Nida.az
Terror simpatiyası, tapşırıq, dəstək - Əli Kərimli radikal dindarları niyə toplayır?
Vaxtilə müxtəlif rənglərə boyanıb Bakının küçələrində
"mitinq" deyə qısqıran radikal müxalifətin son 10 ildə görünməməsi,
yaxud mövsümü olaraq ortaya çıxıb, sonra itməsi adi hal alıb.
Burada parçalanan müxalifətin şəxsi ambisiyalar üzərindəki
intiriqaları ilə yanaşı, ölkədə dəyişən reallıqlar da mühüm rol
oynayıb. Hər şeydən öncə, Azərbaycan iqtidarının apardığı uğurlu
sosial-iqtisadi siyasət nəticəsində tərəfdarlarının sayı getdikcə
azalan radikal müxalifət ölkənin siyasi səhnəsində silinmək
təhlükəsi ilə üzləşib. Hətta artıq silinib də deyə
bilərik.
Və elə bu zamanda Qərb dairələri radikal müxalifətə dəstəyini
artırır, onları yenidən siyasi həyatın üzünə çıxarmağa
çalışırlar.
Məqsəd Azərbaycanda klassik ssenari olan "vuran əl" missiyasını
dirçəltməkdir. Lakin klassik ssenariyə yeni elementlər də əlavə
olunur.
Belə ki, radikal müxalifəti siyasi səhnəyə qaytarmaq üçün onların
radikal dindarlarla əlaqələri qurulur.
"Milli Şura"nın sentyabrın 11-də keçirilən mitinqində Mövsüm
Səmədov və Taleh Bağırzadənin tərəfdarlarının iştirakı, AXCP
rəhbərliyinin adıçəkilən şəxslərin azadlığa buraxılması ilə bağlı
bəyanatları da bunu bir daha sübut edir.
Bu, Qərb dairələrinin planlarıdır. Lakin reallıqda radikal
dindarlarla Milli Şura və AXCP arasındakı dərin çatların olduğu da
aydındır. Sosial şəbəkələrdə səslənən fikirlər bunu deməyə əsas
verir.
Dindarlar hesab edirlər ki, onlara "qucaq açan" Milli Şura
onlardan Əli Kərimlinin siyasi ambisiyalarının reallaşdırılmasında
vasitə kimi istifadə edir. Həmçinin, dindarlar Milli Şuraya yalnız
meydanı doldurmaq və izdiham görüntüsü yaratmaq üçün lazımdır.
Dindarlar Qərb dairələrinin sifarişini yerinə yetirən Əli
Kərimlinin əlində oyuncaq olduqlarını görür və mitinqə
qoşulmaqlarını səhv hesab edirlər.
Sosial şəbəkələrdə etiraz aksiyası zamanı dindarların
nümayəndəsinə söz verilməməsi, onlardan yalnız sonda ümumi cümlə
ilə bəhs olunmasını həzm edə bilmirlər.
Aktiv radikal dindarlar "Qərbçi müxalifətin içərisində həzm olunmamaq" üçün tərəfdarlarını ehtiyatlı olmağa çağırır, satqın müxalifətlə əlaqələri tənqid edirlər.
"İslamçılar Qərbyönümlü müxalifətin içində həzm
olunmamalıdırlar. Bu müxalif qrupların islamla ziddiyyətləri var",
- Tohid İbarahimbəyli yazır.
Mövsüm Səmədov səhifəsinin admini isə Milli Şuranın sonuncu
mitinqini dindarların hesabına doldurduğunu yazıb. "Milli Şura
indiyə qədər dəfələrlə mitinqlər edib. Amma heç vaxt bu qədər adam
yığışmamışdı", - deyə o bildirir.
Rauf Musazadə adlı dindar isə təəccüb edir: "Sionistlərlə
(müxalifət) möminlər necə dil tapıb? Möminlər, bu sionist
fondlarından pul alan müxalifətə inanmayın. 2005-ci ildə bunlar
Corc Buşun şəklini mitinqdə qaldırırdılar. O vaxt Amerika müsəlman
şiə İraq xalqını qətl edir, hərəmləri bombalayırdı".
Başqa bir dindar isə sual edir: "Ə.Kərimlinin məscidə getdiyini,
namaz qıldığını görən olub? Amma Amerika səfərliyindən əl
çəkmir".
Heç vaxt namaz qılmayan, Amerika səfirliyinin qapısı önündən əl
çəkməyən Əli Kərimlinin radikal dini kəsim üzərindən siyasət
aparması ilk dəfə deyil.
Hələ 2014-cü ildə o, dini kəsimlə yaxınlaşaraq, yeni bir
AXCP-nin yaranması zərurətini irəli sürmüşdü.
Dini kəsimin AXCP-yə hər şeydən öncə sıfırlanan elektoratının
qarşısına heç olmasa 1 rəqəmini artırmaq üçün lazımdır.
Dini kəsimin xüsusilə radikal qanadına ağırlıq verilməsi Milli
Şuranın radikallığı ilə üst-üstə düşməsindən irəli gəlir.
AXCP-nin FETÖ ilə bağlantılarının olması fonunda da radikal dini
kəsimlə əlaqələrin səbəbi aydın olur.
Həmçinin, bu, AXCP-nin "hakimiyyətin getməsi üçün" istənilən
vasitədən istifadə etməsi düşüncəsindən doğan amillərdəndir.
Təsadüfi deyil ki, AXCP rəhbərliyi 2014-cü ildə "Meşə qardaşları"
və "Ceyşullah" kimi terrora meylli radikal dini qruplara da dəstək
verirdi.
Belə ki, həmin vaxt adıçəkilən bu iki qrup Azərbaycan
hakimiyyətinə təhdid mesajı ünvanlamışdı.
AXCP sədrinin müavini Fuad Qəhrəmanlı "facebook" səhifəsində
iqtidara "bu hələ başlanğıcdır" mesajını verdi.
"Başlandı. "Meşə qardaşları" və "Ceyşullah" dini təşkilatları
Azərbaycan iqtidarına qarşı cihad qərarı veriblər və silahlı
mübarizəyə başlayacaqlarını bəyan ediblər. İndi özünüzün,
övladlarınızın üstünə gələcək canlı bombalardan, terror
aksiyalarından qorunun görək, necə qorunacaqsınız? Azərbaycandan
qat- qat güclü, professional kəşfiyyat təşkilatı olan ölkələr
silahlı mübarizənin, terrorun qarşısını kəsə bilmirlərsə, sizlər
necə edəcəksiniz? Bu hələ başlanğıcdır", - deyə o bəyan etdi.
İndi həmin terror simpatiyalı radikal istiqamət AXCP siyasətində
daha aydın şəkildə görünür.
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT