Nida.az
Yusif Bağırzadə: “AMİP olaraq hökumətin yanındayıq”- Müsahibə
Azərbaycan Milli İstiqlal Partiyasının (AMİP) sədri Yusif
Bağırzadənin Publika.Az-a müsahibəsi
- Avrasiya İqtisadi İttifaqı və Avropa Birliyi. AMİP
Azərbaycanın bunlar arasındakı seçimi ilə bağlı nə
düşür?
- Hesab edirik ki, bu gün Azərbaycanın torpaqlarının azad
olunmasında hansı tərəf daha fəal olacaqsa, onun yanında olmalıyıq.
Lakin burda bir nüansı gözdən qaçırmamalıyıq. Biz torpaqlarımızı
işğal edən Ermənistanla eyni ittifaqda ola bilmərik, hansı ki,
rəsmi İrəvan Avrasiya İqtisadi İttifaqına daxil olmaq istiqamətində
çalışır.
Digər tərəfdən biz MDB-nin üzvüyük, hesab edirəm ki, artıq bu
qurum öz fəaliyyətini dayandırmış kimidir. Biz GUAM-ın da üzvüyük
ki, bu qurumdakı ölkələr-Ukrayna, Gürcüstan, Moldova üzünü Avropaya
tərəf tutub. Deməli biz də öz seçimimizi Avropa ilə etməliyik. Bu
gün Azərbaycan Avropa İttifaqının “Şərq Tərəfdaşlığı” proqramında
aktiv iştirakçıdır. Enerji resurslarımızı Qərbə sataraq
iqtisadiyyatımızı formalaşdırırıq. Türkmən qazını, daha sonra
sanksiyaların azadlığı İran qazını da bu layihəyə qoşa bilsək o
zaman daha sərfəli olar.
Bunların fonunda Azərbaycanın heç bir birliyə qoşulmamaq yolunu
seçdiyini görürük. Belə olduğu təqdirdə ən yaxşı birlik Türkiyə,
Azərbaycan və Gürcüstanın birliyidir. Lakin bu birlik çərçivəsində
də yol Avropaya olmalıdır. Hesab edirəm ki, 2014-cü ilin sonuna
kimi Azərbaycan kimi yanında olduğunu açıqlamalıdır.
- Sizcə bu, böyük dövlətlərin üzərimizə gəlməsinə səbəb
olmayacaq?
- Təbii ki, Azərbaycan öz seçimini edərkən hansısa tərəflə
münasibətləri korlamamalıdır. Biz həm Avropa, həm də Rusiya ilə
eyni münasibətləri saxlamalıyıq. Belə bir vəziyyətdə bizdən uzaq,
yaxud bizə yaxın ölkələrlə münasibətləri korlaya bilmərik. Amma
vəziyyəti öz xeyrimə dəyişməliyik. Çünki torpaqların azad olunması
üçün unikal bir vəziyyət yaranıb.
- Bu, necə bir vəziyyətdir və belə vəziyyətdə Azərbaycan
hansı addımı atmalıdır?
- Bu yaxınlarda Ukrayna məsələsi ilə bağlı Almaniya və Rusiya
xarici işlər nazirləri görüşdü. Orda iştirak edən Polşanın xarici
işlər naziri açıqladı ki, onlar Ukraynanın ərazi bütövlüyünü və
separatçılara qarşı keçirilən anti-terror əməliyyatlarının
dəstəkləyir. Ukraynanın bu əməliyyatlarına bəyanatlarla haqq
qazandırılır, amma Azərbaycanın əlində 4 BMT qətnaməsi var və bu
bizə Dağlıq Qarabağın ətrafındakı Azərbaycan torpaqlarında
anti-terror əməliyyatları başlamağa imkan verir. Hesab edirəm ki,
bu əməliyyatlar tezliklə başlanmalıdır.
- Necə hesab edirsiniz, bu məsələlərdə müxalifət iqtidarın
yanında olmalıdır, yoxsa hansısa beynəlxalq gücün?
- Müxalifətin dövlətin yanında olmalıdır. Bütün məqsədlər də
torpaqlarımızın azad olunması istiqamətində birləşməlidir. Hesab
edirəm ki, Bakı tərəflərə torpaqların azad olunması məsələsi
baxımından yanaşacaq və bu doğru yanaşmadır. Xalq da, iqtidarlı,
müxalifətli, hər kəs birgə olmalıdır. Biz də AMİP olaraq hökumətin
yanındayıq.
- Amma bəzi müxalif partiyalar səhv, yaxud düz olmasından
asılı olmayaraq iqtidarın seçdiyi yolun əksinə gedir.
- Bu səhv və radikal yanaşmadır. Biz belə fikirlərdən uzağıq. AMİP
bir çox beynəlxalq təşkilatların iclaslarında iştirak edir. Biz hər
zaman Azərbaycanın mövqeyini müdafiə edir, ərazi problemimizi dilə
gətiririk. Misal üçün Avropa Xalq Partiyasında AMİP hakim YAP-la
birgə təmsil olunur. Bu qurumda biz eyni məqsəddən eyni hədəfə
doğru çıxış edirik.
- Siz Azərbaycanın ağrılı problemlərini beynəlxalq
təşkilatlarda qaldırdığınızı deyirsiniz. Amma bir sıra müxalif
partiyalar ancaq daxili problemlərdən danışırlar.
- Bu onların öz daxili işidir. Bizim yolumuz, məqsədimiz başqadır.
Hesab edirəm ki, hökumətin də siyasi təşkilatlara baxışı
dəyişməlidir. Ənənəvi olaraq müxalifət kimi qəbul edilən partiyalar
var ki, beynəlxalq təşkilatlarda xalqına, dövlətinə müxalifətçilik
edirlər. Bu baxımdan hökumət də öz baxıcını müxalifətə
dəyişməlidir.
AMİP isə bacardığı qədər Azərbaycanın mövqeyini müdafiə edir.
- Son vaxtlar müxalifətdəki passivliyi nə ilə
əlaqələndirərsiniz?
- Bütün dövlətlərdə belədir ki, siyasi aktivlik seçki öncəsi daha
çox olur. Azərbaycanda da eyni durumdur. Amma müxalifətdə passivlik
əvvəldən də var idi və bu göz önündədir.
Bunu AMİP ilə bağlı demək olmaz. Bizim qərargahımız var və daim
aktiv formada fəaliyyətimizi qururuq. Bələdiyyə seçkilərinə də
qatılmaq fikrimiz var.
Asif Nərimanlı
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ