Nida.az
Bakının Qarabağ üçün xilas planı: İrəvan bütün cəbhələrdə məğlub olur
Ermənistanda Dağlıq Qarabağ münaqişəsinin həlli ilə
bağlı olan Madrid prinsiplərini yenidən gözdən keçirmək fikri
ortaya atılıb.
Publika.az xəbər verir ki, Ermənistan xarici
işlər nazirinin müavini Şavarş Koçaryan Madrid prinsiplərinin
"gözdən keçirilməsi" haqda danışıb.
Burada ən diqqətçəkən məqam Ermənistanda hökumətin dəyişikliyi
fonunda bu fikirlərin səsləndirilməsidir. Ermənistanın baş naziri
Ovik Abramyan istefaya göndərildi. Hansı ki, biznesmen Qaqik
Sarukyanın kürəkəni olan Obramyan qayınatasının Sarkisyanla
anlaşmasından sonra bu posta gətirilmişdi. Onu birbaşa Kremlin ən
yaxınında olan Karen Karapetyan əvəz etdi. Ehtimallara görə,
Karapetyanın baş nazir postuna gətirilməsi həm də Dağlıq Qarabağa
münaqişəsinin həlli üçün Rusiyanın irəli sürdüyü planın tətbiqini
sürətləndirməkdir.
Bu dəyişiklik kontekstində Madrid prinsiplərinin yenidən gündəmə
gətirilməsi ilə Ermənistanın nə etmək istədiyi də
maraqlıdır.
İrəvan bu prinsiplərdən imtina edə bilməz. Çünki bunun baş
verməsi indiyə qədər aparılan danışıqların sıfırlanması deməkdir.
Deməli burada başqa məqamlar var.
Erməni jurnalist Aram Amatuninin şərhi bu məqamda diqqət çəkir.
"Hesab etmək olar ki, İrəvanın Madrid prinsiplərini gündəmə
gətirməsi danışıqlar prosesinin sürətləndirilməsinə xidmət edir.
Çünki bu prinsiplər 2007-ci ildə - Robert Koçaryanın prezidentliyi,
Vardan Oskanyanın xarici işlər nazirliyi dövründə qəbul olunub.
Sarkisyan hakimiyyəti dövründə də bu prinsiplər əsas tutulub. İndi
hakimiyyətin ötürülməsi ərəfəsində yenidən bunun gündəmə gəlməsi
ortada ciddi güzəştlərin olduğunu deməyə əsas verir. Belə görünür
ki, İrəvan hakimiyyət dəyişikliyinə paralel şəkildə Qarabağ
münaqişəsində də güzəştləri aparacaq", - deyə erməni
jurnalist qeyd edib.
***
Hazırda Ermənistanın iqtisadi və siyasi vəziyyəti ağırdır. Bunun
fonunda erməni diplomatiyası rəsmi Bakının qarşısında duruş gətirə
bilməyəcəyini də anlayır. Son günlər gündəmə olan iki hadisə də
bunu təsdiqlədi.
1. İlham Əliyev Sarkisyanı yerində oturtdu.
Sentyabrın 16-da MDB dövlət başçılarının Bişkekdə keçirilən
iclasında Serj Sarkisyan aprel döyüşlərinə görə Azərbaycanı ittiham
etməyə başladı. Prezident İlham Əliyevin "yalanlarınızla bütün
dünyanı bezdirmisiniz" deyə sərt reaksiyasından sonra Sarkisyanın
dili topuq çaldı. O, "Yalana cavab vermək mənasızdır" deyərək,
özünü güclü göstərməyə çalışanda, İlham Əliyev "Mən artıq yalana
cavab verdim" sözləri erməni prezidentini "siyasi nokaud"a saldı.
Bu, Sarkisyanın timsalında bütün Ermənistan diplomatiyasının
məğlubiyyəti idi.
Erməni jurnalist Qraçya Qalustyanın Bişkekdə baş verənlərlə
bağlı yazdıqları İlham Əliyevin sərt sözlərinin Ermənistan
ictimaiyyətinə təsirini aydın ifadə edir.
"Serj Sarkisyan Bişkek iclasında aprel hadisələrinə toxunaraq Azərbaycanın ünvanına tənqidlər səsləndirdi. O, yavaş-yavaş, yeknəsək, darıxdırıcı və bəzən səhvlər buraxaraq kağızdan oxuyurdu. Onun nitqi hamının əsnəməsinə səbəb oldu. Artıq bu, birinci biabırçı fakt idi. Çünki bizim ölkəni savadsız təqdim edir, onun çıxışı ilə kolleqalarının heç biri ona hörmət etmirlər. Həm də bunu gizlətmirlər belə. Axı, birinci dəfə deyil. Hətta Vladimir Putin belə Sarkisyana hörmət etmədiyini nümayiş etdirdi. Ermənistan prezidentinə hörmət qoyulmadığı daha sonra açıq şəkildə ortaya çıxdı. Belə ki, əlifba sırası ilə Belarus prezidenti Aleksandr Lukaşenko çıxış etməli idi. Lakin İlham Əliyev Lukaşenkodan çıxış üçün icazə istədi. O rədd edə bilərdi, amma kimə görə, Serj Sarkisyana görəmi? Lukaşenko Əliyevə Sarkisyanı alçaltmağa şərait yaratdı. İlham Əliyev "Ermənistan tərəfi şikayətləri ilə artıq bütün beynəlxalq təşkilatları bezdirib" deyə bildirdi. Bu, açıq şəkildə Sarkisyanı, ümumiyyətlə Ermənistanı şillələmək idi. Özü də bu şillə medianın və prezidentlərin önündə gəldi. Hər kəs Əliyevə hörmətlə qulaq asdı. Sarkisyan isə canını yazıq fraza ilə qurtarmağa çalışdı: "Yalana cavab vermək mənasızdır". Dərhal Əliyevdən növbəti zərbə gəldi: "Mən artıq yalana cavab verdim". Diplomatiyanı və mübahisə etməyi bacarmayan, müzakirələrdən qaçan bu adama niyə dözməliyik?", - Q. Qalustyan yazıb.
2. Beynəlxalq arenada Azərbaycanın irəliləyişi
Venesuelada keçirilən Qoşulmama Hərəkatının zirvə toplantısında
Dağlıq Qarabağla bağlı qərar qəbul edildi və Ermənistanın işğalçı
olduğu faktiki olaraq təsdiqləndi. Qoşulmama hərəkatında 120
ölkənin təmsil olunduğunu nəzərə alsaq, bu, bütün beynəlxalq
ictimaiyyətin erməni işğalçılığını təsdiq etməsi deməkdir. Başqa
sözlə, İlham Əliyevdən Bişkekdə şillə yeyən Sarkisyandan sonra,
Ermənistanın işğalçılıq siyasəti 10 dövlət tərəfindən qəbul olundu.
Bu, ard-arda iki zərbə deməkdir.
***
Baş verənlər fonunda Ermənistanın Madrid prinsiplərini gündəmə
gətirməsi erməni ictimaiyyətini əraziləri qaytaramağa hazırlamaq
gedişi olaraq qəbul olunmalıdır. Lakin o da faktdır ki, erməni
əhalisinin əksər hissəsi Qarabağın qaytarılmasına razıdır. Onlar
sadəcə müharibə istəmir.
Ermənistanda "Region" Tədqiqatlar Mərkəzinin direktoru Laura
Baqdasaryanın 20 gün öncəki açıqlaması bunu sübut edir.
Mərkəzin direktoru deyir ki, Ermənistan ictimaiyyəti münaqişənin
həll olunması və müharibənin baş verməməsi üçün əraziləri
qaytarmağa hazırdır.
"Əvvəllər Qarabağ məsələsi erməni cəmiyyəti üçün dördüncü, beşinci
yerdə idi. Əsas diqqət həmişə daxili problemlərə yönəlmişdi. Aprel
döyüşlərindən sonra isə cəmiyyət ordudakı səhvlərdən danışmağa
başladı. İnsanlar anladılar ki, Qarabağda baş verən hər hansı
hadisə Ermənistan üçün itkidir. Cəmiyyət Qarabağ münaqişəsinin
nizama salınmasının mümkün variantlarını müzakirə etməyə başladı.
Hazırda erməni cəmiyyəti müharibədə döyüşməmək üçün Qarabağı
güzəştə getməyə razıdır". (http://publika.az/p/148349).
Göründüyü kimi, rəsmi Bakının diplomatiyası qalib gəlir. Bu qalibiyyət həm də Qarabağın azad olunması işini sürətləndirir.
Asif
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY