NATO Qafqazdan geri çəkilir, Qarabağda müharibə...

"Cənubi Qafqazda Dağlıq Qarabağ münaqişəsi ətrafında müharibə alovlana bilər".

Publika.az xəbər verir ki, bu barədə almaniyalı politoloq Aleksandr Rar deyib.

Onun sözlərinə görə, NATO Cənubi Qafqaz regionunda genişlənməyi arzu edir, lakin Rusiya ilə müharibəni də arzu etmir: "NATO Rusiya ilə vuruşmaq istəmir və onunla açıq qapı siyasəti aparır. Çünki Rusiyanın iştirakı olmadan dünyanın sabit arxitekturasının yaratmaq mümkün deyil. Lakin Ukraynada kəskinləşmə baş verir. Orada müharibə alovlana bilər. Həmçinin, Dağlıq Qarabağda müharibə alovu genişlənə bilər. Amma NATO-nun Qarabağ ətrafındakı proseslərdə rolunu görmürəm. NATO yalnız Gürcüstanı tərkibinə qəbul etmək istəyir. Təbii ki, Tiflis Moskva ilə ərazi mübahisəsini nə vaxt nizama salsa, bu o zaman baş verəcək. Rusiya ilə mübahisənin sona çatdırılması Abxaziyanın müstəqilliyinin tanınması ilə mümkün görünür. Lakin Gürcüstan uzun illər buna getməyəcək".

Almaniyalı politoloq qeyd edib ki, NATO Cənubi Qafqaz regionuna girə bilməyəcək: "Burada təhlükəsizlik məsələləri ATƏT çərçivəsində həll olunur və Rusiya ilə əməkdaşlıq edilir. NATO buna düşmən mövqedə yanaşır. Hesab edirəm ki, tezliklə Avropa Birliyi ilə Avrasiya İttifaqı arasında dialoq başlanacaq. Avropa Şanxay Əməkdaşlıq Təşkilatından (ŞƏT) üz çevirə bilmir. Almaniyada bu ideyanın konsepsiyasının formalaşması üçün ciddi işçi qrupları yaradılır. NATO indi diqqətini ərəb dünyasına və ola bilsin ki, Cənubi Çin dənizində Çinlə mübarizəyə yönəldəcək. Lakin Amerikada hakimiyyətə Donald Tramp gəlsə, onda dünyanın nizami ümumiyyətlə yenilənmiş ola bilər. O, ABŞ prezidentliyinə namizədlər arasında ilk şəxsdir ki, çoxqütblü dünyaya qorxunc çağırışlar kimi yox, Amerika üçün reallıq kimi baxır".

Asif