• USD 1,7000 0,00% EUR 1,9090 0,00%
    • GBP 2,1180 0,00% RUB 0,0241 0,00%

1 sentyabr Dünya Sülh Günüdür - FOTOLAR

  • Nida.az
  • 1 Sentyabr 2016 12:45
  • 1 182 Baxış
1 sentyabr Dünya Sülh Günüdür - FOTOLAR

Almaniya 1 sentyabr 1939-cu ildə Polşanı işğal etdi. Bu eyni zamanda arxasında 52 milyon ölü, milyonlarla yaralı və xarabalıq yığınına dönən şəhərlər qoyan İkinci Dünya Müharibəsinin başladığı tarix oldu. Müharibə sona çatdıqdan sonra isə dağıntıların izlərinin silinməsi üçün 1 sentyabr "Dünya Sülh Günü" elan edildi.

Aradan illər keçsə də, dünyada cərəyan edən inkişafa baxdığımızda insanlığın bu böyük faciədən dərs almadığını görürük...

Müharibələrdən ən çox zərər çəkən dünən olduğu kimi bu gün də uşaqlardır. Bəzisi hələ yeriməyi öyrənməmiş sonu gəlməyən bir sürgün həyatına məhkum edilir, bəzisi də bombaların və bombaları istiqamətləndirən axmaq siyasətin hədəfi olub ölür.

Biz isə yaşananları təxəyyül etməkdən əlavə bir görüntünün təsiri qədər onların aldığı zərbələrdən xəbərdar ola bilirik.

5 yaşındakı Ümran Hələbdəki hava bombardmanından sonra yaşadığı evin dağıntıları altından çıxarılıb. Savaş və köç fotoşəkilləri də istehlakın bir parçası olub ani reaksiya ilə çox danışılsa da, tez unudulur.

Kiçik bədəni Bodrumda sahilə çıxan 3 yaşındakı Aylan. Bu barədə düşünürükmü, ya da davamlı olaraq düşünürükmü?

Şəklini görməyəndə orada bir müharibə olmadığını, insanların ölmədiyini düşünə bilərsiniz. Amma vəziyyət təəssüf ki, elə deyil. Suriyalı uşaqların taleyi: ölkədə qalsan – Ümran, getsən – Aylan...

Tutaq ki, gedə bildin. Müharibəyə görə ölkələrini tərk edib Almaniyaya sığınan 9 min uşaq itkindir.

BMT-nin məlumatlarına görə, hər 3 saniyədə bir uşaq qaçqın düşür. İnsanlıq bu sualları özünə verməlidir: "niyə"' və "nə üçün?"

UNICEF-in keçən il hazırladığı sənədə görə 1 milyon 600 min uşaq təhsildən məhrum şəkildə böyüyür. 6 milyondan çox uşağın yardıma ehtiyacı var. Savaş sahəsini tərk edib başqa ölkələrə qaçqın olaraq gedənlərin yüzdə 56 faizi uşaqdır və bu uşaqların 4 mindən çoxu yalnız yaşayır.

Suriyadakı döyüşdə 21623 uşaq həyatını itirdi

Dünya Sülh Gününüz Mübarək!

Əli

Halal Nemət

Xəbər lenti

DAHA ÇOX XƏBƏR