Nida.az
AXCP və REAL toqquşdu: Sərkisyana qarşı “siçan əməliyyatı?”
AXCP sədri Əli Kərimli Fairmont otelində ATƏT PA-da iştirak edən avropalı nümayəndələrlə onun görüşünə maneələr yaradıldığını iddia edib.
Bu məsələ cəbhəçilərlə REAL hərəkatının üzvləri arasında yeni qarşıdurmaya səbəb olub. Sosial şəbəkələrdə geniş müzakirə edilən məsələ ətrafında tərəflər bir-birinə ağır ittihamlar səsləndiriblər.
Publika.az xəbər verir ki, REAL-ın icraçı katibi Natiq Cəfərli “facebook” səhifəsində yazıb ki, Ə. Kərimliyə olan maneələri qınayır, lakin o, diqqəti digər məsələyə çəkib: “Dünəndən bəri AXCP üzvlərinin yazılarını, fikirlərini, “Azadlıq” qəzetinin manşetini izləyərkən görürəm ki, əsas arqument kimi, “niyə həmin oteldə ermənilər görüş keçirə bilər, Əli bəy yox” tezisi səsləndirilir. Bu nə “akifnağılizimdir” axı? Belə ritorika ilə Qarabağ məsələsini həll etmək olmaz! Qarabağda yaşayan erməni əhalisi bizim vətəndaşdırlar, azərbaycanlıdırlar, çünki azərbaycanlı – vətəndaşlıq tanımıdır. Ermənistan isə bizim qonşu dövlətdir, nə onlar bu coğrafiyadan Marsa köçəcək, nə biz Yupiterə gedəcəyik. Sivil dünyada belə “akifnağılizim” qəbul olunmur, normal qarşılanmır, müxalifət bunu anlamalıdır. Bizlər hakimiyyətə tək müxalif deyil də, həm də alternativ olmalıyıq! Biz anlamalıyıq ki, torpaqlarımızı mütləq qaytaracağıq, bunun üçün isə əsas məsələ ölkəmizdə normal, sivil, demokratik dövlətin qurulmasıdır!”.
Daha sonra o qeyd edib ki, heç kim ona vətənpərvərlik dərsi keçməsin: “Kimsə girib mənə vətənpərvərlik dərsi keçməyə çalışmasın, 94-96-ci illərdə, 2 il 7 ay könüllü olaraq Azərbaycan Milli Ordusunda xidmət etmişəm, özü də, Türkiyədə təhsildən imtina edib orduya getmişəm”.
N. Cəfərlinin bu fikirləri cəbhəçiləri yerindən oynadıb.
Əli Kərimlinin müşaviri Əbülfəz Qurbanlı REAL rəsmisinə cavab
olaraq bildirib ki, siyasətçi olan dünən dediyi sözü unutmamalıdır:
“N. Cəfərli 27 fevralda Sarkisyanı və Köçəryanı siçan dərmanı ilə
öldürtmək istəyən Erkin bəyi belə dəstəkləmişdi ki, Erkinin tək
səhvi odur ki, onun yazdıqlarını demirlər, sakitcə edirlər: “Ona
qarşı fikir yazanlar özlərini liberal, demokrat, özgür
adlandıranlardır, Qərbə, ABŞ-a müsbət baxanlardır. ABŞ Ben Ladeni
həbs edib, mühakimə edə bilməzdi bəyəm? Amma etmədi, bilərəkdən
məhv etdi. İsrail Münhendən sonra, ya da lap əvvəl, 2-ci Dünya
müharibəsində yəhudilərin öldürülməsində iştirak edənləri həbs
edib, mühakimə edə bilməzdi? Bilərdi, amma, məhv etdi onları, özü
də dünyanın müxtəlif ölkələrində. Erkinin yazdıqlarına etiraz
edənlərin əksəriyyəti yəhudiləri dünyanın ən ağıllı milləti, ABŞ-ı
dünyanın demokratik dövləti sayanlardır. Bax belə bir təzad. Belə
getsə, əleyhinə yazanlar Köçəryanların, Sarkisyanların hüquqlarının
müdafiə komitəsi-zadı yaradacaqlar. Siyasətçi olduğuna iddia edən
adam gərək ardıcıl olsun, dünənki mövqeyini bu gün unutmasın.
Başqasına irad tutmamış da fikirləşsin ki, mənim buna haqqım varmı?
Bunu yazsam, mənə nə cavab verərlər?”
Daha sonra o, N. Cəfərliyə “Erkin bəyi, bəlkə, ona görə istefaya
göndərmisiniz ki, sizin ermənilərə qarşı siçan əməliyyatınızı ifşa
edib” deyə ironiya ilə müraciət edib.
Qeyd edək ki, N. Cəfərli sosial şəbəkələrdə cəbhəçilər
tərəfindən xeyli tənqid olunub.
Asif
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO