“Sarkisyan Qarabağın qaytarılmasına “hə” deyib” – Kremldəki mənbə

Dünən Moskvada baş tutan Putin-Sarkisyan görüşündən sonra Ermənistan prezidentinin bəyanatı Dağlıq Qarabağ münaqişəsinin həlli ilə bağı aparılan proseslərin dalana dirəndiyi görüntüsü yaradır. Xüsusilə Sarkisyanın "Ermənistan cəmiyyəti güzəştlərə hazır deyil, Qarabağ heç vaxt Azərbaycanın tərkib hissəsi olmayacaq" kimi sözləri onun yenidən "dördgünlük müharibə"dən əvvəlki mövqeyə qayıtdığı və qeyri-konstruktiv yanaşmalar sərgilədiyini göstərdi. Lakin bunun erməni ictimaiyyətinə yönəlmiş siyasi ritorika olması da istisna deyil.

Publika.az xəbər verir ki, Rusiyanın "Kommersant" nəşrinə danışan diplomatik mənbə də bunu təsdiqləyib.

Kremldəki yüksək vəzifəli diplomat nəşrə bildirib ki, Ermənistan rəhbərliyinin kəskin bəyanatlarına baxmayaraq, arxa planda nisbi razılıq əldə olunub: "Belə bir şəraitdə diplomatların və beynəlxalq təşkilatların dəstəyi ilə problemi həll etmək mümkündür. Təbii ki, bu, dərhal olmayacaq".

Mənbə qeyd edib ki, hazırda Prezident İlham Əliyev və Serj Sarkisyanın növbəti görüşünün hazırlanması prosesi aparılır.

Asif