Nida.az
Azərbaycan AŞPA-ya etiraz etdi: “Bu, Ermənistanın maraqlarına xidmət edir”
Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü Elxan Süleymanov AŞPA-nın iyun sessiyasında baş verən ikili standartlarla bağlı bu qurumun prezidenti Ann Brössora və büro üzvlərinə, Avropa Şurasının Baş Katibi Tyorbörn Yaqlanda və AŞPA-nın Baş Katibi Voytsex Savitskiyə müraciət edib.
Publika.az xəbər verir ki, müraciətdə E.Süleymanov 14 üzv dövləti təmsil edən 58 parlamentarinin imzaladığı və Azərbaycan ərazilərini işğal altında saxladığına görə Ermənistana sanksiyaların tətbiq edilməsini tələb edən qətnamə layihəsinə Sədarət Komitəsi katibliyinin son dəqiqə prosedura etiraz bildirməsinə sərt reaksiya verib.
E.Süleymanov müraciətdə qeyd edib ki, qətnamə layihəsi daha əvvəl rəsmi çap edilmişdi və beləliklə, qaydalara tam müvafiq idi. V.Savitskinin sanksiyalar tələb etməyən qətnamə layihəsini müvafiq şəkildə yenidən yazmağı təklif etdiyini bildirən E.Süleymanov bildirib ki, o tələb edilən qısa vaxtda yeni qətnamə layihəsi irəli sürməyə müvəffəq olub.
E.Süleymanov müraciətdə onu da qeyd edib ki, onun qətnamə layihəsindən bir neçə saat sonra irəli sürülmüş “Dağlıq Qarabağ münaqişəsi” adlı qətnamə layihəsi açıq-aydın Ermənistanın maraqlarına xidmət edir: “Çünki burada Ermənistan tərəfindən işğal edilmiş Azərbaycan ərazilərinin vəziyyəti işıqlandırılmır. Bu isə bir daha onu deməyə əsas verir ki, beynəlxalq təşkilatlar və ermənilər Ermənistan tərəfindən hərbi işğal altında saxlanılan Dağlıq Qarabağ ətrafındakı yeddi Azərbaycan rayonunu müzakirə etməkdən çəkinirlər”.
AŞPA-dakı həmkarlarına müraciət edən E.Süleymanov bildirib ki, Azərbaycanın işğal olunan ərazilərində etnik təmizləmə siyasəti həyata keçirmiş, 1 milyon mülki əhalini qaçqın və məcburi köçkünə çevirmiş Ermənistana qarşı beynəlxalq təşkilatların, o cümlədən AŞPA-nın sanksiyalar tətbiq etməməsi, əksinə, onu öz çətiri altına alaraq sanksiyalardan sığortalaması işğalçı dövlət olan Ermənistanı Azərbaycana qarşı yeni cinayətlər törətməyə həvəsləndirir.
E.Süleymanov müraciətdə ümidvar olduğunu bildirib ki, düzgünlük,
ləyaqət və obyektivliyi müdafiə edən bütün üzvlər Dağlıq Qarabağ
daxil olmaqla, Azərbaycan Respublikası ərazisinin beşdə birini 23
il müddətində Ermənistan tərəfindən işğal altında saxlanılması
faktını diqqətdən kənarda qoymayacaqlar.
Asif
-
İdman17:06
"Qarabağ"ı yıxan futbolçu İstanbul nəhənginin hədəfində
-
Sosial16:36
Güclü külək əsəcək, çaylardan sel keçəcək - XƏBƏRDARLIQ
-
Magazin116:11
Zülfiyyə Aşıq Tellini biabır etdi: “Restoranda yeyir, sonra da...”
-
Sağlamlıq15:41
Marketlərdə satılan bu yuyucu tozlar XƏRÇƏNG YARADIR
-
Nida Xəbər 15:11
Təsdiqləndi: Bu şəxslərin MAAŞI ARTIRILDI - MƏBLƏĞLƏR
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO