Nida.az
“Arif Hacılı Müsavatın başqanı olacaq” - Müsahibə
Bütöv Azərbaycan Xalq Cəbhəsi Partiyasının (BAXCP) sədr müavini Niyaməddin Orduxanlı Publika.Az-a müsahibəsi
- Hazırda ölkədəki ictimai-siyasi vəziyyəti necə
dəyərləndirirsiniz?
- Bu gün ölkədə ictimai-siyasi vəziyyət stabil şəkildə müşahidə edilir. 2013-cü ilin prezident seçkilərindən sonra demək olar ki, bir o qədər də fəallıq yoxdur. Rusiyanın layihəsində yer alan siyasi qüvvələr də növbəti dəfə məğlubiyyətlərini qəbul etmiş oldular. Artıq qarşılıqlı ittihamlar da dayandırılıb və daha çox qonşu Rusiya ilə Ukraynada baş verən hadisələr müşahidə edilməkdədir. Bütün baş verən bu hadisələr Qərbin və Avropa Birliyinin Ukraynaya ciddi dəstək verməməsi ilə bağlıdır. Qərbin Ukraynaya gətirdiyi inqilab faktiki ölkəni ən axır vəziyyətlə üzləşdirib. Ukrayna parçalanıb. Demək olar ki, hər gün mülki vətəndaşlar qətlə yetirilir. Azərbaycan ictimaiyyəti Ukraynada baş verən hadisələrdən nəticə çıxarmağa başlayıb. Yəni, Qərb “demokratik ənənələrinə, insan hüquq və azadlıqlarına deyil”, özünün iqtisadi maraqlarına xidmət edir.
- BAXCP bu il keçiriləcək bələdiyyə seçkilərinə hazırlıq
istiqamətində hansı işləri görür?
- BAXCP bu il keçiriləcək bələdiyyə seçkilərinə bir neçə ay bundan
əvvəl start verib. Partiyanın 56 rayon şöbəsində bununla bağlı
işlər görür, BAXCP-nin təşkilat üzrə katibliyi müvafiq işlər həyata
keçirir. Yaxın zamanlarda BAXCP-nin Ali Məclisinin iclası nəzərdə
tutulub. Bu iclas həm ənənəvi iclas olmaqla yanaşı, həm də
bələdiyyə seçkilərində iştirakımızın imkanlarını səfərbər etməkdir.
Çalışacağıq ki, əksər dairələrdən BAXCP-nin namizədi seçkidə
iştirak etsin. Ali Məclisin iclasında namizədlərimizin müəyyən
edilməsi və digər vacib işlər həyata keçirilməsi ilə bağlı rayon
şöbə rəhbərləri ilə müzakirələr aparılacaq. Bizim bir partiya
olaraq bələdiyyə seçkilərində iştirak etmək təcrübəmiz var. Son
bələdiyyə seçkilərində BAXCP üçüncü yeri tutub. Bu səfər
çalışacağıq ki, bundan da böyük nailiyyət əldə edək. Bizim
potensialımız buna imkan verir.
- Uzun müddət bələdiyyə təcrübəsi olan biri kimi yenidən seçki mübarizəsinə qoşulmağı düşünürsünüzmü?
- Bəli, mən həm də uzun müddətdir ki, bələdiyyə kimi fəaliyyət
göstərirəm. 1999-cu ildə 21 yaşımda bələdiyyə seçilmişəm.
Azərbaycanda indiyə qədər 3 dəfə bələdiyyə seçkiləri keçirilib və
hər dəfə də namizəd olub qalib gəlmişəm. Hətta bələdiyyə sədrinin
müavini vəzifəsinə qədər irəliləmişəm. Sədr müavini də seçki yolu
ilə həyata keçirilir. Əgər bu dəfə də partiyanın sədri Qüdrət
Həsənquliyev növbəti, dördüncü dəfə bələdiyyə seçkilərində
iştirakımı məqsədə uyğun hesab etsə, yenə də namizəd olacam.
Hazırda 37 yaşın içindəyəm və 15 illik bələdiyyə təcrübəm var.
Digər bir məqamı da qeyd edim ki, 4 ildir “Bələdiyyələrin
İnkişafına Yardım” İctimai Birliyinin sədriyəm. Vətəndaş cəmiyyəti
sektorunda da fəal iştirak edirəm. Hər il Azərbaycan
Respublikasının Prezidenti yanında QHT-lərə Dövlət Dəstəyi
Şurasının dəstəyi ilə layihələr həyata keçirirəm. Hazırda Şuranın
dəstəklədiyi layihə ilə bağlı işlər həyata keçiririk.
- Bu arada Milli Şurada yaşanan növbəti qalmaqal və
istefaları necə dəyərləndirərdiniz?
- Milli Şura qalıb ki? 2013-cü ildə Rusiyanın layihəsi olan və
birbaşa Rüstəm İbrahimbəyov üçün yaradılan “Milli Şura” çoxdan
dağılıb. Rusiya prezidenti Vladimir Putin Bakı səfərindən
qayıdandan sonra bu qurum dağıldı. İsa Qəmbər, Rəsul Quliyev, Lalə
Şövkət, Əli Kərimli və digərlərini Rüstəm İbrahimbəyovla Eldar
Namazov aldadıb bu quruma gətirmişdilər ki, Rusiya tezliklə
Azərbaycanda inqilab edəcək və bu adamlar da vəzifə sahibi
olacaqlar. Məhz buna inanıb bir araya gəlmişdilər. Sonradan
gördülər ki, yox, sadəcə, bu adamlardan Azərbaycan iqtidarına qarşı
təzyiq edilməsi üçün növbəti dəfə səmərəli istifadə etdilər. Ondan
sonra hamısı istefa verib, qurumu tərk etdi. İndi yalnız adını
özündə yaşadan “Milli Şura” “Əli Kərimli Şurasıdır”. Baxın, görün
orda Əli Kərimli ilə Cəmil Həsənlidən başqa kim var? Sonuncu istefa
verən isə Mirmahmud ağa oldu.
- Bir müddət əvvəl qurultay keçirmək üçün ciddi cəhdlər
göstərən Müsavat Partiyası yenidən bu məsələni sanki arxa plana
atıb. Bunu nə ilə əlaqələndirərdiniz?
- Düşünmürəm ki, Müsavat Partiyası qurultayını arxa plana keçirib. Artıq mətbuatdan da hiss olunur ki, Arif Hacılı qurultay keçirmək niyyətini gizlətmir. Məncə, tezliklə Müsavat qurultayını keçirəcək və Arif Hacılı başqan olacaq. Bu yaxınlarda mer də bunlara qurultay üçün yer ayıracağını deyib. Hamı da bilir ki, indiyə qədər qurultayın keçirilməməsi İsa Qəmbərə görədir. İnanmıram ki, Arif Hacılı yenə İsa Qəmbərə güzəşt etsin. Artıq İsa Qəmbərin limiti bitib. İstəsə belə başqanlıqda qala bilməyəcək. İsa Qəmbər Müsavat Partiyasının tarixinə məğlub başqan kimi düşəcək.
Asif Nərimanlı
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək