Nida.az
“Məni ora iqtidar göndərməmişdi” – Partiya sədrindən şok açıqlamalar
Vəhdət Partiyasının sədri Tahir Kərimlinin Publika.az-a müsahibəsi
- Uzun zamandan bəri ilk dəfə müxalifətin tədbirinə
qatıldınız. Siz tənqid etdiniz, sizi də tənqid etdilər. Nə dərəcədə
haqlı idilər?
- Ora müxalifət və iqtidaryönümlü partiyalar dəvət olunmuşdu. Biz
müzakirə etdik və tədbirdə iştirak etmək qərarını verdik. Orada da
sözümüzü dedik. Çünki bəzən elə fikirlər olur ki, guya biz kiminsə
arxasınca danışırıq, yaxud konkret müxalifətin arxasınca danışırıq,
sözümüzü üzlərinə demirik. Bizi tanıyanlar bilir ki, həmişə
sözümüzü müxalifətin üzünə demişik. Müxalifətdə olanda da, sonra
da. İndi də gedib üzlərinə tənqid etdik.
Mən çıxış edəndə əvvəl etirazlar oldu. Amma sonra məntiqimizi başa
düşdülər. Biz açıq dedik ki, siz 1995-2000-2005-ci illərdə özünüz
iqtidarla separat danışıqlara getmisiniz. İndi də guya iqtidarı
qəbul etmirsiniz, bəyənmirsiniz. Xarici səfirliklərə, xarici
dövlətlərə şikayət edirsiniz. Halbuki, bunu həll edən bir ünvan
var, o da Azərbaycan hakimiyyətidir. Gizlincə iş görüncə, açıq
edin. Heç kim də sizi qınamaz. Gedin hakimiyyətlə əlaqələr qurun,
Qarabağdan tutmuş, insan haqları ilə bağlı dərdinizi onlara deyin.
Hər şeyi onlar həll edir.
- Sizin fikirləri qəbul etdilərmi, yoxsa?...
- Mən bildirdim ki, gücünüz yoxdur, sosial bazanı itirmişiniz,
iqtidarsa hədsiz güclüdür. Problemlərimizi həll edən yeganə ünvan
da odur. Gedin danışın, üçü qəbul etməz, üçü qəbul edər. Xalq da,
iqtidar da görər ki, onlara qərəzli münasibət bəsləmirsiniz. Onlar
da sizə hörmət edər, problemlərin həllinə kömək edər. Yoxsa xarici
dövlətlərə şikayət edəndə iqtidar buna düşmənçilik kimi qəbul edir,
nəticədə insanlar əziyyət çəkir.
Sonda zalın çoxu bununla razılaşdı. Dialoqa getməyin lazım olduğu
haqda fikirlər səsləndi. Amma bu istiqamətdə hərəkətə keçmək
lazımdır.
- Deyirlər ki, guya sizi ora iqtidar
göndərib...
- Bu doğru deyil. Məni ora iqtidar göndərməyib, bu, mümkün olan şey
deyil. İqtidar deməz ki, mən səni ora göndərməmişəm? Mən iqtidarın
adından danışmıram, Vəhdət Partiyasının adından danışıram. Haqlı
olaraq tənqid etmişəm, üzlərinə demişəm ki, siz hakimiyyətə
gəlsəniz də, sabitlik yarada bilməzsiniz. Ona görə də
bəyanatlarınızda bu məsələyə toxunmursunuz. Ən yaxşı halda,
Azərbaycanda Ukrayna, ən pis halda isə İraq, Suriya nümunəsi
gətirəcəklər. Gücləri yoxdur, hakimiyyətə gəlmək imkanları tükənib.
Heç olmasa, dialoqa gedin, mütəxəssislərinizdən hakimiyyət də bu
ölkə üçün istifadə etsin... Onlar yumşalmaqla cəmiyyətdə yerlərini
də möhkəmlədə bilərlər.
- Maraqlıdır ki, siz o vaxt müxalifətdə idiniz, sonradan
siyasi kursu dəyişdiniz. Səbəb nə idi?
- Bunu tədbirdə İsa Qəmbər də soruşdu. İzah etdim ki, biz
hakimiyyətə qarşı yumşalmaq qərarını verəndə 2006-2007-ci illər
idi. Həmin vaxt ölkədə elə bir siyasi partiya qalmamışdı ki,
hakimiyyətlə separat danışıqlara getməsin. Biz nə etməli idik?
1995-ci il seçkilərində mənim namizəd olduğum dairədə iki iqtidar
namizəd var idisə, 11-i müxalifətdən idi. Heç biri güzəştə
getmirdi. İndi də bir-birinizi qırırsınız. Biz haqqı deyirik, istər
iqtidara, istər müxalifətə. Müxalifət 20 ildir uduzur, amma
ambisiyalarından əl çəkə bilmir. Deyirlər ki, xalqımız müdrikdir.
Onda ya siz qeyri-səmimisiniz, bu xalq müdrik deyil. Ya da
müdrikdirsə, deməli, sizi qəbul etmir. Daha nə istəyirsiniz?..
Əslində biz mövqe dəyişdirməmişik, sadəcə, mövqeyimizi
dəqiqləşdirmişik. O vaxt anladıq ki, müxalifət imitasiya ilə, xalqı
aldatmaqla məşğuldur. Biz səhv etməmişik. Cəmiyyətə dialoq, sivil
mübarizə lazımdır. Həm də reallığa uyğun olaraq praqmatik siyasət
aparmaq lazımdır.
- Bəzən sizi ittiham edirlər ki, kursu dəyişmək üçün
iqtidardan pul alırsınız.
- Gəlin etiraf edək ki, müxalifət liderlərinin hamısının balaları
xaricdə oxuyur, hamısı yaxşı yaşayır. Mənim balalarım hələ də
işsizdir, özümüz ağır vəziyyətdəyik. Qərargahımız pis gündədir.
Ofisdə damın suvağı başıma tökülür. Əgər pul alsaydım belə olmazdı.
Utanmaq lazımdır.
Bunu deyənin vicdanı olsun. Belə çıxır ki, onların dediyini
demiriksə, iqtidardan pul alırıq? Ayıbdır axı. AXCP parlamentə
düşəndə yumşalır, düşməyəndə radikallaşır, olur qəhrəman. Eləcə də
digərləri. Deməli, onlar hakimiyyətə qarşı yumşaq olanda biz də
olmalıyıq, olmayanda biz də onlar kimi etməliyik. Bizim öz
mövqeyimiz var, biz bu oyunları yaxşı bilirik. Mən başa düşmürəm,
əgər Azərbaycan Suriyaya, İraqa dönsə, insanlar şəhid olsa, Bakı
dağılsa, xeyir qazanacaqlar? Hansı qabağa durub nəsə edəcək?
Hansısa qüvvə çıxsın, özləri elan etdiklərini siyasəti yürütsünlər,
biz də baxıb ona görə hərəkət edək. Yoxsa yalnız danışmaqla iş
bitmir. Vaxtilə YAP iqtidar olanda, biz hakimiyyətdə idik. Onlar da
bizi qeyri-demokratik olmaqda tənqid edirdilər. Dedilər, gəldilər
və dediklərini etdilər... İndi də müxalifət tənqid edir. Mən buna
qarşı deyiləm, bəzi məsələlərdə haqlıdırlar. Amma camaata nə sənin
tənqidin lazımdır, nə mənim. Əsas odur ki, sən nəyi dəyişə
bilirsən. Vaxtilə mən məhkəmə hakimiyyətində işləyəndə prezidentdən
tutmuş hamısı məni işdən çıxarmaq üçün gecə-gündüz əlləşirdilər. O
vaxt mən rüşvət almamışdım, oğurluq etməmişdim. Guya, mən Ayaza
(Mütəllibov – red.) işləyirdim. Adamın vicdanı olar. Bunlar da
vicdansızlıq edirlər. Mən ona görə də internetdə aktiv deyiləm,
“Facebook”a girmirəm. O tədbirdə çıxışımın da 10 faizini verdilər,
90 faizini yox. Hər şeyi konteksdən çıxarırlar. İndi də 10 faizə
görə məni ittiham edirlər.
Asif Nərimanlı
-
Magazin112:31
Hüseyn Həsənov Rəşad Dağlının oğluna görün nə hədiyyə etdi - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın