə çox həyəcanlandım. Mən hərbi xidmətimi Jandarma Qüvvələrində snayper vəzifəsində yerinə yetirmişəm.

Xəbərlərdə əsgərlərimizin şəhid olduğunu öyrəndim və çox üzüldüm. Şəhidlərimizlə əlaqədar Sizə başsağlığı verirəm. Sizdən yeganə xahişim odur ki, mənim də Azərbaycan Ordusunda xidmət etməyimə göstəriş verəsiniz. Əcdadlarımız Çanaqqalada çiyin-çiyinə vuruşduqları kimi, Qarabağda da qardaşlarımızla bir yerdə olduğumuzu bütün dünyaya göstərməliyik. Mənim üçün ana yurdum Türkiyə nə qədər əzizdirsə, qardaş Azərbaycan da bir o qədər doğmadır. Erməni işğalçılarına qarşı döyüşmək üçün əmrinizi gözlədiyimi bir daha diqqətinizə çatdırmaq istəyirəm. Sizin komandanlığınızla Azərbaycanın bu sınaqdan Qələbə ilə çıxacağına əminəm.

Dərin hörmətlə,
Baykal Ersin İzzət oğlu
Türkiyə Respublikası, Denizli şəhəri

X X X

Hörmətli Prezidentimiz cənab İlham Əliyev.

Mən 39 saylı məktəbin şagird və müəllim kollektivi adından Sizin Ali Baş Komandanlığınız altında müzəffər Azərbaycan Ordusunun erməni silahlı birləşmələrinə qarşı apardığı əməliyyatlarda qazandığı zəfərin qürurunu və sevincini bizə yaşatdığınız üçün Sizə dərin minnətdarlığımı bildirirəm. Qoy Ulu Tanrı daim Sizi qorusun!

Cənab Prezident, bir kəlbəcərli şəhid bacısı kimi hər il aprelin 2-si mənim üçün qara bir gün olub. Ancaq bu il həmin günü bizim üçün zəfər tarixinə çevirdiyinizə görə Sizə minnətdarıq. Mən həmişə inanmışam və daim şagirdlərimizə də bunu təbliğ etmişəm ki, məhz Sizin Ali Baş Komandanlığınız altında bizim şəhidlərimizin qanı yerdə qalmayacaq, biz o yerlərə dönəcəyik. Tanrıya şükürlər olsun ki, bu günləri yaşamaq nəsibimiz oldu. Qoy, o bir olan Allah Sizə bu şərəfli qələbinizdə yardımçı olsun.

Hörmətlə,
Şükürova Tahirə Əvəz qızı
Milli Qəhrəman R.Nəsrəddinov adına 39 nömrəli tam orta məktəbin direktoru
Azərbaycan Respublikası, Bakı şəhəri

X X X

Hörmətli cənab Prezident!

Cəbhə bölgəsində Milli Ordumuzun təşəbbüsü ələ alması bizi çox sevindirir. Şükürlər olsun ki, Sizin diqqətinizlə gündən-günə güclənən ordumuz düşmənə öz layiqli cavabını verdi. Cənab Prezident, bu sevinci xalqımıza Sizin fədakar əməyiniz, müdrik düşüncəniz verir. Çox sağ olun! Biz Sizə inanırıq, qələbə münasibətilə Sizi təbrik edirəm. Allah bütün şəhidlərimizə rəhmət eləsin. Allah Sizi və xalqımızı qorusun!

Hörmətlə,
Məhərrəmov Barat.
Azərbaycan Respublikası, Lənkəran rayonu.

X X X

Hörmətli cənab Prezident.

Azərbaycan Silahlı Qüvvələrinin uzun illərdi ki, həsrətlə gözlədiyimiz bu haqq savaşında və hərbi əməliyyatlardakı qələbə xəbərləri bizləri çox sevindirir. Cənab Prezident, bu münasibətlə Sizi təbrik edirik.

Cənab Prezident, bütün nailiyyətlərimiz Sizin Ali Baş Komandanlığınız altında həyata keçirilir. Biz Sizinlə fəxr edirik və bir daha hər bir Azərbaycan vətəndaşı tam əmin oldu ki, ölkəmizin, dövlətimizin idarə edilməsi çox etibarlı əllərdədi. Cənab Prezident hər an, hər dəqiqə düşmən tərəfindən işğal olunmuş torpaqlarımızın azad olunması xəbərlərini həsrətlə gözləyirik. Onu da qeyd etmək istəyirəm ki, torpaqlarımızın azad olunması üçün hər bir Azərbaycan vətəndaşı kimi mən də alışıb yanıram.

Cənab Ali Baş Komandan! Uca Allah bu müqəddəs savaşda Sizə, Azərbaycan xalqına və ordusuna komək olsun. Amin!

Hörmətlə,
Qasımov Rövşən İsmayıl oğlu.
Azərbaycan Respublikası, Xızı rayonu, Sitalçay kəndi.

X X X

Hörmətli cənab Prezident, Ali Baş Komandan!

Yazıb Sizə bildirmək istəyirəm ki, mən də minlərlə Azərbaycan gənci kimi ulu öndər Heydər Əliyevin siyasi kursunu uğurla davam etdirməyinizi dəstəkləyir və son nəfəsimə qədər Sizin əmrlərinizi yerinə yetirməyə hər zaman hazıram. Səbirsizliklə səfərbərlik əmrinizi gözləyirik.

Hörmətlə,
Hüseynov Ehtiram Bahadur oğlu, mədəniyyət işçisi.
Azərbaycan Respublikası, Laçın rayonu.

X X X

Möhtərəm Prezident, cənab Ali Baş Komandan.

Biz, Astara rayonunun gəncləri Sizin rəhbərliyiniz ilə rəşadətli ordumuzun cəbhədə qazandığı qələbədən ruhlanır, hədsiz sevinirik. Bütün astaralılar, əli silah tutan hər bir kəs ətrafınızda sıx birləşərək son dərəcə qətiyyətli və prinsipial mövqeyinizi dəstəkləyir və alqışlayırıq. Təhlükəsizlik Şurasının iclasında qətiyyətli çıxışınız, dəyərli fikirləriniz hamımızı ətrafınızda birləşməyə bir daha səfərbər etdi. Əmriniz olarsa silaha sarılıb hər birimiz sinəmizi sipər edərək torpaqlarımızın mənfur düşməndən azad edilməsi uğrunda döyüşə yollanmağa hazırıq.

Cənab Ali Baş Komandan, biz Sizi hədsiz sevir, Sizinlə qürur duyur, fəxr edirik. Doğma Vətənə və xalqa olan böyük sevginiz qarşısında baş əyir, torpaqlarımızın azadlığı uğrunda haqq işinizdə Sizə uğurlar arzulayırıq. Allah köməyiniz olsun.

Dərin hörmətlə,
Astara rayonunun gəncləri adından
Eyvazov Tural Rasif oğlu
Azərbaycan Respublikası, Astara şəhəri

X X X

Hörmətli cənab Ali Baş Komandan!

Xalqımız kimi biz yardımlılar da həmişə Sizinləyik. Bizim işimiz haqq işidir. Biz işğal altındakı torpaqlarımızı, ərazi bütövlüyümüzün bərpasını istəyirik. Bu çətin və şərəfli işinizdə Sizə böyük uğurlar arzu edirik.

Hörmətlə,
Vəliyev Hüseyn Əbülfəz oğlu.
Azərbaycan Respublikası, Yardımlı rayonu, Çayüzü kəndi.

X X X

Hörmətli cənab Prezident.

Azərbaycanımızın igid, şücaətli və yenilməz əsgərlərinin Qarabağda döyüşlərdə müvəffəq olduqları uğurları, işğal olunmuş torpaqlarımızın bir qisminin geri alınması münasibəti ilə Sizi və xalqımızı təbrik edirəm və dərin təşəkkürümü bildirirəm. Bu cür əsgərlər yetişdirən valideynlərə var olun deyirəm və əllərindən öpürəm. Mən də hər an cəbhədə Vətənimiz uğrunda əsgər qardaşlarımızla birlikdə döyüşməyə hazıram. İnanırıq ki, Sizin Ali Baş Komandanlığınızla qüdrətli əsgərlərimiz işğal olunmuş torpaqlarımızı azad edərək, Azərbaycanın müqəddəs üçrəngli bayrağını o torpaqlarımızda dalğalandıracaqdır. İnanırıq ki, qüdrətli Ordumuz Sizin rəhbərliyiniz ilə, Allahın izni ilə yaxın zamanda tam qələbə qazanaraq bu sevinci bizə yaşadacaq. Biz Sizinləyik, biz əsgərlərimizləyik. Biz Sizə, Ordumuza inanırıq və tam dəstəkləyirik.

Hörmətlə,
Kərimov Hüseyn Əlcan oğlu.
Azərbaycan Respublikası, Bakı şəhəri, Qaradağ rayonu.

X X X

Hörmətli cənab Prezident!

Biz Sizinlə fəxr edirik. Ali Baş Komandanı qətiyyətli və mərd olan dövlətin Ordusu da belə qüdrətli olar. Cəbhədəki son hadisələr xalqımızın özünəinamını daha da artırmışdır. Bu bizim üçün çox yaxşı sınaq oldu. Döyüşmək üçün, torpaqlarımızı azad etmək üçün, gərəkirsə şəhid olmağa da hazıram. Yetər ki, əmr edin, cənab Prezident.

Hörmətlə,
Bayramov Elşən Rövşən oğlu.
Azərbaycan Respublikası, Naxçıvan şəhəri.

X X X

Hörmətli cənab Prezident!

Son günlərdə cəbhədə Milli Ordumuzun erməni silahlı qüvvələrinə vurduğu zərbələr xalqımızın ürəyincədir. Sizin böyük zəhmətinizlə həm diplomatiya sahəsində, həm də cəbhə bölgəsində təşəbbüs bizim əlimizdədir. Biz buna çox sevinirik. Təhlükəsizlik Şurasının iclasındakı çıxışınızda göstərdiyiniz qətiyyətli mövqeyi ürəkdən bəyənir və dəstəkləyirik. İşğalçı ermənilər torpaqlarımızdan çıxmalıdır. Qələbə bizimlədir. Biz həmişə Sizin ətrafınızda sıx birləşib vətənimizi qoruyacağıq. Allah Sizi və xalqımızı qorusun.

Hörmətlə,
Dövlətov Şahrıza.
Azərbaycan Respublikası, Lənkəran rayonu, Osaküçə kəndi.

X X X

Hörmətli cənab Prezidentim.

Təmas xəttində ermənilərin törətdikləri təxribatlar zamanı cəbhədə şəhid olan əsgərlərimizə Allahdan səbr diləyir, Sizə və Azərbaycan xalqına başsağlığı verirəm.

Hörmətli Prezidentim, düşmən hücumlarını dəf etmək, Vətənimizin müdafiəsi üçün hərbi əməliyyatlar başlamışdır. Könüllü olaraq cəbhəyə yollanıb döyüşmək üçün Sizin əmr və göstərişlərinizi gözləyirik.

Cənab Prezident, mən işimlə əlaqədar Azərbaycanın cəbhəboyu bölgələrində çalışdığım üçün həmin ərazini yaxşı tanıyıram. Sizə, Azərbaycan xalqına canım fəda olsun. Xocalıda körpə uşaqlarımızın diri-diri dərisini soyan, qadınlarımıza, qocalarımıza işgəncə verən xain və qatil ermənilərdən qisas almaq üçün iki övladımla bərabər əmrinizi gözlədiyimi bildirirəm.

Hörmətlə,
Kılıc Akın Seyfəddin oğlu
Türkiyə Respublikası, İstanbul şəhəri

X X X

Hörmətli cənab Prezident.

Azərbaycanımızın igid, şücaətli və yenilməz əsgərlərinin Qarabağda döyüşlərdə müvəffəq olduqları uğurları, işğal olunmuş torpaqlarımızın bir qisminin geri alınması münasibəti ilə Sizi və xalqımızı təbrik edirəm və dərin təşəkkürümü bildirirəm. Bu cür əsgərlər yetişdirən valideynlərə var olun deyirəm və əllərindən öpürəm. Mən də hər an cəbhədə Vətənimiz uğrunda əsgər qardaşlarımızla birlikdə döyüşməyə hazıram. İnanırıq ki, Sizin Ali Baş Komandanlığınızla qüdrətli əsgərlərimiz işğal olunmuş torpaqlarımızı azad edərək, Azərbaycanın müqəddəs üçrəngli bayrağını o torpaqlarımızda dalğalandıracaqdır. İnanırıq ki, qüdrətli Ordumuz Sizin rəhbərliyiniz ilə, Allahın izni ilə yaxın zamanda tam qələbə qazanaraq bu sevinci bizə yaşadacaq. Biz Sizinləyik, biz əsgərlərimizləyik. Biz Sizə, Ordumuza inanırıq və tam dəstəkləyirik.

Hörmətlə,
Kərimov Hüseyn Əlcan oğlu.
Azərbaycan Respublikası, Bakı şəhəri, Qaradağ rayonu.

X X X

Hörmətli cənab Prezidentimiz, Ali Baş Komandan.

Mən II qrup Çernobıl əlili, əsgər atasıyam. Hazırda oğlum Füzuli rayonunda döyüş bölgəsində düşmənlə üz-üzə torpaqlarımızın göz bəbəyi kimi qoruyur. Vətənimiz uğrunda şəhid olmağa hər dəqiqə, hər saniyə hazırdır. Məni torpaqlarımızın alınması uğrunda döyüş bölgələrinə göndərməyinizi Sizdən dönə-dönə xahiş edirəm. Vətənimiz üçün, Qarabağ torpaqlarının alınması üçün şəhid olmağı özümə şərəf və hünər bilirəm.

Siz dünya miqyasında öz sözünü deyən görkəmli dövlət xadimlərindən birisiniz. Azərbaycan Respublikasını dünyada tanıdan sizsiniz.

Hörmətli Ali Baş Komandan, biz Sizinlə fəxr edirik. Siz ulu öndərimiz Heydər Əliyevin davamçısınız. Mən ulu öndərimizin ruhu qarşısında baş əyirəm. Ali Baş Komandandan, Sizin əmrinizi səbirsizliklə gözləyirəm.

Hörmətlə,
Məmmədov Tahir Hüseyn oğlu, II qrup Çernobıl əlili, Prezident təqaüdçüsü, YAP-ın üzvü, əsgər atası.
Azərbaycan Respublikası, Şamaxı rayonu.

X X X

Hörmətli cənab Prezident!

Sizin ardıcıl səylərinizlə ölkəmizin dünyada artan nüfuzu bizi çox sevindirir. Sizin sülh sevərliyiniz və humanist siyasətiniz ölkəmizə böyük nüfuz qazandırmışdır. Xalqımızın haqq səsini dünyaya çatdırmaq üçün göstərdiyiniz səylər misilsizdir. Lakin bu uğurları xain qonşularımızın gözü götürmür. Müxtəlif təxribatlar törədirlər. Amma onların cəhdləri əbəsdir. Artıq Azərbaycan qüdrətli dövlətdir, düşməni öz yerində oturtmağa qadirdir. Azərbaycan haqq uğrunda mübarizə aparır. Son günlərdə cəbhədə düşmənə vurulan zərbələr göstərir ki, bu haqqı Azərbaycanın mərd oğulları, igid əsgərləri qaytaracaq. Biz də Sizin əmrinizlə vətənimizi qorumağa hazırıq. Allah şəhidlərimizə rəhmət eləsin.

Hörmətlə,
Əbdülov Ələkbər.
Azərbaycan Respublikası, Lənkəran rayon, Osaküçə kəndi.

X X X

Hörmətli cənab Prezident!

Sizi Azərbaycan Ordusunun qələbəsi münasibətilə ürəkdən təbrik edirəm. Xalqımız Sizinlə fəxr edir. Xalqımız Sizinlədir, Sizin arxanızda durub. Allah Sizi qorusun! Bütün Qarabağ əlilləri Sizin əmrinizlə vətən yolunda şəhid olmağa hazırdır. İnşallah torpaqlarımız Sizin səylərinizlə işğaldan azad olunacaqdır. Allah şəhidlərimizə rəhmət eləsin.

Hörmətlə,
Əliyev Əbülfət, Lənkəran Rayon Qarabağ Əlillər Cəmiyyətinin sədri.
Azərbaycan Respublikası, Lənkəran rayonu.

X X X

Hörmətli cənab Prezident.

Erməni silahlı dəstələrinin törətdiyi təxribata cavab olaraq Milli Ordumuzun düşmənə endirdiyi zərbə ürəyimizdən oldu. Hamımız sevinirik. Çox sag olun, cənab Prezident! Bu qələbə Sizin zəhmətinizin nəticəsidir. Biz Sizə inanırıq. Milli Qəhrəman atası kimi mən də, mənim övladlarım da Sizin əmrinizlə Vətəni qorumağa, şəhid olmağa həmişə hazırıq. Allah şəhid balalarımıza rəhmət etsin. Allah Ordumuza güc versin. Allah Sizi qorusun.

Hörmətlə,
Əliyev Hacı Ələkbər oğlu, Milli Qəhrəman atası.
Azərbaycan Respublikası, Lənkəran şəhəri.

X X X

Cənab Ali Baş Komandan.

İlk növbədə, bu uğurlarımıza görə Sizi həm təbrik edir, həm də apardığınız çoxşahəli və təmkinli siyasətinizə borclu olduğumuzu bildirirəm. Bu uğur bizim doğma Ana Vətənimiz olan Azərbaycanımızın uğurudur. Sevinc və fəxr hissimin hədsizliyindən nə yazacağımı belə bilmirəm. Şəxsən mən Siz Ali Baş Komandanın verəcəyi əmri hər an gözləyirəm. Vətənimin keşiyində durmağa, Sizin ətrafınızda sıx birləşməyə canımdan da, qanımdan da keçməyə hazıram. Xalqa və Orduya olan diqqətivizə görə Sizə minnətdaram!

Hörmətlə,
Tağıyev Mirnamiq Mirhüseyn oğlu
Azərbaycan Respublikası, Bakı şəhəri, Sabunçu rayonu.

X X X

Hörmətli cənab Prezident!

Men Sizden artıq dərəcədə xahiş edirem ki, meni könüllü herbi xidmətə qəbul etsinler. Çünki biz hele Vətənimizə tam borcumuzu verməmişik, axı torpaqlarımız düşmən tapdağı altındadır. Onun üçün də çox xahiş edirəm ki, məni könüllü hərbi xidmətə qəbul edəsiniz.

Hörmətlə,
İsmayılzadə Vüqar Əflatun oğlu.
Azərbaycan Respublikası, Bərdə rayonu.

X X X

Hörmətli cənab Prezident!

Bildiyimiz kimi son günlərdə cəbhədə gedən döyüşlər bütün Azərbaycan xalqını qürurlandırır, ancaq şəhid olan qardaşlarımıza görə də çox kədərlənirik. Vətən uğrunda gedən döyüşə biganə qala bilmərik. Ürəyimiz hər an, hər dəqiqə bizim üçün savaşan qardaşlarımızla döyünür. Sizə yazmağımın məqsədi lazımi orqanlar vasitəsilə mənim də cəbhədə layiqincə döyüşən əsgərlərimizin sırasına qatılmağıma icazə verməyinizdən ibarətdir.

Hörmətlə,
Ramazanov Yasin İnqilab oğlu, tələbə.
Azərbaycan Respublikası, Bakı şəhəri, Binəqədi rayonu.

X X X

Hörmətli cənab Prezident!

Milli Ordumuzun Ağdam-Füzuli-Tərtər istiqamətində erməni silahlı dəstələrinə qarşı döyüşlərdə qazandığı qələbə hər birimizi sevindirir. Milli Ordumuzun göstərdiyi qəhrəmanlıq, torpaqlarımızın bir hissəsinin azad olunması böyük tarixi nailiyyətdir. Qaçqın və məcburi köçkün vəziyyətində yaşayan bir milyon soydaşımızın gözünə işıq gəldi, yurd həsrətinin sonu çatır. Cənab Prezident, xalqımız qələbə ruhu ilə yaşamağa başlayıb bu ruhu ona siz bəxş etmisiniz. Çox sag olun. Sizi bu qələbə münasibətilə təbrik edirəm. Allah şəhidlərimizə rəhmət eləsin.

Hörmətlə,
Süleymanov Siyavuş.
Azərbaycan Respublikası, Lənkəran rayonu.

X X X

Cənab Ali Baş Komandan! Çox güvəndiyim cənab Prezident!

Qələbəyə doğru inamla irəli! Azərbaycan xalqının oğul və qızları döyüşə tam hazırdır. Torpaqlarımız erməni işğalından azad olunana qədər geri çəkilməyin. Azərbaycanın tarixi düşmənləri olan ermənilərin belini qırın. Sizdən çox-çox xahiş edirəm torpaqlarımızın hamısını azad edin. Vətənim uğrunda canımdan keçməyə həmişə hazıram. Olum və ya ölüm! Uca Allah insana x

as bütün gözəl və nəcib nemətləri Azərbaycan xalqına bəxş edib. Bizim xalq yaşamalıdır. Qələbəni tarixə şanlı hərflərlə Siz yazın. Allah köməyiniz olsun. Allah Sizi Qorusun.

Hörmətlə, qələbə arzusu ilə,
Məmmədova Əzizə Hüseyn qızı.
Azərbaycan Respublikası, Bakı şəhəri, Binəqədi rayonu.

X X X

Çox hörmətli cənab Prezident!

Bütün dünya şahiddir ki, Siz sülhün tərəfdarısınız. Lakin qonşularımız olan ermənilər sülh istəmirlər. Ona görə də bütün dünya Azərbaycan Ordusunun öz torpaqlarının işğalçılardan azad etmək üçün göstərdiyi qəhramanlığı hörmətlə qarşıladı. Haqq Azərbaycan xalqının yanındadır. Xalqımız və milli ordumuzla birlikdə bizdə Sizin ətrafınızda sıx birləşirik. Sizin əmrinizlə Vətənimizin ərazi bütövlüyünü bərpa etməyə, Vətən uğrunda canımızdan keçməyə hazırıq. Sizi qələbə münasibətilə təbrik edirəm. Allah şəhidlərimizə rəhmət eləsin.

Hörmətlə,
Sadıqov Bülbül, təqaüdçü müəllim.
Azərbaycan Respublikası, Lənkəran şəhəri.

X X X

Cənab Ali Baş Komandan.

Biz - Xəzər rayonu Binə qəsəbəsinin sakinləri əmrinizlə hər an döyüşə getməyə hazırıq. Sizdən xahiş edirik bu barədə sərəncam verəsiniz. Düşmən bilsin ki, şəhidlərimizin qanı yerdə qalmayacaq. Bütün xalq torpaqlarımızın azad olunması üçün vuruşmaq istəyir.

Hörmətlə,
Əliyev Arzuman Nəriman oğlu
Azərbaycan Respublikası, Bakı şəhəri, Xəzər rayonu.

X X X

Hörmətli cənab Prezident.

Siz Vətənimizin ərazi bütövlüyünü təmin etmək üçün əlinizdən gələni əsirgəmirsiniz. Vətənimizin çiçəklənməsi üçün mən də öz köməyimi göstərməyə hazıram. Son günlər cəbhədə baş verənlər barədə məlumatlıyam. Ordumuzun qüdrəti başımızı ucaldır. Allahdan şəhidlərimizə rəhmət, ailələrinə səbir diləyirəm. Biz hamimiz Azərbaycan Ordusu ilə fəxr edir və inanırıq ki, qələbə bizimdir. Biz azərbaycanlı kimi Qazaxıstandan hamımız könüllü olaraq ölkəmizə gəlib Vətəni qorumağa hazırıq.

Hörmətlə,
Nuriyev Vüsal İlqar oğlu.
Qazaxıstan Respublikası, Almatı şəhəri

X X X

Hörmətli cənab Prezident və Ali Baş Komandan.

76 yaşım var. Lakin işləməyə qüvvəm var. Əczaçıyam, uzun müddət aptek müdiri işləmişəm. Xahiş edirəm ki, cəbhə bölgəsində aptekdə işləməyə icazə verəsiniz. Əgər şəhid olsam qanımı Vətənimə halal edirəm. Vətən sağ olsun!!!

Hörmətlə,
Məhərrəmova Solmaz Hüseyn qızı.
Azərbaycan Respublikası, Binəqədi rayonu, Biləcəri qəsəbəsi.

X X X

Möhtərəm Prezident.

Azərbaycan Respublikası Milli Qəhrəmanlarını Tanıtma İctimai Birliyi 2001-ci ildə Ədliyyə Nazirliyində qeydiyyatdan keçmişdir.

Təşkilatımız, adından da göründüyü kimi, Milli Qəhrəmanlarımızın həyat və döyüş yolunu öyrənmək və təbliğ etməklə yeniyetmə və gənclərimizdə vətənpərvərlik hissinin tərbiyəsi üzrə iş aparır. Bu məqsədlə bir çox möhtəşəm layihələr həyata keçirtmişik. Şəxsən Ümummili Liderimiz Heydər Əliyevin tövsiyəsi ilə bütün Milli Qəhrəmanlarımızın fotoları olan plakatlar çap etdirilmiş, müxtəlif müəssisələr və təhsil ocaqlarında Milli Qəhrəmanlar guşəsinin yaradılmasına nail olmuşuq. Milli Qəhrəmanlarımızın həyat və döyüş yolunu əks etdirən "Azərbaycanın Milli Qəhrəmanları", "Heydər Əliyev və Milli Qəhrəmanlarımız" adlı kitablar nəşr etdirərək təhsil ocaqlarına təmənnasız olaraq paylamışıq.

Son günlər erməni faşistlərinin cəbhə xəttində etdikləri vəhşiliklərə dözməyən igid Azərbaycan əsgərlərinin - Azərbaycan Ordusunun ermənilərə layiqli cavab verməsi nəticəsində Azərbaycan Xalqı, Azərbaycan ictimaiyyəti həm böyük sevinc, həm də şəhidlərimizlə bağlı kədər içərisindədir.

Milli Ordumuz tərəfindən düşmənə layiqli cavab verilməsi məhz Sizin Milli Orduya göstərdiyiniz diqqət və qayğının, həmçinin müdrik siyasətinizin nəicəsidir.

Möhtərəm Prezidenti, birliyin Milli Qəhrəman və veteran üzvlərinin könüllü olaraq ön cəbhəyə getmələri barədə Azərbaycan Respublikası Milli Qəhrəmanlarını Tanıtma İctimai Birliyinə ünvanladıqları müraciəti nəzərə alaraq Sizdən xahiş edirik ki, hal-hazırda ehtiyatda olan sağ Milli Qəhrəmanları və Azərbaycan Respublikası Milli Qəhrəmanlarını Tanıtma İctimai Birliyinin aşağıda adları qeyd olunan tərkibdə rəhbər heyətini bir əsgər kimi cəbhə bölgəsində ön xəttdə düşmənə qarşı mübarizə aparmaq üçün könüllü olaraq ordu sıralarına qəbul edəsiniz.

Dərin hörmətlə,

Uluxanlı Elşən Aydın oğlu, Azərbaycan Respublikası Milli Qəhrəmanlarını Tanıtma

İctimai Birliyinin sədri.

Azərbaycanın Milli Qəhrəmanları - Allahverdiyev Bəxtiyar Əzizulla oğlu, Quliyev Zabit Adil oğlu,

Atakişiyev İntiqam Vahid oğlu, Quliyev Vahid Həbibulla oğlu, Həsənov Fizuli Yaqub oğlu.

Birliyin üzvləri və Qarabağ veteranları - Musayev Elşən Əhmədiyyə oğlu, Allahverdiyev Niyaz Allahverdi oğlu.

Birliyin üzvləri - Əzimov Elçin Məhiyyədin oğlu, Şirinov Asif Xasay oğlu, Abdullayev

Mehman İsa oğlu, Cahangirov Samir Bəkir oğlu, Hacıyev Şəmistan

Şamil oğlu, Mürsəlov Vüqar Əhməd oğlu, Kərimov Vamid Vəliyəddin

oğlu, Məmmədov Münasib Arif oğlu, Əfəndiyev Rauf Rafiq oğlu.

Azərbaycan Respublikası, Bakı şəhəri.

X X X

Hörmətli Ali Baş Komandan, Prezidentimiz İlham Əliyev!

Biz - Bakı Müharibə Əlil və Veteranları İctimai Birliyinin üzvləri bir nəfər kimi, torpaqlarımızın geri qaytarılması uğrunda əsl qəhrəmanlıq şücaəti göstərərək şəhid olmuş övladlarımızın ruhu qarşısında baş əyirik. İnanırıq ki, bizim igid, cəsur, əyilməz və qürur doğuran Ordumuz qısa bir müddətdə terror, faşist, vandal və çirkin niyyətlərini həyata keçirən erməni quldurlarının belini qıracaq. Sizə ölkəmiz naminə aparılan siyasətdə uğurlar və cansağlığı arzu edirik. İnanırıq ki, biz haqq yolundayıq və Qələbəni görəcəyik. Bizimlə dostluq və əməkdaşlıq əlaqələri olan Türkiyə, Rusiya, Gürcüstan müharibə veteranları separatizmə və terrorizmə qarşı mübarizədə bir yerə olmaq haqqında sazişlərə imza atıblar, bizi dəstəkləyirlər və bizimlə bir yerdədirlər.

Hörmətlə,
Rzayev Fuad, Azərbaycan Respublikası Bakı Əlil və Müharibə Veteranları İctimai Birliyinin sədri,
Mehtiyev Telman, sədr müavini.
Azərbaycan Respublikası, Bakı şəhəri.

X X X

Möhtərəm Prezidentim.

Mən Ankarada yaşayan gəncəm. Ermənistanın Azərbaycana qarşı təcavüzünün aradan qaldırılması, torpaqların işğaldan azad edilməsi üçün apardığınız mübarizədə qardaşlarımla bir yerdə olmaq istədiyimi diqqətinizə çatdırıram. Lazım gəldikdə Azərbaycan uğrunda son damla qanıma qədər döyüşməyə hazıram. Erməni qatilləri ilə döyüşdə əsgər qardaşlarımızın şəhid olması bizim də qəlbimizdə dərin kədər hissi oyatmışdır.

Cənab Prezident, artıq torpaqlarımızı işğaldan azad etməyin vaxtı çatıb. Azərbaycanın bayrağını Qarabağda asacağınız, torpaqlarımızı azad edəcəyiniz günün yaxında olduğuna inanır və bunun üçün çox səbirsizlənirəm. Bu yolda Sizinlə çiyin-çiyinə döyüşmək üçün Türkiyə minlərlə gənc əmrinizi gözləyir. Azərbaycana canımız və qanımız da fəda olsun. Allah köməyiniz olsun.

Sizə və Azərbaycan xalqına bir daha salamlarımı çatdırıram.

Hörmətlə,
Cansu Hayri Həsən oğlu
Türkiyə Respublikası, Ankara şəhəri

X X X

Cənab Prezidentimiz İlham Əliyev!

Biz Sizə güvənirik və çox yaxın zamanda Qarabağı alacağınızı gözləyirik və bir an olsun Ordumuzun gücünə şübhəmiz yoxdur!

Vəliyev Tural Zabit oğlu.
Rusiya Federasiyası, Lipetsk şəhəri.

X X X

Çox hörmətli möhtərəm Prezidentimiz, Ali Baş Komandan.

Tutduğunuz bu haqq yolda Sizə Allahdan böyük-böyük uğurlar diləyirik. Atdığınız qətiyyətli addımı ilk Qələbəmiz hesab edərək ətrafınızda ömürlük birləşməklə əmr və göstərişlərinizə dair hazırıq.

Sizin xüsusi hörmətiniz olan mehdiabadlılar və Mehdiabad şəhid anaları adından dərin hörmətlə,

Musayeva Xanım İsmayıl qızı
Muradova Qənfilə Balaca qızı
Orduxanova Ülkər Teymur qızı
Həsənova Vəcihə Əsgər qızı
İsmayılova Şəfiqə Dünyamalı qızı
Məhərrəmova Dilşad Sarı qızı
Mehrəliyeva Nazpəri Ramazan qızı.

Azərbaycan Respublikası, Abşeron rayonu.

X X X

Hörmətli Prezident.

Qardaş Türkiyədən Sizi və Azərbaycan xalqını salamlayıram. Mətbuatda erməni xainlərinin törətdikləri təxribatlara layiqli cavabınızı oxuyarkən çox qürurlandım. Döyüşlərdə şəhid olan qardaşlarımızla əlaqədar Sizə və Azərbaycan xalqına başsağlığı diləklərimi ifadə edir, yaralananlara şəfa arzulayıram.

Azərbaycan və Türkiyə qardaş ölkələr və xalqlardır. İnşallah, Ermənistana qarşı həmişə birlikdə mübarizə edərik. Qəlbim daim sizinlədir, Sizi dəstəkləyir, haqq işinizdə müvəffəqiyyətlər arzulayıram. Allah yardımçınız və dəstəkçiniz olsun.

Hörmətlə,
Sevik Ahmet Ahmet oğlu
Türkiyə Respublikası, Ankara şəhəri

X X X

Hörmətli cənab Prezident!

Son günlərdə Azərbaycan Silahlı Qüvvələrinin qoşunların təmas xəttində erməni hərbi birləşmələrinin təxribat cəhdlərinin qarşısı rəşadətlə alınması düşmən qüvvələrinə layiqli cavab verməsi xəbəri bizdə Ordumuzun şanlı bayrağımızı tezliklə Şuşada, Xankəndində dalğalandırılacağına əminlik yaratdı.

Hörmətlə,
Səfərli Elvin Sərvər oğlu, Azərbaycan Qızıl Aypara Cəmiyyətinin Sumqayıt bölməsinin könüllüsü.
Azərbaycan Respublikası, Sumqayıt şəhəri.

X X X

Möhtərəm Prezident!

Sizin rəhbərliyiniz altında öz iqtisadi və hərbi gücünü artıran Azərbaycan dövləti istənilən vaxt düşmənə layiqli cavab verməyə hazır olduğunu bir daha sübut etdi.

Cənab Ali Baş Komandan!

Ordumuzun şücaəti, qəhrəmanlığı bizi yeni qələbələrə ruhlandırır. Şəxsən biz özümüz torpaqlarımızın azad edilməsi uğrunda döyüşə getməyə hazırıq.

Hörmətlə,
Əlibabayev Tural
Şərifov Vüsal.
Azərbaycan Respublikası, Sumqayıt şəhəri, Kotec qəsəbəsi.

X X X

Cənab Ali Baş Komandan.

Azərbaycan Ordusu bizim qəhrəman döyüşçülərimiz ermənilərin təxribatının nəinki qarşısını ala bildilər, eyni zamanda, əlverişli mövqeləri geri qaytardılar. Biz böyük hərbi Qələbə qazandıq. Mənfur ermənilər səbir kasası dolmuş Azərbaycan əsgərinin nələr edə biləcəyini gördü. Qazanılmış bu Qələbə münasibətilə lerikli gənclər adından Sizi Ordumuzu, bütün Azərbaycan xalqını təbrik edirik. Bu gün təmas xəttində Azərbaycanın ordusu Sizin rəhbərliyinizlə daha da möhkəmləndi. Biz Lerikli gənclər ölkəmizi daim irəliyə aparan, Ulu öndərimizin layiqli davamçısı olan cənab Prezidentimizi dəstəkləyirik. Sizə və xalqımıza daha böyük zəfərlər arzulayırıq.

Hörmətlə,
Əhədov Zamiq, YAP Lerik Rayon Təşkilatı Gənclər Birliyinin sədri.
Azərbaycan Respublikası, Lerik rayonu.

X X X

Cənab Ali Baş Komandan.

Yazıb Sizə bildirmək istəyirəm ki, mən erməni işğalçılarına qarşı müharibədə döyüşmüşəm. Ermənistanın Vedi qəsəbəsində yaşamışam və orda da doğulmuşam, həm də erməni dilini çox yaşı bilirəm. Erməni dilində həm də sürücülük məktəbini oxumuşam. Bir sözlə düşmənlərimizin dilində yazıb oxumağı yaxşı bilirəm, həm də müharibə veteranıyam. Sizdən xahiş edirəm məni də döyüşə yola salasınız, mənə bir AKM və bir dənə də snayper verin, mən o ermənilərdən azı 10-15 əsir gətirərəm. Sizdən artıq dərəcədə xahiş edirəm. Belə şansı əldə buraxmayın, Sizə qurban olum, bircə məni buraxın, yəni icazə verin, mən də gedim döyüşə, mən onları öldürməyə gedirəm, ölməyə yox. Xahiş edirəm mənim bu istəyimə yox deməyəsiniz.

Hörmətlə,
Bayramov Əsgər Abbas oğlu, müharibə veteranı
Azərbaycan Respublikası, Şirvan şəhəri.

X X X

Hörmətli cənab Prezident.

Bütün xalqımız kimi, Sabirabad camaatı da cəbhə bölgəsinə getməyə, düşmənlə vuruşmağa hazırdır.

Ermənistan bizimlə olan güc nisbətini düzgün qiymətləndirməli və torpaqlarımızı sülh yolu ilə geri qaytarmalıdır. Son hadisələr göstərdi ki, onların başqa çıxış yolu yoxdur. Əks halda işğalçı tərəfə daha ağır cəzalar verilə bilər. Bu xalq Sizə minnətdardır.

Dərin hörmətlə,
Qasımov Şamil Murtuza oğlu.
Azərbaycan Respublikası, Sabirabad rayonu.

X X X

Möhtərəm Prezident!

Cəbhədə qazandığımız qələbə münasibətilə xalqımızı təbrik edir, şəhidlərimizə Allahdan rəhmət diləyirik. Son hərbi qələbə Sizin apardığınız uğurlu daxili və xarici siyasətin bariz nümunəsidir. Biz Sizin bu siyasətinizi dəstəkləyirik və hər zaman yanınızdayıq. İlkin əmrinizlə döyüşə hazır olduğumuzu bildiririk.

Sumqayıt şəhər Gənclər Evinin kollektivi adından dərin hörmətlə,

Bayramova Gözəl
Quliyeva Könül
Əhmədov Niyaməddin
Kərimli Taleh.

Azərbaycan Respublikası, Sumqayıt şəhəri.

X X X

Cənab Ali Baş Komandan.

Azərbaycanda güclü ordu quruculuğu, yürütdüyünüz uğurlu xarici və daxili siyasət nəticəsində cəbhədə qazandığımz qələbəyə görə böyük qürur hissi keçiririk. Bu qələbə münasibətilə xalqımızı təbrik edir, şəhidlərimizə Allahdan rəhmət diləyirik. Qəti əminik ki, qələbələrimiz bundan sonra da davam edərək, işğal altında olan bütün torpaqlarımız azad olunacaq.

Azərbaycan Qızıl Apara Cəmiyyəti Sumqayıt şəhər bölməsinin kollektivi adından hörmətlə,

Əlizadə Reyhan
Tanrıverdiyeva Gülnar.
Azərbaycan Respublikası, Sumqayıt şəhəri.

X X X

Hörmətli cənab Prezidentimiz,

Bizlər Ermənistan ilə aparılan bu haqlı davada millətimizin və Ordumuzun yanındayıq. Hadisələrin başlandığı 2016-cı il aprelin 1-dən bəri biz də boş durmamış və əlimizdən gələni etməyə çalışmışıq ki, Azərbaycanın haqlı mövqeyini izah və təbliğ edək. Bu günlər ərzində Dünya Azərbaycanlıları Konqresi və Azərbaycan Qardaşlıq və Əməkdaşlıq Dərnəyinin təşəbbüsü ilə İzmirdəki bütün sivil təşkilatlar və vətəndaşlarımız Azərbaycanın Qarabağ bölgəsində ermənilərin təxribatlarını qınadılar. Şəhid olan əsgərlərimizə və dinc sakinlərimizə Allahdan rəhmət diləyərək onları ehtiramla yad etdilər. Eyni zamanda, Türkiyədə terror hadisələrində şəhid olan polislərimiz və əsgərlərimiz yad edildi, terrora qarşı birlik mesajları verildi. Biz bir çox xəbər saytlarında, televiziya kanallarında və yerli mətbuatda hadisələr haqqında ətraflı və obyektiv məlumat verilməsini təşkil etdik. Bizimlə yanaşı, keçirdiyimiz toplantıda iştirak edən bütün siyasi partiyalar və dərnəklər, İzmirdə təhsil alan tələbələrimiz və digər vətəndaşlarımız ermənilərin təxribatlarını pisləməklə onların işğal olunmuş torpaqlardan çıxarılmasını tələb etdilər. Bu yığıncaqda Türkiyənin bütün siyasi partiyalarının nümayəndələri, həmçinin türkdilli xalqların dərnəkləri bizimlə həmrəylik bildirdilər. Dünya Azərbaycanlılarının Konqresi olaraq biz hər zaman Azərbaycanın, dövlətimizin və Ordumuzun yanındayıq, torpaqlarımızın düşmən işğalından qurtulmaq üçün boynumuza düşən hər şeyi etməyə hazırıq.

Hörmətlə,
Asif Qurban, Dünya Azərbaycanlıları Konqresinin sədri.
Türkiyə Respublikası, İzmir şəhəri.

X X X

Hörmətli Prezidentimiz.

Bu günlərdə təcavüzkar ermənilərə qarşı apardığınız müqəddəs mübarizədə Allahdan Sizə və Azərbaycan xalqına kömək olmasını diləyirəm. Bu müqəddəs mübarizədə mən də iştirak etmək istərdim. Qan qardaşlarımla birlikdə olmaq ən böyük arzumdur. Sizə və Azərbaycan xalqına sevgilərimi göndərirəm. Allah köməyiniz olsun.

Hörmətlə,
Tekin Həsən Mehmet oğlu
Türkiyə Respublikası, Antalya şəhəri

X X X

Mahir Məmmədxanov və başqalarından, Sumqayıt, Azərbaycan

Hörmətli cənab Prezident.

Hər bir azərbaycanlı kimi biz sumqayıtlılar da şanlı ordumuzun cəbhə bölgəsində erməni təxribatına verdiyi layiqli cavabı dəstəkləyir və oradan gələn şad xəbərləri eşitdikcə böyük qürur duyuruq. Bu qüruru bizə yaşatdığınız üçün Sizə dərin təşəkkürümüzü bildiririk. Sizin əmrlərinizi yerinə yetirməyə hazırıq. Azərbaycan xalqı həmişə Sizinlədir.

Dərin hörmətlə,
Məmmədxanov Mahir
Qurbanov Mais
Nicat Xudiyev.
Azərbaycan Respublikası, Sumqayıt şəhəri.

X X X

Hörmətli cənab Prezident.

Hər bir Azərbaycan vətəndaşı kimi Sumqayıtın tibb işçiləri də cəbhədə son erməni təxribatına layiqli cavab verilməsindən böyük qürur hissi duyurlar. Doğma vətənimizin azadlığı və inkişafı uğrunda əldə edilən bütün qələbələrə görə Sizə minnətdarlığımızı bildirir, bu şərəfli işdə yaxın köməkçiniz olmağa söz veririk.

Hörmətlə,
Namazova Ruhiyyə
Qocayeva Aygün
Sumayıt Bədən Tərbiyəsi İdman Dispanserinin həkimləri.
Azərbaycan Respublikası, Sumqayıt şəhəri.

X X X

Hörmətli cənab Prezident.

Torpaqlarımızın işğaldan azad edilməsində qazanılan qələbə münasibətilə Sizi təbrik edirik. Olimpiya, dünya və Avropa yarışlarında qazandığımız uğurlar kimi hərbçilərimizin cəbhədəki qələbələri də Sumqayıt idmançılarında və məşqçilərində böyük qürur hissi yaradır. Bütün bu qələbələr Sizin qətiyyətli siyasətinizin bariz nümunəsidir. Vətənimizin azadlığı və qorunması naminə gördüyünüz misilsiz işlərə görə Sizə minnətdarlığımızı bildiririk.

Dərin hörmətlə,

Şamilov Fuad,
"Təhsil" Respublika İdman Cəmiyyətinin Sumqayıt şəhər filialının məşqçisi

Quliyev Müşviq,
İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçisi

Salmanov Orxan
Quliyev Orxan
Müslümov Zahid,
Sumqayıt şəhər 1 və 2 saylı uşaq-gənclər idman məktəblərinin məşqçiləri.
Azərbaycan Respublikası, Sumqayıt şəhəri.

X X X

Cənab Ali Baş Komandanım!

Sizi cəbhədəki qələbəmiz münasibətilə səmimi qəlbdən təbrik edirəm. Gözəl başlanğıc oldu. Yaxşı başlanğıc yaxşı sondur. Bütün insanlarımızın ürəyindən tikan çıxdı ki, biz öz gücümüzü göstərə bildik. Artıq hər şey göz qabağındadır. Silahlı Qüvvələrimiz sübut etdi ki, işğal altında olan bütün torpaqlarımızı azad etməyə tam qadirik. Eşq olsun Azərbaycan ordusuna.

Mən özüm istefaya buraxılmış zabitəm. Fiziki olaraq silah yoldaşlarımın yanında olmasam da dualarımla hər zaman onların yanlarındayam. Sizi özəl olaraq təbrik edirəm, işlərinizdə, xidmətlərinizdə daha çox müvəffəqiyyətlər diləyirəm.

Hörmətlə,
Əliyev Anar.
Azərbaycan Respublikası, Sumqayıt şəhəri.

X X X

Hörmətli Prezident İlham Əliyev.

Sizi və Azərbaycan xalqını qardaş Türkiyədən səmimiyyətlə salamlayıram.

Bütün dünyada hər bir kəs Türkiyənin daim Azərbaycanın yanında olduğunu bilir. Azərbaycan heç vaxt yalnız olmayıb və olmayacaq. Biz bir ailə, bir xalqıq.

Mən də əsgər kimi Azərbaycanın haqq mübarizəsində qardaşlarımın yanında olmağa hazıram. Allah yolunuzu açıq etsin və köməyiniz olsun.

Hörmətlə,
Aykut Karaçam
Türkiyə Respublikası, Ankara şəhəri

X X X

Hörmətli cənab Prezident!

Cəbhədə erməni təxribatına qarşı layiqli cavab verilməsi bizdə böyük qürur yaradır. Biz öz Prezidentimizlə, onun Ali Baş Komandan olduğu Ordumuzla fəxr edirik. Hər bir Azərbaycan qadını kimi biz də torpaqlarımız uğrunda canımızdan keçməyə hazırıq. Vətən uğrunda döyüşə getmək üçün Sizin əmrinizi gözləyirik.

Sumqayıt şəhər sakinləri
Ülviyyə Süleymanova, Hülya Rzayeva, Rəvanə Məmmədova

X X X

Hörmətli cənab Prezident!

Sizin müdrik siyasətiniz nəticəsində Azərbaycan öz iqtisadi və hərbi gücünü xeyli artıraraq, regionda aparıcı dövlətə çevrilmişdir. Hər bir Azərbaycan vətəndaşı kimi biz Sumqayıt gəncləri də cəbhədə erməni təxribatına layiqli cavab verilməsindən qürur hissi duyur və daim əmrinizlə döyüşə hazır olduğumuzu bildiririk.

Dərin hörmətlə,
Sumqayıt Dövlət Universitetinin
Tələbə Gənclər Təşkilatının sədri:
Elvin Gülməmmədov

X X X

Hörmətli cənab Prezident!

Sizi cəbhədən gələn qələbə xəbərləri münasibətilə təbrik edirik. Ərazi bütövlüyümüzün bərpası uğrunda qazanılan bu hərbi qələbə Xankəndində bayrağımızın dalğalanmasını daha da yaxınlaşdırır. Torpaqlarımızı düşmən tapdağından azad etmək üçün hər an Sizin əmrinizə hazırıq.

Sumqayıt şəhər sakinləri:
Ramiz Əliyev, Süleyman Yusifov,
Rafiq Hüseynov, İlham Nadirov

X X X

Hörmətli cənab Prezident!

Hər bir Azərbaycan vətəndaşı kimi mən də ordumuzun cəbhədəki qələbəsi ilə fəxr edir və Sizin əmrlərinizi yerinə yetirməyə hazır olduğumu bildirirəm. Sizin Təhlükəsizlik Şurasının iclasında çıxışınızı dinlədikdən sonra ordumuzun erməni işğalçıları üzərində qələbə çalacağına tam əmin oldum və istəyərəm ki, mənim də bu qələbədə payım olsun. Qahirədəki Britaniya Universitetinə qəbul olunmağıma baxmayaraq Vətənimdə qalıb, onu qorumağı özümə şərəf bilirəm.

Bakı şəhər sakini
İbrahim Bağırzadə

X X X

Hörmətli cənab Prezident.

Sizi və azərbaycanlı qardaşlarımı ürəkdən salamlayıram.

Ermənistan silahlı qüvvələrinə qarşı apardığınız hərbi əməliyyatlarda mən də Azərbaycan Ordusunun bir əsgəri kimi döyüşmək istəyirəm.

Mən Türkiyədə terrorla qarşı hərbi əməliyyatlarda iştirak etmişəm. Sizin əmrinizlə istənilən anda cəbhədə döyüşməyə hazıram. Canım Azərbaycana fəda olsun.

Hörmətlə,
Koşun İbrahim Həsən oğlu
Türkiyə Respublikası, İzmir şəhəri

X X X

Hörmətli Prezident, canım qardaşım.

Son günlər Azərbaycan əsgərlərinin erməni işğalçıları ilə döyüşlərdə şəhid olmasını böyük kədər hissi ilə öyrəndim. Eyni zamanda, qəhrəman Azərbaycan əsgərlərinin işğalçılara sarsıdıcı zərbələr endirdiyini də öyrənərək çox sevindim.

Bunu bilməyinizi istəyirəm ki, Türkiyə dövləti və xalqı sizin yanınızdadır. Siz bizim qardaşımızsınız. Qardaşlığımıza xələl gətirmək istəyənlərə fürsət verməyərək birlikdə daha böyük uğurlara nail olacağıq. İnşallah, "bir millət, iki dövlət" düşüncəsi ilə Azərbaycanın daha böyük qələbələrinə sevinəcəyik.

Qarabağ Azərbaycanındır. Qarabağda Azərbaycanın şanlı bayrağı dalğalanana qədər mübarizə aparacağınızı bilir və bu yolda sizi dəstəkləyirik. Mübarək mübarizəniz uğurlu olsun. Yaşasın Türkiyə, Yaşasın Azərbaycan.

Hörmətlə,
İzzet Sarı
Türkiyə Respublikası, Kastamonu şəhəri

X X X

Hörmətli Prezident İlham Əliyev.

Əvvəla həlak olmuş şəhid qardaşlarımızla əlaqədar Sizə başsağlığı verirəm. Allah döyüşlərdə yaralanan qardaşlarımıza şəfa versin. Türkiyədə şəhid olan insanlar üçün necə kədərlənirəmsə, azərbaycanlı qardaşlarım üçün də eyni şəkildə məyus oluram. Həmişə Azərbaycan xalqı üçün dua edirəm və qəlbən hər zaman sizinləyəm. Ermənistana qarşı qazandığınız zəfərlər münasibətilə sizi təbrik edirəm. Erməni işğalçılarının məhv olmasını Allahdan hər zaman arzu etmişəm. Başda Siz olmaqla Azərbaycan xalqına salam və sevgilərimi göndərirəm.

Hörmətlə,
Fidanboy Hikmət Əli oğlu
Türkiyə Respublikası, Ankara şəhəri

X X X

Hörmətli cənab Prezident.

Sizin uğurlu siyasətinizi və dünya arenasındakı uğurlarınızı gözü götürməyən düşmənlərimizin təxribatlarının qarşısının alınması və aprelin 2-dın etibarən Milli Ordumuzun döyüş meydanında qazandığı üstünlük münasibətilə Sizi və əsgərlərimizi təbrik edirəm. İnanırıq ki, Azərbaycan Ordusu öz qüvvəsini ortaya qoyaraq Sizin Komandanlığınız altında doğma Qarabağımızı işğaldan azad edəcək.

Cənab Ali Baş Komandan, biz iki qardaşıq və hər ikimiz Sizin əsgəriniz olmağa hazırıq. Atam da birinci Qarabağ müharibəsində iştirak edib. İndi onun yolunu biz davam etdirmək istəyirik. Sizin əmrinizi gözləyirik, cənab Ali Baş Komandan!

Hörmətlə,
Həsənli Mikayıl Raqif oğlu.
Azərbaycan Respublikası, Bakı şəhəri, Binəqədi rayonu.

X X X

Hörmətli Prezident.

Mən Ermənistan-Azərbaycan Dağlıq Qarabağ müharibəsində hərbi əməliyyatlarda iştirak etmişəm. Bəxtim gətirib, axı mən gözəl bir ölkədə - Azərbaycanda doğulmuşam, kiçik vətənim isə Şəmkir şəhəridir. Özümü vətənpərvər adlandıra bilərəm, çünki ölkəmi sevirəm və mənim üçün Vətən boş söz deyil, çox dəyər verdiyim anlayışdır. Artıq pensiyaçı olmağıma baxmayaraq, könüllü olmaq, ön cəbhədə ölkəmi müdafiə etmək, torpaqlarımızı işğaldan azad etmək istəyirəm. Sizin rəhbərliyiniz ilə cəsur ordumuz düşmənə layiqli cavab verdi. Mən fəxr edirəm ki, azərbaycanlıyam! Allah Vətənimizi və bütün xalqımızı qorusun!

Hörmətlə,
Əhmədov Nəbi Oruc oğlu
Azərbaycan Respublikası, Şəmkir şəhəri

X X X

Cənab Prezident.

Erməni işğalçıları üzərində qələbə münasibətilə Sizi və xalqımızı təbrik edirəm. Ümidvaram ki, bu, bizim sonuncu qələbəmiz olmayacaq və onlar xalqımızın başına gətirdikləri vəhşiliklərə görə cavab verəcəklər. Mən ehtiyatda olan baş gizirəm, 1992-ci ilin hərbi əməliyyatlarında iştirak etmişəm. İndi əmrinizi gözləyirəm. Ölkəmizin milyonlarla sakini kimi mən də silaha sarılıb Vətənimizin ərazi bütövlüyü uğrunda yenidən döyüşməyə hazıram.

Hörmətlə,
Hacıyeva Svetlana Qriqoryevna
Azərbaycan Respublikası, Şəmkir rayonu

X X X

Hörmətli Prezident, cənab Ali Baş Komandan.

Mən əslən Füzuli rayonundanam. Qarabağın ətraf rayonlarında olduğu kimi Füzulidə də Milli Ordumuzun cəsarətli və şücaətli əsgərləri tərəfindən torpaqlarımızın erməni işğalçılarından geri alınması, azad olunması məni də ruhlandırır, yağı düşmənə qarşı mübarizədə yaxından iştirak etməyim üçün zəmin yaradır. Ona görə də könüllülərdən ibarət batalyonun yaradılmasına göstəriş versəniz nəinki mənim, minlərlə könüllünün arzularının reallaşmasına kömək etmiş olarsınız.

Cənab Ali Baş Komandan, torpaqlarımızın işğaldan azad olunmasında başda Siz olmaqla bütün hərbiçilərimizə uğurlar, yeni-yeni qələbələr arzulayıram.

Hörmətlə,
Adıgözəlov Firuz İlyas oğlu.
Azərbaycan Respublikası, Bakı şəhəri.

x x x

Hörmətli cənab Prezident!

Bugünkü gün o qədər sevinirik ki, Sizin kimi şəxsiyyətli, müdrik, savadlı rəhbərimiz var. Azərbaycanın haqq səsini dünyaya çatdırır, torpaqlarımızın sülh yolu ilə işğaldan azad edilməsi üçün mühüm işlər görmüsünüz. Bunun tezliklə bəhrə verəcəyinə inanır, beynəlxalq ictimaiyyəti ədalətə çağırış edirik!

Hörmətlə,

Həbilov Elşad Rza oğlu

Azərbaycan Respublikası, Samux rayonu

x x x

Cənab Ali Baş Komandan.

Vətənimizi qorumaq hər birimizin müqəddəs borcudur. Mən 1992-ci ildə könüllü olaraq Qarabağ uğrunda gedən döyüşlərdə iştirak etmişəm. İkinci qrup əliləm. Amma buna baxmayaraq, yenidən əlimə silah götürüb cəbhəyə getməyə hazıram.

Möhtərəm Prezident, mən Sizin düşünülmüş və uzaqgörən siyasətinizi dəstəkləyirəm və daim yanınızdayam. Yaşasın Ali Baş Komandan, yaşasın Azərbaycan!

Hörmətlə,

Zöhrabov Fuad Abbas oğlu.

Azərbaycan Respublikası, Beyləqan rayonu

x x x

Cənab Ali Baş Komandan İlham Əliyev.

Biz saatlılar Sizin siyasətinizi daim dəstəkləyirik. Azərbaycan xalqı Sizinlə fəxr edir.

Sizin rəhbərliyinizlə Azərbaycan Ordusu son günlər cəbhədə erməni işğalçılarına sarsıdıcı zərbələr endirir. Bizim nə qədər güclü Ordumuz olduğunu ermənilər artıq dərk və etiraf edirlər. Gün o gün olsun ki, Azərbaycan bayrağı Şuşada dalğalansın. Allah Sizə kömək olsun.

Hörmətlə,

Quliyev Abuzər Novruz oğlu.

Azərbaycan Respublikası, Saatlı rayonu, Qaracalar kəndi

x x x

Azərbaycanımın əziz Prezidenti,

Əvvəlcə sizi çox istədiyimi demək istəyirəm. Mən azərbaycanlı olduğum üçün fəxr edirəm. Sizinlə qürur duyuram. Sizin üçün çoxlu dualar edirəm.

Son günlər cəbhədə erməni təxribatı nəticəsində düşmənə sarsıdıcı zərbələr vuruldu, şəhidlərimiz də oldu. Allah şəhidlərimizi rəhmət eləsin.

Mənim iki məktəbli oğlum var, sizi çox istəyirlər. Hər çıxışınızı izləyirlər. Bu məktubu onların istəyi ilə yazıram. Sizi çox sevdiyimizi bilməyinizi istəyirik. Allaha əmanət olun. İnşallah, Allah bu çətin yolda Sizin yardımçınız olar.

Hörmətlə,

Ağamirova Afaq Meybulla qızı

Azərbaycan Respublikası, Astara rayonu, Təngərüd kəndi

x x x

Hörmətli cənab Prezidentim.

Biz bir millət, iki dövlətik. Azərbaycanlı qardaşlarıma hücum etmək bizə hücum etmək deməkdir. Qardaşlarımızın dərdinə biz də şərikik. Bizim keçmişimiz də, gələcəyimiz də birdir. Bütün dualarımız Sizinlədir. Düşmənlərimiz Azərbaycan tək olmadığını birdəfəlik dərk etməlidir. Biz nə bir qarış torpağımızın itirilməsinə, nə də qardaşlarımızın qanının tökülməsinə göz yuma bilmərik. Təkcə Ermənistan yox, bütün dünya gəlsə türk olaraq can Azərbaycanın yanında olacağıq. Buna hər zaman hazırıq və Sizin əmrinizi gözləyirik.

Hörmətlə,

Barış Halimə Zəki qızı.

Türkiyə Respublikası, İstanbul şəhəri

x x x

Möhtərəm Prezident, cənab Ali Baş Komandan!

Ermənilərin cəbhəboyu ərazilərdə törətdiyi təxribatlar bütün xalqımız kimi məni də hiddətləndirirdi. Son günlər Milli Ordumuzun bu təxribatların qarşısını qətiyyətlə alması isə məni çox sevindirdi. Düşünürəm ki, düşmən layiqli cavabını aldı. İndi mənfur düşmən Azərbaycan Ordusunun gücünə bələddir.

Cənab Ali Baş Komandan, mən də bir Azərbaycan vətəndaşı kimi Ordumuzda xidmət etməyi özümə borc bilirəm. Vətənim üçün son damla qanıma qədər vuruşmağa hazıram. Allah Sizi və Ordumuzu qorusun.

Hörmətlə,

İsmayılov Anar Əhəd oğlu.

Azərbaycan Respublikası, Qusar rayonu, Balaqusar kəndi

x x x

Hörmətli cənab Prezident.

İlk növbədə, Ordumuzun cəbhədə qazandığı uğur münasibətilə Sizi təbrik edirik. Şəhidlərimizin ruhu şad, məkanları cənnət olsun. Sizə və xalqımıza dərin hüznlə başsağlığı veririk.

Cəbhədə baş verən son hadisələrlə bağlı onu demək istəyirik ki, mən və dostlarım Azərbaycanımızın ərazi bütövlüyü uğrunda döyüşməyə hər an hazırıq. Bunun üçün Sizin əmrinizi gözləyirik.

Hörmətlə,

İsmayıllı İbrahimxəlil Məhəmmədəli oğlu.

Ukrayna, Dnepropetrovsk şəhəri

x x x

Möhtərəm Ali Baş Komandan,

Mən zabit kimi Fövqəladə Hallar Nazirliyində xidmət edirəm. Vətənim uğrunda döyüşməyə, canımı qurban verməyə hazıram. Sizdən bir zabit kimi xahiş edirəm ki, ön cəbhədə vuruşmağım üçün müvafiq göstəriş verəsiniz.

Hörmətlə,

Abdullayev Elşən Firudin oğlu

Azərbaycan Respublikası, Sumqayıt şəhəri

x x x

Hörmətli Prezident, cənab Ali Baş Komandan!

Rəhbərliyiniz altında, uğurlu siyasətiniz sayəsində müstəqil ölkəmizdə yaşayan bir gənc kimi bu günlərdə cəbhədə qazandığımız qələbə münasibətilə başda Siz olmaqla, bütün xalqımızı təbrik edirəm!

Möhtərəm Prezident, bütün varlığımla, qanımla, canımla Vətənimi qorumağa hər an hazıram və əmrinizi gözləyirəm. Hərbi xidmətimi 2012-2013-cü illərdə Xocavənd rayonunda etmişəm və bu gün də içimdəki böyük qələbə sevinci və qalib gəlmək əzmi ilə yenidən Qarabağa döyüşə getməyə tam haziram! Cənab Ali Baş Komandan, Allahın izni ilə qələbə sevincini Sizə, ailəmə və xalqımıza bəxş etmək üçün canımdan da keçməyi özümə ən şərəfli vəzifə bilirəm.

Cənab Prezident, bütün Azərbaycan gəncləri döyüşə tam hazırdır və əmrinizi gözləyirik.

Hörmətlə,

Heydərli Ehtiram Etibar oğlu

Azərbaycan Respublikası, Siyəzən rayonu

x x x

Möhtərəm Prezident, cənab Ali Baş Komandan.

Biz Sizinlə fəxr edirik və Qarabağımızın tezliklə işğaldan azad ediləcəyinə inanırıq. Əsgərlərimizlə birlikdə cəbhədə gedən döyüşlərdə könüllü iştirak etməyə hazıram. Bunun üçün Sizin əmrinizi səbirsizliklə gözləyirəm. Sizə uğurlar arzulayıram.

Hörmətlə,

Quliyev Məhəmməd Aqil oğlu.

Azərbaycan Respublikası, Zəngilan rayonu, Havalı kəndi

X X X

Hörmətli cənab Prezident, yazıb Sizə bildirmək istəyirəm ki, mən və mənim kimi yüzlərlə gənc Sizin səfərbərlik əmrinizi gözləyirik. Bir astaralı olaraq mən də cəbhə xəttinə getmək və düşmənə qarşı vuruşmaq istəyirəm. Xalqımız Sizi dəstəkləyir. Son nəfəsimizə kimi əmrlərinizi yerinə yetirməyə hazırıq, yetər ki əmr verin. İnşallah sizin komandanlığınızla bayrağımız bütün Qarabağda dalğalanacaq. Yaşasın Prezidentimiz cənab İlham Əliyev! Ulu öndər Heydər Əliyevin, şəhidlərimizin ruhu şad olsun!

Hörmətlə,
Qəribli Valid Güləhməd oğlu,
Azərbaycan Respublikası, Astara rayonu

x x x

Hörmətli cənab Prezident.

Torpaqlarımızın işğaldan azad edilməsi naminə, lütfən, intizarında olduğumuz əmri verin. Bütün dünya azərbaycanlıları, o cümlədən mən bir yumruq kimi birləşərək, Vətənin müdafiəsinə qalxacağıq. Sizə qabaqcadan təşəkkür edirəm.

Hörmətlə,

Kazakov Elnur Mahir oğlu
Ukrayna, Vasilyevka şəhəri

x x x

Hörmətli cənab Prezident.

Biz gənclər Sizinlə fəxr edir və edəcəyik. Ordumuzun düşmənə endirdiyi sarsıdıcı zərbələrdən fəxarət hissi keçiririk. Azad edilmiş torpaqlarımız uğrunda şəhid olan əsgərlərimizə Allahdan rəhmət diləyirik.
Cənab Ali Baş Komandan, biz döyüşməyə hazırıq. Əmr edin, torpaqlarımızı düşmən tapdağından azad edək. Biz Sizə, Ordumuza və özümüzə inanırıq. Sizinlə qürur duyuram, cənab Prezident!

Hörmətlə,
Əzizli Ülvi Vəliağa oğlu.
Azərbaycan Respublikası, İmişli rayonu, Şahverdili kəndi

x x x

Hörmətli Prezident İlham Əliyev.

Əvvəla bildirim ki, Türkiyə hər zaman Sizə dəstək verəcək. Allah Sizə böyük zəfərlər nəsib etsin, gücünüzə güc qatsın. Əgər kömək lazım olsa, biz də Qarabağda döyüşməyə hazırıq. Tanrı türkü qorusun.

Hörmətlə,
Ayaz Eren İsmət oğlu
Türkiyə Respublikası, İzmir şəhəri

x x x

Hörmətli cənab Prezident,

Biz Sizə və ordumuza inanır və güvənirik. Əminik ki, Qarabağı sülh yolu ilə alacağıq. Əks halda hər birimiz döyüşə hazırıq.
Allah şəhidlərimizə rəhmət eləsin və yaxınlarına səbir versin. Yaralılara isə Allahdan şəfa diləyirik.

Hörmətlə,

Əbilov Əsəd Muğdət oğlu
Azərbaycan Respublikası, Sabirabad rayonu, Nərimankənd kəndi

x x x

Cənab Ali Baş Komandan.

Mən 1992-ci ildə Qarabağ uğrunda gedən döyüşlərdə iştirak etmişəm. Müharibə veteranıyam, üç uşaq atasıyam. Azərbaycanın bütövlüyü və suverenliyi uğrunda canlarını fəda etmiş şəhidlərimizin müqəddəs ruhları qarşısında baş əyirəm. İnşallah, qələbə müjdəsi ilə sevinərik. Mən də öz növbəmdə Sizin - Ali Baş Komandanımızın əmrinə, torpaqlarımız uğrunda döyüşməyə hər an hazıram.
Cənab Ali Baş Komandan, bu şərəfli yolda Sizə uğurlar arzulayırıq.
Sonda demək istəyirəm: "Şəhidlər ölməz, Vətən bölünməz!".

Hörmətlə,

Kazımov Asif Məcid oğlu.
Azərbaycan Respublikası, Samux rayonu, Qarayeri qəsəbəsi

x x x

Cənab Ali Baş Komandan.

Azərbaycanımızın igid əsgərlərinin son günlər Qarabağda qazandığı uğurlar münasibətilə Sizi və Sizin simanızda bütün xalqımızı təbrik edir, Sizə dərin təşəkkürümü bildirirəm. Döyüşlərdə həlak olan şəhid qardaşlarımıza Allahdan rəhmət, yaxınlarına səbir, yaralılara isə şəfa diləyirəm.
Mən bir sahibkar və ehtiyatda olan hesablayıcı manqa komandiri kimi hər an cəbhədə əsgər qardaşlarımızla birlikdə döyüşməyə hazıram. Vətənimiz uğrunda döyüşmək üçün səbirsizliklə döyüş əmrinizi gözləyirik. İnanırıq, Sizin komandanlığınızla qüdrətli Ordumuz işğal olunmuş torpaqlarımızı azad edəcək, Azərbaycan bayrağını Qarabağda dalğalandıracaq. Özümüz cəbhədə olmasaq da, ürəyimiz əsgərlərimizlə bir döyünür. Qüdrətli Ordumuzla qürur duyuruq. Biz Sizə, əsgərlərimizə inanır, yürütdüyünüz bu siyasəti tam dəstəkləyirik. Allaha əmanət olun.

Hörmətlə,

Kərimli Əlirza Əlican oğlu.
Azərbaycan Respublikası, Bakı şəhəri, Qaradağ rayonu

x x x

Əziz Prezident, sevimli Ali Baş Komandan cənab İlham Əliyev.

Aprelin 2-dən cəbhədə məlum hadisələri izləyirəm. Sizdən artıq dərəcədə xahiş edirəm ki, aşağıda yazdıqlarımın mümkünlüyü üçün göstəriş və ya icazə verəsiniz.
1990-cı illərdə Qarabağda müharibə başlayanda hərbi komissarlığa dəfələrlə müraciət etsəm də, mənə yaşım çatmadığına görə könüllülərin sırasına qoşulmağa icazə vermədilər. Özbaşına Ağstafa-Qazax döyüş bölgələrindəki sektorlara gedəndə isə oradan bizi gətirib hərbi komissarlığa təhvil verdilər. Hərbi xidmətə gedəndə isə artıq atəşkəs elan olunmuşdu. Üç ildən çox hərbi xidmətdə olduğum müddətdə və ordudan ehtiyata buraxıldıqdan sonra döyüş əmrini səbirsizliklə gözləyirdim. Hesab edirəm ki, bu, bir şansdır. Hər insana nəsib olmur Vətəni uğurunda döyüşüb şəhid olsun, müharibə veteranı olsun. Arzularımın reallaşmasının bir addımlığındayam. Amma təəssüf ki, cəbhədə döyüşlərdə iştirak etmək üçün bu dəfə də hərbi komissarlıqdan icazə verilmədi. Möhtəşəm qələbəmiz üçün cəbhədə döyüşmək istəyirəm.
39 yaşım olmasına baxmayaraq, səhhətimdə heç bir problem yoxdur. Mütəmadi olaraq idmanla məşğulam. Özümü 18-20 yaşlarımdakı vaxtımdan da gümrah hiss edirəm. İnanıram ki, arzularımın reallaşmasında Respublika Gənclərinin III və IV Forumunun iştirakçısı kimi mənə kömək edəcəksiniz.

Dərin hörmətlə,

Cahangirov Elşad Allahşükür oğlu
Azərbaycan Respublikası, Sumqayıt şəhəri

x x x

Cənab Ali Baş Komandan.

Mən ali təhsilli gənc kimi könüllü olaraq ön cəbhədə hərbi əməliyyatlarda iştirak etmək istəyirəm. Torpaqlarımızın azad olunması üçün verəcəyiniz istənilən əmri yerinə yetirməyə hər an hazıram.

Hörmətlə,
Məmmədov Zaur İsa oğlu.
Azərbaycan Respublikası, Bakı şəhəri, Yasamal rayonu

x x x

Hörmətli Prezident, cənab Ali Baş Komandan.

Hazırda Türkiyədə yaşasam da, özüm Naxçıvan Muxtar Respublikasının Şərur rayonundanam. Azərbaycanda 5 il hərbi xidmətdə olmuşam və bu gün də könüllü kimi Vətən uğrunda döyüşə getməyə hazıram. Ölkəmizin ərazi bütövlüyü və suverenliyi naminə son damla qanıma qədər vuruşmağa hazıram.

Hörmətlə,

Camalov Fariz Telman oğlu.
Türkiyə Respublikası, İstanbul şəhəri

x x x

Azərbaycan Respublikasının Prezidenti cənab İlham Əliyev.

Erməni canilərinin atəşkəsi pozmaları nəticəsində itirdiyimiz şəhidlərə görə Sizə və Azərbaycan xalqına səbir diləyirik. Biz Azərbaycan Silahlı Qüvvələrinə və Sizə güvənirik. Azərbaycan Ordusunun cəbhədə əldə etdiyi nailiyyətlə fəxr duyuruq. Sizdən xahiş edirik ki, bizim də döyüşlərdə iştirakımıza kömək edəsiniz. Biz həmişə Azərbaycan üçün döyüşə hazırıq. Bütün Cənubi azərbaycanlılar Sizi dəstəkləyir və sizinlə birgə düşmənə qarşı döyüşə hazırıq.

Hörmətlə,

Abdulrza Zahidi Əbülfəz oğlu
İran İslam Respublikası, Astara şəhəri

x x x

Hörmətli cənab İlham Heydər oğlu.

Sizi Xəzər rayonu Şağan kənd sakinləri və ailəmiz adından Azərbaycan xalqının çoxdan gözlədiyi qələbələr münasibətilə təbrik edir, Sizə səmimi təbriklərimizi və ən xoş arzularımı çatdırmaqdan böyük məmnunluq duyuruq.
Bu gözəl fürsətdən istifadə edərək, qəti əminliyimi bildirmək istəyirəm ki, xalqımız daim Sizinlədir, Sizi dəstəkləyir.

Hörmətlə,

Qurbanov Ziyad Sahib oğlu.
Azərbaycan Respublikası, Bakı şəhəri

x x x

Möhtərəm cənab Prezident, Ali Baş Komandan.

Azərbaycan Respublikası Silahlı Qüvvələrinin işğal edilmiş torpaqlarımızın azad edilməsi məqsədilə keçirdiyi hərbi əməliyyat bütün gənclərimizdə böyük ruh yüksəkliyi, əzmkarlıq və fərəh hissi yaşatdı. Bu əməliyyatda iştirak üçün Azərbaycan Şən və Hazırcavablar Klubunun hər bir üzvü cəbhə bölgəsinə döyüşə getməyə hazırdır. Son günlər antiazərbaycan niyyətli qüvvələr xarici kütləvi informasiya vasitələrinə olan təsirindən istifadə edərək ölkəmiz haqqında təxribat xarakterli məlumatlar yaydılar. Sizə bildiririk ki, düşmənin informasiya təsirinin azalması və bu cür məlumatların qarşısının alınması üçün var gücümüzü ortaya qoyacağıq. Biz Sizin uzaqgörən siyasətinizə inanırıq, hər gördüyümüz iş Sizin siyasətinizə arxalanıb.

Hörmətlə,

Əzizov Rəşad Fikrət oğlu, Azərbaycan Şən və Hazırcavablar Klubunun rəhbəri,
Azərbaycan Respublikası, Bakı şəhəri, Nərimanov rayonu.

x x x

Hörmətli cənab Prezident,

Öz adımdan və bütün Rusiyada yaşayan azərbaycanlılar adından əvvəla şəhidlərimizə Allahdan rəhmət diləyir, ailələrinə baş sağlığı verirəm.
Cəbhədə qazanılmış uğura görə Sizə minnətdarlığımızı bildiririk. Allah Sizə cansağlığı versin, biz Sizinlə fəxr edirik. Hər zaman döyüşə hazırıq. Rusiyada yaşamağımıza baxmayaraq, ürəyimiz Azərbaycanladır. Biz Dağlıq Qarabağı işğaldan azad etməyi özümüzə borc bilirik. Səbirsizliklə əmrinizi gözləyirik.

Dərin hörmətlə,

Toğrul Məmmədov,
Vüsal Əliyev,
Həsən Nəbiyev,
Elcan Məmmədov,
Tural Nəbiyev,
Rüfət Nəbiyev,
Teyyub Abbasov,
Eyyub Abbasov və başqaları

Rusiya Federasiyası, Moskva şəhəri

x x x

Möhtərəm Prezident, cənab Ali Baş Komandan İlham Əliyev.

Biz - ölkəmizdən uzaqda - Nyu-York şəhərində yaşayan Azərbaycan diasporunun üzvləri doğma Vətənimizdə yaşanan bütün hadisələri yaxından izləyir, hər zaman ruhən Sizin və həmvətənlərimizin yanında olduğumuzu hiss edirik. Vətənlə aramızda olan məsafənin uzaq olması bizim Azərbaycanda baş verən hadisələr barədə zamanında xəbər tutmağımıza mane olmur. Vətəndə baş verənləri diqqətlə izləyir, ölkəmizin nailiyyətlərinə ürəkdən sevinirik.
Cənab Prezident, 20 ildən artıqdır ki, doğma torpaqlarımız işğal altındadır. Atəşkəs olsa da, Vətənimiz şəhidlər verir. Mübariz, Fərid və onlar kimi yüzlərlə digər cəsur oğullarımız şəhid olub.
Son günlərdə cəbhə bölgəsində gərginliyin artması ilə bağlı xəbərlər alırıq. Düşmən tərəf həmişəki kimi atəşkəsi pozur, cəbhə zonasına yaxın rayonlarına atəş zərbələri endirir. Əsgərlərimizlə yanaşı, dinc sakinlər arasında da yaralananlar, hətta ölənlər olur. Bu hal bizi çox narahat edir. Ancaq onu da bilirik ki, şanlı Azərbaycan Ordusu düşmənə layiqli cavab verir.
Mən şəhid bacısıyam. Qardaşım Kaşiyev Nəsib Nadir oğlu 1991-ci ildə Şəki şəhərindən Qarabağ uğrunda döyüşə yollandı və 1992-ci ildə Şuşada şəhidlik zirvəsinə ucaldı.
Mən şəxsən öz adımdan, 80 yaşlı anam İsmət Kaşıyevanın və Nyu Yorkda yaşayan Azərbaycan diasporunun üzvləri, xüsusilə azərbaycanlı qadınlar adından xahiş edirəm ki, düşmənin layiqli cavabının verilməsi üçün əmr verəsiniz. Yalnız torpaqlarımız azad ediləcəyi zaman şəhidlərimizin ruhu şad olar. Artıq düşmən tapdağı altında sızlayan Azərbaycan torpaqlarının azad edilməsinin zamanı yetişib. Azərbaycanımın hərbi gücü buna yetər. Azərbaycanın vicdanlı, qeyrətli oğulları Sizin Sərəncamınızı gözləyirlər.
Biz xaricdə yaşayan azərbaycanlılar da Sizə hər zaman dəstək olmağa hazırıq. Hər zaman müsəlləh əsgər kimi əmrinizi gözləyirik.
Ordumuzun işğal altında olan torpaqlarımızın bir qismini azad etməsi xəbəri qəlbimizi sevinc hissi ilə doldurur, bizə ruh yüksəkliyi verir. Böyük qələbəni qeyd edəcəyimiz gün çox yaxındır. Buna bütün qəlbimizlə inanırıq. Yaşasın Azərbaycan! Yaşasın Azərbaycan Ordusu!

Dərin hörmətlə,

Vahabova Minəvvər,
Nyu-York Azərbaycan-Amerika Qadın Cəmiyyətinin və Nyu-York Azərbaycan Evinin yaradıcısı və rəhbəri.
ABŞ, Nyu-York

x x x

Salam, hörmətli İlham Heydər oğlu.

Mən Rusiya Federasiyası Hökuməti yanında Maliyyə Universitetinin tələbəsiyəm, hazırda Rusiyada yaşayıram və buna görə də çox təəssüf edirəm, çünki Vətənimiz və xalqımız üçün heç nə edə bilmirəm. Çarəsizlikdən Sizə bu müraciəti yazıram. Azərbaycan üçün etdiklərinizə görə Sizə bütün doğmalarım adından minnətdarlığımı bildirirəm. Azərbaycan Silahlı Qüvvələrinə ayrıca təşəkkür edirəm. Biz ordumuzun bu uğurunu çoxdan gözləyirdik. Xahiş edirəm, başladığınız işi dayandırmayın. Bütün xalqımız bunun davamını gözləyir. Şəhidlərimiz döyüşüblər ki, düşmənin axırına çıxsınlar. Biz bunu 25 il gözləmişik və hamımız buna hazırıq. Mən də silaha sarılıb düşmənlə vuruşmağa hazıram, təki torpaqlarımız qayıtsın. Xalqımızın döyüş ruhu və hünəri o dərəcədə yüksəlib ki, hamımız yalın əllə döyüşə atılmağa hazırıq. Qoy, şəhidlərimizin qanı yerdə qalmasın. Vətən naminə, şəhidlərimiz naminə geri çəkilməməliyik. Cənab Ali Baş Komandan, biz həmişə Sizin yanınızdayıq.

Hörmətlə,

Rzayeva Ləman Rafiq qızı
Rusiya Federasiyası, Surqut şəhəri

XXX

Çox hörmətli Prezident, cənab Ali Baş Komandan.

Son günlər cəbhə xəttində yaranmış gərginlik bizi - Latviyada yaşayan azərbaycanlıları da narahat edib. Keçirilən hərbi əməliyyatlar nəticəsində şəhid olan əsgərlərimizə Allahdan rəhmət, ailələrinə isə səbir diləyir, dərin hüznlə başsağlığı veririk. İşğaldan azad edilmiş yüksəkliklər barədə xəbərlərə görə fərəh və qürur hissi keçiririk. Sizi və timsalınızda bütün Azərbaycan xalqını qələbə münasibətilə təbrik edirik. İnanırıq ki, məqsədyönlü və məğrur siyasətiniz nəticəsində tezliklə ərazi bütövlüyümüzü tam şəkildə bərpa edəcəyik.

Latviyada yaşayan azərbaycanlılar olaraq daim ruhumuz və canımızla xalqımızın yanında olduğumuzu bəyan etmək istəyirik. Tanrı Sizləri qorusun.

Hörmətlə,
Zalov Ceyhun Eminbala oğlu.
Latviya Respublikası, Riqa şəhəri.

X X X

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev.

Son günlər Ordumuzun zəfəri hər birimizi ürəkdən sevindirir. Mən və bütün sabirabadlı gənclər Sizin ətrafınızda sıx birləşərək, Vətənimizin müdafiəsi uğrunda torpaqlarımızın işğaldan azad olunması üçün hər an Vətənə ləyaqətlə xidmət etməyə hazırıq. Sizin əmrinizi gözləyirik. Sizə güvənir, Sizinlə qürur duyuruq. Yaşasın Azərbaycanın Silahlı Qüvvələri! Eşq olsun Ali Baş Komandanımıza!

Hörmətlə,
Həsənli Murad Etibar oğlu.
Azərbaycan Respublikası, Sabirabad rayonu.

X X X

Salam, cənab Prezident.

Biz fəxr edirik ki, Sizin kimi xeyirxah və nəcib Prezidentimiz var. Sizin əmriniz bizim üçün qanundur. Mən xarici ölkələrə gedəndə həmişə yorulmadan bizim çox gözəl Prezidentimizin olmasından fəxrlə danışıram. Həmişə deyirəm ki, biz mütəşəkkil olmalı, ümumi düşmənə qarşı birgə mübarizə aparmalıyıq. Biz bütün işləri Prezidentin öhdəsinə qoya bilmərik. Özümüz də əlimizdən gələni etməliyik, çünki Prezident birdir, biz isə 9 milyonuq. Mən həmişə demişəm və həmişə də deyəcəyəm: Sizin kimi Prezidentlə bizi ancaq qələbə və bütün sahələrdə inkişaf gözləyir.

Hörmətlə,
Əkbər Elmir Yusif oğlu,
Azərbaycan Respublikası, Bakı şəhəri

X X X

Hörmətli Prezident İlham Əliyev.

Ermənistan silahlı qüvvələrinin təmas xəttində törətdikləri təxribatlar zamanı həlak olmuş şəhid qardaşlarımızla əlaqədar Sizə və Azərbaycan xalqına başsağlığı diləyirəm. Allah şəhidlərimizə rəhmət etsin.

Mən Qarabağda azərbaycanlı qardaşlarımızla çiyin-çiyinə döyüşməyə hazıram. Erməni cəlladları bilsinlər ki, onların silahlı qüvvələrindən qat-qat güclü olan şanlı Azərbaycan Ordusunun tərkibində döyüşmək istəyən minlərlə könüllü var. Mən də bu könüllülərdən biriyəm. Allah Azərbaycana kömək olsun. Azərbaycan uğrunda son damla qanımıza qədər döyüşməyə hazıram.

Hörmətlə,
İrmak Kadir Yaşar oğlu
Türkiyə Respublikası, Ordu şəhəri

X X X

Salam, hörmətli cənab Prezident.

Mən Rusiyanın Novosibirsk şəhərində yaşayıram. Azərbaycanlıyam. Mənim 2 yaşım olanda buraya köçmüşük. Amma qəlbim və ruhum Azərbaycandadır, biz ailəliklə Azərbaycan xalqına və torpaqları uğrunda döyüşən əsgərlərə görə narahatıq. Xəbərlərə baxırıq, amma Azərbaycandakı hadisələr barədə hamı - televizordan da, KİV-lər də yalan danışırlar. Biz Rusiyada yaşamağımıza baxmayaraq həmişə Azərbaycanın tərəfindəyik. Biz ermənilərə qalib gələcəyik. Çünki Dağlıq Qarabağ bizim torpağımızdır.

Hörmətlə,
Bayramzadə Eltun Əli oğlu
Rusiya Federasiyası, Novosibirsk şəhəri

X X X

Faina Ələkbərovadan, Bakı, Azərbaycan

Hörmətli cənab Prezident,

Səbirsizliklə gözlədiyimiz günün yaxınlaşdığına görə Sizə dərin minnətdarlığımı bildirirəm. Bir qarış torpağın belə qayıtması bizim üçün Böyük Qələbənin başlanğıcıdır. Aprelin 4-də 160 N-li Klassik gimnaziyada Qarabağdakı son hadisələrlə bağlı mitinq keçirildi. Gimnaziyanın bütün şagirdləri hamılıqla Sizi dəstəkləyir. Cənab Prezident, biz Sizinləyik!

Dərin hörmətlə,
Ələkbərova Faina Emmanuil qızı
Azərbaycan Respublikası, Bakı şəhəri, Səbail rayonu

X X X

Əziz və hörmətli Prezidentimiz.

Qardaş Azərbaycanın əzəli torpaqlarının işğaldan azad edilməsi uğrunda əsgərlərin şəhid olması xəbəri məni dərindən sarsıtdı. Allah şəhidlərimizə rəhmət etsin. Bununla əlaqədar Sizə və Azərbaycan xalqına başsağlığı verirəm.

Bu, onu göstərir ki, ermənilər tarix boyu ölkələrimizin sabitliyini pozmaq adətini tərgitməyiblər. Təcavüzkarlara layiqli cavabı verdiniz, onlara ağır zərbə vurdunuz. Türk dünyasının minlərlə gənci kimi, mən də bu döyüşlərdə Sizinlə birlikdə vuruşmağa hazıram.

Hörmətlə,
Öktem Ercan Əbdürrəhman oğlu
Türkiyə Respublikası, Bursa şəhəri

X X X

Bu gün hər bir azərbaycanlının qəlbi Qarabağla döyünür, onun bütün fikirləri, hissləri və arzuları orada baş verən hadisələrlə bağlıdır. Bu, həm Azərbaycanın ən müasir tarixini öz qanı ilə yazan döyüşçülərimizin əsgəri şücaəti, həm də ümumxalq məhəbbəti qazanmış liderin ətrafında sıx birləşməkdir. Türk ruhu, fatehlərin ruhu dirçəlmədən bu qələbə mümkün olmazdı. Bizi danışıqlar girdabına sürükləyən, - adamı, bax, bu narahat edir, - siyasət Susaninlərinin ürəyinin sərinlik tapmasına imkan verməyin. Qoy Sizin müdrikliyiniz və çoxillik prezidentlik təcrübəniz Azərbaycanı "xeyirxahların" köhnə hiylələrindən uzaqlaşdırsın.

Hörmətlə, öz Vətənini sevən milyonlarla azərbaycanlıdan biri
Qasımov Tofiq Qasım oğlu
Rusiya Federasiyası, Moskva şəhəri

X X X

Hörmətli cənab Prezident,

Aprel ayının ilk günlərində Azərbaycan ordusunun düşmənin həmlələrini dəf edərək işğalçıya sarsıdıcı zərbə vurması bizi çox sevindirdi. Əldə edilən uğur doğma torpaqları işğal altında olan biz qubadlılı məcburi köçkünləri ikiqat sevindirdi, torpaqlarımızın işğaldan azad edilməsinə əminlik hissi daha da artdı. İnanırıq ki, rəşadətli ordumuz işğal altında olan bütün ərazilərimizi Sizin komandanlığınız ilə mənfur düşməndən azad edəcəkdir.

Seyid övladı olaraq Ulu Tanrıdan diləyim budur ki, zəfər, qələbə həmişə Sizinlə olsun!

Həsənov Hüseyn Həsən oğlu
Azərbaycan Respublikası, Sumqayıt şəhəri

X X X

Hörmətli Prezident, Cənab Ali Baş Komandan.

Dövlətimizin və millətimizin inkişafı naminə gördüyünüz müstəsna xidmətlərə görə Sizə şəxsən öz adımdan və qarabağlı gənclər adından dərin təşəkkürümü bildirirəm. Son günlər Milli Ordumuzun cəbhədə göstərdiyi qəhrəmanlıq bizi olduqca sevindirib və ruhlandırıb. Lakin atəşkəsin elan olunması bir o qədər də məyus edib. Şübhəsiz ki, Siz dövlətimiz və millətimiz üçün ən doğru qərarı verirsiniz. Ümid edirik ki, xalqımızın olduqca yüksək olan qələbə, döyüş əhval - ruhiyyəsini, Vətən, torpaq yanğısını nəzərə alaraq, çox qısa bir vaxtda döyüş əmrini verəcəksiniz. Ölkəmizin demək olar ki, bütün bölgələrində gənclərimiz bu tələb və xahişlə yürüşlər keçirməkdədir. Sizdən xahiş edirik ki, bizim bu xahişimizi nəzərə alasınız.

Hörmətli Prezident, cənab Ali Baş Komandan, Sizə bu şərəfli işinizdə uğurlar arzu edirəm. Allah Sizi qorusun. Amin.

Hörmətlə,
Rüstəmov Xəyyam Vəzir oğlu.
Azərbaycan Respublikası, Ağdam rayonu.

X X X

Cənab Ali Baş komandan.

Mən keçmiş döyüşçü kimi yazıb Sizə bildirirəm ki, biz hər zaman Sizin və Ordumuzun yanındayıq. Lazım gələrsə, hər an əldə silah Vətənimizin müdafiəsinə qalxmağa hazırıq. Ön cəbhəyə yollanmaq üçün Ali Baş Komandanımızın əmrini gözləyirik.

Hörmətlə,
Zülfüqarov Elnur İmran oğlu.
Azərbaycan Respublikası, Ağsu rayonu.

X X X

Hörmətli cənab Prezident.

Bu gün Naftalanda hər kəs, o cümlədən keçmiş döyüşçü olaraq mən Ordumuzun qazandığı uğurlara şad oluruq. Bu savaşda Ermənistan ordusunun zəif olması gün kimi aşkardır. Keçmiş döyüşçülər olaraq bu prosesləri kənardan izləmək bizim üçün ağırdır, biz də orada iştirak etmək, əsgərlərimizə dəstək vermək istərdik. Bu gün bizim şəhid olan qardaşlarımız atəşkəs elan olunandan sonra dünyaya gəlmiş oğullardır. Onlar müharibəni gözləri ilə görməyiblər, lakin Şəhidlər Xiyabanını görüblər və onların içində bu Vətən üçün şəhid olacaq qədər istək yaranıb. Azərbaycan cəmiyyəti yetərincə vətənpərvərdir. Ermənistanda səfərbərlik elan olunması, Azərbaycan Ordusu ilə müqayisədə erməni ordusunun zəif olmasını göstərir. Əgər bu gün Ermənistanda ordudan tərxis olunmuş insanlar səfərbərliyə çağırılırsa, bu, Ermənistan ordusunun nə dərəcədə zəif və aciz olduğunun göstəricisidir.

Biz keçmiş döyüşçülər Sizin əmrinizlə könüllü olaraq müharibəyə getməyə, Azərbaycan Respublikasının ərazi bütövlüyünün bərpa olunmasına, Qarabağ torpaqlarının azad edilməsinə hər an hazırıq. Biz Sizi daim dəstəkləyir, apardığınız siyasətinizi bəyənirik. Qarabağ uğrunda gedən döyüşlərdə Ali Baş Komandanımıza uğurlar arzulayırıq. İnanırıq ki, Sizin rəhbərliyinizlə qüdrətli Ordumuz tezliklə işğal altındakı torpaqlarımızı azad edəcək.

Hörmətlə,
Nuriyev Münasib Mikayıl oğlu, Qarabağ müharibəsi əlili.
Azərbaycan Respublikası, Naftalan rayonu.

X X X

Möhtərəm Cənab Prezident.

Sizi və xalqımızı cəbhə xəttində baş verən və igid, cəsur, rəşadətli əsgərlərimizin göstərdiyi şücaətdən münasibətilə təbrik edir, həmişə Sizin yanınızda olduğumu diqqətinizə çatdırmaq istəyirəm. Mən bir gənc müəllim, ehtiyatda olan çavuş, tağım komandirinin müavini kimi həmişə torpaqlarımız, Vətənimiz uğrunda döyüşməyə hazıram.

Cəbhə bölgəsində yerləşən Ağcabədi rayonunun sakinləri Sizin daxili və xarici siyasətinizi daim dəstəkləyirlər, Sizinlə qürur duyurlar.

Cənab Ali Baş Komandan, Sizin bütün əmrlərinizə müntəzirəm. Səfərbərlik elan olunan kimi döyüş tapşırığını yerinə yetirmək üçün cəbhəyə yollanacağam. Erməni təxribatının qarşısının alınması zamanı şəhid olmuş bütün qardaşlarıma Allahdan rəhmət diləyir, ailələrinə, xalqıma başsağlığı verir və deyirəm: "Vətən sağ olsun!"Bu şüar həmişə bizi ruhlandırıb və ruhlandıracaqdır. Düşmənə endirilən bu ağır zərbələrdən sonra inanıram ki, nəinki ermənilər, hətta bütün dünya Azərbaycanın nəyə qadir olduğunu gördü və anladı. Ulu Tanrı Sizi həmişə qorusun, cənab Prezident!

Hörmətlə,
Xələfov Elmir Aqil oğlu.
Azərbaycan Respublikası, Ağcabədi rayonu.

X X X

Hörmətli Prezident İlham Əliyev.

Can Azərbaycan və Türkiyə olaraq biz qardaş ölkələrik. Biz həmişə birlikdə olmuşuq və olacağıq. Cənab Prezident, ermənilərə qarşı apardığınız qətiyyətli mübarizədə düşmənə layiqli cavab verdiyiniz üçün Sizə təşəkkürümü bildirirəm. Təcavüzkar ermənilərə qarşı döyüşdə mən də iştirak etməyə hazıram. Azərbaycana canımız fəda olsun. Allah Azərbaycan dövlətini və Ordusunu qorusun. İnşallah, Qələbə bizimdir.

Hörmətlə,
Aktürk Atilla Orhan Zəkəriyyə oğlu
Türkiyə Respublikası, Sivas şəhəri

X X X

Cənab Ali Baş Komandan.

Bu gün biz çox qürurverici günlər yaşayırıq. Azərbaycanın qəhramanlıqlarla dolu keçmişi fəxrlə öz gələcəyini yaşayır. Biz uğurlu gələcəyə inamla və İlhamla irəliləyirik.

İşğal olunmuş torpaqlarımızda əldə etdiyiniz qələbələr münasibətilə Sizi - Ali Baş Komandanımızı və şücaətli Ordumuzu təbrik edirəm. Bu mərdlik və qəhrəmanlıq döyüşündə Sizə möhkəm cansağlığı, iradə və dözüm arzulayıram. Qələbə müjdəli xəbərlərinizi səbirsizliklə gözləyirik.

Hörmətlə,
Kazımova Nurlana Səməndər qızı, müəllim.
Azərbaycan Respublikası, Samux rayonu, Qarayeri qəsəbəsi.

X X X

Hörmətli cənab Prezident.

Atam Suvarov Bafali Gülhəsən oğlu 1994-cü ilin aprel ayında birinci Qarabağ müharibəsində torpaqlarımızın müdafiəsi uğrunda gedən döyüşlərin birində şəhid olub. O vaxt mənim 7 yaşım var idi. Atamın cəsədi səngərdən çıxarmaq mümkün olmamışdı. Onun döyüş yoldaşları onu Ağdam rayonunun hazırda işğal altında olan Güllücə kəndində dəfn etmişdilər. Atam döyüşlərdə cəsurluq və qəhrəmanlıq göstərmişdi. Düşmənin mühasirəsinə düşmüş döyüş yoldaşlarını öz canı bahasına çıxara bilmişdi. Atam 1993-cü ilin oktyabr ayından şəhid olan günədək cəbhədə olmuşdu. Şəhid olduqda isə onun üç körpə övladı atasız qaldı.

Son günlər cəbhədə baş verən hadisələr, Ordumuzun düşmənə endirdiyi zərbələr məni və ailəmi çox fərəhləndirib. Qarabağda bütün şəhidlərimizin qısası alınırdı. Buna baxmayaraq, torpaqlarımız hələ də işğal altındadır.

Hörmətli cənab Prezident, Sizin əmrinizi gözləyirik. Atamın şəhid olduğu torpağın işğaldan azad olunmasında iştirak etmək ən böyük arzumdu.

Sizə möhkəm cansağlığı, işlərinizdə müvəffəqiyyətlər azrulayıram. Azərbaycan xalqımız Sizinlə fəxr edir.

Hörmətlə,

Suvarov Emin Bafalı oğlu.

Azərbaycan Respublikası, Bakı şəhəri.

X X X

Möhtərəm Cənab Prezident.

Sizi və xalqımızı cəbhə xəttində baş verən və igid, cəsur, rəşadətli əsgərlərimizin göstərdiyi şücaətdən münasibətilə təbrik edir, həmişə Sizin yanınızda olduğumu diqqətinizə çatdırmaq istəyirəm. Mən bir gənc müəllim, ehtiyatda olan çavuş, tağım komandirinin müavini kimi həmişə torpaqlarımız, Vətənimiz uğrunda döyüşməyə hazıram.

Cəbhə bölgəsində yerləşən Ağcabədi rayonunun sakinləri Sizin daxili və xarici siyasətinizi daim dəstəkləyirlər, Sizinlə qürur duyurlar.

Cənab Ali Baş Komandan, Sizin bütün əmrlərinizə müntəzirəm. Səfərbərlik elan olunan kimi döyüş tapşırığını yerinə yetirmək üçün cəbhəyə yollanacağam. Erməni təxribatının qarşısının alınması zamanı şəhid olmuş bütün qardaşlarıma Allahdan rəhmət diləyir, ailələrinə, xalqıma başsağlığı verir və deyirəm: "Vətən sağ olsun!"Bu şüar həmişə bizi ruhlandırıb və ruhlandıracaqdır. Düşmənə endirilən bu ağır zərbələrdən sonra inanıram ki, nəinki ermənilər, hətta bütün dünya Azərbaycanın nəyə qadir olduğunu gördü və anladı. Ulu Tanrı Sizi həmişə qorusun, cənab Prezident!

Hörmətlə,

Xələfov Elmir Aqil oğlu.

Azərbaycan Respublikası, Ağcabədi rayonu.

X X X

Azərbaycan Respublikasının möhtərəm Prezidenti və Ali Baş Komandanı cənab İlham Əliyev.

Biz, Rusiya Federasiyasının Perm diyarında yaşayan azərbaycanlılar əsası böyük dövlət xadimi, ümummilli lider Heydər Əliyev tərəfindən qoyulan və Sizin uğurla həyata keçirdiyiniz daxili və xarici siyasəti dəstəkləyirik. Sizin Azərbaycanın siyasi-iqtisadi inkişaf kursunu məqsədyönlü şəkildə davam etdirməyiniz sayəsində Vətənimiz dünyada layiqli yerini tutub. Azərbaycanın Ermənistan tərəfindən işğal edilmiş Dağlıq Qarabağ bölgəsini və ətraf yeddi rayonu azad etmək və ölkənin ərazi bütövlüyünü bərpa etmək üçün bu gün Azərbaycan Respublikasının yetərincə güclü ordusu var. Bu gün ordumuzun əsgərləri erməni hərbçiləri ilə döyüşlərdə düşmənə layiqli cavab verərək şəhid olurlar. Bununla əlaqədar, biz şəxsən Sizə və şəhidlərin ailələrinə dərin hüznlə başsağlığı veririk. Perm diyarında yaşayan azərbaycanlılar da Sizin ilk çağırışınızla tarixi torpaqlarımızı işğalçılardan azad etmək uğrunda döyüşməyə hazırdırlar.

Hörmətlə,

İsayev Çingiz Mikail oğlu

Rusiya Federasiyası, Perm şəhəri

X X X

Məhyəddin Şirinovdan, Sumqayıt, Azərbaycan

Hörmətli cənab Prezident,

İlk növbədə, Sizi təbrik edirəm. Çünki odumuzun bu səviyyəyə yüksəlməsində bir Ali Baş Komandan kimi Sizin böyük xidmətiniz var. Keçmiş döyüşçü və bir vətəndaş olaraq fəxr edirik ki, Sizin kimi rəhbərimiz və düşmənə layiq olduğu yeri göstərən, onun ordusunu bir həmlədə darmadağın edən Silahlı Qüvvələrimiz var.

Dərin hörmətlə,

Şirinov Məhyəddin Əbdürrəhman oğlu

Qubadlılı məcburi köçkün

Azərbaycan Respublikası, Sumqayıt şəhəri

X X X

Cənab Ali Baş Komandan, möhtərəm Prezident İlham Əliyev.

Moskvada yaşayan bütün kəlbəcərlilər adından Sizi salamlayıram. Son günlər vətənimiz Azərbaycana qarşı erməni təcavüzkarlarının hücumları heç də təsadüfi deyil. Belə qonşu ilə yoldaşlıqda çomağımızı unutmamalıyıq. Amma bizi fərəhləndirən əsgər və zabitlərimizin aprelin 2-də düşmənə endirdikləri sarsıdıcı zərbədir. Ordumuzun cəbhədə qazandığı nailiyyətlər və əldə olunan strateji mövqelər çox sevindiricidir. Məhz buna görədir ki, əsgərlərimizdə və xalqımızda əhval-ruhiyyə yüksəkdir. Azərbaycan alınmaz qalaya çevrilib. Artıq düşmənə bəlli oldu ki, Ordumuz məğlubedilməz və qüdrətlidir. Bu bir neçə gündə harada yaşamasından asılı olmayaraq, bütün millətimiz vahid bir əsgərə çevrildi.

Cənab Ali Baş Komandan. Biz Moskvada yaşayan kəlbəcərlilər Vətən yolunda, torpaqlarımızın işğaldan azad edilməsi üçün son damla qanımıza qədər vuruşmağa hazırıq. Məqsədimiz sülhdür. Amma bunu başa düşməyənlərə gücümüzü göstərməyə məcburuq. Biz Vətənin və Sizin müsəlləh əsgərləriyik. Başqa cür ola da bilməz. Azərbaycanın bütün oğulları Sizinlədir. Bunu bizə "Vətən oğlu mətin dur!" deyən ümummilli liderimiz Heydər Əliyev tövsiyə edib. Sizi əmin edirik ki, lazım gələrsə, Vətən uğurunda döyüşmək hər birimizin borcudur və biz buna hazırıq.

Allah Sizi və Azərbaycan xalqını qorusun.

Hörmətlə,

Nəcəfov Rövşən Novruz oğlu.

Rusiya Federasiyası, Moskva şəhəri.

X X X

Hörmətli Prezident, cənab Ali Baş Komandan,

Əvvəlcə cəbhədə qazanılan uğura görə Sizə öz minnətdarlığımı bildirirəm. Allah Sizi qorusun!

Yaşım çatmasa da mən də düşmənlə döyüşmək üçün ön cəbhəyə yollanmaq istəyirəm. Qardaşlarım düşmənlə üzbəüz döyüşür, bir yerdə qərar tuta bilmirəm. Xahiş edirəm, cəbhəyə yollanmağıma, şəhidlərimizin qisasını almağıma icazə verəsiniz.

Hörmətlə,

Quliyev Ramal Ramin oğlu

Azərbaycan Respublikası, Cəlilabad rayonu

X X X

Hörmətli Prezident İlham Əliyev.

Başda Siz olmaqla Azərbaycan dövləti və xalqı hər zaman bizi dəstəkləmisiniz. Tam haqlı olduğunuz Qarabağ münaqişəsində Türkiyə vətəndaşı kimi, Sizin yanınızda olmağı özümə şərəf bilirəm. İki övladımla birlikdə Qarabağda döyüşməyə hazıram. Allah sizə yar olsun. Dualarımız sizinlədir.

Hörmətlə,

Ersöz Serhat Murad oğlu

Türkiyə Respublikası, Giresun şəhəri

X X X

Hörmətli cənab Prezident.

Uzun danışıb vaxtınızı almaq istəmirəm. Son günlər qoşunların təmas xəttində baş verənləri nəzərə alaraq, hərbi əməliyyatlarda iştirak etməyimə icazə verməyinizi acizanə surətdə Sizdən xahiş edirəm. Mən Sərhəd Qoşunlarının N hərbi hissəsində xidmət etmişəm. Xidmət zamanı hərbin sirlərinə dərindən yiyələnmişəm. Sizin qərarınızı səbirsizliklə gözləyirəm və buna böyük ümid bəsləyirəm. Çox sağ olun. Mən ölkəmlə fəxr edirəm.

Hörmətlə,

Dadaşzadə Aydın Ayaz oğlu

Azərbaycan Respublikası, Bakı şəhəri

X X X

Cənab Prezident,

Biz - Binəqədi rayon sakinləri əmrinizlə hər an düşmənə qarşı döyüşə hazırıq. Sizdən xahiş edirik bu barədə əmr verəsiniz. Düşmən bilsin ki, şəhidlərimizin qanı yerdə qalmayacaq. Bütün xalq torpaqlarımızın azad olunması üçün vuruşmaq istəyir.

Möhtərəm Prezident, azyaşlı olsam da, Vətənimi qorumağa və canımı bu yolda qurban verməyə hazıram. Əmrinizi gözləyirəm.

Hörmətlə,

Süleymanov Səid Akif oğlu

Azərbaycan Respublikası, Bakı şəhəri, Binəqədi rayonu

X X X

Hörmətli cənab Prezident.

Allah Sizə və ordumuza kömək etsin. Cəbhədə Azərbaycan Ordusunun uğurları bizi çox sevindirir. Biz - Türkiyədə təhsil alan tələbələr səfərbərlik haqqında Sizin əmrinizi gözləyirik.

Biz Vətən uğrunda döyüşlərdə iştirak etməyə hazırıq. İnşallah, şanlı bayrağımızı Qarabağda dalğalandıracağıq. Qarabağ bizimdir və həmişə bizim olacaq.

Hörmətlə,

Nəsirli Maarif
Xudaverdiyev Tural
Alxasov Qədri
Abdullayev Emin
İsayev Elvin
Əmirli Elçin
Abbaszadə Abas
Nəbiyev Məhəmməd
Nəsirov İsmayıl

Türkiyə Cümhuriyyəti, Ərdəhan şəhəri

Cənab Prezident!

X X X

Milli Ordumuz çox böyük şücaət göstərib düşmənə layiqli cavab verdi. Bir sıra strateji yüksəkliklər azad olundu. Bu qələbə biz lənkəranlı gəncləri də hədsiz sevindirdi. Düşmənin çoxsaylı canlı qüvvəsinin və hərbi texnikasının məhv edilməsi bir daha sübut etdi ki, Milli Ordumuz düşmənin ordusundan güclüdür. Biz Sizinlə və Milli Ordumuzla fəxr edirik. Sizin əmrinizlə vətən ordusunda hər an şəhid olmağa hazırıq.

Hörmətlə,

Rəhimov Ramazan.

Azərbaycan Respublikası, Lənkəran rayonu, Hirkan qəsəbəsi.

X X X

Hörmətli cənab Prezident!

Əvvəlcə Sizi hörmətlə salamlayıram. Mən türk vətəndaşı Adnan Yılmaz, 2003-cü ildən bəri ölkənizdə işləyirəm. Bura da mənim öz vətənim, buradakı insanlar da mənim öz qardaşlarımdır. Buradan qazandığım pul ilə ailəmi dolandırıram. Allah azərbaycan və türk millətlərinə kədər yaşatmasın, düşmənlərimizi məhv etsin. Son günlərdə ermənilərlə olan vuruşmalarda şəhid olanlara Allahdan rəhmət diləyirəm. Mən də bu vətənin bir övladıyam, ulu babalarım buralarda necə vuruşubsa mən də bu vətən üçün veriləcək hər bir tapşırığı yerinə yetirməyə hazıram. Sizdən xahişim odur ki, icazə verin, məni cəbhəyə göndərin, bu vətən üçün düşmənlərlə mübarizə aparım. Vətən torpağında ölmək mənim üçün ən böyük şərəfdir.

Hörmətlə,

Yılmaz Adnan, özəl sektor işçisi.

Azərbaycan Respublikası, Bakı şəhəri.

X X X

Mən bir Azərbaycan vətəndaşı olaraq daim Sizinle olduğumu səmimi qəlbdən bildirmək istəyirəm. Mənim arzum torpaqlarımızı azad etmək, erməni işğalını tamamən dayandırmaqda olan addımlara dəstək olmaqdır. Xahiş edirəm, məni də döyüş bölgəsinə könüllü dəstəyə çağırış edəsiniz. Sizdən xahiş edirəm əmr edin gedək döyüşək və həsrətində olduğumuz torpaqlarımıza qovuşaq. Siz bizim fəxrimizsiniz. Qarabağda sevincimiz və qələbəmiz olacaq. Vətən sag olsun!

Hörmətlə,

Mehtiyev Namiq Hüseyn oğlu.

Azərbaycan Respublikası, Bərdə rayonu.

X X X

Hörmətli cənab Prezident!

Mən 2008-2010-cu illərdə hərbi xidmətdə olmuşam. Hərbi təlimləri yaxşı keçərək lazımi təcrübə toplamışam. Sizin əmrinizi gözləyirik. Torpaqlarımızı könüllü olaraq azad etməyə hər an hazırıq.

Hörmətlə,

Qasımov Teymur Tələt oğlu

Sahibkar

Azərbaycan Respublikası, Masallı rayonu .

X X X

Hörmətli cənab Prezident!

Sizin yorulmaz fəaliyyətinizlə Azərbaycan həqiqətləri dünyaya sübut olunur. Bu günlərdə dünya şahid oldu ki, erməni quldurları Azərbaycan torpaqlarını işğal etdiklərinə görə Azərbaycan Ordusu onlara ağır zərbə vurub, düşmən xeyli canlı qüvvə və texnika itirib. Əgər onlar ölmək istəmirlərsə, Azərbaycan torpaqlarından çıxıb getsinlər. Onsuz da Milli Ordumuz bu torpaqları gec-tez azad edəcək. Biz inanırıq ki, Ali Baş Komandan kimi Sizin rəhbərliyinizlə Ordumuz düşmən üzərində tam qələbə çalacaq, xalqımızın tarixi haqqı qaytaracaq, şəhidlərimizin ruhunu şad edəcəkdir. Allah Sizi qorusun.

Hörmətlə,

Əhmədova Elduzə, Lənkəran şəhəri Qadınlar Şurasının sədri.

Azərbaycan Respublikası, Lənkəran şəhəri

X X X

Cənab Ali Baş Komandan.

Son günlər Sizin və döyüşkən hərbçilərimizin sayəsində cəbhədə aparılan uğurlu əməliyyatlar, Azərbaycanın erməni işğalında olan bəzi ərazilərinin azad olunması bizi cox qürurlandırdı. Bu münasibət ilə Sizə öz minnətdarlığımı bildirirəm. Mən ehtiyatda olan zabit-leytenant Məmmədli Yasin Məhərrəm oğlu Azərbaycanın digər ərazilərinin erməni işğalından azad olunmasında ön cəbhədə iştirak etmək və qanımın son damlasına kimi erməni işğalçılarına qarşı döyüşmək istəyirəm. Bunun üçün də tam hazır vəziyyətdə Sizin müharibə əmrinizi gözləyirəm.

Cənab Prezident, bir daha bizə bu gözəl qələbə hissini yaşatdığınıza görə Sizə təşəkkür edib, çox sağ olun deyirəm!

Hörmətlə,

Məmmədli Yasin Məhərrəm oğlu, ehtiyatda olan hərbiçi.

Azərbaycan Respublikası, Naxçıvan Muxtar Respublikası, Culfa rayonu.

X X X

Hörmətli cənab Prezident.

Ordumuzun cəbhədə bir neçə strateji yüksəkliyi ələ keçirməsi münasibətilə Sizi təbrik edirik. Bu anlarda özümüzü Qarabağda hiss edirik. Biz bu uğurları Sizin rəhbərliyinizlə qazandıq.

Möhtərəm Prezident!

Ölkəmizin ərazi bütövlüyü uğrunda döyüşlərdə vuruşmaq hər bir azərbaycanlının arzusudur. Bizim arzumuz Sizin komandanlığınızla torpaqlarımızı yağı düşməndən azad etməkdir. Bu yolda Sizə və ordumuza uğurlar arzu edirik. Bu çətin və məsuliyyətli işinizdə uğurlar diləyirik.

Hörmətlə,

Ağahüseynov Fərid, müəllim.

Azərbaycan Respublikası, Sumqayıt şəhəri.

X X X

Hörmətli cənab Prezident.

Sevinc dolu göz yaşları ilə Sizə təşəkkürümü bildirirəm. Yaşasın Azərbaycan xalqı! Bizə yaşatdığınız bu qələbə sevincinə görə çox sağ olun. Qəti şəkildə düşmənə cavab verməyiniz xalqımızın başını dik tutub yas saxlamağına yetdi. Düşmənin ağılı varsa dediyiniz kimi rədd olub çıxarlar Qarabağdan. İnsallah!

Hörmətlə,

Məmmədov Anar Şahin oğlu.

Azərbaycan Respublikası, Kürdəmir rayonu.

X X X

Hörmətli cənab Prezident!

Qarabağda baş vermiş son döyüşlər bizi çox sevindirir ki, ermənilərin bizim əzəli torpaqlarımızda at oynatmasının sonu çatıb. Daxili qoşunlarda xidmət etmiş biri kimi her an öz vətənimi qorumağa hazıram. Sizin əmrinizi gözləyirik.

Hörmətlə,

Orucov Emin Mübariz oğlu, ehtiyatda olan hərbçi.

Azərbaycan Respublikası, Ucar rayonu.

X X X

Möhtərəm Prezident, cənab Ali Baş Komandan.

Mən vətənpərvər insan kimi demək istəyirəm ki, Azərbaycan Respublikasının müstəqilliyi və işğal olunmuş torpaqlarımızın düşmən tapdağından azad edilməsi uğrunda son nəfəsimə qədər döyüşməyə hazıram, yetər ki, VƏTƏN sağ olsun. Mən Sizin apardığınız siyasəti alqışlayır və qazandığınız qələbə münasibəti ilə Sizi təbrik edirəm. Vətən uğrunda şəhid olan əsgərlərimizə Allahdan rəhmət diləyirəm. Torpaq, uğrunda ölən varsa Vətəndir!

Dərin hörmətlə,

Xəlilov Elçin Səməd oğlu

Azərbaycan Respublikası, Yevlax şəhəri

X X X

Hörmətli cənab Prezident.

Son günlərdə cəbhədə baş verən hadisələr bizdə böyük qürur hissi yaradır. Sizin sayənizdə Dağlıq Qarabağ yenidən Azərbaycanın olacaq. Biz xalq olaraq hər zaman Sizinləyik və atdığınız addımlar xalqımızın ürəyincədir. Qeyd etdiyiniz kimi, "Azərbaycan güclü dövlətdir və Azərbaycanın güclü ordusu var". Növbəti uğurları səbirsizliklə gözləyirik. Mən fəxr edirəm ki, mən azərbaycanlıyam!

Hörmətlə,

Quluzadə Fidan, tələbə.

Azərbaycan Respublikası, Bakı şəhəri, Yasamal rayonu.

X X X

Cənab Ali Baş Komandan!

Dağlıq Qarabağda baş verən hadisələri izlədikcə sevincdən yerə göyə sığmırıq. Bir əmr verin sarılaq silaha. Mən orda konullu qulluq eləmək istəyirəm. Vətən torpağı uğrunda vuruşmaq böyük şərəfdir.

Hörmətlə,

Ələnurov Elnur Mənsur oğlu.

X X X

Azərbaycan Respublikası, Quba rayonu.

Hörmətli cənab Prezident.

Men Xocalıda anadan olmuşam, hazırda Şəkidə yaşayıram. Sizə yazmaqda məqsədim bir Azərbaycan övladı kimi Qarabağda gedən döyüşə qatılmaq istəyidir. Sizdən xahiş edirəm mene köməklik edin men de qüdrətli ordumuzla çiyin-çiyinə döyüşüm. Xocalıda şəhid olan cəmi şəhidlərimizin qisasını almaqda köməklik edin. Vətənim uğrunda şəhid olmaqdan çəkinirəm.

Hörmətlə,

Əliyev Etibar İlqar oğlu.

Azərbaycan Respublikası, Xocalı rayonu.

X X X

Cənab Ali Baş Komandan.

Mən Qarabağ veteranı keçmiş döyüşçü olaraq Sizi və Azərbaycan xalqını cəbhədəki ordumuzun şanlı uğuru münasibətilə təbrik edirəm. Xahiş edirəm döyüş yolu keçmiş bir veteran kimi torpaqlarımızın azad olunması uğrunda yenidən döyüşlərə çağırılmağıma icazə verəsiniz. Hər an əmrinizə müntəzirik!

Hörmətlə,

Əkbərov Seyfəddin Həmdulla oğlu, Qarabağ müharibəsi veteranı.

Azərbaycan Respublikası, Yardımlı rayonu, Dağüzü kəndi.

X X X

Hörmətli cənab Prezident.

Sizi və Azərbaycan xalqını qələbəmiz münasibəti ilə təbrik edirəm. Biz həm döyüş meydanında, həm də mənəvi-psixoloji baxımdan düşməndən güclü olduğumuzu göstərdik. Hər an Sizin əmrinizlə cəbhəyə yollanmağa hazıram.

Hörmətlə,

Əkbərov Əsgər Həmdulla oğlu.

Azərbaycan Respublikası, Yardımlı rayonu, Çayüzü kəndi.

X X X

Hörmətli cənab Prezident.

Mən hazırda universitetdə qiyabı oxuyuram, 5-ci kurs tələbəsiyəm. Sizdən xahiş edirəm ki, məni könüllü olaraq hərbi xidmətə çağırasınız. Təmas xəttində gedən döyüşlərdə mən də iştirak etmək istəyirəm. Vətənimin müdafiəsində durmağı müqəddəs borcum hesab edirəm.

Hörmətlə,

Əliyev Tuqay Elheydər oğlu, tələbə.

Azərbaycan Respublikası, Ağsu rayonu, Pirhəsənli kəndi.

X X X

Çox hörmətli cənab Prezident.

Son günlərdə cəbhə bölgəsində erməni silahlı dəstələrinin törətdiyi təxribata cavab olaraq Milli Ordumuzun göstərdiyi qəhrəmanlıq, torpaqlarımızın bir hissəsinin azad olunması bütün Azərbaycan gəncləri kimi hər bir Lənkəran gəncini də hədsiz ruhlandırmışdır. Milli Ordumuz düşmənin ordusundan qat-qat güclü olduğunu sübut etdi və ermənilərə yaxşı hərbi dərs keçdi.

Cənab Prezident, xalqımızla birlikdə biz də Sizin ətrafınızda sıx birləşirik. Sizin əmrinizlə Vətənimizin ərazi bütövlüyünü bərpa etməyə, Vətən uğrunda canımızdan keçməyə hazırıq.

Hörmətlə,

Əliyev Mehman Telman oğlu.

Azərbaycan Respublikası, Lənkəran şəhəri.

X X X

Hörmətli cənab Prezident.

Azərbaycan Respublikasının vətəndaşı kimi mən də vətənimdə qulluq etmək istəyirəm. Sizin əmrinizlə döyüşəcək igid əsgərlərimizlə birlikdə inşallah Şuşada, Xankəndində, Ağdamda öz üçrəngli bayrağımızı sancacağıq.

Hörmətlə,

Əmirov Samir Mirəli oğlu.

Azərbaycan Respublikası, Yardımlı rayonu, Daşkənd kəndi.

X X X

Hörmətli cənab Prezident.

Sizi və bütün xalqımızı aprelin 1-dən 2-nə keçən gecə düşmənlərimiz üzərində əldə etdiyiniz Qələbə münasibətilə Tovuz rayonu sakinləri adından təbrik edirəm.

Mən özüm də keçmiş döyüşçü kimi torpaqlarımızın azadlığı uğrunda döyüşmək üçün həmişə hazıram. Allah bütün şəhidlərimizə rəhmət etsin, ailələrinə səbir diləyirik. Amin. Gün o gün olsun ki, üçrəngli bayrağımız Şuşada, Xankəndində, Qarabağda və bütün Azərbaycanda dalğalansın.

Hörmətlə,

Əhmədov Sakit Şamil oğlu, keçmiş döyüşçü.

Azərbaycan Respublikası, Tovuz rayonu.

X X X

Möhtərəm Ali Baş Komandan.

Avropada təhsil alan tələbələr arasında və ümumiyyətlə dünya Azərbaycan gəncləri arasında elə nüfuza maliksiniz ki, bir çağırış yetər ki, əhatənizdə sıra dağlar kimi düzülək!!!

Hörmətlə,

Həsənzadə Eşqin, 2-ci kurs tələbəsi.

Latviya Respublikası, Riqa şəhəri.

X X X

Hörmətli cənab Prezident.

Mən Goranboy rayonunun Safikürd kəndində yaşayıram. 20 il bundan əvvəl Qarabağ münaqişəsini görmüşəm. Onda mənim az yaşım vardı. Fikirləşib arzu edirdim ki, böyüyəndə layiqli əsgər olacam və oldum da. Füzuli rayonunun döyüş bölgəsi olan Şükürbəyli kəndində qulluq etmişəm. Mən həmişə fikirləşirdim ki, Qarabağı azad edək. Kəndimizdə topların, raketlərin səsi gəlir, təcili yardım avtomaşınları rayona gedir. Əsgərlərin döyüşə həvəslə getməsinin şahidiyik.

Cənab Prezident! Sizin sayənizdə əsgərlərimizin çəkdiyi əziyyətlər hədər getmir. Torpaqlarımız erməni daşnaqlarından təmizlənir. Torpaqlarımızın geri qayıtmasına görə çox sevinirəm. Mən də əsgərlərlə çiyin-çiyinə durub döyüşmək istərdim.

Hörmətlə,

Həsənov Əli Həsən oğlu, ehtiyatda olan hərbiçi.

Azərbaycan Respublikası, Goranboy rayonu, Safikürd kəndi.

X X X

Salam hörmətli Prezident İlham Əliyev.

Mən Mehdi Xudai yazıb Sizə bildirirəm ki, bir azərbaycanlı kimi Sizin əmrinizlə doğma Azərbaycanımızın torpaqlarını qorumaq üçün əlimə tüfəng alıb müharibəyə qatılmağa və şəhid olmağa hazıram. Sizin və Azərbaycanın yolunda vuruşmağa və Vətən uğrunda can verməyə hazır olduğumu bildirirəm. Sizə və bütün azərbaycanlılara uğurlar arzulayıram.

Hörmətlə,

Xudai Mehdi.

İran İslam Respublikası, Təbriz şəhəri.

X X X

Hörmətli Prezident İlham Əliyev.

Azərbaycan əsgər və zabitlərinin döyüşlərdə həlak olması ilə əlaqədar mənim başsağlığımı qəbul edin. Erməni cəlladları tezliklə başa düşəcəklər ki, onlar Azərbaycan ordusu qarşısında gücsüzdürlər. Allah şəhid olmuş əsgər və zabitlərə rəhmət eləsin. Məni Qarabağ problemi çox narahat edir. Allah böyükdür. O Sizə kömək olacaq. Qabaqcadan dərin təşəkkürümü bildirir. Siz çox böyük siyasətçi, filosof və diplomatsınız.

Hörmətlə,

Stivenson Jozef, hazırda Naftalanda "Çinar" sanatoriyasında dincələn İsrail vətəndaşı.

Azərbaycan Respublikası, Naftalan rayonu.

X X X

Hörmətli cənab Prezident.

Azərbaycan ordusunun cəbhədəki qələbələri münasibəti ilə Sizi təbrik edir, Qarabağın bütünlüklə mənfur ermənilərdən tezliklə azad olunması yolunda dönməz mövqeyinizdə uğurlar arzulayıram. Məhz Sizin iradəniz sayəsində ermənilər əlacsız qalaraq atəşkəs istədilər. Sizin seçdiyiniz hərbi-siyasi taktika öz nəticəsini cəmi bir-iki gündə göstərdi. Bununla da bütün dünya, o cümlədən ermənilərin havadarları da gördülər ki, Azərbaycanın güclü ordusu var, Azərbaycanın çox müdrik rəhbəri var. Cənab Prezident, biz qarabağlılar Sizə inanırıq və tezliklə torpaqlarımıza qayıdacağımız günü səbirsizliklə gözləyirik. Tanrı Sizi qorusun.

Hörmətlə,

Bayramov Hüseyn, təhsil işçisi.

Azərbaycan Respublikası, Ağdam rayonu.

X X X

Hörmətli cənab Prezident!

İstər ön, istərsə də arxa cəbhədə hər zaman vuruşmağa, əlimdən gələn köməyi etməyə hazıram. Sizi və Vətənimizi bu qələbə münasibətilə təbrik edirəm. Əsl qələbəmiz qabaqdadır. Torpaqlarımız uğrunda həlak olan şəhidlərimizə Allahdan rəhmət, ailələrinə, yaxınlarına səbr diləyir və başsağlığı verirəm. Mən də öz canımla, qanımla Vətən uğrunda döyüşməyə hazıram. İnsallah üç rəngli bayrağımız Qarabağda dalğalanacaq. Bunun üçün Sizin əmrinizi gözləyirik. "Vətən sag olsun!" deyib vuruşmağa, canımı verməyə hazıram.

Hörmətlə,

Məmmədov Abbas Vəli oğlu.

Azərbaycan Respublikası, Naxçıvan Muxtar Respublikası, Culfa rayonu.

X X X

Hörmətli cənab Prezident.
Sizdən xahiş edirəm ki, məni döyüş bölgəsinə göndərəsiniz. Şəhidlərimizin qanı yerdə qalmasın. Şəhidlər ölməz, Vətən bölünməz. Sizi və ailənizi bu qələbə münasibətilə təbrik edirəm. Mən də bir Azərbaycan vətəndaşı olaraq Vətənimiz üçün canımdan və qanımdan keçməyə hazıram. Yaşasın Azərbaycan! İnşallah Azərbaycanımızın bayrağı Qarabağımızda dalğalanar. Eşq olsun Azərbaycana!

Hörmətlə,
İmamverdiyev Elnur Mətləb oğlu
Azərbaycan Respublikası, Bakı şəhəri

X X X

Cənab Prezident.
Son döyüşlərdə əldə etdiyimiz qələbələr bütün Azərbaycan xalqını təsirləndirir. Mən cəbhə xəttində xidmət etmiş keçmiş zabit kimi Sizin əmrinizi gözləyirəm. Ermənilərin törətdikləri cinayətlərin cəzasının verilməsi vaxtı çatıb və mən bu cəzanı verənlər sırasında olmaq istəyirəm. ​

Hörmətlə,
Hacıyev Elbrus Əjdər oğlu
Azərbaycan Respublikası, Qəbələ rayonu, Böyük Əmilli kəndi

X X X

Cənab Prezident.
Sizin səyiniz nəticəsində Dağlıq Qarabağ uğrunda gedən döyüşlərdə cəbhədə üstünlük əldə olunub və düşmənin xeyli sayda canlı qüvvəsi və hərbi texnikası məhv edilib. Bu münasibətlə Azərbaycan xalqı adından Sizə dərin minnətdarlığımızı bildiririk. Əgər ölkədə səfərbərlik elan olunarsa torpaqlarımız uğrunda canımızdan belə keçməyə hazırıq!

Hörmətlə,
Rəhimov Arif Rəşid oğlu
Azərbaycan Respublikası, Bakı şəhəri, Binəqədi rayonu

X X X

Möhtərəm Prezident, cənab Ali Baş Komandan.

Son günlərdə Milli Ordumuzun həyata keçirdiyi uğurlu əməliyyatlar bizi çox sevindirdi. Biz fəxr edirik ki, Sizin kimi müdrik bir Prezidentimiz var. Allah Sizi qorusun. Ümid edirik yaxın zamanda Şuşada, Xankəndində Sizinlə yanaşı o yerləri ziyarət edəcəyik. Haqq işində Allah Sizə yar olsun! Sizi təbrik edirik.

Hörmətlə,

Paşayev Səfalı "Tərəqqi" medallı mühəndis.

Azərbaycan Respublikası, Masallı rayonu.

X X X

Cənab Ali Baş Komandan.
Sizin uğurlu siyasətinizi və dünya arenasındakı qətiyyətli addımlarınızı gözü götürməyən düşmən qüvvələrinin hücumunu dəf edərək cəbhə xəttində ordumuzun irəliləməsi münasibətilə ailəm adından və öz adımdan Sizi və Silahlı Qüvvələrimizin hər bir əsgər və zabitini təbrik edirəm. Ailəmiz adından bildirmək istəyirəm ki, biz hər an Sizin yanınızdayıq. İnanırıq ki, Azərbaycan Ordusu öz gücünü ortaya qoyaraq Sizin Komandanlığınızla Qarabağımıza doğru irəliləyəcək. Bu günlərin yaxında olduğuna əminik.
Cənab Ali Baş Komandan, biz iki qardaşıq və ikimiz də Sizin əsgəriniz olaraq döyüşə qoşulmağa hazırıq. Atamız da birinci Qarabağ müharibəsində iştirak edib, o, hazırda həyatda olmasa da biz onun yolunu getmək arzusu ilə hər an Sizin əmrinizi gözləyirik.

Dərin hörmətlə,
Həsənli Mikayıl Raqif oğlu
Azərbaycan Respublikası, Bakı şəhəri

X X X

Hörmətli cənab Prezident.
Cəbhədə Azərbaycan əsgərinin şücaəti və qəhrəmanlığı Sizin Ordumuza olan yüksək diqqət və qayğınızın nəticəsidir. Mən Sizə minnətdarlığımı bildirirəm. Döyüşdə Azərbaycanın Dağlıq Qarabağ ərazisi erməni işğalçılarından azad olunmayana qədər atəşi dayandırmamağı Sizdən xahiş edirəm. Mən 2-ci qrup Qarabağ müharibəsi əlili, ehtiyatda olan zabitəm və Sizin əmrinizi gözləyirəm. Hər an döyüşə getməyə hazıram. Gün o gün olsun ki, Qarabağ erməni işğalından azad olunsun və Sizi təbrik edək! Qələbə! Qələbə! Qələbə!

Dərin hörmətlə,
Ağakişiyev Mahir Ağakişi oğlu
Azərbaycan Respublikası, Bakı şəhəri, Sabunçu rayonu

X X X

Cənab Ali Baş Komandan.

Sizi ordumuzun qələbəsi münasibətilə təbrik edirəm. Biz Azərbaycan gəncləri Sizin əsgərinizik və Sizin əmrinizi gözləyirik. Ümid edirəm ki, Şuşaya, Xankəndinə Azərbaycanın üçrəngli bayrağını taxmaq mənə nəsib olacaq və o gün mənim ən xoşbəxt günüm olacaq.

Ulu Öndərimizin cəsarətli və qəhrəman oğlu! Allah Sizi və Azərbaycanımızı qorusun.

Hörmətlə,
Səmədov Nəsimi.
Azərbaycan Respublikası, Kürdəmir rayonu.

X X X

Hörmətli cənab Prezident.

Men 1999-cu ildə 157 saylı hərbi hissənin 6-cı taborunda xidmət etmişəm. Murovun sol cinahından Gülüstandan Barabbad meşələrini yaxşı tanıdığıma görə könüllü olaraq döyüşə qatılmağa Sizin əmrinizlə hazıram. Xalqımız öz Ordusunun gücünə inanır, torpaqlarımızı görmək istəyir.

Hörmətlə,
Qocayev Vüqar Sabir oğlu.
Azərbaycan Respublikası, Gəncə şəhəri.

X X X

Cənab Ali Baş Komandan İlham Əliyev.

Azərbaycan Respublikamızın, Vətənimizin müdafiəsi uğrunda Sizin haqq yolunda apardığınız siyasətin nəticəsi olaraq Ordumuzun uğurlarına görə Sizi, müdafiə naziri Zakir Həsənovu, Ordumuzu və bütün Azərbaycan xalqımızı sevinc, qürur hissi ilə təbrik edirik. Təəssüflər olsun ki, Allah yolunda, haqq yolunda Vətənimizin müdafiəsi uğrunda şəhidlərimizi vermişik və verməkdəyik, bu şəhidlik zirvəsi hər kəsə nəsib olmur və müqəddəs şəhidlərimizə Allah rəhmət eləsin deyirik, qəbirləri nurla dolsun. Şəhidlərimiz bütün xalqımızın itkisidir və Sizə bütün xalqımıza Allahdan böyük səbir diləyirik.

Hörmətli Ali Baş Komandan, rayon ictimaiyyətinin vətənpərvərlik və Ordu ilə həmrəylik mövzusunda keçirdiyi yığıncağa görə sevindik və minnətdarıq. Biz də keçmişdə düşmənlərimizə layiqli cavab verə bilmədiyimizə baxmayaraq, indi Sizin haqq yolunda siyasətinizə dəstək olaraq əmrinizlə xalqımızın, Vətənimizin müdafiəsi uğrunda düşmələrimizə layiqli cavab verməyə hazırıq. Qusar rayon "Qarabağ Qaziləri" İctimai Birliyinin adından haqq yolunda siyasətinizə dəstək olaraq minnətdarlığımızı bildiririk və Sizinlə bərabər xalqımıza uğurlu işıqlı gələcək arzulayırıq.

Hörmətlə,
Ramazanov Ramazan, "Qarabağ Qaziləri" İctimai Birliyinin sədri.
Azərbaycan Respublikası, Qusar rayonu.

X X X

Salam cənab Ali Baş Komandan.

Mən bir Azərbaycan oğlu kimi ordumuzun döyüşlərdə mükəmməl iştirakına, erməni vəhşilərini qorxu altına saldığına və onlara öz gücümüzü göstərdiyinə görə Sizi təbrik edirəm. Sevincimin həddi hüdudu yoxdur. O gün olsun ki, tam qələbə ilə azad olunan torpaqlarımızda hərbi paradlar keçirək. Azərbaycan xalqı fəxr edir ki, Sizin kimi mərd və dəyanətli prezidenti var. Her zaman Sizinləyik, əmrinizi gözləyirik. Siyəzən rayonu döyüşə hazırdı. Allah qəhrəmancasına şəhid olan zabit və əsgərlərimizə qəni-qəni rəhmət eləsin. Amin!

Hörmətlə,
Nəsbiyev Vüsal Xalidşah oğlu.
Azərbaycan Respublikası, Siyəzən rayonu.

X X X

Hörmətli cənab Prezident.

Milli Ordumuzun qəhrəmanlığı ən yüksək qiymətə layiqdir. Son günlərdə cəbhə bölgəsində erməni silahlı dəstələrinin törətdiyi təxribata cavab olaraq Milli Ordumuzun düşməni darmadağın etməsi, bəzi yüksəkliklərin ələ keçirilməsi hamımızı hədsiz sevindirmişdir. Düşmənin ciddi itkilər verərək geri çəkilməsi Milli Ordumuzun gücünü bir daha göstərmiş oldu. Bu qələbə Sizin zəhmətinizin, yorulmaz fəaliyyətinizin nəticəsidir. Allah Sizi qorusun! Allah şəhid balalarımıza rəhmət eləsin.

Hörmətlə,
Rzayeva Siddiqə, təqaüddə olan mədəni-maarif işçisi.
Azərbaycan Respublikası, Lənkəran şəhəri.

X X X

Hörmətli cənab Prezident!

Son günlər cəbhə zonasında erməni daşnaqlarının atəşkəsi pozması və bizim dinc insanlarımıza qarşı atəş açması həm Siz, həm də ki xalqımız tərəfindən yaxşı qarşılanmadı. Düşmən ordusuna qarşı dövlətimiz öz gücünü göstərdi. Bu güc və qüvvəyə nail olmağımızda dövlətçilik ənənələrinin əsasını qoymuş Ulu Öndər Heydər Əliyevin və onun siyasi kursunun davamçısı olaraq Sizin gördüyünüz işlərin mühüm rolu vardır. Bi siyasət xalqımız tərəfindən həmişə dəstəklənir. Bu günlərdə qazanılan qələbə münasibətilə Sizi təbrik edirəm. Bir vətəndaş olaraq bildirmək istəyirəm ki, biz gənclər Sizin əsgəriniz olaraq işğal altında olan torpaqlarımızın qaytarılması uğrunda mübarizə aparmağa və canımızdan keçməyə hər an hazırıq.

Hörmətlə,
Quliyev Əzizağa Kişibala oğlu.
Azərbaycan Respublikası, Saatlı rayonu

X X X

Hörmətli Ali Baş Komandanımız!

Çox sağ olun ki, belə dövlət idarə edirsiz, hərbçilərimizi, insanlarımızı qoruyursuz. İnşallah bir gün Sizin əmrinizlə erməni təcavüzkarlarına qalib gələcəyik. Biz Sizin səfərbərlik əmrinizi səbirsizliklə gözləyirik. Yaxşı ki, varsınız.

Hörmətlə,
Mirzəli Samir Seymur oğlu
Rusiya Federasiyası, Domodedovo rayonu.

X X X

Hörmətli cənab Prezident.

Azərbaycan Respublikasının xilaskarı, qurucusu, banisi, dünya azərbaycanlılarının lideri, zəmanəmizin dahi şəxsiyyətlərindən biri, tanınmış siyasi və dövlət xadimi kimi bütün dünya miqyasında adını tarixə yazmış Ümummilli Liderimiz və Ulu Öndərimiz Heydər Əliyev tərəfindən təməlli qoyulan, çiçəklənən, doğma, müstəqil Azərbaycan Respublikası günü-gündən inkişaf edir və abadlaşır.

Ulu Öndərimiz Heydər Əliyevin oğlu, layiqli davamçısı, Prezidentimiz və Ali Baş Komandan İlham Əliyev cənabları!

Son günlərdə qüdrətli ordumuzun nankor düşmənlərimiz olan ermənilərə vurduğu zərbə və ordumuzun qələbəsi Qərbi Azərbaycandan didərgin düşmüş qaçqınları da sevindirdi. Hamımız Sizin əmrinizi gözləyirik. Vətən uğrunda şəhid olmağa hazırıq. Qərbi Azərbaycandan didərgin düşmüş 86 yaşlı Saniyə nənə də əlinə silah alıb ermənilərlə vuruşmağa hazırdır. Vətənə məhəbbət və ruh yüksəkliyi məni cavanlaşdırır və mənə qüvvət verir. Sizin əmrinizi gözləyirəm. Xalq şairi Səməd Vurğun demişkən:

Bilsin ana torpaq, eşitsin Vətən

Müsəlləh əsgərəm mən də bu gündən.

Sizin arxanızda 10 milyona yaxın Azərbaycan xalqı və 86 yaşlı Saniyə nənə durur. Biz Sizinlə fəxr edirik. Mən ürəyimdə iki arzu ilə yaşayıram. Vətənimiz nankor düşmənlərdən azad olunsun və yaxın vaxtlarda üçrəngli bayrağımız Qarabağda, Şuşada dalğalansın. Sizin Azərbaycanın ömürlük Prezidenti olmağınızı arzulayıram.

Hörmətlə,
Cəfərova Saniyə Yunis qızı, Qərbi Azərbaycandan məcburi köçkün.
Azərbaycan Respublikası, Bakı şəhəri, Buzovna qəsəbəsi.

X X X

Cənab Ali Baş Komandan.

Son günlər cəbhədə mənfur düşmənin məhv edilməsi, Ordumuzun bəzi yüksəklikləri və yaşayış məskənlərini işğaldan azad etməsi bizi sevindirir. Allah bu əməliyyat zamanı şəhid olan əsgərlərimizə rəhmət eləsin. Vətən başın sağ olsun!

Hörmətli cənab Prezident, biz həmişə Sizinləyik, Sizə inanır və güvənirik. Mənim 16 yaşım var. Mənim atam hərbiçi olub. 1990-1994-ci illərdə Vətənimizin ərazi bütövlüyü uğrunda qanlı döyüşlərdə iştirak edib. Mayor rütbəsi ilə təqaüdə çıxıb. O, hər zaman mənə ermənilərin necə satqın, mənfur millət olduğu haqqına danışıb və məni vətənpərvər ruhda böyütməyə nail olub. Bunları deməklə bildirmək istəyirəm ki, mən də atam kimi Vətənim, Ali Baş Komandanım uğrunda döyüşməyə hər an hazıram. Lazım gələrsə, gözümü qırpmadan canımdan da keçərəm.

Cənab Prezidentim, Azərbaycan xalqı yaxşı bilir ki, bizim bu günlərə gəlib çıxmağımızın səbəbi Ümummilli Liderimizin uğurlu siyasətidir. Allah Ulu Öndərimizə rəhmət etsin. Azərbaycan Sizin düzgün, düşünülmüş, məqsədyönlü siyasətinizlə böyük uğurlar, qələbələr qazanır və qazanacaq. Bu qələbələr münasibətilə Sizi öz adımdan və Azərbaycan xalqı adından səmimi qəlbdən təbrik edirəm. Allah Sizi qorusun. Allah Sizi bizim, Azərbaycan xalqının üstündən əksik etməsin. Biz müasir Azərbaycan Respublikasının gəncləri Sizin ətrafınızda sıx birləşmişik və Sizin döyüş əmrinizə hər an hazırıq.

Hörmətlə,
Süleymanlı Şamil Kamil oğlu.
Azərbaycan Respublikası, Bakı şəhəri.

X X X

Hörmətli Prezidentimiz İlham Əliyev.

Baxmayaraq ki, Vətəndən ayrı yaşayır, amma hər an ürəyimiz Vətənlə döyünür! Ali Baş Komandanımız, biz Sizin əmrinizi gözləyirik. Və Vətən uğrunda canımızdan keçməyə hazırıq!

Hörmətlə,
Məsimov Mahir.
Rusiya Federasiyası, Volqoqrad şəhəri.

X X X

Hörmətli cənab Prezident!

Böyük ruh yüksəkliyi ilə müraciət edərək bildiririk ki, düşmənə qarşı istər ön cəbhədə, istər arxa cəbhədə döyüş və diversiya tapşırıqlarının yerinə yetirməyə tam hazırıq.

Cənab Prezident, hər an əmrinizi gözləyirik. Bizə bu xoşbəxtliyin nəsib olacağına inanırıq.

Ağdam rayon 95 saylı orta məktəbin kollektivi adından hörmətlə,
Səlimov Allahyar Ələkbər oğlu.
Azərbaycan Respublikası, Ağdam rayonu.

X X X

Çox hörmətli Prezident.

Sərrast atəşlə qüdrətli və yenilməz ordumuz düşməni çökdürəcək hala gətirəndə mən çox sevinirəm. Mən də özümü ordu sıralarında hiss edirəm. Ümid edirəm ki, mənə də yenidən düşmən qarşısına çıxmaq imkanı verəcəksiniz. Əmrinizi gözləyirik.

Hörmətlə,
Səfərov Asəf Ağaseyidəli oğlu, ehtiyatda olan hərbiçi.
Azərbaycan Respublikası, Abşeron rayonu.

X X X

Hörmətli və sevimli Prezidentimiz!

Sizi çox sevirəm, Sizə çox inanıram. Bizə yaşatdığınız bu sevinc üçün bir sadə vətəndaş kimi təşəkkür etmək istədim. Bütün çətinliklərə baxmayaraq Azərbaycanı bir müstəqil dövlət kimi ayaqda tutmaq üçün əlinizdən gələni etdiyinizin şahidiyik. 26 ildi həsrətini çəkdiyimiz bu qələbə sevincini bizə yaşatdığınız üçün Sizə ürəkdən təşəkkür edirəm. Vətənimizin taleyini, xalqını, millətini düşünən, elini, obasını, əsgərini, torpağını bu qədər sevən, dəyər verən Prezident olduğunuz üçün Sizə təşəkkür edirəm. Sizi çox sevirik, dualarımız Sizinlədi. Sizə uzun ömür, qələbə arzulayıram.

Hörmətlə,
Məmmədova Təranə Məmməd qızı.
Azərbaycan Respublikası, Naxçıvan Muxtar Respublikası, Ordubad rayonu.

X X X

Çox hörmətli Prezident.

Bu günlərdə cəbhə bölgəsində erməni silahlı dəstələrinin törətdiyi təxribata cavab olaraq Milli Ordumuzun düşmənə sarsıdıcı zərbələr endirməsi bizi hədsiz sevindirir. Bu bizi inandırır ki, şəhidlərimizin qanı yerdə qalmayacaq. Düşmənin yüzdən çox hərbçisinin ölməsi və yaralanması, xeyli hərbi texnikasının məhv edilməsi bir daha göstərir ki, Azərbaycanın Milli Ordusu erməniləri hər an yerində oturda bilər. Biz bununla fəxr edirik. Gənc dostlarımla birlikdə Sizin ətrafınızda sıx birləşmişik. Sizin əmrinizlə Vətənimizin ərazi bütövlüyünü bərpa etməyə biz də hazırıq.

Hörmətlə,
Məmmədov Araz.
Azərbaycan Respublikası, Lənkəran şəhəri.

X X X

Hörmətli cənab Ali Baş Komandan.

Menim 96 yaşım var. İkinci Dünya Müharibəsi veteranıyam. Sizin Qarabağ uğrunda döyüşlər aparmaq və erməni təxribatlarına cavab vermək barədə əmrinizi çoxdan gözləyirdim. Sizə və bütün xalqımıza qələbələr arzulayıram. Mən özüm də Sizin əmrinizdə hazıram. Vətən sağ olsun.

Hörmətlə,
Teymurov Sultan Xəlil oğlu.
Azərbaycan Respublikası, Cəlilabad rayonu, Badamağac kəndi.

X X X

Hörmətli Prezidentim.

Sizə birinci mən ona görə təşəkkür edirəm ki, 76 yaşlı anam dünyasını dəyişsə də ürəyimdə heç bir nisgillik qalmadı. Mən bir azərbaycanlı ata kimi şadam ki, belə qəhrəman əsgərlərimiz, övladlarımız var. Oğlum 1995-ci ildən 1998-ci ilə qədər döyüş bölgəsində qulluq edib. Hazırda nəvəm Əli Sulxayev döyüş bölgəsində qulluq edir. Mən Sizlərə və Ordu sıralarında olan bütün əsgərlərimizə həyatda olan cansağlığı və Vətən sevgisinin daha da artmasını arzulayıram. Aprel ayının 2-dən 4 yaşlı nəvəm Sulxaylı Məhəmmədi hərbi geyimdə bağçaya yola salıram. Sizə və Ordumuza bu Vətənin xilası yolunda uğurlar arzulayıram.

Hörmətlə,
Sulxayev Rafael Lələ oğlu.
Azərbaycan Respublikası, Zaqatala rayonu, Aşağı Tala kəndi.

X X X

Hörmətli cənab Prezident, Ali Baş Komandan.

Cəbhədəki son döyüşlərdə zabit Quliyev İntiqam Çingiz oğlu torpaqlarımızın geri qaytarılması uğrunda qəhrəmancasına şəhid olmuşdur. Sizin göstərişiniz və tapşırığınız əsasında Gəncə şəhərində şəhidlər xiyabanında möhtəşəm izdihamla, vətənpərvərlik əhval-ruhiyyəsində şəhidlərimiz dəfn edildi.

Möhtərəm cənab Prezident, şəhid olmuş və yaralanmış hərbçilərimizə göstərdiyiniz diqqət və qayğıya görə minnətdarlığımızı bildiririk.

Torpaqlarımızın azadlığı uğrunda canımızdan keçməyə hər zaman hazırıq. Allah yaralı əsgərlərimizə şəfa versin, şəhidlərimizə rəhmət eləsin.

Hörmətlə,
Zeynalov Qədir İbrahim oğlu,
II qrup Qarabağ müharibəsi əlili.
Azərbaycan Respublikası, Gəncə şəhəri.

X X X

Cənab Ali Baş komandan.

Azərbaycan Respublikasının Silahlı Qüvvələrinin İşğal altında olan torpaqlarımızın azad edilməsi məqsədilə keçirdiyi hərbi əməliyyat bütün Azərbaycan cəmiyyətinə, xüsusən biz gənclərə böyük örnəkdir. Bu əməliyyatın bir hissəsi olmaq, Azərbaycan Respublikasının ərazi bütövlüyü uğrunda döyüşmək "Bakı yığması"nın hər bir üzvünün arzusudur. Uğursuzluğa düçar olan və məğlubiyyətlə qarşılaşan düşmənin hərbi və siyasi rəhbərliyi bir sıra xarici kütləvi informasiya vasitələrində Azərbaycan Respublikasına qarşı təxribat xarakterli süjetlər, məqalələr yayıb və bu siyasətdən imtina etmək niyyətində deyil. Buna görə bu cür addımların qarşısını almaq məqsədilə yığmamız Rusiyanın birinci kanalında Azərbaycan bayrağını qaldırmaqla düşmənə mediada layiqli cavab verməyə daim hazırdır. Biz Sizin uzaqgörən siyasətinizi bəyənir və dəstəkləyirik.

Hörmətlə,

Şahbazbəyov Cavid
Nağıyev Tamerlan
Rəsulov Cəbrayıl
Həsənli Tural
Musayev Qalib
Rəhimov İsa
Useynov Emin
Dadaşov Orxan
Mamayev Rüfət, "Bakı yığması"nın üzvləri.

Azərbaycan Respublikası, Bakı şəhəri, Nəsimi rayonu.

X X X

Cənab Ali Baş Komandan.

Son günlər cəbhədə gedən döyüşlər bir Azərbaycan vətəndaşı kimi məni də narahat edir. Belə bir vaxtda düşmənlərimizə qarşı vuruşmağı özümə borc bilirəm. Səfərbərlik barədə əmrinizi gözləyirəm. Əminəm ki, torpaqlarımızın düşmən tapdağı altında qalmasına tezliklə son qoyulacaq.

Hörmətlə,
Səfiyev Elnur Nizami oğlu.
Azərbaycan Respublikası, Sumqayıt şəhəri.

X X X

Hörmətli cənab Prezident, Ali Baş Komandan.

Xalqımız Sizi və Ordumuzu dəstəkləyir. Son günlər keçirilən tədbirlər buna əyani sübutdur. Birliyimiz əbədidir və inanırıq ki, bu birliyimizlə biz düşmən tapdağında olan torpaqlarımızı da tezliklə işğaldan azad edəcəyik.

Cəbhədə Ordumuzun düşmən həmlələrinə layiqincə cavab verməsinə və bir neçə yaşayış məntəqəsinin işğaldan azad olunmasına görə Sizə minnətdarlığımı bildirirəm. Sizi qələbə və uğur münasibətilə səmimi qəlbdən təbrik edirəm.

Hörmətlə, Qələndərov Elvin Həmid oğlu.
Azərbaycan Respublikası, Sumqayıt şəhəri.

X X X

Hörmətli cənab Prezident.

Men Vətən uğrunda mübarizə aparmaq, icazənizlə ön cəbhəyə getmək istəyirəm. Sizdən həvəslə əmr gözləyirəm. Televiziya və internet vasitəsilə dünya azərbaycanlılarının Qarabağ məsələsində həmrəyliyini izlədikcə damarlarımızda qanımız coşur.

Hörmətlə,
Ulubəyov Elşad Yüzbəy oğlu, məktəbli.
Azərbaycan Respublikası, Xaçmaz rayonu.

X X X

Hörmətli Azərbaycan Prezidenti İlham Əliyev.

Bilin və arxayın olun ki, biz Təbriz türkləri daim Sizin arxanızdayıq. Siz istəsəniz Azərbaycan üçün canımızı verərik. Qarabağ bizimdir, bizim olacaq! Bunu qoy bütün dünya bilsin, bunu qoy ermənilər də yaxşı bilsinlər və Azərbaycan torpaqlarından çıxıb getsinlər.

Hörmətlə,
Türk Yaşar Məsum.
İran İslam Respublikası, Təbriz şəhəri.

X X X

Cənab Ali Baş Komandan.

Vətənim Azərbaycan uğrunda vuruşmağa hər an hazıram. Mən cəbhədə olmaq və düşmənə qarşı döyüşlərdə iştirak etmək istəyirəm. Bunun üçün Sizin əmrinizi gözləyirəm.

Möhtərəm Prezident, biz Sizə güvənirik və əminik ki, tezliklə torpaqlarımızı işğaldan azad edəcəyik.

Hörmətlə, Əliyev Füzuli Həmid oğlu.
Azərbaycan Respublikası, Abşeron rayonu, Xırdalan şəhəri.

X X X

Cənab Ali Baş Komandan.

Yazıb sizdən xahiş edirəm ki, məni Vətənin bu dar günündə ordu sıralarına könüllü olaraq qəbul edəsiniz. Mən də əsgər yoldaşlarım kimi, səngərlərdə düşmən üzərinə yürümək arzusu ilə yaşayıram. Mən müddətli həqiqi hərbi xidmətimi başa vurub ehtiyata buraxılmış artilleriya-rabitə manqa komandiriyəm. Mən və əsgər yoldaşlarım Sizin əmrinizi gözləyirik. Təşəkkür edirəm. Tanrı Sizi və xalqımızı qorusun.

Hörmətlə,
Kərimli Turan Abdulxalıq oğlu.
Azərbaycan Respublikası, Bakı şəhəri.

X X X

Hörmətli cənab Prezident.

Mən Qarabağ müharibəsi veteranıyam, zabitəm, tankçıyam. Yaşım çox olsa da fiziki cəhətdən tam yaxşıyam. Sizin əmrinizi gözləyirik ki, erməni işğalçılarını torpaqlarımızdan azad edək.

Hörmətlə,
Məhərrəmov Qulu Abdulkərim oğlu.
Azərbaycan Respublikası, Ağcabədi rayonu.

X X X

Cənab Ali Baş Komandan.

Uzun illər idi ki, torpaqlarımızın azad ediləcəyi günü görməyi arzulayırdıq. Bu iş artıq başlayıb. Buna görə Sizə minnətdarlığımı bildirirəm.

Mən Qarabağ müharibəsinin iştirakçısı olmuşam. Yenidən cəbhəyə yollanmağı özümə şərəf bilirəm. Əgər əmriniz olarsa, könüllü olaraq ön cəbhədə döyüşməyə hazıram. Uzun illər idi ki, bu günü gözləyirdim. Nəhayət, döyüşlər başlandı. İnanırıq ki, Sizin rəhbərliyinizlə Ordumuz tezliklə işğal altındakı torpaqlarımızı yağı düşməndən azad edəcək və biz qələbəni hər yerdə möhtəşəm şəkildə qeyd edəcəyik.

Hörmətlə,
Məhərrəmov İlham Akif oğlu.
Azərbaycan Respublikası, Goranboy rayonu.

X X X

Cənab Ali Baş Komandan.

Sizinlə qürur duyuram. Sizdən xahiş edirəm ki, mənim könüllü kimi cəbhə bölgəsinə getməyim üçün əmr verəsiniz. Əsgər qardaşlarımla çiyin-çiyinə döyüşməyi çox istəyirəm. Azərbaycana canım fəda olsun.

Hörmətlə,
Mərdanova Gülnarə Arif qızı.
Azərbaycan Respublikası, Xaçmaz rayonu.

X X X

Cənab Ali Baş Komandan İlham Əliyev.

Bizə yaratdığınız yüksək şəraitə görə Sizə dərin minnətdarlığımı bildirirəm. Bir şəhid qızı olaraq son günlərdə cəbhədə qazandığımız uğurlar məni hədsiz dərəcədə sevindirir. İnaniram ki, atam Mirzəyev Nurəddin Mehman oğlu kimi minlərlə şəhidimizin qanı yerdə qalmayacaq. Ümid edirəm ki, Sizin rəhbərliyinizlə üçrəngli bayrağımızı işğaldan azad edəcəyimiz torpaqlarımızda dalğalandıracağıq. Biz Sizinlə fəxr edirik. "Qarabağ bizimdir, bizim olacaq!"

Hörmətlə,
Mehmanlı Cəmalə Nurəddin qızı.
Azərbaycan Respublikası, Mingəçevir şəhəri.

X X X

Hörmətli cənab Prezident.

Sizi Ordumuzun bütün cəbhə boyu qazandığı qələbələrə görə səmimi qəlbdən təbrik edirəm. Sizə uzun ömür, can sağlığı arzu edirəm.

Cənab Ali Baş Komandan! Sizin bir əmriniz bəs edər ki, mən də bir Azərbaycanlı olaraq əlimə silah alım, ordu sıralarına qoşulum. Düşmənlərə qarşı vuruşmağa hazıram.

Hörmətlə,
Cəlilov Hacı Səfa Əsgər oğlu.
Azərbaycan Respublikası, Ağcabədi rayonu, Kəbirli kəndi.

X X X

Hörmətli cənab Prezident.

Cəbhə bölgəsində erməni silahlı dəstələrinin törətdiyi təxribata cavab olaraq Milli Ordumuzun düşmənə vurduğu zərbə hər birimizi hədsiz ruhlandırmışdır. Düşmənin xeyli canlı qüvvəsinin və hərbi texnikasının məhv edilməsi bir daha sübut etdi ki, Milli Ordumuz düşmənin ordusundan qat-qat güclüdür və torpaqlarımızın işğaldan azad etməyə qadirdir.

Cənab Prezident, xalqımızla kimi biz də Sizin ətrafınızda sıx birləşmişik. Sizin əmrinizlə Vətən uğrunda canımızdan keçməyə hazırıq.

Hörmətlə,
Babayev Baba.
Azərbaycan Respublikası, Lənkəran rayonu, Tütəpeştə kəndi.

X X X

Hörmətli cənab Prezident.

Sizi və xalqımızı üç gündə ermənilər üzərində qazanılan qələbə münasibətilə təbrik edirəm. Lakin mən sadə vətəndaş və torpağı erməni işğalçılarının tapdağında olan bir vətəndaş kimi Sizdən xahiş edirəm ki, bu səfərdə atəşkəs pozularsa səfərbərlik əmri verin gedək canla başla o dığaların tutarlı cavabını verək. Mənim ürəyim bu arzuyla döyünür. Biz bunların nazı ilə çox oynadıq. Bütün millət döyüşə hazırdır.

Hörmətlə,
Alıhümbətov İltumas Aşır oğlu.
Azərbaycan Respublikası, Füzuli rayonu, Qaraməmmədli kəndi.

X X X

Hörmətli cənab Prezident.

Sizdən Moskvada yaşayan həmvətənlərimiz adından xahiş edirik ki, Dağlıq Qarabağ məsələni ya sülh yolu ilə ya da müharibə yolu ilə tezliklə həll edin. Əgər müharibə yolu ilə həlli varsa, Vətənin keşiyində durmağa hazırıq. Bezdik Vətənsiz yaşamağa, bezdik ermənilərin çirkin danışıqlarından!

Hörmətlə,
Ağayev Elnur Elşən oğlu.
Rusiya Federasiyası, Moskva şəhəri.

X X X

Cənab Ali Baş Komandan.

Sizin daxili və xarici siyasətinizi alqışlayırıq. 2, 3, 4 aprel 2016-cı ildə döyüş bölgələrimizdə Ordumuzun qazandığı zəfərlər hamımızı sevindirir. Azərbaycan əsgərinin erməni faşistlərindən azad etdiyi öz torpaqları bunu sübut etdi ki, Ordumuz hər zaman torpaqların azad etməyə qadirdir. Allah şəhidlərə rəhmət eləsin. Biz də Azərbaycan vətəndaşları lazım gəlsə Ordumuz ilə bir yerdə torpaqlarımızı azad etməyə hazırıq.

Hörmətlə,
Abdullayev Əkrəm Ataxan oğlu,
Lerik rayon YAP Əliabad ərazi ilk partiya təşkilatının sədri.
Azərbaycan Respublikası, Lerik rayonu.

X X X

Hörmətli cənab Prezident.

Aprelin 2-də mənfur düşmənlərimizin törətdiyi təxribat nəticəsində hərbçilərimizin həlak olmasına çox üzülür. Sizə və xalqımıza başsağlığı verirəm. Ordumuzun bu təxribatlara layiqli cavab verərək düşmən əsgərlərini məhv etməsi və lazımi yüksəklikləri alması hər bir gənc kimi məni də sevindirir. Bu münasibətlə Sizi və xalqımızı təbrik edirəm. Mən də bir lerikli gənc kimi əsgərlərimizi dəstəkləyir, onlarla birgə döyüşmək üçün hər an əmrinizi gözləyirəm.

Yaşasın cənab Prezident!

Yaşasın Azərbaycan!

Hörmətlə,
Abbaszadə Orxan.
Azərbaycan Respublikası, Lerik rayonu, Vistən kəndi.

X X X

Hörmətli cənab Prezident.

Azərbaycandan uzaqda yaşasam da, ölkəmizdə baş verən hadisələri diqqətlə izləyirəm. Azərbaycanlı olaraq hər zaman Sizə və xalqımıza ləyaqətlə xidmət etməyə çalışmışam. Siz var olduqca ölkəmiz daim yüksəklərdə özünə layiqli yer tutacaq.

Mən hüquqşünasam, 6 xarici dil bilirəm. Sizin qərar və tapşırıqlarınızı müxtəlif ölkələrin və şirkətlərin nümayəndələrinə çatdırmaq üçün bütün mümkün vasitələrdən istifadə edirik.

Son günlər cəbhədə baş verənlərlə bağlı bildirmək istərdim ki, artıq düşmən Ordumuzun real gücünü gördü. Mən özüm ön cəbhədə xidmət keçmişəm, ona görə də erməni təxribatlarından xəbərdaram. Ümidvaram ki, bundan sonrakı addımlarında düşmən tərəfi indiki fiaskosunu nəzərə alacaq.

Cənab Ali Baş Komandan, düşünürəm ki, Dağlıq Qarabağı azad etməyin vaxtı artıq çatıb. Bütün azərbaycanlılar kimi, mən də Vətən uğrunda döyüşə getməyə hazıram. Biz Ali Baş Komandanımızın arxasınca getməyə hazırıq və əmrinizi gözləyirik.

Hörmətlə,
Rəsulov Bəxtiyar Şeruya oğlu.
Belarus Respublikası, Minsk şəhəri.

X X X

Cənab Ali Baş Komandan, möhtərəm Prezident İlham Əliyev.

Paytaxtın minlərlə gənci və idmançısı öz vətəndaşlıq borcunu yerinə yetirmək üçün könüllü olaraq cəbhəyə yollanmaq istədiklərini bildirirlər. Azərbaycan gənclərinin ən ali məqsədi torpaqlarımızın işğaldan azad olunmasıdır. Onlar bu yolda canlarından keçməyə hazırdırlar. Hamımız bir nəfər kimi Sizin apardığınız siyasəti dəstəkləyir və Ordumuzun yanında olduğumuzu bildiririk.

Hörmətlə,
Bayramov Rauf Cümşüd oğlu.
Azərbaycan Respublikası, Sumqayıt şəhəri.

X X X

Çox hörmətli cənab Prezident!

İlk növbədə, "Ukrayna Azərbaycanlıları Alimlər Şurası" İctimai Təşkilatının üzvləri - ukraynalı və azərbaycanlı alimlər Sizə olan ən xoş və əziz hisslərini ifadə edərək, son vaxtlar doğma Vətənimizdə Ermənistan-Azərbaycan, Dağlıq Qarabağ münaqişəsi ilə bağlı baş verən hadisələrə münasibətlərini bildirməkdən böyük məmnunluq duyurlar.

Tarixin gedişi təsdiq edir ki, xalqımızın geniş ürəkliliyini, qonaqpərvərliyini lazımınca qiymətləndirməyən namərd qonşularımız gec-tez öz paylarını almalı idilər. Bunu həyata keçirmək isə xalqımızın ümummilli lideri Heydər Əliyevin layiqli davamçısı kimi Sizin üzərinizə düşdü. Xalqımızın bir neçə əsr ərzində başına gətirilən bəlalar bizdə narahatlıq hissi yaratsa da, Sizin rəhbərliyinizlə Azərbaycanımızın bugünkü yekdilliyi və inkişafı inam yaradır ki, tezliklə Azərbaycan Respublikası öz müstəqilliyinin bütün hüquqi normalarına nail olacaqdır.

İnanın ki, biz Ukraynada yaşayan Azərbaycan alimləri Sizin siyasətinizi və həyata keçirdiyiniz tədbirləri yekdilliklə bəyənir, Sizə yeni-yeni uğurlar arzulayırıq.

Bir daha əminliklə bildiririk ki, Azərbaycan əsgəri öz Ali Baş Komandanının, şəxsən Sizin tapşırığınızı yerinə yetirməklə doğma torpaqlarımızın düşmən tapdağından azad olunması, işğal olunmuş ərazilərimizin qaytarılması uğrunda əzmlə döyüşəcəklər.

Çox hörmətli cənab Prezident, fürsətdən istifadə edərək, Sizə və bütün xalqımıza ən xoş, ən səmimi arzularımızı yetiririk. Əminliklə bildiririk ki, Azərbaycanımızın daha da inkişafı naminə Sizin uğurlu və milli maraqlara uyğun siyasətinizə dəstək verməklə doğma ölkəmizdəki biliklər iqtisadiyyatı və vətəndaş cəmiyyəti qurulması işində yaxından iştirak edəcək, Azərbaycanın elmi dəyərlərinin dünyanın qabaqcıl elm mərkəzlərinin təcrübəsinə uyğun qurulması sahəsində səylərimizi daha da gücləndirəcəyik.

Ən xoş arzularla və dərin hörmətlə,
Quliyev Arif, professor, "Ukrayna Azərbaycanlıları Alimlər Şurası" İctimai Təşkilatının sədri.
Ukrayna, Kiyev şəhəri.

X X X

Möhtərəm Azərbaycan Respublikasının Prezidenti.

Mən Ukrayna saytlarından birinin redaktoruyam. Azərbaycana başçılıq etdiyiniz bütün müddət ərzində, eləcə də Qarabağda münaqişənin eskalasiyası dövründə ölçülüb-biçilmiş və müdrik siyasətinizə görə Sizə minnətdarlığımı bildirmək istəyirəm. Fəxr edirəm ki, tarixi Vətənimin qüdrətli ordusu və arxasında harada yaşamasından asılı olmadan bütün Azərbaycan xalqının durduğu Prezident var. Mən Ukrayna ordusunda könüllü işləmişəm, hərbi hissədən təşəkkürnamə almışam, bir neçə ictimai aksiya təşkil etmişəm və həmişə hiss etmişəm ki, xalqımızın müdrik Prezidenti var. Prezident vəzifəsində fəaliyyətinizə görə Sizə səmimi təşəkkürümü bildirmək və bəyan etmək istəyirəm ki, Azərbaycanın suverenliyinin bərpası və müstəqilliyinin möhkəmlənməsi işinə öz töhfəmi verməyə həmişə hazıram. Vətənimə, xalqıma və Azərbaycan Prezidentinə xidmət etməyə həmişə hazıram. Burada özüm barədə verdiyim bütün məlumatlar həqiqidir. Kiyevdə Azərbaycan dövlətinə az da olsa faydam toxunsa, çox şad olardım.

Hörmətlə,

Əliyev Asif Rasim oğlu

Ukrayna, Kiyev şəhəri

x x x

Hörmətli cənab Prezident.

Səfərbərlik haqqında əmrinizi gözləyirik. Mən Azərbaycan vətəndaşıyam, Moskvada yaşayıram. Torpaqlarımızı azad etmək üçün Azərbaycana gəlmək istəyirəm. Səbirsizliklə Sizin əmrinizi gözləyirəm. İşğalçıların 20 ildən çoxdur ki, torpaqlarımızda yaşaması yetər.

Hörmətlə,

Hüseynli Şükufə Pərviz qızı

Rusiya Federasiyası, Moskva şəhəri

x x x

Hörmətli cənab Prezident.

Sizdən çox razıyıq. Sevinirik ki, Sizin kimi Prezidentimiz var. Allah Sizi qorusun. Biz daim Sizinləyik və Sizi dəstəkləyirik.

Son günlər cəbhədə Ordumuzun düşmənə divan tutması hamımızı qürurlandırdı. Biz də Ordumuzu dəstəkləyir, Ali Baş Komandanımızın yanındayıq. Əmriniz olarsa, könüllü olaraq cəbhəyə yollanmağa hazırıq. Əminik ki, Qarabağımız tezliklə işğaldan azad ediləcək.

Hörmətlə,

Rzayeva Zeynəb İlham qızı.

Azərbaycan Respublikası, Şirvan şəhəri

x x x

Hörmətli Azərbaycan Respublikası Silahlı Qüvvələrinin Ali Baş Komandanı İlham Əliyev.

Biz Sizin səfərbərlik haqqında əmrinizi gözləyirik. Rusiya Federasiyası vətəndaşı olsam da, hesab edirəm ki, torpağını müdafiə etmək hər bir azərbaycanlının borcudur. Biz hamımız gözəl Qarabağımızı erməni işğalçılarından azad etmək istəyirik. Səbirsizliklə Sizin əmrinizi gözləyirik.

Hörmətlə,

Səftərzadə Təbriz Çingiz oğlu

Rusiya Federasiyası, Proxladnı şəhəri

x x x

Hörmətli cənab Ali Baş Komandan.

Son günlər cəbhədə baş verən hadisələr ermənilərə verilmiş bizim çoxdan gözlədiyimiz layiqli cavabdır.

Hörmətli cənab Prezident, biz daim Sizinləyik, Sizə - Ali Baş Komandanımıza inanırıq. Əminik ki, Sizin rəhbərliyinizlə tezliklə torpaqlarımız işğaldan azad ediləcək. Cəbhədə baş verən son hadisələrlə bağlı onu bildirmək istəyirəm ki, Vətənimizin keşiyində durmağa, onun uğrunda canımı fəda etməyə həmişə hazıram. Bunun üçün bütün laçınlı gənclər sizin əmrinizi gözləyir

Hörmətlə,

Niftəliyev Kəmaləddin Nizami oğlu.

Azərbaycan Respublikası, Laçın rayonu, İmanlar kəndi

x x x

Hörmətli Prezident.

Mən Finlandiya və Böyük Vətən müharibəsi veteranının oğluyam. Bəxtim gətirib. Axı Azərbaycan adlı gözəl ölkədə anadan olmuşam, kiçik vətənim isə Lənkəran şəhəridir. Özümü vətənpərvər adlandıra bilərəm, çünki Vətən mənim üçün boş söz deyil, dəyər verdiyim məfhumdur. Mən 1983-1986-cı illərdə SSRİ Hərbi Dəniz Donanmasında xidmət etmişəm. Xidmətimi bitirdikdən sonra SSRİ Daxili İşlər Nazirliyində işləməyə başlamışam. SSRİ dağılandan sonra Rusiya DİN-də işləməyə davam etmişəm. 2015-ci ilin mayında polis kapitanı rütbəsində pensiyaya çıxmağıma baxmayaraq, döyüş ruhum yüksəkdir, könüllü olub cəbhənin istənilən nöqtəsində Vətənimi müdafiə etməyə və müqəddəs Azərbaycan torpaqlarını erməni terrorçularından azad etməyə hazıram. Cəsur ordumuz Sizin rəhbərliyiniz ilə düşmənə layiqli cavab verdi.

Əziz Prezident İlham Əliyev, biz həmişə Sizinləyik. Mən fəxr edirəm ki, azərbaycanlıyam. Allah müqəddəs və sevimli Vətənimizi, bütün xalqımızı qorusun!

Hörmətlə,

İrzayev Eldar İrza oğlu

Rusiya Federasiyası, Moskva şəhəri

x x x

Hörmətli cənab Prezident İlham Əliyev.

Azərbaycan Silahlı Qüvvələrinin Ermənistan hərbi birləşmələrinin təxribatlarına qarşı uğurlu döyüş əməliyyatları zamanı qardaşlarımızın həlak olması ilə əlaqədar Sizə dərin hüznlə başsağlığı verirəm. Allah şəhidlərimizə rəhmət eləsin, onların ruhu şad olsun. Biz həmişə doğma Azərbaycanın yanındayıq. Biz Ust-Kamenoqorskdan gəlib cəbhədəki qardaşlarımıza qoşulmaq, Azərbaycanın ərazi bütövlüyü uğrunda döyüşmək üçün Sizin əmrinizi gözləyirik. Biz Sizi çox sevirik, Sizə inanırıq. Allah Sizə kömək olsun!

Hörmətlə,

Əliyev Elxan Elyar oğlu

Qazaxıstan Respublikası, Ust-Kamenoqorsk şəhəri

x x x

Azərbaycan Respublikasının Prezidenti

Cənab Ali Baş Komandan.

Azərbaycan xalqı həmişə Sizə inanıb və inanır. Sizin sayənizdə işğal altındakı torpaqlarımızın azad edilməsi prosesi artıq başlanıb. Sevincimin həddi-hüdudu yoxdur. Bir hərbiçi, Azərbaycan oğlu kimi fəxr edirəm ki, Sizin kimi qayğıkeş, millətini sevən Prezidentimiz var. Artıq Ordumuz müasir texnika və silahlarla təmin olunub və düşmənə layiqli cavab verməyə qadirdir.

Son günlər müşahidə etdiklərim məndə qürur və iftixar hissi yaratdı. Bütün bunlara görə Sizə minnətdarlığımı bildirirəm. Nə yaxşı ki, varsınız, cənab Prezident! Allah Sizi qorusun.

Minnətdarlıq hissi ilə,

Əliyev Murad Sərhad oğlu.

Azərbaycan Respublikası, Hacıqabul rayonu

x x x

Salam, cənab Prezident, rəşadətli Azərbaycan Ordusunun Ali Baş Komandanı.

Bir vətənpərvər və 1995-1997-ci illərdə məhz "Lələ Təpə" strateji yüksəkliyinin ətəyində Füzuli rayonunun keşiyində durmuş ehtiyatda olan hərbi qulluqçu kimi, mən Sizin tək böyük şəxsiyyətin başçılıq etdiyi xalqıma və orduma görə sevinc və qürur hisslərimi gizlədə bilmirəm. Siz həm xarici, həm də daxili siyasətinizlə bütün dünyaya sübut etdiniz ki, Azərbaycan sadəcə kiçik ölkə deyil, çoxəsrlik tarixi və gözəl ənənələri olan dövlətdir. Mən fəxr edirəm ki, azərbaycanlıyam. Mən fəxr edirəm ki, Siz mənim Prezidentimsiniz. Bu məktubu da Sizə Rusiyadan ölkəmin iqtisadiyyatının, hərbi qüdrətinin inkişafında və Vətənimizin hər bir vətəndaşının sosial durumunun yaxşılaşmasında əzmkar əməyinizə görə sonsuz təşəkkürümü bildirmək üçün yazıram. Sizi inandırıram ki, hər an bütün işlərimi atıb Bakıya gəlməyə, torpaqlarımızı düşməndən tam təmizləmək üçün silaha sarılmağa hazıram. Sonda ölkəmizin istər hərbi, istərsə də iqtisadi qüdrətini hələ uzun müddət artırmağa davam etməyiniz üçün Sizə möhkəm cansağlığı və güclü olmağı arzu edirəm. Xalqımızın və Vətənimizin rifahı naminə gördüyünüz və bundan sonra da görəcəyiniz bütün işlərə görə Sizə təşəkkür edirəm.

Hörmətlə, sıraya düzülmək üçün Sizin əmrinizi gözləyən

Əkbərov İxtiyar Ələkbər oğlu

Rusiya Federasiyası, Tver şəhəri

x x x

Salam, hörmətli Prezident.

Vətəndən uzaqda yaşayıram. Könüllü olub torpaqlarımızı düşməndən təmizləmək istəyirəm. Səfərbərlik elan edəcəyiniz təqdirdə mənim namizədliyimi də nəzərdən keçirməyinizi xahiş edirəm. Çünki vətənim Azərbaycanın ərazi bütövlüyü uğrunda mübarizə aparmaq mənim üçün böyük şərəfdir.

Hörmətlə,

Əliyev Firuddin Elyar oğlu

Qazaxıstan Respublikası, Ust-Kamenoqorsk şəhəri

x x x

Möhtərəm Prezident İlham Əliyev.

Mən Gürcüstanda yaşayan azərbaycanlıyam. Xahiş edirəm ki, işğal altındakı torpaqların azad edilməsi prosesini dayandırmayın. Torpaqlarımızın azad edilməsində iştirak etməyi çox istəyirəm. Azərbaycan bayrağını Xankəndiyə, Şuşaya özüm sancmaq arzusundayam.

Hörmətlə,

Avacəlilov İsmayıl Oruc oğlu

Gürcüstan, Rustavi şəhəri

x x x

Salam, hörmətli cənab Prezident.

Bu məktubu Sizə Vətənimə görə qürur hissi ilə yazıram. Sizin əzminiz və xalqımın səyləri sayəsində ölkəmiz böyük nailiyyətlər əldə edib. İcazə verin, Rusiyada tanıdığım, amma üzrlü səbəblərdən məktub yaza bilməyən bütün azərbaycanlılar adından Sizə təşəkkür edim. Respublikamızın bu möhtəşəm qələbəsinə görə Sizə minnətdarlığımı və dəstəyimi ifadə etmək istəyirəm.

Sizə və ailə üzvlərinizə cansağlığı arzu edirəm. Biz həmişə Sizinləyik. Sülhsevər respublikamızın düşmənlərinə qarşı bu ədalətli və müqəddəs müharibədə Allahdan Sizə qələbə arzu edirəm. Azərbaycana eşq olsun! Rəşadətli Azərbaycan Ordusuna eşq olsun! Əsgərlərimiz döyüşə nəğmə ilə gedirlər. Onlar ölümü sevinclə qəbul edirlər, çünki düşmənlərdən fərqli olaraq, onlar şəhid olurlar. Bu torpaqlar bizim olub, bizimdir və bizim olacaq. Mən fəxr edirəm ki, azərbaycanlıyam.

Hörmət və qürur hissi ilə,

Sultanov Samir Əzizxan oğlu

Rusiya Federasiyası, Dolqoprudnı şəhəri

x x x

Cənab Ali Baş Komandan.

Mən və sədri olduğum Demokratik Azərbaycan Dünyası Partiyasının çoxsaylı üzvləri və tərəfdaşları torpaqlarımızı düşməndən azad etmək üçün səfərbərliyə hazırıq. Əmrinizi gözləyirik.

Hörmətlə,

Hüseynov Əlisahib Vəli oğlu

Azərbaycan Respublikası, Bakı şəhəri, Qaradağ rayonu

x x x

Hörmətli Prezident.

Həmişə qalib olun, Allah xalqımıza, Sizə və ailə üzvlərinizə daim sevinc bəxş etsin. Allahdan Sizə möhkəm cansağlığı, uzun ömür, saysız-hesabsız uğurlar və səadət arzu edirəm. Qoy, qələbə həmişə Sizinlə olsun. Milyonlarla insanı sevindirdiyiniz üçün Allah da Sizi sevindirsin. Amin!

Hörmətlə,

Səmədov Faiq Mürvət oğlu

Rusiya Federasiyası, Moskva şəhəri

Oxumağa davam et
Reklam
Reklam

Gündəm