Nida.az
Rus mediası: “Moskva anladı ki, Azərbaycan Gürcüstan olmayacaq”
Dünən Bakıda keçirilən Azərbaycan-Rusiya Hökumətlərarası
İqtisadi Əməkdaşlıq Komissiyasının iclası Qərbin Moskvaya qarşı
sanksiyaları fonunda diqqətçəkəndir.
Publika.az xəbər verir ki, Rusiya mediası
Moskvanın Bakının timsalında özünə dəstək tapdığını yazır.
İclasda səslənən bəyanatlar də müəyyən əsaslar yaradır. Belə ki,
Azərbaycan Baş nazirinin müavini Yaqub Eyyubov bildirib ki, Qərbin
Rusiyaya qarşı sanksiyaları heç bir nəticə verməyəcək.
“Rusiya elə ölkə deyil ki, onunla sanksiya dilində danışmaq
mümkün olsun. Yeni sanksiyalar Rusiyanı sındıra bilməyəcək, əksinə,
onu möhkəmləndirəcək. Biz Avropa İttifaqı, ABŞ və Rusiya arasında
yaranmış situasiyanı başa düşürük. Heç kim Rusiyanı sındıra bilməz,
o, heç vaxt diz çökməyəcək, əksinə, sanksiyalar onu daha da
möhkəmləndirəcək”, - deyə Eyyubov bildirib.
Ardınca Rusiya baş nazirinin müavini Dmirti Roqozin çıxış edir və
eyni sərt tonlar onun da çıxışında sezilir.
“Qərbin Rusiyaya qarşı sanksiyaları Rusiya və Azərbaycanı daha
yaxın dost etdi. 2013-cü ildə dünya bazarındakı nəticələrə
baxmayaraq, bizim ölkələrimiz arasında əmtəə dövriyyəsi 3,6 milyard
olub. Bu, 2012-ci ilə nisbətən 5 faiz çoxdur. Bu, iki ölkənin
yaxınlığını göstərir. Bu gün sınaq vaxtıdır. Siyasi hadisələr
Rusiya Federasiyasının iqtisadiyyatını narahat edir. Əslində, bütün
bunlar Rusiya və Azərbaycanı daha da yaxınlaşdırır. Bu gün
Azərbaycan məhsulu Rusiya bazarlarına çıxır, həmçinin
iqtisadiyyatın müxtəlif sahələrində ortaq müəssisələrin
yaradılmasının vaxtıdır”, - deyə Roqozin qeyd edib.
“Bu çağırışlar Bakı ilə Moskvanın yaxınlaşdığını göstərir. Buna
qədər də münasibətlər daim yüksək səviyyədə saxlanırdı. Lakin Bakı
daima Qərblə münasibətlərinə də önəm verir. Güman ki, bundan sonra
da eyni situasiya davam edəcək. Lakin Moskva bir daha anladı ki,
Azərbaycan Gürcüstan olmayacaq və bu çətin vaxtda arxadan zərbə
vurmayacaq”, - deyə rus mediası görüşü belə şərh edir.
Azərbaycan və Rusiya arasında ticarət dövriyyəsinin yüksək
templərlə artdığını qeyd edən Şimal mediası Bakının Qərblə məsafə
saxlamasına səbəb kimi, ikilistandart siyasətini də nümunə
çəkir.
Hansı ki, bu günə qədər Qarabağ münaqişəsində Qərb lazımi
dəstəyi verməyib. Rusiya isə Ermənistanla münasibətləri fonunda
Azərbaycanla da əlaqələri saxlayır və daim münaqişənin nizama
salınması istiqamətində çalışır. Bu həm də Moskvanın özünə
əhəmiyyətli olan regionun sabitliyi üçün də vacibdir.
Asif Nərimanlı
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK