Sarkisyan Xankəndinə niyə gəlib? – MƏQSƏD
Bizi izləyin

Nida.az

Sarkisyan Xankəndinə niyə gəlib? – MƏQSƏD

Sərkisyan ona ümid edir ki, Xankəndində olduğu müddətdə cəbhədə vəziyyət gərginləşsin və o, beynəlxalq aləmə deyə bilsin ki, Azərbaycan Ordusu onun Dağlıq Qarabağa səfərini pozmaq üçün atəşkəsi pozur.

Axar.az xəbər verir ki, bu sözləri politoloq Elxan Şahinoğlu Ermənistan prezidenti Serj Sərkisyanın Xankəndinə səfərini şərh edərkən deyib. Politoloq qeyd edib ki, Sərkisyanın Xankəndinə gəlməsində iki məqsədi var:

“Onun birinci məqsədi Dağlıq Qarabağ əhalisinə ürək-dirək verməkdir ki, qorxmayın, arxanızda Ermənistan və onun ordusu dayanıb. Dolayısıyla bu o deməkdir ki, Sərkisyan da anlayır ki, 2-5 aprel döyüşlərindən sonra Dağlıq Qarabağın erməni əhalisi qorxu içindədir. Qorxu üçün ciddi əsas var. Azərbaycan ordusunun sürətli yürüşü kifayət edəcək ki, Xankəndi azərbaycanlı hərbçilərin gözlə görünən məsafəsində olsun. Sərkisyanın Xankəndinə səfərində ikinci məqsədi Azərbaycanı təxribata çəkməkdir. Yəni Sərkisyan ona ümid edir ki, o, Xankləndində olduğu müddətdə cəbhədə vəziyyət gərginləşsin və o, beynəlxalq aləmə deyə bilsin ki, Azərbaycan ordusu onun Dağlıq Qarabağa səfərini pozmaq üçün atəşkəsi pozur”.

Analitik əlavə edib ki, Sərkisyanın səfəri nə bölgənin erməni əhalisini, nə də separatçıları ruhlandıracaq:

“Ona görə də Sərkisyana bu fürsəti vermək lazım deyil, qoy, görüşlərini keçirib, helikopterinə minib Ermənistana qayıtsın. Onsuz da onun Xankəndinə gəlişi nə bölgənin erməni əhalisini, nə də separatçıları ruhlandıracaq, yalandan generallarla bir-iki görüş keçirib, xəritələrin qarşısında poz verib çıxıb gedəcək. Biz isə öz işimizi davam etdirməliyik, hər gün, hər saat işğalçı snayper və ya minomyot atəşindən itki verməlidir, hərbçilərinin sayı azalmalıdır, dronlarımız əvvəlki tək işğalçıları vahimə içində saxlamalıdır. Bu prosesi Serj Sərkisyanın Xankəndinə səfərləri dayandırmaq imkanında deyil. Bunu erməni cəmiyyəti anlamağa başlayır. Sadəcə, elə etməliyik ki, bunu daha tez anlasınlar”.

Qeyd edək ki, bu gün Ermənistan prezidenti Serj Sərkisyan Dağlıq Qarabağa gəlib.

Oxumağa davam et
Reklam
Reklam

Gündəm