Nida.az
Türk şirkətlərinin Ermənistan “macəraları”- Siyahı
Azərbaycan torpaqlarını işğal etdiyi üçün Ermənistanla sərhədləri bağlayan Türkiyə hökuməti İrəvanla heç bir münasibətdə olmasa da, türk şirkətlərinin bu ölkə ilə ticarət əlaqələri zaman-zaman gündəmə gəlib. Təxminən 4 il öncədən ortaya çıxan bir sıra faktlar bu gün yenidən gündəmdədir.
Publika.Az mövzunun aktuallığını nəzərə alaraq Ermənistanda
fəaliyyət göstərən türk şirkətləri ilə bağlı araşdırma aparıb.
BEKO şirkətinin Ermənistanda firmalarını açmaqla kifayətlənməyib Azərbaycanın işğal edilmiş torpaqlarında da eyni fəaliyyəti aparması artıq sirr deyil. Bu şirkətin reklam afişalarının Xankəndi küçələrindəki görüntüləri də yayılıb. Hazırda şirkətin təkcə İrəvanda 4 xidmət mərkəzi, 12 mağaza şəbəkəsi var. Onların bir neçəsi bu ünvanlarda yerləşir: Sebastian 81/1, ofisi Leninqradyan 23/1, mağazaları Leninqradyan 23/1, Maştots 7, David Anaxt 8, Arqavand-Parakar şosesi, Sebastia 81/1.
Bununla yanaşı, şirkətin 2011-ci ildə Xankəndində yeni satış
mərkəzi fəaliyyətə başlayıb. Mərkəz Stepanakert, Azatamartikneri
küçəsi, 15 ünvanında yerləşir.
Lakin türk şirkətlərinin Ermənistan “macəraları” Beko ilə
məhdudlaşmır.
Apardığımız araşdırmadan məlum olur ki, Ermənistanın elektrik enerjisini istehsal etmək üçün 10-a qədər türk şirkəti hələ bir neçə il öncədən sıraya durub. Onların başında gələn və ən məşhuru türkiyəli biznesmen Ünal Aysala aid UNİT-dir. O, həm də Türkiyənin məşhur futbol klubu Qalatasarayın başqanıdır.
Ü.Aysan UNİT-i 1974-cü ildə yaradıb. Əsasən sənaye sahəsində
çalışan şirkət 1984-cü ildən etibarən elektrik istehsalını da
üstələyib. Türk mediası onun əslən erməni olduğunu və İrəvanda
gizli ticarət əlaqələrinə malik olduğunu iddia edir.
“TURKEL Fair Organization” şirkəti: 1993-cü
ildə yaradılan şirkətin dünyanın bir çox ölkələrində filialları
fəaliyyət göstərir. 2009-ci ilə qədər bu ölkələrin siyahısına
Ermənistan da daxil oldu. Belə ki, şirkət Ermənistanın “Logos Expo
Center” şirkəti ilə 10 illik saziş imzaladı. Saziş olduqca
maraqlıdır. “TURKEL” şirkəti rəsmən “Logos Expo Center” şirkətini
Türkiyədə layiqincə təmsil edəcək və gələcəkdə erməni şirkətinin
İrəvanda təşkil edəcəyi sərgi salonlarında digər türk şirkətlərinin
iştirakını təmin edəcək” - deyə sazişdə bildirilir.
Şirkət 2010-cu ildə İrəvanda keçirilən sərgidə 300 kvadratmetr
ərazini öz mallarını sərgiləmək üçün kirayəyə götürmüşdü. Erməni
mediası şirkətin 800 kvadratmetr istədiyini yazır, lakin, sonradan
bu rəqəm 300 oldu.
Bu aradan qeyd edək ki, Ermənistanın “Logos Expo Center” şirkətinin
Türkiyənin “TUYAP” şirkəti ilə də əlaqələri var.
“Demirçi” Makina Sənaye Limitedi: Xankəndində
tikilən hava limanı üçün bir sıra avadanlıqları məhz bu şirkət
təchiz edib. 1988-ci ildə Ankarada yaradılıb. Hazırda əməkdaşlıq
etdiyi ölkələr içində Ermənistanın da adı var.
“Nurol Makina və Sənaye” şirkəti: Bu, Türkiyədə
hərbi maşınqayırma ilə məşğul olan özəl şirkətdir. Şirkətin “Ejder”
adlı zirehli avtomobillərini Ermənistana da ixrac etdiyi haqda
məlumatlar var. Hələ 2009-cu ildə şirkətin marketinq bölməsinin
rəhbəri Tanju Toran “Ejder”in təqdimatı zamanı Ermənistandan da
sifarişlər aldıqlarının açıqlamışdı.
Və bu günlərdə “Vestel”in erməni dilində reklam
çarxı yayıldı. Şirkətin özü də Ermənistanda fəaliyyət göstərdiyini
təkzib etməyib.
Bu şirkətlərin istehsal etdiyi məhsulları Ermənistan bazarına
çıxarılırsa, deməli, faktiki olaraq İrəvanın nəzarətində olan
Dağlıq Qarabağda da onlardan istifadə edilir. Bu isə qardaş Türkiyə
şirkətlərinin Azərbaycana arxadan vurduğu zərbədir.
Türkiyə-Ermənistan əlaqələri iki ölkə arasında reallaşan aviareyslərdə də özünü göstərir. Türkiyə KİV-nin məlumatına görə, həftədə 4 uçuş edən bu reyslərin sərnişinlərinin əsas hissəsi Laləli-İrəvan arasında ticarət aparan, Türkiyəyə iş üçün üz tutan və turist kimi gedən ermənilərdir.
Erməni və türk mediasının məlumatlarından:
“Türk şirkətləri Ermənistanda və Dağlıq Qarabağa məktəb ləvazimatları, xüsusilə üzərində şirkətin loqosu olan çantaların da ixracını həyata keçirir”.
“Son illər Ermənistan turizm sahəsində, bəzi sənaye
yatırımlarında, inşaatda, zinət əşyalarının satışında və
telekommunikasiya sektorundakı inkişafa görə, Türkiyəyə borcludur.
Hətta, Ermənistan iqtisadiyyatının 1/3 hissəsini “pis qonşu”
adlandırdıqları Türkiyə şirkətlərinin yatırımları təşkil edir.
Ermənistan bazarındakı məişət əşyalarının çoxu isə, xüsusilə
tekstil malları bütünlüklə Türkiyədən ixrac
olunur”.
Ermənistanın Milli Statistika Xidmətinin yaydığı məlumata görə, iki ölkə arasında ticarət dövriyyəsi 300-400 milyon dollar həcmindədir. İki il əvvəl bu rəqəm 250 milyonu keçmirdisə, hazırda göründüyü kimi kifayət qədər irəliləyib.
Beləliklə, Türkiyə Azərbaycana görə Ermənistanla sərhədi bağlı
saxlasa da, bu ölkə ilə ticarət etməkdə özünə “korluq” vermir.
Türkiyədə “Türk-Erməni İş Şurası”nın fəaliyyət
göstərməsi isə bunun bariz nümunəsidir. Bu şura 1997-ci ildə
eks-prezidentlər Süleyman Dəmirəllə Levon-Ter
Petrosyanın Qara Dəniz İqtisadi işbirliyi çərçivəsində
əldə etdikləri razılaşma ilə yaradılıb. Şuranın Türkiyə tərəfindən
həmsədri erməni əsilli türk vətəndaşı Kaan Soyak,
Ermənistan tərəfindən isə Arsen Yegizaryandır.
Kaan Soyakın bir müddət öncə şura ilə bağlı açıqlamasında
maraqlı bir məqam var idi. O, “Üzvlərimiz özlərinin və
şirkətlərinin adlarının hallanmasını istəmir. Çünki Azərbaycan
onları dərhal “qara siyahıya” daxil edir. Amma onu deyə bilərəm ki,
böyük sayda dəstəkçimiz var, İstanbul və Anadoludakı iş şurası və
iş insanları da bizə dəstək verir. Demək olar ki, hər sektordan
üzvlərimiz var” deyə o, bildirmişdi.
Asif Nərimanlı
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü