Nida.az
“Bu mənim müharibəm deyil, amma deyirlər ki, gedin, ölün” – ERMƏNİSTANDA ETİRAZ - FOTOFAKT
“Bu mənim müharibəm deyil”, deyən ermənilər sosial
şəbəkələrdə İrəvan rejiminə etiraz edir.
Publika.az xəbər verir ki, Ermənistanın
“epress.am” saytı cəbhə xəttində baş verən hadisələrdən sonra sadə
ermənilərin Sarkisyan hakimiyyətinə etirazını ifadə edən statusları
yayımlayıb.
Bu statuslardan görünür ki, sadə ermənilər müharibə istəmir və
Dağlıq Qarabağın Azərbaycan torpağı olduğunu etiraf edirlər.
“Niyə anlamırıq ki, Azərbaycanın ərazilərini ələ keçirsək də, onu
həmişəlik saxlaya bilməyəcəyik. Rusiya bizi Azərbaycanın üzərinə
hücum etməyə məcbur edir, bizi it yerinə sayırlar. Biz it yox,
insanıq”.
***
“Bu mənim müharibəm deyil, bu güc və pul üçün mübarizə aparan
dövlət maşınının müharibəsidir”.
***
“Onlar bizə “Qarabağa get, öl, sənə medal verəcəyik” deyirlər.
Qorxma, ölə bilərsən. Əvəzinə yenisi doğulacaq. Onun da 18 yaşı
tamam olanda müharibəyə göndərəcəyik, o da öləcək”.
***
“Döyüşlərlə bağlı bizə verilən məlumatlara inanmayın. Hamısı
yalandır”.
***
“Azərbaycan əsgərləri postları ələ keçirdəndə rəsmi qurumlar bu
barədə bir cümlə də olsun danışmadılar. Biz daha nəyi
bilmirik?!”
***
“Müdafiə Nazirliyinin mətbuat xidmətinin rəhbəri Harsrun
Hovanisyanın dediklərinə inanırsınız? Bu axmaq yalan danışmağa nə
vaxt son qoyacaq?”
***
“Fövqəladə vəziyyət zamanı Ermənistanın bütün mediası 1-ci kanalın
klonlarına, bütün siyasi partiyalar isə iqtidar partiyasının
eybəcər “əkizlərinə” çevrilirlər”.
***
“Serj Sarkisyan deyəndə ki, “18 hərbiçi itirmişik, 35 yaralımız
var, amma Qarabağda vəziyyətə nəzarət edirik”, ona inananlar
tapılır. Sanki indiyə qədər yalan danışan bu adam deyildi. Onun
rəhbərlik etdiyi Ermənistan Respublika Partiyası bu ölkədə
insanları qətlə yetirmir, qarət etmir?! Sizə nə oldu belə?”
***
“Gedək, hamısını öldürək. Onların qanını içək. Biz haqlıyıq, onlar
yox. Bizim sözlərimizə inanın, başqalarına yox. Biz hücum etmirik,
bizə hücum edirlər. Bütün bunlar Serjikin hakimiyyətdə qalması
üçündür. Bizə deyirlər sülh istəməyin, danışıqları qəbul etməyin.
Gedib ölsək, uzaq başı, “facebook”da “Tanrı ruhunu şad etsin”
yazacaqlar. Amma bu heç kimə dərs olmayacaq. Biz daha çox qan tələb
edəcəyik. Bizə silahı satacaqlar və əmr edəcəklər ki, vur. Amma
üfunət bizi qane etməyəcək. Daha çox qan istəyirik. Biz razılaşacaq
və uşaqlarımızı ətçəkən maşının ağzına verəcəyik. Nəyə görə, Bu
vətənə görə?!”
***
“Uşaqlar, Azərbaycan KİV-nin yazdığına inanmayın. Yalnız erməni
“KQB”-sinə inanın”.
***
“Öl, mən səni sevəcəyəm, öl, mən sənə medal verəcəyəm. Sənin yerinə
biri doğulacaq. 18 yaşı çatanda o da gedib öləcək. Əhsən sizə. Amma
əgər sən yaşamaq istəyirsənsə, mən səni sevməyəcəm. Təki, sənin
dövlətini talan edənlər həlak olmasın”.
Ermənistan hakimiyyətinin təbliğat maşınına baxmayaraq, bütün bu
fikirlər düşmən ölkəsindəki vəziyyəti aydın şəkildə göstərir.
Asif Nərimanlı
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ
-
Nida Xəbər 07:50
Peter Siyartonun Azərbaycana rəsmi səfəri başladı
-
Sağlamlıq07:10
Yabanı halda bitən bu bitki xərçəng hüceyrələrini 48 saatda məhv edir!