Nida.az
İcra hakimiyyəti AXCP-nin keçmiş qərargahı ilə bağlı açıqlama verdi
“Media forum” saytı Bakıda, Tələt Şıxəliyev küçəsi, 8-də yerləşmiş mülkün sahibi Azər Əsgərovun Nərimanov Rayon İcra Hakimiyyətinə ünvanladığı müraciətlərin aqibəti ilə maraqlanıb.
Martın 3-də AXCP-nin Tələt Şıxəliyev küçəsi, 8-də yerləşən qərargahının zirzəmisində baş verən partlayışdan sonra əraziyə Fövqəladə Hallar Nazirliyinin əməkdaşları baxış keçirib. Binanın qəzalı vəziyyətdə olduğuna dair akt hazırlanıb və bina sökülüb.
Aprelin 10-da “Media forum”a açıqlama verən Azər Əsgərov mülkünün qanunsuz söküldüyünü deyib, bununla bağlı iki dəfə Nərimanov Rayon İcra Hakimiyyətinə müraciət etdiyini, cavab ala bilmədiyini, ona məxsus əşyaların qaytarılmadığını vurğulayıb.
Aprelin 18-də Nərimanov Rayon İcra Hakimiyyətindən “Media forum”a bildirilib ki, quruma Azər Əsgərovun vəkili müraciət edib: “Müraciətlərə hüquq və təsərrüfat şöbələrindən cavab verilib. Əgər məktublar hansısa səbəbdən ünvanına çatmayıbsa, aidiyyəti şəxs onların surətini icra hakimiyyətindən əldə edə bilər”.
İcra hakimiyyətindən Azər Əsgərovun mülkündə aparılmış araşdırma haqda “Media forum”a bunu deyiblər: “Fövqəladə Hallar Nazirliyinin ekspert araşdırması hələ davam edir. İşlər başa çatandan sonra Azər Əsgərovun əmlakı qanunvericiliyin tələblərinə uyğun dəyərləndiriləcək, onun adına bank hesabı açılacaq, pul köçürüləcək. Məbləğdən razı qalacaq, ya yox, bu, sonrakı prosesdir. Vətəndaşın bundan sonra məhkəmə orqanlarına və digər aidiyyəti təşkilatlara müraciət etmək hüququ var”.
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!