Nida.az
Sülhəddin Əkbər Milli Şuraya gələcəklə bağlı xəbərdarlıq etdi
“Milli Şura demokratik qüvvələrin Koordinasiya Mərkəzinə
çevriləcəksə, xalqın dəstəyini qazana biləcəksə, perspektivi
olacaq. Əgər bu vəzifələri yerinə yetirə bilməyəcəksə, nəinki Milli
Şuranın, heç bir qurumun perspektivi olmayaq”.
Bu barədə Milli Şuranın üzvü, Azad Demokratlar Partiyasının
(keçmiş ACP-red) Qurultaya hazırlıq üzrə Təşkilat Komitəsinin sədri
Sülhəddin Əkbər Publika.Az -a açıqlamasında deyib. Onun
fikrincə, bütün demokratik qüvvələr bir araya gəlsələr də xalqın
dəstəyini qazana bilməsələr yenə də perspektiv olmayacaq:
“Cəmiyyətdə ictimai-siyasi passivlik var və seçkilərdən sonra bu
passivlik daha da güclənir. Dəyişikliyə inam yaranmayana qədər ola
bilsin ki, bu ictimai-siyasi passivlik davam edəcək”.
S. Əkbər yaratdığı yeni partiyadan da danışıb. Hazırda qurultaya
hazırlıq prosesinin getdiyini deyən təşkilat komitəsinin sədri yeni
partiyanı iyunda təsis etmək fikrində olduqlarının, ona qədər isə
rayon təşkilatlarında təsiri konfranslarının yekunlaşdırılacağını
bildirib.
“Partiyanın bütün rayonlarda şöbələri yaradılacaq. İnsanların
əhval-ruhiyyəsi həmişə dəyişkəndir. Gələcəyə ümidlə baxırıq. İndiki
şərtlərdə yeni partiyanın yaradılması nə qədər çətin olsa da bu
partiyanı yaradacağıq. Hazırda KXCP-nin qərargahında fəaliyyət
göstəririk. Qurultaydan sonra yeni qərargah barədə düşünəcəyik.
Qanuna görə rəsmi sənədlərimiz təsis qurultayının sənədləri olacaq.
Təsis konfransı keçirərkən protokollar tərtib ediləcək. Nizamnamə
qəbul etmədiyimizə görə partiyanın rəhbər orqanları və müvafiq
təlimatlar da yoxdur. Daha sonra Ədliyyə Nazirliyinə müraciət
olunacaq. Partiyanın adından da göründüyü kimi liberal-demokratik
partiyadır: “Təməl prinsipləri fərdiyyətçilik, liberal məhdud
dövlət, azad bazar iqtisadiyyatı, nümayəndəli demokratiya və insan
haqları olacaq. Müxalif mövqedə dayanıb Azərbaycanın azadlığı,
demokratiyası, hüquqi dövlət, açıq cəmiyyət qurmaq uğrunda mübarizə
aparacağıq. Xarici siyasətin əsas sektoru ölkəmizin Avropaya və
Avroatlantik məkana inteqrasiyasıdır”-deyə o bildirib. Qeyd edib
ki, ölkədə Azərbaycan Liberal Partiyası və Azərbaycan Demokrat
Partiyası olsa da, ayrıca partiyaya ehtiyac duyulduğundan Azad
Demokratlar Partiyasını yaradırlar: “Müəyyən qrup adamlar var ki,
onlar müstəqil siyasət yürütmək istəyirlər. Həm siyasətin
qurulmasında, qərarların qəbulunda, həm də onların icrasında
müstəqil olmaq istəyirlər. Mən yeni qüvvələrin cəlb olunmasının
tərəfdarıyam. Amma bu o demək deyil ki, tanınmış siyasətçilər
partiyamızda olmayacaq. Lakin bu, bizim üçün prioritet deyil.
Müsavat və ya Açıq Cəmiyyət Partiyasından kimlərsə üzv olmaq
istəyəcəksə təbii ki, qapılarımız dostların üzünə açıqdır”.
Asif
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO