Nida.az
Azərbaycandan Suriyaya əsgər göndərməkdən kimlər gəlir əldə edir? - SOS
Suriyada döyüşən azərbaycanlı kişilərə qadınlarımızın da qoşulduğu xəbəri gündəmdə “soyuq duş” effekti yaratdı.
Deməli, gələcəkdə potensial radikal Azərbaycan nəslinin təməlləri öz torpaqlarımızda deyil, məhz Suriyada atılır. Azərbaycanlı kişilərin bu yolu tutması şokundan ayılmamış qadınların da başqa torpaqlarda din uğrunda savaş yollanması həycana siqnalını işə salmalıdır desək, yanılmarıq. Xüsusilə, bəzən Suriyayua gedən qadınlar özləri ilə övladlarının da aparırsa. Amma ortada fakt olsa da, bunun qarşısı ala biləcək addımlar hələki görünmür. Səbəblərsə qaranlıq və naməlumdur.
Suriyada neçə azərbaycanlı qadın vuruşur?
Konfliktoloq Arif Yunus Publika.Az-a müsahibəsində
deyir ki, ondan olan dəqiq məlumata görə, Suriyada bu gün iki
azərbaycanlı qadın vuruşur: “Üçüncüsünü də olduğu deyilir, amma bu
dəqiq deyil: “Başqa torpaqlarda din uğrunda döyüşə azərbaycanlı
qadınların da getməsi faktı hələ 2009-cu ildən var. Bu gün Suriya
ilə yanaşı, Əfqanıstanda olan azərbaycanlı qadınlar da var.
Suriyada iki azərbaycanlı qadının olduğu dəqiqdirsə, Əfqanıstanda onların sayı 3-dür. Bu dəqiq informasiyadır. Gedən qadınlar da əsasən Azərbaycanın Şimal bölgəsindən olan 25-30 yaşlı cavan qızlardır. Bu qadınlar əsasən sələfi təriqətinə mənsubdurlar və Suriyaya gedənlər kişilər kimi 100 faiz Türkiyə yolu ilə gedirlər. Əvvəlcə Türkiyəyə gedir, oradan da asanlıqla Suriyaya keçə bilirlər”.
Ekspert qeyd edib ki, bu qadınların əksəriyyəti ərlərinin
arxasınca gedib və orda da qalıblar.
“Orda ərsiz qadın yoxdur. Bəzən Əsədə tərəfdarları və şiələrə yaxın
saytlar Suriyaya gedən qadınların cinsi istismar üçün getdiklərini
yazırlar, amma bu belə deyil. Sələfilərlə yaxın saytlar da şiələr
haqqında siğə etdiklərinə görə, müxtəlif informasiyalar
yazırlar.
Amma bir var informasiya müharibəsi, bir də var reallıq. Reallıq odur ki, bu qadınlar da kişilər kimi əqidələrinə görə bu yolu tutublar. Söhbət ondan getmir ki, onlar düz yol tutublar, ya yox. Bu yol yanlış da olsa onlar bunu edirlər və inanırlar ki, Allah yolunda vuruşur, öldükdə də cənnətə gedəcəklər. Güman ki, ora gedənlərin 90 faizi sağ qayıtmayacaq və özləri də bunu yaxşı bilirlər, buna rəğmən də bu yolu tuturlar”-deyə A. Yunus qeyd edib.
“Quru çörək yesinlər, öz torpaqlarında, evlərində
olsunlar”-millət vəkilindən çağırış
Şərqşünaslıq İnstitutunun direktoru, millət vəkili
Gövhər Baxşəliyeva məsələ ilə bağlı
Publika.Az -a açıqlamasında
Azərbaycanın Suriyada səfirliyi bu ölkədə işini dayandırıbsa, həmin
qadınların uşaqların taleyi ilə bağlı məlumat almaq, onları geri
qaytarmaq çətindir: “Axı bilinmir ki, o qadınlar uşaqları ilə
Suriyada hansı bölgədədirlər. Milli Məclis Suriyaya döyüşə
yollananlarla bağlı qanunvericiliyi sərtləşdirdi. Biz daha nə edə
bilərik. Günah o qadınlardadır ki, onlar həyat yoldaşlarının düz
yolda olmadığını bilə-bilə onlarla Suriyaya yollanırlar.
Düzdür bəziləri ora gedənə qədər bilmirlər nə üçün gedirlər. Amma bilə-bilə uşağı da götürüb bu ölkəyə gedəndə təhlükəni hiss etməli idilər. Mən həyat yoldaşları bu cür radikal dini təriqətlərə qoşulanlara demək istəyirəm ki, ac qalsalar da öz ölkələrində qalmağı seçsinlər. Quru çörək yesinlər, öz torpaqlarında, evlərində olsunlar. “Cihad” adı ilə Suriyaya döyüşə gedən həyat yoldaşlarına qoşulub bu səhv addımı atmasınlar ki, sabah geri də qayıtmaq problem olsun”.
“Suriyaya gedənlərə insan alveri faktoru kimi baxmalıyıq”
Qadın Krisiz Mərkəzinin rəhbəri Mətanət Əzizova
Publika.Az-a deyib ki, Suriyaya qadınların getməsi faktı ilə
bağlı onlara müraciət olunmayıb. Onun sözlərinə görə, ər, arvad,
bəzən də uşaqların Suriyaya getməsi “ideya” uğrundadır: “Ona görə
də bununla bağlı kimsə müraciət etmir. Məsələ o vaxt ortaya çıxır
ki, valideynlər övladlarının axtarmağa başlayır. O da ora
gedənlərin ölüm, yaxud itkin düşməsi xəbəri gələrkən baş verir. Mən
burdan o valideynlərə üz tutaraq demək istəyirəm ki, nə üçün
vaxtına müvafiq orqanlara müraciət etməmisiniz. Çünki bu bir günü
içində baş verən məsələ deyil. Ən azından övladlarının bu yola
düşdüyünü valideyn bir il öncədən də bilə bilər”.
M. Əzizova qeyd edib ki, burda təkcə din amili deyil, insan alveri faktoru da var: “Hansısa müharibəyə kimisə sövq etmək, vədlər verərək müharibə zonasına göndərmək insan alveri faktorudur. Müxtəlif qüvvələr bundan dvidentlər əldə edir. Çünki ora gedənlərə əsas vəd cənnətdə düşməkdir. Digər vədlər isə “döyüş, qayıdanda ev ala bilərsən” və digərdir. Yəni birinci məsələ maliyyə məsələsidir”.
Ekspert təklif edir ki, bu məsələyə dini durum kimi deyil, insan alveri kimi baxmaq lazımdır.
“İstər uşaqları, istər qadınları və kişiləri müharibə zonasına göndərmək, müxtəlif vədlər verməklə hansısa qüvvələr gəlir əldə edir. Kimlər gəlir əldə edir, bu aydınlaşmalıdır. Mən sizin saytınızdan bildirirəm ki, buna insan alveri faktoru kimi baxmalıyıq. Çünki ora getmək Türkiyəyə gedirlər. Türkiyəyə getmək üçün də əlində pul olmalıdır.
Orda müxtəlif insanlarla görüşür, Suriyaya keçirlər. Yəni bütün bu işləri kimlərsə Azərbaycan, Türkiyə və Suriya üzrə bölüşdürüb. O da məlumdur ki, Azərbaycanda Suriyaya döyüşçü göndərməkdə kimlərsə maraqlıdır. Eyni ssenari Orta Asiyada da var. Lakin onlar buna insan alveri faktoru kimi baxırlar. Dövlət qurumları, QHT-lər eyni mövqedən çıxış edirlər”.
M. Əzizova “Azərbaycandan Suriyaya əsgər göndərməkdən kimlər gəlir əldə edir? Buna cavab tapmaq lazımdır” deyə qeyd edib.
Asif Nərimanlı
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ