Nida.az
Qafar Əliyev: “Ulu öndər Qarabağın azad olunmasının özülünü qurub”
“Ümummilli lider Heydər Əliyev müasir Azərbaycanın
banisi, xilaskarı və qurucusudur”.
Bu barədə Publika.az-a açıqlamasında Prezident
Administrasiyasının (PA) İctimai-siyasi məsələlər şöbəsinin
diasporla iş sektorunun müdiri Qafar Əliyev deyib.
Azərbaycanın banisi
Q.Əliyev bildirib ki, onun müəllifi olduğu “Müasir
Azərbaycanın banisi, xilaskarı və qurucusu” kitabında
ümummilli liderin Azərbaycan üçün gördüyü işlər, atdığı addımlar
xarakterizə olunub: “Kitabda ilk olaraq ulu öndər Heydər Əliyevi
Azərbaycanın banisi olaraq xarakterizə etmişəm. Bilirik ki,
Azərbaycanda ilk demokratik respublika 1918-ci ildə Məmməd Əmin
Rəsulzadə, Əlimərdan bəy Topçubaşov, Fətəli xan Xoyski və digərləri
tərəfindən yaradılıb. 1920-ci ilin aprelində Azərbaycan Qırmızı
Ordu tərəfindən işğal edildi. Bunun nəticəsində Azərbaycanda
yaradılan Sosialist Respublikası 70 il ərzində davam etdi. SSRİ
süqut edəndən sonra isə Azərbaycan yenidən müstəqilliyinə qovuşdu.
Zaqafqaziya Seymini də əlavə etsək, bu respublika say baxımından
dördüncü idi. Bu müasir Azərbaycan Respublikasıdır və yeni tipli
demokratik dövlətin banisi, xilaskarı, qurucusu ümummilli lider
Heydər Əliyevdir. SSRİ-dən sonra yeni ideya-siyasi prinsipləri,
yeni konstitusiyanı, idarəçilik metodlarını irəli sürən, bunu
praktiki olaraq həyata keçirən Heydər Əliyev olub”.
Xilaskar
Q. Əliyev qeyd edib ki, Heydər Əliyev müasir Azərbaycanın xilaskarı
olaraq da tarixə düşüb.
“Azərbaycan müstəqilliyinə ümummilli liderin siyasi hakimiyyətə
qayıdışından iki il öncə sahib olmuşdu. Amma mən Heydər Əliyevi
Azərbaycanın xilaskarı olaraq xarakterizə edirəm. Çünki
1992-1993-cü illərdə Azərbaycanda bir tərəfdən vətəndaş müharibəsi,
digər tərəfdən, erməni işğalı yaşanırdı. Bütün bunların qarşısını
alınması isə yalnız ümummilli lider Heydər Əliyevin xidməti,
dövlətçilik təcrübəsi nəticəsində mümkün olub. Sözün həqiqi
mənasında Azərbaycan bir neçə hissəyə parçalanır, dövlət
müstəqilliyi əldən gedirdi. Yalnız ümummilli lider Heydər Əliyev
sayəsində Azərbaycan bu bəlalardan xilas ola bildi”, - deyə o
bildirib.
Müasir Azərbaycanın qurucusu
PA rəsmisi diqqətə çatdırıb ki, ümummilli lider həm də müasir
Azərbaycanın qurucusudur: “Ulu öndər qurucu prezident olaraq
Azərbaycanda islahatlar apardı, aqrar, özəlləşdirmə siyasəti
yürütdü, neft strategiyasını tətbiq etdi. Beləliklə ölkənin
sosial-iqtisadi inkişafının nəzəri, praktiki istiqamətlərini
müəyyən etdi. Azərbaycanın dinamik inkişafının bünövrəsini
yaratdığı, neft siyasətini müəyyənləşdirdiyi və radikal islahatlar
apardığı üçün Heydər Əliyev bu ölkənin qurucusu olaraq tarixə
düşüb. Bu gün ümummilli liderin siyasəti Prezident İlham Əliyev
tərəfindən uğurla davam etdirilir, quruculuq prosesi inkişaf
edir”.
Q.Əliyev bildirib ki, onun müəllifi olduğu 550 səhifəlik kitabda
ümummilli lider Heydər Əliyevin Azərbaycanı xilas etmək üçün atdığı
addımlar geniş şəkildə öz əksini tapıb: “Onun Naxçıvana gəlişi,
xilasetmə prosesinin oradan başlanması, Naxçıvandakı ictimai-siyasi
proseslər, Yeni Azərbaycan Partiyasının yaranması, ümummilli
liderin hakimiyyətə qayıdışı, vətəndaş müharibəsinin qarşısının
alınması, həyata keçirdiyi daxili və xarici siyasət kimi məsələlər
bu kitabda detalları ilə açıqlanır. Sonda isə bu siyasi kursun
davamı, bugünkü inkişaf, aparılan quruculuq prosesi də o kitabda
əksini tapıb. Əsas tezis odur ki, ümummilli lider Heydər Əliyev
müasir Azərbaycanın banisi, xilaskarı və qurucusudur”.
PA rəsmisi sözügedən kitabın bir neçə dildə nəşr edildiyini
deyib: “Kitab 2006-cı ildə Azərbaycan dilində işıq üzü görüb. Daha
sonra rus, qırğız, tacik, ingilis dillərində çap olunub. Hazırda
fransız dilində çapa hazırlanır. Kitabın bundan sonra da müxtəlif
dillərdə işıq üzü görməsi planlaşdırılır. Onun müxtəlif dillərə
tərcümə edilməsində məqsəd xaricdə yaşayan azərbaycanlıların
maarifləndirilməsidir. Artıq bu nəşr xaricdəki soydaşlarımızın
stolüstü kitabına çevrilib və təbliğat işlərində əsas
mənbədir”.
“Bu, Azərbaycanın qələbəsi ilə
nəticələnəcək”
Azərbaycanın əsas probleminin ərazi bütövlüyünün olduğunu deyən
Q.Əliyev bildirib ki, ümummilli lider Heydər Əliyev Dağlıq Qarabağ
münaqişəsinin ərazi bütövlüyümüz çərçivəsində həllinin elmi, nəzəri
və siyasi prinsiplərini müəyyən edib, özülünü qurub: “Bu özül
hazırda möhkəmləndirilir, torpaqlarımızın azad olunması
istiqamətində uğurlu fəaliyyət göstərilir. Bu fəaliyyətin sonu
Azərbaycanın qələbəsi ilə nəticələnəcək. Bütün bunların hamısı onu
deməyə əsas verir ki, Heydər Əliyev ideyaları həmişəyaşardır, heç
vaxt köhnəlməyib, qalib gəlir və gələcək”.
Asif Nərimanlı
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO